اتل ابیب : اسرائیلی وزیراعظم نتن یاہو نے باضباطہ جنگ بندی کا اعلان کرتے ہوئے کہا ایران کےخلاف جنگ کے تمام اہداف حاصل کرلئے۔
تفصیلات کے مطابق ایران کے بعد اسرائیلی وزیراعظم نتن یاہو نے باضباطہ جنگ بندی کا اعلان کردیا۔
اسرائیلی وزیراعظم نے کہا کہ ایران کیخلاف جنگ کے تمام اہداف حاصل کرلئے گئے ہیں، سفارتی اور سیکیورٹی سطح پر ایران کے ساتھ مکمل جنگ بندی کے معاہدے تک پہنچا گیا ہے، یہ معاہدہ بتدریج نافذ العمل ہو گا جس سے بارہ روزہ جنگ کا خاتمہ کرے گا۔
نیتن یاہو نے واضح کیا اسرائیل اپنے تحفظ کیلئے کہیں بھی اور کسی بھی وقت کارروائی کی آزادی کو برقرار رکھے۔
اس سے قبل اسرائیلی حکومت کی جانب سے بیان میں کہا گیا کہ امریکا کی جانب سے جنگ بندی کےمعاہدے پر اتفاق کرلیا، امریکی صدر ڈونلڈ ٹرمپ کا شکریہ ادا کرتے ہیں،امریکی صدر کی دو طرفہ جنگ بندی کی تجویز سےاتفاق کیا ہے۔
اسرائیلی حکومت نے دفاعی تعاون اورایرانی جوہری تنصیبات ختم کرنے پر بھی امریکا کا شکریہ ادا کیا۔
مزید پڑھیں : ایران اور اسرائیل میں جنگ بندی کا باقاعدہ آغاز ہوگیا، ٹرمپ
یاد رہے صدر ٹرمپ نے ایران اور اسرائیل میں جنگ بندی کا اعلان کرتے ہوئے کہا تھا کہ اسرائیل اور ایران میرے پاس آئے دونوں نے امن کی بات کی،یہ وقت امن قائم کرنے کا ہے، جنگ بندی شروع ہوچکی، دونوں ممالک خلاف ورزی نہ کریں۔
جس کے بعد ایران نے جنگ بندی پر عمل درآمد شروع کیا، ایرانی سرکاری میڈیا کا کہنا تھا کہ اسرائیل بارہ گھنٹے بعد جنگ بندی کا آغاز کرے گا اور چوبیس گھنٹے مکمل ہونے پر دنیا بھر میں بارہ روزہ جنگ کا مستقل خاتمہ ہوجائے گا۔
امریکی صدر ڈونلڈ ٹرمپ نے دعویٰ کیا تھا اسرائیل اور ایران تقریباً ایک ہی وقت میں ان کے پاس آئے اور کہا ہم امن چاہتے ہیں، دنیا اور مشرق وسطیٰ فاتح ہیں،ایران اور اسرائیل کا مستقبل لامحدود ہے،دونوں کو بہت خوشحالی ملے گی، اگر یہ درست راستے سے ہٹ گئے تو بہت کچھ کھوئیں گے، خدا آپ دونوں کو اپنی حفظ و امان میں رکھے۔
