Tag: اسرائیلی وزیراعظم

غزہ : اسرائیلی وزیراعظم نیتن یاہو کا بھتیجا یائرنیتن یاہو بھی حماس سے جھڑپ میں ہلاک ہوگیا، نیتن یاہو کا بھتیجا اسرائیلی فوج کی اسنائپر یونٹ کا سربراہ تھا۔

تفصیلات کے مطابق اسرائیلی وزیرِ اعظم نتین یاہو کا بھتیجا یائر نتین یاہو غزہ میں حماس کے ہاتھوں ہلاک ہو گیا۔

اسرائیلی وزیرِ اعظم کا بھتیجا غزہ میں القسام بریگیڈ کے حملے میں ہلاک ہوا، بیس سالہ یائر نتین یاہو اسرائیلی فوج میں کپتان تھا۔

خبر رساں ایجنسی کے مطابق یائر نیتن یاہو غزہ میں ‘ڈیپ انفلٹریشن سنائپر یونٹ’ کا سربراہ تھا ، جو ‘ڈینجیرس اسنائپر’ کے نام سے جانا جاتا تھا۔

دوسری جانب حماس کے جانباز مزاحمت کاروں کی جانب سے منہ توڑجوابی حملوں نے دشمن کے قدم اُکھاڑ دیے ہیں ، اسرائیل کی پیش قدمی روکنے کے لئے شدید مزاحمت جاری ہے۔

حماس نے ٹینکوں، بکتربند گاڑیوں اور اسرائیل کی ملٹری تنصیبات تباہ کردیں جبکہ حماس نے ٹینکوں ،بکتر بندگاڑیوں اور دیگر اسرائیلی ملٹری تنصیبات کو نشانہ بنائے جانے کی ویڈیو جاری کردی۔۔

حماس کمانڈوزکےحملوں میں اب تک ایک سودس اسرائیلی ٹینک اور فوجی گاڑیاں تباہ ہوچکی ہیں۔

ترجمان حماس ابوعبیدہ نے اسرائیلی وزیراعظم کومخاطب کرکےکہا تم یہ سوچ کربےوقوف نہ بنوکہ خوفناک قتل عام کرکےہمیں کمزورکردوگے، ہمارا درد تمہارےچہرےکےخوف سے ظاہرہوگا۔

یروشلم : اسرائیلی وزیراعظم نیتن یاہو نے حزب اللہ کو دھمکی دی ہے کہ کسی بھی غلطی کی ایسی قیمت چکانی پڑے گی جس کا سوچ بھی نہیں سکتے۔

تفصیلات کے مطابق حزب اللہ کے سربراہ حسن نصراللہ کے بیان پراسرائیلی وزیراعظم نیتن یاہو کی ڈھٹائی برقرار ہے، نیتن یاہو نے سیکرٹری جنرل حسن نصر اللہ کے بیان کے جواب میں کہا کہ کسی بھی غلطی کی گنجائش نہیں ہے ، غلطی کی تو ایسی قیمت چکانی پڑے گی جس کا سوچ بھی نہیں سکتے۔

دوسری جانب وائٹ ہاؤس کا کہنا ہے کہ حزب اللہ کو اسرائیل اور حماس کے درمیان جنگ کا غلط فائدہ اٹھانے کی کوشش نہیں کرنی چاہیے، امریکہ اس تنازع کو لبنان تک پھیلا ہوا نہیں دیکھنا چاہتا۔

یاد رہے گذشتہ روز حزب اللہ کے سربراہ حسن نصراللہ نے خطاب میں اسرائیل کو خبردار کیا تھا کہ اگر اس نے لبنان پر حملہ کیا تو وہ سب سے بڑی حماقت کا مرتکب ہو گا، اسرائیل نے ہماری شہری آبادی نشانہ بنائی تو ان کے شہروں پر بم برساتے ہوئے نہیں ہچکچائیں گے۔

حسن نصراللہ کا کہنا تھا کہ حزب اللہ 8اکتوبر سے اسرائیل کےخلاف جنگ کاحصہ ہے، ہم ڈرنے والے نہیں، حماس کا حملہ اسرائیل کے لئے عسکری اور سیکیورٹی اعتبار سے زلزلہ تھا، مٹھی بھر سرفروشوں نے ثابت کردیا اسرائیل کا وجود مکڑی کے جالے سے بھی کمزور ہے۔

انھوں نے کہا تھا کہ عرب ملک اسرائیل کو تیل ،خوراک، اور ایندھن کی سپلائی بند کرکے سفارتی تعلقات ختم کریں، کیا مسلم ملک اتنے کمزور ہیں کہ امداد کا ایک ٹرک غزہ نہیں پہنچا سکتے۔

واشنگٹن: امریکی صدر ڈونلڈ ٹرمپ نے کہا ہے کہ امریکا کا اسرائیل کی جانب سے جاسوسی پر یقین کرنا مشکل ہے، اسرائیل کے ساتھ مضبوط تعلقات ہیں نہیں سمجھتے کہ اسرائیل نے ہماری جاسوسی کی تھی۔

غیرملکی خبررساں ادارے کے مطابق وائٹ ہاؤس کے قریب سے جاسوسی آلات برآمد ہونے کا انکشاف ہوا ہے، جاسوسی آلات صدر ٹرمپ کی رہائش گاہ سمیت حساس مقامات کے قریب سے ملے تھے۔

اسرائیل کی جانب سے بھی تردید کرتے ہوئے کہا گیا ہے کہ ہم نے امریکی صدر ٹرمپ کے دفتر کی جاسوسی نہیں کی، اسرائیل پر جاسوسی سے متعلق خبر بے بنیاد ہے۔

اسرائیلی وزیراعظم نیتن یاہو نے جاسوسی کی خبر کی تردید کرتے ہوئے کہا ہے کہ یہ ’بالکل جھوٹ ہے۔‘

اسرائیلی وزیراعظم آفس سے جاری ہونے والے بیان کے مطابق اسرائیلی حکومت کی پالیسی کے مطابق امریکا کے اندر کسی قسم کی جاسوسی کارروائی نہیں کی جائے گی۔

مزید پڑھیں: وائٹ ہاﺅس اور واشنگٹن کے کچھ حساس مقامات سے اسرائیلی جاسوسی آلات برآمد

واضح رہے کہ اسٹنگ ریز موبائل سے کسی کی موجودگی کے مقام، شناخت کی معلومات فراہم کرتے ہیں، یہی وجہ ہے کہ جاسوسی کے لیے استعمال کیے جانے والا آلہ اسٹنگ ریز موبائل کا ممکنہ طور پر مقصد ٹرمپ کی جاسوسی کرنا تھا۔

سابق امریکی اہلکار کی جانب سے بیان سامنے آیا تھا کہ جاسوسی آلات کے پیچھے اسرائیل کا ہاتھ ہوسکتا ہے، ان کا کہنا تھا کہ یہ معلوم نہیں کہ ایسا کرنے والے اپنے مقصد میں کامیاب ہوئے ہیں یا نہیں۔

سابق اہلکار کا کہنات ھا کہ امریکی صدر کی انتظامیہ پر تنقید بھی کی کہ انہوں نے کھلے عام اور نہ ہی اندرونی طور پر اسرائیلی حکومت سے اس کے بارے میں بات کی، میں کسی احتسابی کارروائی کے بارے میں لاعلم ہوں۔

یاد رہے کہ اسرائیل ماضی میں امریکا کی جاسوسی کرچکا ہے، 1980 کی دہائی میں ایک موساد ایجنٹ نے امریکی تجزیہ کار جوناتھن پولارڈ کے ذریعے ہزاروں خفیہ دستاویزات اسرائیل تک پہنچائی تھیں۔