Tag: اسرائیلی وزیراعظم نیتن یاہو

  • امریکی صدر کا پہلی مرتبہ فلسطینی صدر کو فون

    امریکی صدر کا پہلی مرتبہ فلسطینی صدر کو فون

    واشنگٹن : امریکی صدر جو بائیڈن نے فلسطین کے صدر محمود عباس اور اسرائیلی وزیراعظم نیتن یاہو سے ٹیلی فون پر بات چیت کی اور دونوں رہنماؤں پر زور دیا ہے کہ وہ علاقے میں انسانی امداد کی ترسیل کی اجازت دیں انہوں نے شہریوں کے تحفظ کی کوششوں کے لیے اپنی حمایت کی یقین دہانی کرائی ہے۔

    خبر رساں ادارے ایسوسی ایٹڈ پریس کے مطابق وائٹ ہاؤس سے جاری بیان کے مطابق صدر محمود عباس نے جو بائیڈن کو فلسطینی عوام بالخصوص غزہ کے شہریوں کے لیے امداد پہنچانے کی کوششوں سے آگاہ کیا۔فلسطینی رہنما نے صدر بائیڈن کو بتایا کہ وہ غزہ سے فلسطینیوں کی نقل مکانی کو مکمل طور پر مسترد کرتے ہیں۔

    صدر بائیڈن نے محمود عباس سے بات چیت میں ایک مرتبہ پھر اپنا موقف دہرایا کہ حماس فلسطینی عوام کے وقار اور خود ارادیت کے حق کی ترجمانی نہیں کرتا۔ نیتن یاہو سے بات چیت میں صدر بائیڈن نے اسرائیل کے لیے غیرمتزلزل امریکی حمایت کا اعادہ کیا۔

    صدر بائیڈن نے شہریوں کو خوراک، پانی اور طبی امداد کی رسائی کے لیے علاقائی کوششوں کے حوالے سے نیتن یاہو کو آگاہ کیا۔ واضح رہے کہ صدر جو بائیدن حماس کے حملے کے بعد سے نیتن یاہو کے ساتھ متعدد بار بات کر چکے ہیں لیکن صدر محمود عباس کے ساتھ یہ پہلا رابطہ ہے۔

    یاد رہے کہ اکتوبر کو اسرائیل پر کیے جانے والے حماس کے حیران کن حملوں کے بعد یورپی ممالک سمیت امریکا نے اسرائیل کی کھل کر حمایت کرتے ہوئے بحری بیڑہ بھی روانہ کردیا تاہم دوسری جانب امریکی صدر جوبائیڈن نے فلسطین کے صدر محمود عباس کو فون کرکے شہریوں کے تحفظ کیلئے اقدامات اٹھانے پر زور دیا۔

  • اسرائیلی وزیراعظم نیتن یاہو کا عام انتخابات میں کامیابی کا دعویٰ

    اسرائیلی وزیراعظم نیتن یاہو کا عام انتخابات میں کامیابی کا دعویٰ

    اسرائیل: اسرائیلی وزیراعظم نیتن یاہونے عام انتخابات میں کامیابی کا دعویٰ کیا ہے۔

    اسرائیل میں ایک سو بیس رکنی پارلیمانی انتخابات کے لیے ووٹنگ مکمل ہوگئی تاہم انتخابات کے نتائج کا اعلان ابتک نہیں ہوا، حکمراں جماعت لیکود پارٹی کے سربراہ اور صیہونی وزیر اعظم نیتن یاہو نے کامیابی کا دعویٰ کیا ہے۔

    انکا کہنا ہے کہ انکی جماعت نے واضح اکثریت حاصل کر لی ہے۔

    بیشتر ووٹوں کی گنتی کے بعد اسرائیلی پارلیمان کی کل 120 نشستوں میں سے لیکود نے 30 جبکہ صیہونی یونین نے 24 نشستیں حاصل کی ہیں۔

    خبر رساں ادارے کے مطابق اگر نتن یاہو ایک بار پھر کامیاب ہو کر چوتھی مرتبہ حکومت بنانے میں کامیاب ہو گئے تو وہ اب تک اسرائیل کے سب سے طویل عرصے تک حکومت کرنے والے وزیرِ اعظم بن جائیں گے۔

    خیال رہے کہ اسرائیل میں انتخابات میں کبھی بھی کسی ایک جماعت کو واضح کامیابی حاصل نہیں ہوئی ہے۔