پاکستان تحریکِ انصاف کے چیئرمین عمران خان نے پارٹی کے تمام ارکانِ قومی اسمبلی کو 28 دسمبر کو اسلام آباد طلب کر لیا۔
تفصیلات کے مطابق تحریک انصاف کے ارکان قومی اسمبلی کل خیبرپختونخوا ہاؤس میں اکٹھے ہونگے، عمران خان خیبر پختون خوا ہاؤس میں ارکانِ قومی اسمبلی سے ویڈیو لنک کے ذریعے خطاب کریں گے۔
پارٹی ذرائع نے بتایا کہ تحریک انصاف کے ارکان قومی اسمبلی کل اپنے ہاتھوں سے استعفے تحریر کرینگے، عمران خان ویڈیو لنک پراجلاس سے آئندہ کی حکمت عملی سےمتعلق آگاہ کریں گے۔
اجلاس میں اسپیکر قومی اسمبلی کے تاخیری حربوں کی بھی مذمت کی جائے گی، اس کے علاوہ استعفوں کے معاملے پر سپریم کورٹ جانے یانہ جانے کے آپشن پربھی غور ہوگا۔