Tag: اسرائیل شام

تل ابیب: شام میں فوجی تنصیبات کو نشانہ بنانے کا اسرائیلی دعویٰ سامنے آیا ہے، اس سلسلے میں ایک ویڈیو بھی جاری کی گئی ہے۔

تفصیلات کے مطابق اسرائیل نے دعویٰ کیا ہے کہ شام میں فوجی تنصیبات کو نشانہ بنایا گیا ہے، اسرائیلی فوج نے حملے کی ویڈیو جاری کی ہے، اور بیان میں کہا ہے کہ اسرائیل نے شام کے حملوں کے جواب میں کارروائی کی۔

الجزیرہ کے مطابق پیر کی صبح اسرائیلی ملٹری نے ایک بیان میں کہا کہ اسرائیلی لڑاکا طیاروں نے شام میں راکٹ لانچرز کو نشانہ بنایا اور لبنان میں حزب اللہ کے ٹھکانوں کو ہدف بنایا، یہ حملے اسرائیلی علاقے میں راکٹ داغنے کے جواب میں کیے گئے ہیں۔ غیر ملکی خبر رساں ایجنسی کے مطابق حالیہ کشیدگی کے دوران لبنان سے اسرائیلی سرحد پر 84 حملے کیے گئے، اور جوابی کارروائی میں حزب اللہ کے 46 مجاہدین شہید ہوئے۔

تل ابیب سے آنے والی پرواز میں کوئی اسرائیلی تو نہیں، داغستان ایئرپورٹ پر ہجوم کا دھاوا

ادھر عرب میڈیا نے خبر دی ہے کہ حزب اللہ نے بھی جنوبی لبنان میں اسرائیلی ڈرون مار گرانے کا دعویٰ کر دیا ہے، اسرائیلی ڈرون پر زمین سے فضا میں مار کرنے والا میزائل داغا گیا تھا، لبنانی تنظیم حزب اللہ کے مطابق میزائل لگنے کے بعد ڈرون اسرائیلی سرحد کے پار گرا۔

בתגובה לשיגורים: צה״ל תקף את המשגרים מהם בוצעו השיגורים משטח סוריה

מטוס קרב של צה״ל תקף לפני זמן קצר את המשגרים מהם בוצעו השיגורים משטח סוריה לעבר שטח ישראל אמש pic.twitter.com/IBJ3So7vq0

— צבא ההגנה לישראל (@idfonline) October 29, 2023

واضح رہے کہ صہیونی فورسز کی بربریت پر دنیا بھی چیخ اٹھی ہے، اور اسرائیل سے غزہ میں کیا جانے والا قتل عام روکنے کا مطالبہ کیا جا رہا ہے، لیکن سفاکی کی انتہا ہے کہ فلسطینی بچے صہیونی فوج کا خاص نشانہ ہیں، غزہ کی گلیوں میں ننھی کلیوں کی لاشوں کے انبار لگے ہیں۔