Tag: اسلام آباد آمد

کراچی : سول ایوی ایشن نے مبینہ اسرائیلی طیارے کی اسلام آباد آمد کی تمام افواہوں کی تردید کرتے ہوئے کہا اسرائیلی طیارےکی پاکستان آمدسےمتعلق افواہوں میں صداقت نہیں۔

تفصیلات کے مطابق سول ایوی ایشن کے ترجمان نے سوشل میڈیا پر اسرائیلی طیارے کی پاکستان میں لینڈنگ کی خبروں کی تردید کرتے ہوئے کہا اسرائیل کا کوئی طیارہ پاکستان کے کسی ایئرپورٹ پرنہیں اترا، اسرائیلی طیارے کی پاکستان آمد سے متعلق افواہوں میں صداقت نہیں۔

یاد رہے گذشتہ روز اسرائیلی اخبار ‘ہاریٹز’ کے مدیر ایوی شراف نے سماجی رابطے کی ویب سائٹ ٹوئٹر پر اسرائیلی طیارے کی بذریعہ عمان پاکستان آمد کا دعویٰ کیا تھا، اسرائیلی صحافی کے مطابق مبینہ اسرائیلی طیارہ تل ابیب سے اڑا ،عمان میں پانچ منٹ رکا پھراسلام آباد پہنچا۔

سابق وزیر داخلہ احسن اقبال میں اپنے ٹوئٹ مبینہ اسرائیلی طیارے کی اسلام آباد آمد پرحکومت سے وضاحت مانگی تھی۔

مزید پڑھیں : عمران خان نوازشریف ہے نہ کابینہ میں آپ جیسے جعلی ارسطو ہیں

وزیراطلاعات فواد چوہدری نے اسرائیلی طیارے کی پاکستان آمد کی خبروں سے متعلق احسن اقبال کے ٹوئٹ پر دو ٹوک جواب دیتے ہوئے کہا تھا حکومت نہ مودی سےخفیہ مذاکرات کرے گی نہ اسرائیل سے ، عمران خان نوازشریف ہے نہ کابینہ میں آپ جیسےجعلی ارسطو ہیں۔آپ جعلی فکرنہ کریں ،پاکستان محفوظ ہاتھوں میں ہے۔

وزیراطلاعات کی اس جوابی ٹوئٹ پراحسن اقبال نے کہا تھا کہ فواد چوہدری کا آگ بگولہ ہونا ظاہر کرتا ہے دال میں کچھ کالا ہے۔