Tag: اسلام آباد روانہ

لاہور :‌ وفاقی پولیس چیئرمین پی ٹی آئی کو لیکر اسلام آباد روانہ ہوگئی، جہاں انھیں اڈیالہ جیل منتقل کیا جائے گا۔

تفصیلات کے مطابق پنجاب کے نگران وزیر اطلاعات عامر میر نے تصدیق کی کہ پولیس چیئرمین پی ٹی آئی کو لیکر اسلام آباد روانہ ہوگئی ، چیئرمین پی ٹی آئی کی گرفتاری میں لاہور پولیس نے معاونت کی۔

رہدداری ریمانڈ کے حوالے سے سوال پر عامر میر کا کہنا تھا کہ رہدداری ریمانڈ کی ضرورت نہیں تھی کیونکہ اسلام آباد پولیس موقع پر موجود تھی۔

پنجاب کے نگران وزیر اطلاعات نے بتایا کہ چیئرمین پی ٹی آئی کو ممکنہ طورپراڈیالہ جیل منتقل کیا جائے گا۔

اس سے قبل اطلاعات تھیں کہ چیئرمین تحریک انصاف کا کچھ دیربعدمیڈیکل کروایاجائےگا اور میڈیکل ہونےکےبعدچیئرمین پی ٹی آئی کا راہداری ریمانڈ لیاجائے گا۔

راہداری ریمانڈ کے بعد چیئرمین پی ٹی آئی کو اسلام آبادپولیس کے حوالے کیا جا سکتا ہے۔

یاد رہے توشہ خانہ کیس میں چیئرمین تحریک انصاف کوتین سال قید کی سزا سنادی گئی تھی اور الیکشن ایکٹ کے تحت پانچ سال کیلئے نااہل قرار دیا تھا۔

اسلام آباد کی سیشن عدالت کے جج ہمایوں دلاور نے مختصر فیصلہ سناتے ہوئے قرار دیا چیئرمین پی ٹی آئی پر کرپٹ پریکٹس کا الزام ثابت ہوا الیکشن کمیشن میں جھوٹی تفصیلات جمع کرائیں اثاثے جان بوجھ کر چھپائے گئے ، توشہ خانہ تحائف سے متعلق غلط بیان دیا گیا چیئرمین پی ٹی آئی کی بددیانتی ثابت ہوگئی۔

لاہور : چیئرمین تحریک انصاف عمران خان عدالت میں پیشی کیلئے اسلام آباد روانہ ہوگئے ، ان کی دو مقدمات میں ضمانت آج ختم ہو رہی ہے۔

تفصیلات کے مطابق چیئرمین پی ٹی آئی عمران خان زمان پارک سے اسلام آباد روانہ ہوگئے، عمران خان آج 2 مقدمات میں ضمانت کے لئے اسلام آباد ہائی کورٹ میں میں پیش ہوں گے۔

یاد رہے عمران خان کی دو مقدمات میں ضمانت آج ختم ہو رہی ہے، عسکری ادارے کے افسران کے خلاف بیان بازی کے مقدمے اور بیرسٹر شاہنواز رانجھا کی مدعیت میں درج اقدام قتل کے مقدمے ضمانت کی درخواست پر آج سماعت ہوگی۔

اسلام آباد ہائیکورٹ کے چیف جسٹس عامر فاروق سماعت کریں گے ، چیئرمین پی ٹی آئی عمران خان اپنے وکلاء ٹیم کے ساتھ عدالت میں پیش ہوں گے۔

عمران خان کی جانب سے بیرسٹر سلمان صفدر پیش ہوں، عمران خان کی 2 مقدمات میں عبوری درخواست ضمانت پر سماعت آج دن 2:30 بجے ہوگی۔

خیال رہے گزشتہ سماعت پر عدالت نے دو مقدمات میں عمران خان کی 9 مئی تک عبوری ضمانت منظور کی تھی، عمران خان کے خلاف محسن شاہنواز پر حملہ کا مقدمہ تھانہ سیکریٹریٹ جبکہ عسکری قیادت کے خلاف بیان کا مقدمہ تھانہ رمنہ میں درج کیا گیا تھا۔

عمران خان کی پیشی کے پیش نظر رجسٹرار اسلام آباد ہائی کورٹ نے سرکلر جاری کردیا ہے ، جس میں آئی جی اور ضلع انتظامیہ کو سیکورٹی انتظامات کی ہدایت کی گئی ہے۔