Tag: اسلامی نظریاتی کونسل

اسلام آباد : اسلامی نظریاتی کونسل نے کی جانب سے صدقہ فطر کا اعلان کردیا گیا، فی فرد کم سے کم کتنی رقم ادا کرنا ہوگی، اس حوالے سے تفصیل سامنے آگئی۔

تفصیلات کے مطابق اسلامی نظریاتی کونسل نے صدقہ فطر و فدیہ صوم کا نصاب جاری کردیا، چیئرمین ڈاکٹرراغب حسین نے بتایا کہ رواں سال صدقہ فطر و فدیہ صوم کم ازکم 220 روپے فی کس ادا کیا جائے۔

نصاب کے تحت گندم 220، جو 450 اور کھجور کے حساب سے 1650 صدقہ فطر وفدیہ صوم ادا کیا جائے جبکہ کشمش 2500 روپے ، منقیٰ کے حساب 5000 روپے صدقہ فطر و صوم ادا کرنا ہوگا۔

چیئرمین اسلامی نظریاتی کونسل نے کہا کہ مخیرحضرات مالی حیثیت کےمطابق صدقہ فطر،فدیہ صوم اداکریں، صدقہ فطرادا کرنا ہرغلام اور آزاد، مرد اور عورت مسلمان پرفرض ہے۔

واضح رہے کہ رمضان کے اختتام پر مسلمان صدقہ فطر ادا کرتے ہیں اور مسلمان ماہ صیام میں فطرہ کا خاص اہتمام کرتے ہیں جبکہ ہر سال کی شرح کے حساب سے شریعہ بورڈ اور علما اس رقم کی مقدار مقرر کرتے ہیں۔

اسلام آباد: اسلامی نظریاتی کونسل نے کہا ہے کہ ٹرانس جینڈر كی اصطلاح غلط ہے اس كا استعمال نہیں ہونا چاہیے،غیرواضح جنس کا ابہام دور کیا جائے۔

تفصیلات کے مطابق خنثی کے جنس کے تعین سے متعلق آگاہی اجلاس ہوا، اجلاس میں اسلامی نظریاتی کونسل کا کہنا تھا کہ کسی فرد کا اپنی واضح جنس کو تبدیل کرنا ناجائز ہے، تاہم غیرواضح جنس کا ابہام دور کرکے تعین جنس جائز ہے۔

اسلامی نظریاتی کونسل نے کہا کہ جنس میں ابہام ہو تو علاج و سرجری كے ذریعے جنس كا تعین کیا جاسکتا ہے، خنثی افراد کیلئے انٹرسیکس کا لفظ استعمال کریں نہ کہ ٹرانس جینڈر کا لفظ استعمال کیا جائے۔

چیئرمین اسلامی نظریاتی کونسل راغب نعیمی نے کہا کہ ٹرانس جینڈر میں ایسے افراد بھی شامل کیے جاتے ہیں جوحقیقی مردیا عورت ہوتے ہیں، باطنی احساسات كی بنیاد پر خود كو مخالف جنس كا فرد تصور كرتے ہیں۔

راغب حسین نعیمی کا کہنا تھا کہ ایسے افراد جن میں پیدائشی نقص ہو ان کے لیے خنثی كا لفظ استعمال كیا جائے، اسلام میں اپنی جنس کی ازخودتعین کی اجازت نہیں۔

چیئرمین اسلامی نظریاتی کونسل نے مزید کہا کہ باطنی احساسات كی بنیاد پر پیدائشی جنس كے برعكس شناخت بیان كرنا شرعی احكام سے متصادم ہے۔

اسلام آباد : اسلامی نظریاتی کونسل کےعلمائے کرام نےمحرم کیلئے 18 نکاتی ضابطہ اخلاق جاری کردیا، جس میں کہا ہے کہ کسی کویہ حق نہیں وہ کسی کو کافر قرار دے۔

تفصیلات کے مطابق اسلامی نظریاتی کونسل کےعلمائے کرام نے محرم کیلئے ضابطہ اخلاق کی منظوری دے دی، 18 نکاتی ضابطہ اخلاق پر تمام علمائے کرام کے دستخط موجود ہیں۔

چیئرمین قبلہ ایاز نے کہا کہ تمام شہریوں کافرض ہےریاست کےساتھ وفاداری ،حلف کونبھائیں ، اسلام کے نام پرجبر بغاوت سمجھی جائے گی اور ریاست کی خلاف مسلح کارروائی ،تشدد اور انتشار بھی بغاوت سمجھی جائےگی۔

قبلہ ایاز کا کہنا تھا کہ کسی کویہ حق نہیں وہ کسی کو کافر قرار دے، علما ،مشائخ اورعوام سیکیورٹی اداروں کی بھر پور حمایت کریں۔

ضابطہ اخلاق میں کہا گیا کہ فرقہ واریت تعصبات پرمبنی تحریکوں کاحصہ بننےسےگریز کیاجائے، ریاست ایسےگروہوں کیخلاف سخت کارروائی کرے گی۔

چیئرمین کا کہنا تھا کہ کوئی شخص کسی قسم کی دہشت گردی کو فروغ نہیں دے گا اور مساجد،منبرو محراب ،امام بارگاہوں سےنفرت انگیز تقاریر نہیں ہوں گی۔

اسلام آباد : خواتین کو محرم کے بغیر حج پر جانے کی مشروط اجازت مل گئی، اسلامی نظریاتی کونسل نے کہا کہ وہ عورت بغیرمحرم حج پرجاسکتی ہے جس کے والدین یا شوہر اجازت دیں۔

تفصیلات کے مطابق اسلامی نظریاتی کونسل نے خواتین کومحرم کےبغیرحج پرجانےکی مشروط اجازت دے دی، کونسل نے رائے دی کہ فقہ جعفریہ، مالکی اور شافعی کے مطابق شریعت میں خاتون کے بغیر محرم کے حج کی گنجائش موجود ہے.

اسلامی نظریاتی کونسل نے کہا کہ محرم کےبغیر خاتون کے لئے حج کی گنجائش بعض شرائط سے مشروط ہے، اس حوالے سے پہلے ہی کونسل کی رائے موجود ہے، وہ عورت بغیرمحرم حج پرجاسکتی ہے جس کے والدین یا شوہر اجازت دیں۔

کونسل کا رائے میں کہنا تھا کہ فقہ حنفیہ اور فقہ حنبلی کےمطابق محرم میسر نہ ہونے پرعورت پرحج فرض نہیں، ایسی عورت جسےقابل اعتماد خواتین کی رفاقت حاصل ہو حج پر جاسکتی ہے۔

اسلامی نظریاتی کونسل نے مزید کہا کہ عورت جس گروپ کےہمراہ حج پر جائےوزارت مذہبی امور چھان بین کرے، گروپ ممبرسےمتعلق اطمینان کےبعد عورت کو حج پر جانے کی اجازت دی جائے۔

خیال رہے وزارت مذہبی امورنے خواتین کے محرم کے بغیر حج کرنے کے معاملے پر کونسل سے رائے طلب کی تھی