Tag: اسلام آباد

اسلام آباد: نوشہ خانہ کیس میں چیئرمیں پی ٹی آئی کی گرفتاری کے بعد  وفاقی دارالحکومت میں سیکیورٹی ہائی الرٹ کردی گئی۔

ترجمان اسلام آباد پولیس کے مطابق وفاقی دارالحکومت میں سیکیورٹی ہائی الرٹ کردی گئی ہے، تمام افسران کو اپنے علاقوں میں رہنے کی ہدایت جاری کی ہے۔

ترجمان کا کہنا ہے کہ شہر کے تمام علاقوں میں چیکنگ بڑھادی گئی ہے، شہر میں ٹریفک معمول کے مطابق رواں دواں ہے، شہری کسی بھی سرگرمی کے متعلق پکار 15 پر اطلاع دیں۔

دوسری جانب راولپنڈی پولیس کا کہنا ہے کہ پی ٹی آئی کارکنوں کے ممکنہ احتجاج کی صورت میں پولیس کو خصوصی احکامات جاری کردیئے گئے ہیں جبکہ اڈیالہ جیل کے اندر اور باہر سیکیورٹی کو الرٹ کردیاگیا۔

پولیس کا کہنا ہے کہ راولپنڈی کی اہم شاہراؤں پر پولیس کی نفری تعینات کردی گئی، پولیس کے اعلٰی افسران کی ماتحت افسران کو صورتحال پر نظر رکھنے کی ہدایت جاری کردی گئی ہے۔

واضح رہے کہ ذرائع کا بتانا ہے کہ چیئرمین پی ٹی آئی کو اسلام آناد منتقل کیا جائے گا یہ بھی بتایا جارہا ہے کہ چیئرمین پی ٹی آئی کو ممکنہ طور پر اڈیالہ جیل منتقل کیا جائے گا۔

اسکردو: اسلام آباد سے اسکردو جانے والی کار خوفناک حادثے کا شکار  ہوگئی جس میں 2 افراد جاں بحق جبکہ 3 افراد زخمی ہوگئے۔

اے آر وائی نیوز کے مطابق اسلام آباد سے اسکردو جانے والی کار خوفناک حادثے کا شکار ہوگئی جس کے نیتجے میں 2 افراد کی جان چلی گئی جبکہ 3 افراد زخمی ہوگئے ہیں۔

پولیس کا اس حوالے سے کہنا ہے کہ جاں  بحق ہونے والوں میں خاتون اور مرد شامل ہیں جس کی شناخت نہیں ہوسکی ہے۔

پولیس نے بتایا کہ حادثہ دوبیر جیجال کی حدود میں پیش آیا،لاشیں اور زخمی افراد کو اسپتال منتقل کردیا گیا، جاں بحق افراد کی لاشوں کو آبائی گاؤں روانگی کا بندوبست کیا جارہا ہے۔

راولپنڈی: اینٹی نارکوٹکس فورس (اے این ایف) نے کراچی ائیر پورٹ پو کارروائی کرتے ہوئے سری لنکا بھیجے جانے والے پارسل سے 1 کلو سے زائد آئس برآمد کرلی۔

اے این ایف کی منشیات کے خلاف ملک بھر میں کارروائیوں کاسلسلہ جاری ہے، کارروائی میں بھاری مقدار میں منشیات پکڑی گئی ہے جبکہ  6 ملزمان کو بھی  گرفتار کرلیا گیا۔

اے این ایف ترجمان کے مطابق فیض آباد اسلام آباد میں ملزم سے 140 عدد نشہ آور گولیاں برآمد کی گئی، ٹھوکر نیاز بیگ لاہور کے قریب گاڑی سے 14 کلو افیون 15 کلو چرس برآمد ہوئی ہے۔

ترجمان کا بتانا ہے کہ ملتان ایئرپورٹ پرکارروائی کے دوران ملزم سے 1 کلو سے زائد منشیات پکڑی گئی ہے، جیوانی سےکراچی منشیات اسمگل کرنےکی کوشش ناکام بنادی گئی، مسافر بس سے کراچی اور گوادر کے رہائشی ملزمان سے 4 کلو سے زائد ویڈ برآمد ہوئی ہے۔

ترجمان کا بتانا ہے کہ کراچی کے جناح  انٹرنیشنل ایئرپورٹ پر کارروائی کے دوران سری لنکابھیجے جانے والے پارسل سے 1 کلو سے زائد آئس برآمد کی گئی۔

اے این ایف ترجمان کا کہنا ہے کہ باڑہ خیبر کے غیر آباد علاقے سے پلاسٹک کے تھیلوں میں چھپائی گئی 3 کلو زائد آئس برآمد ہوئی جبکہ ملزم نے باچا خان ائیرپورٹ پر مسافر کے پیٹ میں منشیات بھرے کیپسولز کی موجودگی کا اعتراف کیا۔

ترجمان کا مزید بتانا ہے کہ شارجہ جانیوالے ملزم کے پیٹ سے 3 عدد چرس بھرے کیپسولز برآمد کرلی ان تمام ملزمان کیخلاف انسداد منشیات ایکٹ کے تحت مقدمات  درج کیے گئے ہیں جبکہ تحقیقات کا آغاز کردیا گیا ہے۔