اسرائیلی وزیر خارجہ کیٹز نے کہا ہے کہ حماس غزہ کی آبادی کو انسانی ڈھال کے طور پر استعمال کررہا ہے۔
غیر ملکی ذرائع ابلاغ کے مطابق اسرائیلی قیادت کے وارنٹ جاری ہونے سے اسرائیلی فوجیوں کو نقصان پہنچے گا، اپنے دفاع سے روکنا کھلے عام اسرائیل کی تباہی کا مطالبہ ہے۔
اسرائیلی وزیر خارجہ کیٹز کا کہنا تھا کہ حماس غزہ کی آبادی کو انسانی ڈھال کے طور پر استعمال کررہا ہے۔
واضح رہے کہ عالمی عدالت انصاف کی جانب سے اسرائیلی آرمی چیف، وزیراعظم اور وزیر دفاع کے وارنٹ گرفتاری جاری ہونے کا امکان ظاہر کیا جارہا ہے۔
اسرائیلی میڈیا کا کہنا ہے کہ اسرائیلی حکومت کو اعلیٰ قانونی عہدیداروں کی طرف سے وارنٹ گرفتاری جاری ہونے کے اشارے ملے ہیں۔
اسرائیلی اخبار کی جانب سے یہ دعویٰ کیا گیا ہے کہ وارنٹ گرفتاری کی اطلاعات پر اسرائیلی وزیر اعظم خوفزدہ اور غیر معمولی دباؤ کا شکار ہیں۔
برطانیہ میں پناہ گزینوں کیخلاف بڑے آپریشن کی تیاریاں
میڈیا رپورٹ کے مطابق عالمی عدالت انصاف میں غزہ اور مغربی کنارے میں اسرائیلی کارروائیوں کی تحقیقات ہورہی ہیں، جس پر کارروائی ہوسکتی ہے۔
