Tag: اسرائیل کی حمایت

نیویارک: اسرائیل کے حق میں ایک ٹوئٹ نے اسرائیلی نژاد اداکارہ گال گیڈٹ کو مشکل میں ڈال دیا ہے، ٹوئٹ کے بعد انھیں تنقید کا سامنا ہے۔

تفصیلات کے مطابق ایک طرف جہاں فلسطینی شہریوں پر بم باری کے خلاف شوبز کی معروف شخصیات مذمت کا اظہار کر رہی ہیں، وہاں ہالی ووڈ کی ونڈر وومن اداکارہ نے اسرائیل کے حق میں ایک ٹوئٹ کر دیا ہے، جس پر ان پر شدید تنقید ہونے لگی ہے۔

اسرائیلی نژاد امریکی یہودی اداکارہ گال گیڈٹ نے ٹوئٹ میں 7 مئی سے جاری حالات کے تناظر میں لکھا کہ میرا دل رو رہا ہے، میرا ملک حالتِ جنگ میں ہے، میں اپنے اہل خانہ اور دوستوں کے لیے پریشان ہوں، میں اپنے لوگوں کے لیے پریشان ہوں۔

💔 pic.twitter.com/cLgDdn70No

— Gal Gadot (@GalGadot) May 12, 2021

فلم ’ونڈر وومن 1984‘ کی ادکارہ نے لکھا برائی کا یہ سلسلہ طویل عرصے سے جاری ہے، اسرائیل کو بھی آزاد اور محفوظ قوم کی حیثیت سے جینے کا حق ہے، ہمارے پڑوسیوں کو بھی یہی حق ہے، میں متاثرین اور ان کے اہلخ انہ کے لیے دعا گو ہوں۔

اسرائیلی حملے میں 6 ماہ کے بچے کے علاوہ خاندان کے سبھی افراد شہید

گال گیڈٹ نے مزید لکھا میں اس ناقابل تصور دشمنی کے خاتمے کی دعا کرتی ہوں، دعا کرتی ہوں کہ ہمارے رہنماؤں کو اس مسئلے کا حل مل جائے تاکہ ہم امن کے ساتھ ایک دوسرے کے ساتھ رہ سکیں، میں اچھے دنوں کے لیے دعا گو ہوں۔

We are not your neighbors!
This is our land, you took it back by force and kicked us, and put us in a cage and removed our rights.
You were backed by Billions of USDs while we had nothing
You ARE NOT OUR NEIGHBORS.
YOU DO NOT BELONG HERE.
YOU STARTED IT.
Also, your acting sucks. https://t.co/4IPvdCYqlX

— نور العيون – Nour Al-Oyoun (@NourGhonem) May 12, 2021

ہالی ووڈ اداکارہ کو اس ٹوئٹ کے بعد سوشل میڈیا پر شدید تنقید کا سامنا ہے، صارفین کا کہنا تھا کہ وہ ظالموں کی حمایت کر رہی ہیں، ایک صارف نے لکھا کہ آپ امن کی بات نہ کریں جب کہ آپ نے ماضی میں اسرائیلی دفاعی فورسز میں خدمات انجام دی ہیں، وہ فورسز جنھوں نے گلیوں میں پر امن طریقے سے چلنے والے بچوں اور بڑوں کو قتل کیا، ایک اور صارف نے لکھا یہ کہنے کی جرات نہ کریں کہ ہم پڑوسی ہیں کہ آپ آئی ڈی ایف کا حصہ رہی ہیں۔

Don’t you dare talk about peace when you have served in the IDF, the same forces that have killed children and elders who have been walking peacefully in the streets. https://t.co/ED89AqqnPP

— sya (@seyabaa) May 12, 2021

جینٹرٹ نامی صارف نے لکھا کیا آپ نے کبھی خواتین پر حملوں، مردوں اور بچوں کی ہلاکتوں کی ویڈیوز دیکھی ہیں، آپ لوگوں کے لیے دعا نہیں کر سکتیں جب آپ خود ان میں شامل ہوں جنھوں نے ایسے اقدامات کا آغاز کیا ہو۔

Has she even seen the videos of the women being assaulted, men and children dead. You can’t pray for people if you are the ones that initiated the hostile acts towards them. People should be celebrating eid soon, not worrying if they’ll die or not. #PrayForPalestine https://t.co/dxAncCTRRN

— Gentrit Krasniqi (@GentritKrasni16) May 12, 2021

نورالعیون نے لکھا ہم پڑوسی نہیں ہیں، یہ ہماری سرزمین ہے، آپ نے اسے طاقت سے حاصل کیا، ہمیں نکال دیا، پنجرے میں قید کر دیا اور ہمارے حقوق چھین لیے، آپ کی حمایت اربوں امریکی ڈالرز نے کی جب کہ ہمارے پاس کچھ نہیں تھا۔

واضح رہے کہ گال گیڈٹ کو اسرائیلی ڈیفنس فورسز کے ساتھ ماضی میں وابستہ رہنے پر تنازع کا سامنا رہا ہے۔