بہاولپور : اسلامیہ یونیورسٹی کی بسیں شادی بیاہ کیلئے استعمال ہونے لگیں، جس پر شہریوں نے یونیورسٹی انتظامیہ کے خلاف سخت ایکشن لینے کا مطالبہ کیا ہے۔
تفصیلات کے مطابق اسلامیہ یونیورسٹی بہاولپور کی طلبہ کی بسیں شادی بیاہ کی بارات کے لئے استعمال ہونے لگیں۔
احمد پور شرقیہ کے نجی ہال میں بارات یونیورسٹی کی بسوں پر پہنچی، سرکاری بسوں کو شادی کے لئے استعمال کیا گیا۔
یونیورسٹی کی بسوں پر بارات آنے پر شہریوں میں تشویش کی لہر دوڑ گئی، شہریوں نے یونیورسٹی انتظامیہ کے خلاف سخت ایکشن لینے کا مطالبہ کیا ہے۔
بہاولپور: اسلامیہ یونیورسٹی کے ڈائریکٹر آئی ٹی رضوان مجید کو اینٹی کرپشن نے گرفتار کر لیا۔
تفصیلات کے مطابق اینٹی کرپشن نے اسلامیہ یونیورسٹی کے ڈائریکٹر آئی ٹی رضوان مجید کو گرفتار کر لیا ہے، اینٹی کرپشن نے رضوان مجید و دیگر کے خلاف 2 روز قبل مقدمہ درج کیا تھا۔
اینٹی کرپشن نے رضوان مجید کا 3 روزہ جسمانی ریمانڈ بھی لے لیا ہے، اینٹی کرپشن کا کہنا ہے کہ رضوان مجید نے 3 سال قبل خواجہ فرید یونیورسٹی رحیم یار خان سے 1 ملین کی کرپشن کی، اور سی ایم آئی ٹی نے رضوان مجید سے ریکوری کی سفارش کی تھی۔
اینٹی کرپشن کے مطابق رضوان مجید اسلامیہ یونیورسٹی میں 406 ملین روپے کے پروجیکٹ کے فوکل پرسن تھے، انھوں نے پبلک پرائیویٹ پارٹنر شپ کے پروجیکٹ میں بڑے پیمانے پر کرپشن کی، اور بنا کام کے 406 ملین روپے کی ادائیگی کی۔
دیگر ذمہ داران کی گرفتاری کے لیے بھی چھاپے مارے جا رہے ہیں۔