Tag: اسلام آباد انٹرنیشنل ائیرپورٹ

اسلام آباد : اسلام آباد انٹرنیشنل ائیرپورٹ کیلئے متحدہ عرب امارات اور حکومت پاکستان کے درمیان حکومتی سطح پر جی ٹو جی معاہدے کا امکان ہے۔

تفصیلات کے مطابق اسلام آباد انٹرنیشنل ائیرپورٹ کیلئے متحدہ عرب امارات اور پاکستان کے درمیان جی ٹوجی معاہدے کی تیاریاں جاری ہے۔

ذرائع نجکاری کمیشن نے بتایا کہ یو اے ای کیساتھ حکومت پاکستان حکومتی سطح پر جی ٹو جی معاہدہ طے پایا جا سکتا ہے۔

ذرائع کا کہنا ہے کہ جی ٹوجی معاہدے کیلئے وزارت خزانہ، وزارت دفاع اور ایوی ایشن کو فریم ورک تیار کرنے کی ہدایت کردی گئی ہے۔

نجکاری کمیشن نے کہا وفاقی کابینہ اور آئی ایم ایف سے منظوری کے بعد یو اے ای حکام کیساتھ فریم ورک شیئر کیا جائے گا۔

اسلام آباد انٹرنیشنل ائیرپورٹ کواوپن بڈنگ کےذریعے آؤٹ سورس نہیں کیا جائے گا، وزارت خزانہ،وزارت دفاع اورایوی ایشن حکام یو اے ای حکام کیساتھ ملکر فریم ورک تیار کریں گے۔

ذرائع کے مطابق اس سے قبل اسلام آباد ائیر پورٹ کوآؤٹ سورس کرنے کیلئے اوپن بڈنگ کی حکمت عملی تیارکی گئی تھی۔

رواں مالی سال حکومت اورآئی ایم ایف کے درمیان 7 اداروں کی نجکاری پر اتفاق ہوا ہے، پی آئی اے، آئیسکو، فیسکو، گیپکو اور فرسٹ وومن بینک رواں مالی سال کیلئے نجکاری پلان میں شامل ہیں۔

اس کے علاوہ ہاؤس بلڈنگ فنانس کارپوریشن اوراسلام آباد انٹرنیشنل ائیرپورٹ بھی پلان میں شامل ہیں۔

اسلام آباد : اسلام آباد انٹرنیشنل ائیر پورٹ کو آؤٹ سورس کرنے کا پلان تیار کرلیا گیا، آؤٹ سورس ہونے پر تھرڈ پارٹی ایڈوانس 10 کروڑ ڈالر پیمنٹ دے گی۔

تفصیلات کے مطابق اسلام آباد انٹرنیشنل ائیر پورٹ کو پندرہ سال کیلئے آؤٹ سورس کرنے کا پلان تیار کرلیا گیا، ذرائع نے بتایا کہ اسلام آباد انٹرنیشنل ائیر پورٹ کو 15 سال کیلئے آؤٹ سورس کرنے کا فیصلہ کیا ہے۔

ذرائع کا کہنا تھا کہ آؤٹ سورس ہونے پر تھرڈ پارٹی ایڈوانس 10 کروڑ ڈالر پیمنٹ دے گی اور خلاف ورزی ہونے پر ایڈوانس پیمنٹ واپس کیے بغیر معاہدہ کینسل ہو جائے گا۔

ذرائع نے کہا ہے کہ انتظامی امور، فنانشل کلوز، ڈیزائن اینڈ کنسٹرکشن ، سروس چارجز، ایکسچینج ریٹ، شاپس رینٹ تھرڈ پارٹی کے ذمہ ہو گی جبکہ کسٹم، سائٹ سیکیورٹی، امیگریشن سروس سول ایوی ایشن کے پاس ہو گی۔

ذرائع نے بتایا کہ تھرڈ پارٹی کو ائیر پورٹ پر شاپنگ مال، برانڈز شاپس بنانے کی اجازت ہوگی۔

دوسری جانب ای سی ایل میں شامل افراد کو سفر کی اجازت نہ ملنے پر حکومت سے سروسز وصول کرنے کا مطالبہ مسترد کردیا گیا ، سول ایوی ایشن کا سروس چارجزحکومت سے وصول کرنے کا مطالبہ تھا۔