Tag: اسرائیلی فورسز

اسرائیلی فورسز کی جنین میں وحشیانہ کارروائیوں کے بعد نابلس اور رام اللہ پر بھی حملہ کردیا جس کے نتیجے میں 4 فلسطینی شہید ہوگئے۔

غیر ملکی میڈیا رپورٹ کے مطابق اسرائیلی فورسز کی جنین میں وحشیانہ کارروائیوں کے بعد مقبوضہ مغربی کنارے کے شہر نابلس اور راملہ پر حملہ کردیا جہاں فورسز کی جارحیت سے چار فلسطینی شہید ہو گئے۔

قابض اسرائیلی فورسز نے 2  افراد حمزہ مقبول اور خیری شاہین کو نابلس میں گھر کا محاصرہ کر کے شہید کیا جبکہ عبدالجواد کو سفاعت کیمپ کے قریب غیر قانونی اسرائیلی چوکیوں کے خلاف احتجاج کے دوران گولی ماری۔

مقبوضہ بیت المقدس کے مشرق میں قائم ابو دیس قصبے کے پہاڑی کیمپ کے قریب بھی قابض فوج نے ببمباری کی۔

فلسطین کے علاقے جنین میں جنونی صیہونی فوج کا آپریشن ختم ہونے کے بعد جہاں ہر سو تباہی کے مناظر وہیں جنازے بھی اٹھے۔ کوئی اپنے گھر کی تباہی کو دیکھ کر پریشان ہے تو کوئی اپنے پیاروں کے شہید ہونے پر غمزدہ ہے۔

آپریشن ختم ہونے کے بعد میتیں گھروں سے نکلیں تو ہر آنکھ اشک بار تھی، شہداء کے جنازوں میں ہزاروں افراد شریک ہوئے۔ اس موقع پر صیہونی مخالف نعروں سے فضا گونج اٹھی ، شہداء کو اجتماعی قبر میں سپردِ خاک کرنے کے بعد فلسطینیوں نے احتجاج کیا

اسرائیلی فوج نے ریاستی دہشتگردی کے تازہ واقعے میں 17 سالہ فلسطینی نوجوان کو گولی مار کر شہید کر دیا۔

اسرائیلی فوج کی معصوم اور نہتے فلسطینیوں کے خلاف ظلم و بربریت کا نہ رکنے والا سلسلہ جاری ہے، پناہ گزین کیمپ پر آپریشن کی آڑ میں 17 سالہ جبرائیل محمد کی شہید کر دیا۔

خبر رساں ایجنسی کے مطابق قابض اسرائیلی فورسز نے فلسطینی نوجوان کے سر میں گولی ماری، اسرائیلی فوج کی فائرنگ سے 6 افراد زخمی بھی ہوئے جس میں 3 فلسطینیوں کی حالت تشویشناک ہے۔

خبر رساں ایجنسی کے مطابق رواں سال اسرائیل کی پُر تشدد کارروائیوں میں اب تک ایک سو ایک فلسطینی شہید ہو چکے ہیں۔

غزہ : صیہونی فورسز نے رمضان میں آبادیوں پر بم برسادیے، جس سے متعدد عمارتوں کو نقصان پہنچا اور اسپتالوں میں ایمرجنسی لگا دی گئی۔

تفصیلات کے مطابق اسرائیل بدترین جارحیت پر اتر آیا ، مقبوضہ بیت المقدس میں اسرائیل کے فلسطینیوں پر حملوں کی مسلسل تیسری رات گزری۔

اسرائیلی فورسز نے رات گئے غزہ اور لبنان پر فضائی حملے کیے ، اس دوران صور میں مہاجر کیمپ پر راکٹ برسائے اور غزہ دھماکوں سے گونجتا رہا۔

غزہ کی پٹی پراسرائیلی جنگی طیاروں نے آبادی کونشانہ بنایا، ، جس سے متعدد عمارتوں کو نقصان پہنچا، جس کے بعد اسپتالوں میں ایمرجنسی لگا دی گئی۔

اسرائیلی فورسز نے غزہ پر فضائی حملوں کیساتھ لبنان پر بھی حملہ کردیا، لبنانی میڈیا کے مطابق جنوبی شہر طائر میں تین زور دار دھماکے سنے گئے، دو شیل فلطسینی پناہ گزینوں کے کیمپ پاس گرے اور ایک میزائل فارم ہاؤس پر داغا گیا۔

حملے میں ابھی تک کسی جانی نقصان کی اطلاع موصول نہیں ہوئی، ترجمان اسرائیلی فورسز نے حملے میں حماس کے ٹھکانوں کو نشانہ بنانے کا دعویٰ کیا ہے جبکہ اسرائیلی وزیراعظم کا کہنا ہے کہ ایسے حملے کرتے رہیں گے۔

یاد رہے صیہونی فورسز نے گزشتہ دو دن سے مسجد اقصی کو میدان جنگ بنا رکھا تھا، فورسز نے عبادت میں مصروف فلسطینیوں پر بہیمانہ تشدد کیا اور پانچ سو سے ز یادہ فلسطینیوں کو حراست میں لے لیا جبکہ چالیس سال سے کم عمر افراد کو مسجد میں داخل ہونے سے بھی روک دیا۔

اقوام متحدہ کی امن فوج نے جنوبی لبنان کی صورتحال انتہائی سنگین قرار دیا ہے ، دوسری جانب سلامتی کونسل کا ہنگامی اجلاس بے نتیجہ رہا، مذمتی بیان تک جاری نہیں کیا گیا کیونکہ امریکا نے سلامتی کونسل کواسرائیل کے خلاف مذمتی اعلامیہ جاری کرنے سے روک دیا۔

یروشلم : اسرائیلی فورسز نے مسلسل دوسرے روز بھی مسجد اقصی پر حملہ کردیا اور نمازیوں پر تشدد کیا ، جس کے نتیجے میں 6 فلسطینی زخمی ہوگئے۔

تفصیلات کے مطابق صیہونی فورسز باز نہ آئی اور دوسرے دن بھی مسجدِ اقصیٰ پر دھاوا بول دیا، قابض فوج دروازہ توڑ کر مسجد میں داخل ہوئی اور عبادت کرنے والے نمازیوں پراسٹن گرنیڈ فائر کیے اور ربڑ کی گولیاں برسا دیں۔

فلسطینی حکام کا کہنا ہے کہ اس دوران قابض فورسز کے تشدد سے چھ افراد زخمی ہوئے جبکہ مقامی ذرائع نے بتایا کہ قابض فوج اور پولیس نے مسجد القبلی کا محاصرہ کر کے وہاں پر نمازیوں کو داخلے سے روک دیا۔

گذشتہ روز بھی صیہونی فوج نے مسجدِ اقصیٰ میں نمازیوں پر حملہ کر کے اسے میدان جنگ بنادیا تھا، اسرائیلی فورسز نے عبادت میں مصروف لوگوں کو بہیمانہ تشدد کا نشانہ بنایا، جس کے نتیجے میں خواتین اور بچوں سمیت متعدد فلسطینی زخمی ہوئے جبکہ تین سو سے زائد افراد کو حراست میں لیا گیا تھا۔

فلسطینی اتھارٹی کے سربراہ محمود عباس کے ترجمان کا کہنا تھا مسجد اقصیٰ پرحملہ سُرخ لکیرعبورکرنے کی کوشش ہے، ایسا کرکےصیہونی فوج خانہ جنگی کودعوت دے رہی ہے جبکہ سعودی عرب ، مصر اور اردن نے مسجد اقصی پر حملے کی مذمت کرتے ہوئے اسے ناقابلِ قبول قرار دیا۔

اسرائیلی فورسز نے رمضان کے پہلے دن جمعرات کو مقبوضہ مغربی کنارے میں چھاپے کے دوران ایک 25 سالہ فلسطینی نوجوان کو شہید کر دیا۔

روئٹرز نیوز ایجنسی کے مطابق فائرنگ کے متعدد واقعات میں ملوث ہونے کے شبہ میں اسرائیلی فورسز نے  ایک فلسطینی کو  گرفتار کرنے کے لیے خفیہ یونٹ کی مدد سے چھاپہ مارا گیا تھا۔

فلسطینی وزارت صحت نے بتایا کہ 25 سالہ امیر ابو خدیجہ کو چھاپے کے بعد تلکرم شہر میں سر میں گولی ماری گئی۔

اسرائیلی فورسز نے مزید 4 فلسطینیوں کو شہید کر دیا

اسرائیل فورس کے مقابلے کے لیے فلسطین میں تشکیل دیئے نئے گروپ طولکرم بریگیڈ نے امیر ابو خدیجہ کی موت کو ‘قتل’ قرار دیتے ہوئے بتایا ہے کہ ابو خدیجہ  گروپ کے بانیوں میں سے تھے۔

خیال رہے کہ اتوار کے روز، اسرائیلی اور فلسطینی حکام نے شرم الشیخ کے ریزورٹ میں امریکی، مصری اور اردنی وفود کی ایک میٹنگ میں تشدد کو کم کرنے کے عزم کا اظہار کیا تھا۔

اس کے باوجود اسرائیل کے زیر قبضہ مغربی کنارے میں حالیہ مہینوں میں تصادم میں اضافہ دیکھنے میں آیا ہے۔

گذشتہ ایک سال کے دوران اسرائیلی فورسز نے مغربی کنارے میں 250 سے زائد فلسطینیوں کو شہید کیا ہے جن میں جنگجو اور عام شہری بھی شامل ہیں۔