Tag: اسلام آباد ایئرپورٹ

  • اسلام آباد ایئرپورٹ: پرواز میں تاخیر، صوبائی وزراء آپے سے باہر، افسر کو دھکے

    اسلام آباد ایئرپورٹ: پرواز میں تاخیر، صوبائی وزراء آپے سے باہر، افسر کو دھکے

    اسلام آباد : پی آئی اے کی پرواز میں تاخیر پر گلگت بلتستان کے وزیر غصے میں آپے سے باہر ہوگئے، اسلام آباد ایئرپورٹ پر صوبائی وزیر فدا خان نے پی آئی اے افسر کو دھکے دیئے اور لاؤنج میں اپنی جیکٹیں جلا ڈالیں۔

    تفصیلات کے مطابق موسم کی خرابی کے باعث فلائٹ تاخیر کا شکار ہونے کی وجہ سے اسلام آباد ایئرپورٹ پر گلگت بلتستان کے وزیر آپے سے باہر ہوگئے، اسلام آباد ایئرپورٹ پر گلگت بلتستان کے وزیر سیاحت فدا خان اور وزیر قانون اورنگزیب خان قانون کو ہی بھول گئے۔

    صوبائی وزیر فدا خان نے غصے میں آکر  پی آئی اے افسر کو دھکے دیئے جس سے وہ گرتے گرتے بچے۔ مذکورہ وزیروں نے اے ایس ایف اہلکاروں سے بدتمیزی کی اور سنگین نتائج کی دھمکیاں بھی دیں، غصے میں بپھرے وزیروں نے احتجاجاً ائیرپورٹ پر اپنی جیکٹیں بھی جلا ڈالیں، واضح رہے کہ دونوں وزراء کا تعلق ن لیگ سے ہے۔

    مزید پڑھیں: نیواسلام آباد ایئرپورٹ کے تمام بورڈنگ برج خطرناک قرار دے دیئے گئے

     

  • اسلام آباد ایئرپورٹ پراے ایس ایف کی کارروائی‘ 2 کلو منشیات برآمد

    اسلام آباد ایئرپورٹ پراے ایس ایف کی کارروائی‘ 2 کلو منشیات برآمد

    راولپنڈی: اسلام آباد ایئرپورٹ پر اے ایس ایف نے کارروائی کرتے ہوئے مدینہ جانے والے مسافر سے 2 کلو منشیات برآمد کرلی۔

    تفصیلات کے مطابق اسلام آباد ایئرپورٹ پربیرون ملک جانے والے مسافر کے سامان سے اے ایس ایف نے 2 کلو منشیات برآمد کرلی۔

    ایئرپورٹ سیکیورٹی فورسز کے مطابق ملزم سید رحمان نے 2 کلو منشیات سامان میں چھپائی گئی تھی، مسافر دبئی جا رہا تھا۔

    اے ایس ایف حکام نے منشیات برآمد ہونے کے بعد مسافرکو انسداد دہشت گردی فورس (اے این ایف) کے حوالے کردیا۔

    اسلام آباد ایئرپورٹ پرہیروئن قطراسمگل کرنےکی کوشش ناکام‘ مسافر گرفتار

    یاد رہے کہ 3 اگست کو اسلام آباد ایئرپورٹ پراینٹی نارکوٹکس فورس نے قطرجانے والے مسافر سے ہیروئن کے 80 کیپسول برآمد کیے تھے۔

    کراچی :ایئرپورٹ  پرمسافر سے کروڑوں روپے مالیت کی ہیروئن برآمد

    واضح رہے کہ 2 جون کو کراچی ایئرپورٹ پر سیکیورٹی فورس (اے ایس ایف) نے ہیروئن کی اسمگلنگ کی کوشش کو ناکام بناتے ہوئے مسافر کے قبضے سے دو کلو سے زائد ہیروئن برآمد کی تھی۔

  • اسلام آباد ایئرپورٹ پر پی آئی اے ملازمین کا گھر بیٹھے تنخواہیں لینے کا انکشاف

    اسلام آباد ایئرپورٹ پر پی آئی اے ملازمین کا گھر بیٹھے تنخواہیں لینے کا انکشاف

    کراچی : اسلام آباد ایئرپورٹ پر پی آئی اے ملازمین کا گھر بیٹھے تنخواہیں لینے کا انکشاف ہوا، ملازمین کی عدم دستیابی کے باعث نجی کمپنی کے ملازمین سے کام لیا جا رہا ہے۔

    تفصیلات کے مطابق اسلام آباد ایئرپورٹ پر پی آئی اے کے ملازمین کے گھر بیٹھے تنخواہیں لینے کا انکشاف سامنے آیا، پچیس سے تیس ملازمین اسلام اباد ائیرپورٹ کے بجائے راولپنڈی بکنگ افس میں حاضری لگا کر غائب ہوجاتے ہیں۔

    ملازمین کی عدم دستیابی کے باعث اسلام آباد ایرپورٹ پر نجی کمپنی کے ملازمین سے کام لیا جا رہا ہے، نجی کمپنی کے ملازمین کو ہر ماہ پی آئی اے ایک کروڑ روپے سے زائد رقم ادا کر رہا ہے۔

    دوسری جانب ترجمان پی آئی اے کا کہنا ہے ڈیلی ویجز ملازمین اسلام آباد ایئرپورٹ دور ہونے کی وجہ سے نوکریوں پر نہیں آرہے چھوڑ کرچلے گئے ہیں، بیشتر ملازمین حج ڈیوٹیوں پر سعودی عرب گئے ہوئے ہیں ، نیو اسلام آباد ایئرپورٹ پر افرادی کمی کو دور کرنے کیلئے پی آئی اے نے عارضی طور پر نجی کمپنی کے ملازمین کی خدمات حاصل کی ہیں۔

    یاد رہے چند روز قبل قومی ایئر لائن کی جانب سے شوبز ستاروں کو مفت فضائی ٹکٹ جاری جاری کرنے کا انکشاف سامنے آیا تھا، جس کے باعث زبوں حالی کا شکار پی آئی اے کو 28 لاکھ روپے کے نقصان کا سامنا کرنا پڑا۔

    مزید پڑھیں : پی آئی اے کی جانب سے شوبز ستاروں کو مفت ٹکٹ دیے جانے کا انکشاف

    ذرائع کے مطابق سابق وفاقی وزیر اطلاعات مریم اورنگزیب کی ہدایت پر شو بز ستاروں کے لئے 96 مفت ٹکٹ جاری ہوئے جن میں سے 90 استعمال ہوئے اور سات کا انتظامیہ کو علم نہیں۔

    خیال رہے کہ پی آئی اے کا خسارہ تاریخ کی بلند ترین سطح پر پہنچ گیا ہے،11ماہ کے دوران قومی ائیرلائن کو 54ارب22کروڑروپے نقصان کا سامنا کرنا پڑا۔

    پی آئی اے گزشتہ برس کی نسبت 13ارب روپے سے زائد کے خسارے میں دھنس گئی ہے۔

  • اسلام آباد ایئرپورٹ : اے ایس ایف اہلکاروں کا قومی ٹین پن بولنگ ٹیم سے ناروا سلوک

    اسلام آباد ایئرپورٹ : اے ایس ایف اہلکاروں کا قومی ٹین پن بولنگ ٹیم سے ناروا سلوک

    اسلام آباد : اے ایس ایف اہلکاروں نے اسلام آباد ایئرپورٹ پر قومی ہیروز سے ناروا سلوک کرتے ہوئے انٹر نیشنل ایونٹ میں جانے والی10پن بولنگ ٹیم سے بالز قبضے میں لے لیں، کھلاڑیوں نے وزیر کھیل سے نوٹس لینے کا مطالبہ کردیا۔

    تفصیلات کے مطابق پاکستان کی ٹین پن بولنگ ٹیم ورلڈ ٹوور چیمپئن شپ میں شرکت کے لیے بنکاک جارہی تھی کہ اسلام آباد ائیرپورٹ عملے نے دوران چیکنگ بولنگ ٹیم سے ان کی بالز قبضے میں لے لیں۔

    کھلاڑی نے سیکیورٹی عملے سے سوال کیا کہ بغیر بالز کے چیمپئن شپ میں کیسے کھیلیں گے؟ بالز ہمارا ہتھیار ہےاس کے بغیر ایونٹ میں جانا بےمقصد ہے، جس پر اےایس ایف اہلکاروں کا جواب تھا کہ بالز لے جانے کی اجازت نہیں ہے۔

    کھلاڑی ایئرپورٹ عملے کےسامنے بےبس ہوگئے، اب ان بالز کو کارگو سے بھجوانا پڑے گا، ایئرپورٹ عملے کی ہٹ دھرمی کے باعث ٹیم ممبر  اعجازالرحمان کی فلائٹ مس ہو گئی۔

    اعجازالرحمان نے کہا کہ ہم انٹر نیشنل ایونٹ میں شرکت کے لئےاین اوسی لے چکے ہیں، ہمارے ساتھ پیش آئے واقعے کا وزیرکھیل نوٹس لیں، یاد رہے کہ ورلڈ ٹوور چیمپئن شپ22سے 28ستمبر تک بنکاک میں کھیلی جائےگی۔

    ورلڈ ٹووربالنگ چیمپین شپ میں پاکستان کی آٹھ رکنی ٹیم  شرکت کرے گی،  کھلاڑیوں میں اعجاز الرحمن، علی سوریا، سکندر حیات، ثاقب شہزاد، افضل اختر اور علیم آغا شامل ہیں،۔

  • نئے اسلام آباد انٹرنیشنل ایئرپورٹ کا افتتاح کل وزیراعظم کریں گے

    نئے اسلام آباد انٹرنیشنل ایئرپورٹ کا افتتاح کل وزیراعظم کریں گے

    اسلام آباد: دس سال کے عرصے میں مکمل ہونے والے نئے اسلام آباد انٹرنیشنل ایئر پورٹ کا افتتاح کل وزیر اعظم شاہد خاقان عباسی کریں گے۔

    تفصیلات کے مطابق نئے اسلام آباد ایئر پورٹ کا کل افتتاح کیا جائے گا۔ ایئرپورٹ کی تعمیر پر 106 ارب روپے لاگت آئی ہے۔

    اسلام آباد ایئرپورٹ کا سنگ بنیاد 7اپریل 2007 میں جنرل ریٹائرڈ پرویز مشرف نے رکھا تھا اور اسے تین سال کے عرصے میں مکمل ہونا تھا، تاہم تعطل کا شکار رہنے کے سبب کام وقت پر مکمل نہیں کیا جاسکا اور اب دس سال بعد کل وزیر اعظم شاہد خاقان عباسی اس کا افتتاح کریں گے۔

    اس سے قبل وفاقی کابینہ کے اجلاس میں ایئرپورٹ کے لیے متعدد نام زیر بحث رہے جن میں عبدالستار ایدھی، لیاقت علی خان، فاطمہ جناح، گندھارا اور نیو اسلام آباد ایئرپورٹ کے نام زیر بحث آئے تاہم کل کے لیے جاری کیے جانے والے دعوت ناموں اس کا نام اسلام آباد انٹرنیشل ایئر پورٹ درج کیا گیا ہے۔

    اسلام آباد انٹر نیشنل ائیرپورٹ کو فعال بنانے کے لئے پاک فضائیہ کی معاونت

    علاوہ ازیں قومی اداروں کی معاونت میں پاک فضائیہ کی درخشاں روایات اور اس کی اعلیٰ قیادت کی ہدایات کی روشنی میں پاک فضائیہ نے نئے تعمیر شدہ اسلام آباد انٹر نیشنل ائیرپورٹ پر منظم اور محفوظ آپریشنز کے آغاز کے لئے سول ایوی ایشن اتھارٹی کو بھر پور تعاون فراہم کیا ہے۔

    اسی تناظر میں جمعہ کے روز سول ایوی ایشن اتھا رٹی کی درخواست پر مسافروں اور سامان سے لدا ہوا پاک فضائیہ کا ایک سی 130طیارہ اس ائیر پورٹ پر اترا جس کا مقصد انسٹرومنٹ لینڈنگ پیٹرن او ر رن وے کے معیار کو جانچنا تھا۔

    یہ لینڈنگ اس سلسلے کی ایک کڑی تھی جس میں پاک فضائیہ کے کم وزن تربیتی طیا رے سپر مشاق سے لے کر بھاری بھر کم سی-130 طیارے بھی اس رن وے پر کامیابی سے اتر تے رہے اور اسی ماہ ہونے والی پی آئی اے کی پہلی آزمائشی پرواز کی کامیاب لینڈنگ کو ممکن بنانے میں اہم کردار ادا کیا۔

    پاک فضائیہ نے سول ایوی ایشن اتھارٹی کے ساتھ مل کر اپنی فضائی تربیتی حدود کا ازسرنو تعین کیا ہے تاکہ اس ائیر پورٹ پرفضائی ٹریفک کی ہموار آمدورفت کو یقینی بنایا جا سکے۔

    علاوہ ازیں پاک فضا ئیہ نے اپنے تربیت یافتہ افراد سے لیس ایک جدید ائیر ٹریفک کنٹرول اسکواڈرن بھی قائم کیا ہے جو کہ ائیر پورٹ پر منظم فضائی آمدورفت میں ہمہ وقت معاون ثا بت ہوگا۔

    قائم مقام ڈائریکٹر جنرل سول ایوی ایشن اتھارٹی ائیر وائس مارشل عسید الرحمان عثمانی نے اس نئے ائیر پورٹ کو فعال بنانے میں پاک فضائیہ کی بھر پور معاونت کو سراہا اور امید ظاہر کی کہ شاندار منصوبہ ملک میں خوشحالی کے ایک نئے دور کا آغا ز ثابت ہو گا۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • اسلام آباد ایئرپورٹ پرماں بیٹی پرایف آئی اے کا تشدد، اہلکارمعطل

    اسلام آباد ایئرپورٹ پرماں بیٹی پرایف آئی اے کا تشدد، اہلکارمعطل

    اسلام آباد : ایف آئی اے اہلکار کی خواتین مسافروں سے بدتمیزی اورتشدد پر وزیرداخلہ نے اسلام آباد ایئر پورٹ پر ہونے والے واقعے میں ملوث اہلکاروں کی معطلی کا حکم دیدیا، ڈائریکٹر ایف آئی اے کی سربراہی میں انکوائری کمیٹی قائم کردی گئی۔

    تفصیلات کے مطابق اسلام آباد ایئر پورٹ پر ایف آئی اے اہلکار کے ویڈیو بنانے پر خواتین مسافر سراپا احتجاج بن گئیں، جس پر ایف آئی اے اہلکار آپے سے باہر ہوگئی اور ایک خاتون مسافر پر خاتون اہلکار نے بہیمانہ تشدد کیا۔

    ویڈیو میں دیکھا جاسکتا ہے کہ خاتون مسافر کے شور کرنے پر ایف آئی اے کی خاتون اہلکار غصے سے پاگل ہوگئی اور ماں بیٹی مسافر خواتین کو کو بیدردی سےبالوں سےجکڑ کرتھپڑ مار رہی ہے۔

    بینظیر انٹرنیشنل ایئر پورٹ کا لاؤنج بےبس و لاچار خواتین مسافروں کی چیخوں سےگونجتارہا، خاتون ایف آئی اے اہلکار کو کسی نے روکنے کی کوشش کی نہیں، سب خاموش تماشائی بنے رہے۔

    میڈیا پر ویڈیو نشر ہونے کے بعد ایف آئی اے حکام حرکت میں آگئے، ڈی جی ایف آئی اے نے ایئرپورٹ پر مسافرخواتین پرتشدد کے واقعے کا سختی سے نوٹس لیتے ہوئے غزالہ نامی خاتون اہلکار کو معطل کردیا۔

    اس کے علاوہ وفاقی وزیر داخلہ احسن اقبال نے متعلقہ اہلکاروں کی فوری معطلی کاحکم دیتے ہوئے ذمہ داران کیخلاف کارروائی میں تاخیر پر ایف آئی اے حکام کی سرزنش اوران سےجواب طلب کرلیا ہے۔

  • انقلاب ملک کولوٹنےوالوں کےگھرسےآئے گا‘ شیخ رشید

    انقلاب ملک کولوٹنےوالوں کےگھرسےآئے گا‘ شیخ رشید

    اسلام آباد: عوامی مسلم لیگ کے سربراہ شیخ رشید احمد کا کہنا ہے کہ شہبازشریف کہتے ہیں انقلاب آئے گا،انقلاب آپ کے گھرسےآنے لگا ہے۔

    تفصیلات کے مطابق عوامی مسلم لیگ کے سربراہ شیخ رشید احمد نے اسلام آباد ایئرپورٹ پر میڈیا سے گفتگو کرتے ہوئے کہا کہ ایک دستاویز کے حصول کے لیے مجھے کئی جگہ دھکے کھانے پڑے۔

    شیخ رشید نے کہا کہ یہ 15 سال کی کرپشن ہے جس میں خاقان عباسی خود پارٹنر ہیں۔ انہوں نے کہا کہ کل میں قطر کے معاہدے کی کاپی جاری کرنے لگا ہوں۔

    عوامی مسلم لیگ کے سربراہ شیخ رشید نے کہا کہ عالمی بینک کی سالانہ میٹنگ میں اسحاق ڈار کی کرپشن کا ذکر ہوا۔

    انہوں نے کہا کہ مریم کہتی ہیں نوازشریف کی بیٹی ہوں اس لیے میرے خلاف بات ہورہی ہے، مریم نواز احتساب عدالت میں ثبوت پیش کریں۔

    شیخ رشید نے کہا کہ برطانوی اٹارنی جنرل نے مہر لگائی کہ مریم نوازفلیٹوں کی بینیفشری ہیں۔ انہوں نے کہا کہ یہ سب بے ایمان ہیں، چوروں کے ساتھ کھڑاہونے والا بھی بے ایمان ہے۔


    نواز شریف سمجھتے ہیں فوج ان کی راہ میں رکاوٹ ہے، شیخ رشید


    واضح رہے کہ گزشتہ ہفتے عوامی مسلم لیگ کے سربراہ شیخ رشید نے کہا تھا کہ رینجرز کی تعیناتی کے معاملے کو بلاوجہ ایشو بنایا گیا، نواز شریف کے ذہن میں یہ بات ہے کہ پاک فوج ان کے راستے میں رکاوٹ ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پیپلزپارٹی کےرہنماشرجیل میمن کی گرفتاری کےبعدرہائی

    پیپلزپارٹی کےرہنماشرجیل میمن کی گرفتاری کےبعدرہائی

    اسلام آباد: پیپلز پارٹی کے رہنما شرجیل میمن کو وطن واپس پہنچنے پر نیب نے اسلام آباد ایئرپورٹ پر حراست میں لیا تاہم ضمانتی دستاویزات کی جانچ پڑتال کے بعد انہیں رہاکردیاگیا۔

    تفصیلات کےمطابق پیپلزپارٹی کے رہنما اور سابق صوبائی وزیر شرجیل میمن رات گئے دبئی سے اسلام آباد ایئرپورٹ پہنچے تو نیب کی ٹیم نے انہیں حراست میں لے لیا۔

    شرجیل میمن کے ساتھ اس موقع پران کے ہمراہ سندھ حکومت کے تین وزراامداد پتافی، مکیش چاؤلہ، فیاض بٹ بھی موجودتھے۔سابق صوبائی وزیرکواحتساب بیوروہیڈکوارٹرراولپنڈی میں رکھاگیا۔

    نیب نےڈیڑھ گھنٹے سے زائد سابق صوبائی وزیر سے پوچھ گچھ کی۔اس دوران شرجیل میمن نےاپنی ضمانتی دستاویزات پیش کیں جن کی جانچ پڑتال اور دستاویزات کی تصدیق ہونے کےبعد نیب نے انہیں رہا کردیا۔

    خیال رہےکہ شرجیل میمن کے وکلا نےاسلام آباد ہائی کورٹ سے حفاظتی ضمانت کرا رکھی تھی اور انہیں 20 مارچ کو عدالت میں پیش ہونا تھا جس کی وجہ سے وہ کراچی کے بجائے اسلام آباد پہنچے۔

    دوسری جانب شرجیل میمن کےساتھ اسلام آبادایئرپورٹ آنےوالےفیاض بٹ کی اےآروائی نیوزسےخصوصی گفتگوکرتے ہوئےکہاکہ شرجیل میمن کوقانون نافذ کرنےوالے اداروں نے گرفتارکیا۔

    فیاض بٹ کاکہناتھاکہ جہازسےاترتےہی ہمارےساتھ بدتمیزی کی گئی جبکہ سادہ لباس اہلکار شرجیل میمن کو اپنے ساتھ لےگئے۔انہوں نےکہاکہ شرجیل میمن پرصرف ایک مقدمہ ہےجس کی ضمانت کرارکھی ہے۔

    ادھرپیپلز پارٹی کےصوبائی وزیر امداد پتافی نے شرجیل میمن کی گرفتاری سے متعلق کہا کہ وہ سندھ اسمبلی کے رکن ہیں اور ان کے پاس ضمانت کے کاغذات تھے لیکن انہیں حراست میں لیے جانے کے دوران اس بات کا بھی خیال نہیں رکھاگیا۔

    شرجیل میمن نے رہائی کےبعد اےآروائی نیوزسےخصوصی گفتگوکرتے ہوئےکہاکہ آج میڈیاکوتمام صورت حال سےآگاہ کروں گا جبکہ پیرکو اسلام آباد ہائی کورٹ میں پیش ہوں گا۔

    پیپلزپارٹی کے رہنما کا کہناتھاکہ عدالت میں پیش ہونےکےبعدکراچی آنےکاپلان دوں گا۔انہوں نےکہاکہ مقدمات کاسامناکرنےپاکستان آیاہوں۔

    شرجیل میمن نیب ہیڈکوارٹرراولپنڈی سےرہائی کےبعد امدادپتافی،فیاض بٹ اورمکیش چاؤلہ کے ہمراہ سند ھ ہاؤس روانہ ہوگئے۔

    واضح رہےکہ شرجیل میمن سندھ حکومت کے وزیراطلاعات رہے ہیں اور ان پر اربوں روپے کی کرپشن کے الزامات ہیں جبکہ نیب نے شرجیل میمن کے خلاف کرپشن کا ریفرنس دائر کررکھا ہے اور ان کا نام بھی ای سی ایل میں شامل ہے۔

  • اسلام آباد یونائیڈ کے ہیڈکوچ ڈین جونزکو اسلام آباد ایئرپورٹ سے ڈی پورٹ کردیا گیا

    اسلام آباد یونائیڈ کے ہیڈکوچ ڈین جونزکو اسلام آباد ایئرپورٹ سے ڈی پورٹ کردیا گیا

    اسلام آباد: پاکستان سبر لیگ میں اسلام آباد یونائیڈ کے ہیڈکوچ ڈین جونزکو سفری کاغذات نامکمل ہونے پر ڈی پورٹ کردیاگیا، ڈین جونز نے نامکمل کاغذات کی تصدیق کردی، تاہم کہتے ہیں ڈی پورٹ نہیں کیاگیا آج رات لاہور پہنچ جائیں گے۔

    سابق آسٹریلین کرکٹراوراسلام یونائٹیڈ کےہیڈکوچ ڈین جونزکوقانونی دستاویزات نہ ہونے کے باعث اسلام آباد سے ڈی پورٹ کردیاگیا، ڈین جونز لوگورونمائی کی تقریب میں شرکت کیلئےمیلبرن سےاسلام آباد پہنچے تھے،لیکن ایف آئی اے حکام کے مطابق ڈین جونز کے پاس پاکستان آنے کیلیےویزا تھا نہ ہی سفری کاغذات مکمل تھے۔

    Expired copy of a visa of Dean Jones.

    ہیڈ کوچ ڈین جونز اوراسلام آباد ٹیم کے ڈائیریکٹر کرکٹ وسیم اکرم کی غیرموجودگی نےلوگو رونمائی کی تقریب کا مزا پھیکاکردیا، ڈین جونز نے ٹوئٹرکاسہارالیتے ہوئے سفری دستاویزات نامکمل ہونے کی تصدیق کی، کہتے ہیں ڈی پورٹ نہیں کیاگیا، وہ پاکستانی ویزا پالیسوں میں تبدیلوں سے آگاہ نہیں تھے۔ آج رات لاہور پہنچ جائیں گے۔


     

  • اسلام آباد ایئرپورٹ پر ایندھن کی فراہمی متاثر، پروازوں تاخیر کا شکار

    اسلام آباد ایئرپورٹ پر ایندھن کی فراہمی متاثر، پروازوں تاخیر کا شکار

    اسلام آباد: اسلام آباد ایئر پورٹ پر ایندھن کی فراہمی بری طرح متاثر ہے،  پی آئی اے نے تمام پروازوں کو متبادل ہوائی اڈوں سے فیول حاصل کرنے کی ہدایات جاری کر دیں ۔

    اسلام آبا د ایئرپورٹ پر تیل فراہم کرنے والی نجی کمپنی کی ناقص پلاننگ کی وجہ سے فیول کی سپلائی بری طرح متاثر ہوگئی ہے، ایندھن نہ ہونے کے باعث پروازوں کی آمدورفت میں خلل پڑنے اور کل سے مختلف پروازوں کو ایندھن کی فراہمی نہ ہونے کا خدشہ ہے۔

    زرائع کے مطابق اٹک ریفائنری سے بروقت فیول حاصل نہ ہوسکا،  جسکے باعث رسد متاثر ہوئی۔

    ہنگامی صورتحال میں کسی بھی پرواز کو ایندھن فراہم نہیں ہوسکے گا۔

    زرائع کا کہنا ہے کہ دس مارچ کو مختلف پروازوں کو جیٹ اے ون فیول کی فراہمی نہیں ہوسکے گی۔