Tag: اسلام آباد پولیس

اسلام آباد : آشنا کے ساتھ مل کر شوہر کو قتل کرنے والی سفاک بیوی کو گرفتار کرلیا گیا ، ملزمان نے تیز دھار آلہ سے وار کرکے تنویر انجم کو قتل کیا تھا۔

تفصیلات کے مطابق اسلام آباد پولیس نے شوہر کو آشنا کے ساتھ مل کر قتل کرنے والی سفاک خاتون سمیت دو ملزمان کو گرفتار کرلیا۔

ترجمان اسلام آباد پولیس نےبتایا کہ تھانہ سمبل اور ہومی سائیڈ یونٹ پولیس نے مشترکہ کارروائی کرتے ہوئے ملزمان شاہین بی بی عرف مسکان اور عابد علی کو گرفتار کیا۔

ملزمان پر الزام ہے کہ انہوں نے تھانہ سمبل کی حدود میں تنویر انجم کو تیز دھار آلے سے وار کرکے قتل کیا۔

ڈی آئی جی اسلام آباد محمد جواد طارق نے واقعے کا نوٹس لیتے ہوئے فوری گرفتاری کے احکامات جاری کیے تھے۔

جس کے بعد ایس پی صدر زون کی نگرانی میں پولیس ٹیم نے جدید تکنیکی اور سائنسی بنیادوں پر تفتیش کرتے ہوئے خاتون سمیت دونوں ملزمان کو گرفتار کرلیا۔

ڈی آئی جی اسلام آباد کا کہنا ہے کہ ملزمان کے خلاف ٹھوس شواہد کی بنیاد پر چالان عدالت میں پیش کیا جائے گا تاکہ انہیں قرار واقعی سزا دلوائی جا سکے۔

اسلام آباد : پولیس کی تحویل سے ریپ کیس کا ملزم فرار ہوگیا، ملزم حمزہ کو دو روز قبل پولیس نے گرفتار کیا تھا۔

تفصیلات کے مطابق وفاقی پولیس کی حراست سےزیادتی کیس کا ملزم فرار ہوگیا، ملزم کیخلاف تھانہ بنی گالہ میں 12 اپریل کو 11 سالہ بچی سےزیادتی کا مقدمہ درج ہوا تھا۔

جس پر ملزم حمزہ کو2دن پہلےزیادتی کے الزام میں گرفتارکیا گیا تھا اور بعد میں تفتیشی افسر نے عدالت سےملزم کا 3 روزہ جسمانی ریمانڈحاصل کیا

تفتیشی افسر نے ملزم کو ایس ایس آئی یو کے اہلکاروں کے حوالے کیا تھا تاہم ملزم ہتھکڑی سے ہاتھ نکال کر فرار ہوگیا۔

پولیس کی حراست سے ملزم کے فرار پر ڈی آئی جی آپریشن نے نوٹس لیتے ہوئے تفتیشی افسر سمیت دو تھانوں کے محرر کو معطل کردیا۔

اسلام آباد پولیس نے احتجاج سے قبل پی ٹی آئی کے 300 سے زائد کارکنان کو گرفتار کر لیا۔

تفصیلات کے مطابق اسلام آباد پولیس نے وفاقی دارالحکومت میں میں سرچ آپریشن کے دوران پاکستان تحریک انصاف (پی ٹی آئی) کے 300 سے زائد کارکنان کو گرفتار کرلیا۔

گزشتہ روز اسلام آباد پولیس کی 27 ٹیموں نے شہر کے مختلف علاقوں میں سرچ آپریشن کے دوران پی ٹی آئی کے 300 سے زائد کارکنان کو گرفتار کیا، گرفتار کارکنان کو مختلف تھانوں میں منتقل کردیا گیا ہے۔

آپریشن میں گیسٹ ہاؤسز اور ہاسٹلز کی چیکنگ کی گئی، آپریشن کے دورران تھانہ کراچی کمپنی کی حدود سے 70 پی ٹی آئی کارکن گرفتار کرلیے گئے۔

اس کے علاوہ تھانہ کوہسار کے علاقے سے 60، تھانہ بارہ کہو سے 20 اور تھانہ رمنا سے 25 پی ٹی آئی کارکن گرفتار کیے گئے۔

پولیس کا کہنا ہے کہ شہر میں دفعہ 144 نافذ العمل ہے، قانون کی خلاف ورزی پر سخت ایکشن لیا جائے گا۔

اسلام آباد پولیس کی جانب سے پنجاب اور سندھ پولیس سے مدد طلب کرلی گئی، پنجاب پولیس کے ڈی آئی جیز بھی دارلحکومت میں ڈیوٹی کریں گے۔

پاکستان تحریک انصاف کے24 نومبر کو ہونے والے جلسے کے پیش نظر اسلام آباد پولیس سخت اقدامات کررہی ہے، دو صوبوں کے پولیس حکام سے اسلام آباد پولیس نے مدد مانگ لی ہے، پنجاب پولیس سے 2 ڈی آئی جیز، 10 ڈی پی اوز اسلام آباد میں ڈیوٹی سرانجام دیں گے۔

4 ہزار رینجرز اہلکا ر اور 5 ہزار ایف سی کے اہلکار بھی ڈیوٹی سرانجام دیں گے، رینجرز اہلکار اینٹی رائیٹس کٹس کے ہمراہ ڈیوٹی دیں گے۔

صورتحال کی پیچیدگی کے پیش نظر پنجاب کے10 ڈی پی اوز کو 500، 500 اہلکاروں کے ساتھ اسلام آباد طلب کیا گیا ہے۔

سندھ اور پنجاب کانسٹیبلری کے بھی 2،2 ہزار اہلکار مانگے گئے ہیں، ایف سی اور پنجاب پولیس کے جوان اینٹی رائٹس کٹ کے ہمراہ خدمات انجام دیں گے۔

پاکستان تحریک انصاف کے مرکزی رہنما اعظم سواتی کو گرفتار کرلیا گیا، انھیں گزشتہ روز رات میں سلام آباد پولیس نے حراست میں لیا۔

اعظم سواتی کو گزشتہ روز رات 11 بجے اسلام آباد پولیس نے گرفتارکیا، رہنما پی ٹی آئی اعظم سواتی کو گرفتار کرکے پہلے تھانہ سنگجانی منتقل کیاگیا، پھر رات گئے انھیں تھانہ سنگجانی سے سی آئی اے سینٹرمنتقل کیا گیا۔

وزیراعلیٰ خیبر پختونخوا علی امین گنڈا پور کو بھی اسلام آباد پولیس کی جانب سے حراست میں لیے جانے کی اطلاعات ہیں تاہم سرکاری ذرائع اس سے انکاری ہیں۔

مشیر اطلاعات خیبرپختونخوا بیرسٹرسیف کا کہنا تھا کہ کے پی ہاؤس میں توڑ پھوڑ ثبوت ہے وزیراعلیٰ کو زبردستی حراست میں لےلیا گیا ہے۔

انھوں نے کہا کہ وزیرداخلہ کی وزیراعلیٰ کےپی کی گمشدگی پر لاعلمی ڈرامےکے سوا کچھ نہیں، وزیراعلیٰ کو زبردستی حراست میں لیا گیا، کےپی ہاؤس میں بھاری اکثریت سے منتخب وزیراعلی پر حملہ فیڈریشن پرحملہ ہے۔

پی ٹی آئی کارکنان کی گرفتاری کے حوالے سے آئی جی اسلام آباد علی ناصر رضوی کا کہنا تھا کہ پی ٹی آئی کے احتجاج کے دوران 120 افغان باشندوں سمیت 878 مظاہرین کو گرفتار کیا گیا۔