Tag: اسلام آباد ایئرپورٹ

کراچی: اسلام آباد ایئرپورٹ پر منہدم پسنجر بورڈنگ برج پر کام شروع ہو گیا۔

تفصیلات کے مطابق اسلام آباد انٹرنیشنل ایئر پورٹ پر گرنے والے پسنجر بورڈنگ برج کی جگہ 4 برس بعد نئے برج کی تنصیب کا آغاز کر دیا گیا۔

پرانا بورڈنگ برج 9 اکتوبر 2018 میں گر گیا تھا، متبادل پسنجرز بورڈنگ برج کی تنصیب ایئر کرافٹ اسٹینڈ برج نمبر 5 پر عمل میں لائی جا رہی ہے۔

ایئر پورٹ حکام کا کہنا ہے کہ نئے پسنجر بورڈنگ برج کی تنصیب چند روز میں مکمل کر لی جائے گی۔

یاد رہے کہ حادثے کی تحقیقات کے بعد ڈی جی سول ایوی ایشن اتھارٹی نے بورڈنگ برج کے ٹھیکے دار ایڈلٹے کمپنی کے خلاف کارروائی کی ہدایات جاری کرتے ہوئے کہا تھا کہ کمپنی بغیر اضافی معاوضے کے برج کو دوبارہ تعمیر کرے گی۔

پسنجر بورڈنگ برج اچانک گرنے کا واقعہ اس وقت پیش آیا تھا جب ایک غیر ملکی ایئر لائن کے طیارے کے ساتھ پسنجر برج لگایا جا رہا تھا، جس کے نتیجے میں آپریٹر زخمی ہو گیا تھا۔

اسلام آباد : اے ایس ایف اہلکاروں نے مشتبہ شخص کے اسلام آباد ایئرپورٹ میں داخلے کی کوشش ناکام بنادی اور مشتبہ شخص کوپکڑکرپولیس کےحوالےکردیا ہے۔

تفصیلات کے مطابق اےایس ایف نے رات گئے مشتبہ شخص کے اسلام آباد ایئرپورٹ میں داخلےکی کوشش ناکام بنادی ، ترجمان اےایس ایف نے بتایا موٹر سائیکل سوار چیک پوسٹ نمبر 13 سےگھسناچاہتا تھا، روکنے پر موٹر سائیکل سوار نے غلط سمت سے بھاگنا چاہا۔

ترجمان کا کہنا تھا کہ اے ایس ایف اہلکار نے متعدد بار مشتبہ شخص کو وارننگ دی اور نہ رکنےپراےایس ایف اہلکارنےموٹرسائیکل کےٹائرپرفائرکیا۔

اےایس ایف نے مشتبہ شخص کوپکڑکرپولیس کےحوالےکردیاگیا، جس سے تفتیش جاری ہے۔

اسلام آباد: اسلام آباد ایئرپورٹ پر کورونا سرٹیفکیٹ نہ ہونے پر 10 مسافروں کو روک لیا گیا،اندرون ملک پروازوں کوروناویکسینیشن سرٹیفیکیٹ لازمی ہے۔

تفصیلات کے مطابق اسلام آباد ایئرپورٹ انتظامیہ نے کورونا ویکسینیشن سرٹیفیکیٹ نہ ہونےپر ایکشن لیتے ہوئے اسلام آباد سے کراچی اور لاہور جانیوالے مسافروں کو روک لیا۔

اسلام آبادایئرپورٹ منیجرعدنان خان نے کہا کہ مجموعی طور 110مسافروں کو آف لوڈ کیا گیا ، سی اےاےٹاسک ٹیم متحرک ہیں بغیر سرٹیفکیٹ سفر کی اجازت نہیں،اندرون ملک پروازوں کوروناویکسینیشن سرٹیفیکیٹ لازمی ہے۔

یاد رہے یکم اگست کو کراچی ایئرپورٹ پر کورونا ویکسینیشن سرٹیفکیٹ نہ ہونے پر 8 مسافر آف لوڈ کیے گئے تھے، سی اےاے حکام کا کہنا تھا کہ ایئرپورٹ منیجر کی زیرنگرانی ویکسی نیشن سرٹیفکیٹ چیک کے جارہے ہیں۔

حکام کا کہنا تھا کہ کورونا ویکسینیشن سرٹیفکیٹ کی پابندی اندرون ملک جانے والی پروازوں پرلاگو ہے جبکہ بیرون ملک سفر کرنے والے پابندی سے مستثنیٰ ہوں گے، مذکورہ اقدام کوروناوائرس کے بڑھتےہوئے کیسز کے پیش نظر اٹھایا گیا ہے۔

اسلام آباد: انٹرنیشنل ایئر پورٹ اسلام آباد پر چینی شہریوں کے لیے خصوصی امیگریشن کاؤنٹر قائم کر دیا گیا۔

تفصیلات کے مطابق وزیر داخلہ شیخ رشید احمد نے آج جمعے کو اسلام آباد انٹرنیشنل ایئرپورٹ پر چینی شہریوں کے لیے اسپیشل امیگریشن کاؤنٹر کا افتتاح کر دیا۔

اس خصوصی کاؤنٹر کے ذریعے چینی مسافروں کی تیز ترین امیگریشن ہو سکے گی، اور اس کے ذریعے سی پیک ویزا ہولڈرز بھی استفادہ کر سکیں گے۔

خیال رہے کہ اس خصوصی کاؤنٹر کا قیام وزیر داخلہ شیخ رشید کی خصوصی ہدایت پر عمل میں لایا گیا ہے، وزارت داخلہ کی طرف سے سی پیک کی علیحدہ کیٹیگری کا ویزا بھی جاری کیا جا رہا ہے۔

اسلام آباد ایئر پورٹ پر خصوصی کاؤنٹر کے افتتاح کے موقع پر ڈی جی ایف آئی اے بھی موجود تھے۔

یاد رہے کہ چند دن قبل پاکستان میں قراقرم ہائے وے پر صبح 7 بجے داسو پاور پراجیکٹ کی بس پر دھماکہ ہوا تھا، جس میں 9 چینی باشندے، 2 ایف سی اہل کار اور 2 پاکستانی شہری جاں بحق ہوئے تھے۔

داسو بس دھماکے کی تحقیقات کے لیے چینی حکام بھی پاکستان آئے، وزیر اعظم عمران خان نے داسو واقعے میں چینی شہریوں کی ہلاکت پر اظہار افسوس کرتے ہوئے واضح کیا کہ پاکستان میں چینی شہریوں کی سلامتی حکومت کی اولین ترجیح ہے۔

اسی سلسلے میں آج وزیر خارجہ شاہ محمود قریشی دو روزہ دورے پر چین پہنچ گئے ہیں، ڈی جی آئی ایس آئی لیفٹیننٹ جنرل فیض حمید بھی ان کے ہمراہ ہیں۔

اسلام آباد : اسلام آباد ایئرپورٹ پر پہلی باردیارغیرسے بے دخل ہوکر آنے والوں کو ایف آئی اے نے کھانا کھلایا، ڈیپورٹیز کو روزگار کی بحالی کے لیے فلاحی تنظیم قرضے بھی دے گی۔

تفصیلات کے مطابق وزیر داخلہ شیخ رشید احمد کی ہدایت پر اسلام آباد ایئرپورٹ پر بڑی تبدیلی آگئی ، پہلی بار دیار غیرسے بے دخل ہوکر آنے والوں کو ایف آئی اے نے کھانا کھلایا۔

پرواز ٹی کے 710 کے ذریعے استنبول سے40ڈیپورٹیز اسلام آبادایئرپورٹ پہنچے ، ایف آئی اے حکام نےڈیپورٹیزکی دیکھ بھال کی ،جوتے،کپڑےپیش کئےگئے جبکہ ڈیپورٹیزکوروزگار کی بحالی کے لیے فلاحی تنظیم قرضے بھی دے گی۔

یاد رہے وزیر داخلہ شیخ رشید نے نیو اسلام آباد ایئرپورٹ کا اچانک دورہ کرکے مسافروں کودستیاب سہولتوں کاجائزہ لیا، سیکریٹری داخلہ اور ڈی جی سمیت دیگرافسران اس موقع پرموجودتھے۔

دورے کے دوران گفتگو کرتے ہوئے شیخ رشید نے کہا تھا کہ اسلام آبادایئرپورٹ پر کوئی اب تنگ نہیں کرےگا اگر کسی افسر نےاسٹیکر مانگا تو ہمیں آگاہ کیا جائے، اسلام آباد تمام ایئرپورٹ پر بہترین سہولیات ملیں گی، اوورسیز کو یقین دلاتاہوں ایئرپورٹ پر آپ کو بہترین سہولتیں ملیں گی، پاکستان کاامیج بہتر ہو گا۔

وفاقی وزیر کا کہنا تھا کہ آن لائن ویزہ جاری کرنا شروع کردئیے ہیں،192 ملکوں کے لئےآن لائن ویزہ جاری کیا گیا ہے، وزیراعظم کافیصلہ ہےکہ آن لائن ویزہ کیلئے کوئی رکاوٹ نہ ہو۔