ARYNews.tv | Urdu – Har Lamha Bakhabar

Tag: اسرائیل کی وحشیانہ بمباری

  • ’’اسرائیل کی وحشیانہ بمباری سے 14 ہزار فلسطینی بچے مارے جاچکے‘‘

    ’’اسرائیل کی وحشیانہ بمباری سے 14 ہزار فلسطینی بچے مارے جاچکے‘‘

    یو این سیکریٹری جنرل نے کہا ہے کہ اسرائیل کی وحشیانہ بمباری سے 14 ہزار کے قریب فلسطینی بچے مارے جاچکے ہیں۔

    تفصیلات کے مطابق یو این سیکریٹری جنرل انتونیو گوتریس نے کہا ہے کہ اسرائیل مغربی کنارے پر فلسطینی آبادی کو تحفظ فراہم کرے، اسرائیل کی وحشیانہ بمباری سے 14 ہزار کے قریب فلسطینی بچے جاں بحق ہوچکے ہیں۔

    انتونیوگوتریس نے کہا کہ اسرائیل غزہ میں خوراک اور دیگرسامان کی فراہمی کیلئے محفوظ راستے کھولے، غزہ میں دشمنی کے خاتمے سے پورے خطے میں کشیدگی کم ہوگی۔

    یواین سیکریٹری جنرل کا مزید کہنا تھا کہ انسانی بنیادوں پر فوری جنگ بندی کی جائے اور یرغمالیوں کو رہا کیا جائے۔

    انتونیوگوتریس نے کہا کہ اسرائیلی بمباری میں یواین کے 250 امدادی کارکنوں کی ہلاکت کی بھی تحقیقات کی جائیں۔

  • اسرائیل کی وحشیانہ بمباری، غزہ کی گلیوں میں لاشوں کے انبار، شہیدوں کی تعداد 2000 کے قریب پہنچ گئی

    اسرائیل کی وحشیانہ بمباری، غزہ کی گلیوں میں لاشوں کے انبار، شہیدوں کی تعداد 2000 کے قریب پہنچ گئی

    غزہ : اسرائیل کی جانب سے غزہ پر وحشیانہ بمباری سے شہید فلسطینیوں کی تعداد 2000 کے قریب پہنچ گئی اور 8 ہزار سے زائد زخمی ہیں۔

    تفصیلات کے مطابق اسرائیلی فورسز کی غزہ میں آٹھویں روز بھی بمباری جاری ہے ، غزہ کے شمالی علاقوں کو خالی کرانے کیلئے صیہونی فورسز نے بم برسائے، جس میں مزید ستر افراد شہید ہوئے۔

    گزشتہ چوبیس گھنٹے میں شہید ہونے والے فلسطینیوں کی تعداد دو سو چھپن ہوگئی اور آٹھ روز میں شہدا کی تعداد دو ہزار کے قریب پہنچ گئی جبکہ آٹھ ہزار چھ سو فلسطینی زخمی ہیں۔

    زخمی فلسطینیوں سے اسپتال بھرے ہیں ، پیرامیڈیکل اسٹاف زمین پر مریضوں کا علاج کر رہے ہیں جبکہ شہدا اور زخمیوں کو اٹھاتے اٹھاتے ایمبولنس والا رو پڑا۔

    غزہ کی گلیوں میں لاشوں کے انبار لگے ہوئے ہیں اور پیارے اپنے جگر کے گوشوں کی آہوں اور سسکیوں میں تدفین کر رہے ہیں۔

    اسرائیل کی جانب سے غزہ کا محاصرہ جاری ہے، لائٹ اور بجلی نہ ہونے سے غزہ والوں کی زندگی مزید مشکل ہوگئی ہے اور غزہ والےعلاقہ چھوڑنے پر مجبورہیں۔

    اسرائیلی حکام کا کہنا ہے حماس کے حملوں میں اسرائیلی ہلاکتوں کی تعداد تیرہ سو ہوگئی ہے، تین ہزار سے زائد زخمی ہوچکے ہیں۔

    دوسری جانب اسرائیل نے غزہ میں فضائی بمباری کے بعد زمینی کارروائی بھی شروع کردی تاہم اسرائیلی فوج نے حماس کا ایل اینٹی ٹینک میزائل کا سیل قبضے میں لینے کا دعوی کردیا، حماس نے بھی اسرائیلی علاقے اشکیلون میں راکٹ داغے جسمیں عمارتوں کو نقصان پہنچا۔

  • غزہ پر اسرائیل کی وحشیانہ بمباری جاری، شہید ہونے والے فلسطینیوں کی تعداد 251 ہوگئی

    غزہ پر اسرائیل کی وحشیانہ بمباری جاری، شہید ہونے والے فلسطینیوں کی تعداد 251 ہوگئی

    غزہ : غزہ پر اسرائیلی بمباری کا سلسلہ نہ تھم سکا، بمباری میں شہید ہونے والے افراد کی تعداد251 ہوگئی، جن میں 66 بچےاور 38 خواتین بھی شامل ہیں۔

    تفصیلات کے مطابق فلسطین میں اسرائیلی جارحیت11ویں روزبھی جاری ہے ، صبح سویرے اسرائیلی فورسز نے رہائشی علاقوں میں بمباری کی ، جس کے نتیجے میں 9فلسطینی زخمی ہوگئے ،

    غیرملکی میڈیا کا کہنا ہے کہ فلسطین میں شہیدہونےوالےافرادکی تعداد251 ہوگئی، شہید ہونے والوں میں66 بچےاور 38 خواتین بھی شامل ہیں۔

    غزہ میں اسرائیلی جارحیت سے227 اور مغربی کنارے پرجھڑپوں میں24 فلسطینی شہید ہوئے جبکہ اسرائیلی بمباری سے500 سے زائد مکانات تباہ اور72ہزار فلسطینی بے گھر ہوگئے ہیں۔

    گذشتہ روز اسرائیلی جیٹ طیاروں نے شیخ ردوان کے علاقے میں رہائشی عمارتوں پر بمباری کی تھی ، ‏جس کے نتیجے میں چار افراد شہید ہوگئے جن میں ایک صحافی بھی شامل تھا۔

    یوسف ابو حسین مقامی براڈ کاسٹ الاقصیٰ ریڈیو اسٹیشن سے وابستہ تھے اور عرصہ دراز سے ‏پیشہ وارانہ فرائض انجام دے رہے تھے۔

    خیال رہے غزہ میں اسرائیل کی جانب سے حالیہ بمباری 2014 کے بعد سے سب سے شدید حملہ ہے، حماس اور اسرائیل کے درمیان شروع ہوئے تازہ لڑائی کے 9 دن مکمل ہو چکے ہیں۔

    دریں اثنا غزہ میں سرکاری پریس دفتر نے بتایا کہ اسرائیلی جنگی طیاروں نے غزہ پٹی پر کم از کم 1،615 فضائی حملے کیے ہیں جن میں گھروں، عمارتوں، سرکاری اداروں اور بنیادی ڈھانچے کو نشانہ بنایا گیا۔

  • فلسطین میں اسرائیل کی وحشیانہ بمباری، 3 مساجد شہید ، 40مکانات تباہ

    فلسطین میں اسرائیل کی وحشیانہ بمباری، 3 مساجد شہید ، 40مکانات تباہ

    غزہ : فلسطین میں اسرائیل کی وحشیانہ بمباری سے مزید 3فلسطینی شہید ہوگئے جبکہ 3مساجد بھی شہید ہوئیں اور 40مکانات تباہ ہوئے۔

    تفصیلات کے مطابق فلسطین میں اسرائیل کی وحشیانہ بمباری 10 روز سے جاری ہے ،غیرملکی میڈیا کا کہنا ہے کہ غزہ میں آج صبح اسرائیلی فورسز کی رہائشی عمارت پر بمباری کی گئی ، جس کے نتیجے میں 3فلسطینی شہید ہوگئے۔

    غزہ میں بمباری سے 3مساجد بھی شہید ہوگئیں اور 40مکانات تباہ ہوئے ، وزارت صحت کا کہنا ہے کہ فلسطین میں اسرائیلی جارحیت سے شہید افراد کی تعداد 219 ہوگئی ہے، جن میں 63 بچے اور 35 خواتین بھی شامل ہیں۔

    یاد رہے اقوام متحدہ کے ادارے ’کوارڈینیشن آف ہیومینیٹیرین افیئرز‘ کی ترجمان جینز لائرکے کہا تھا کہ مقبوضہ غزہ پر اسرائیلی بمباری کے نتیجے میں 52 ہزار سے زائد فلسطینی بے گھر ہوچکے ہیں جن میں سے 47 ہزار افراد نے 58 یو این اسکولوں میں پناہ لے رکھی ہے۔

    انہوں نے بتایا کہ صیہونی فورسز کی بمباری کے نتیجے میں 132 عمارتیں مکمل طور پر تباہ ہوگئیں جب کہ 316 بری طرح متاثر ہوئیں ہیں، جن میں چھ اسپتال، 9 پرائمری ہیلتھ کیئر سینٹرز اور واٹر پلانٹس بھی شامل ہیں۔

    دوسری جانب ایمنسٹی انٹرنیشنل نے غزہ میں رہائشی عمارتوں کو اسرائیلی بمباری کا نشانہ بنائے جانے پر تحقیقات کا مطالبہ کرتے ہوئے کہا تھا کہ صیہونی افواج نے رہائشی عمارتوں کو نشانہ بناکر بچوں سمیت پورے پورے خاندان قتل کردئیے۔

  • غزہ: اسرائیل کی وحشیانہ بمباری،9 فلسطینی زخمی

    غزہ: اسرائیل کی وحشیانہ بمباری،9 فلسطینی زخمی

    gaza