Tag: اسلام آباد پولیس

اسلام آباد: ڈپلومیٹک انکلیو میں پولیس کے ساتھ بد تمیزی کرنے والی خاتون ڈاکٹر شہلا کی طبیعت گرفتار ہونے کے بعد خراب ہو گئی، پولیس نے خاتون کو اسپتال منتقل کر دیا۔

تفصیلات کے مطابق ڈاکٹر شہلا کو زیرِ علاج رکھنے کا فیصلہ کیا گیا ہے، اسپتال ذرائع کا کہنا ہے کہ خاتون کل تک سی سی وارڈ میں زیرِ علاج رہیں گی، شعبۂ امراضِ قلب کے ڈاکٹروں نے خاتون کا تفصیلی طبی معائنہ کر لیا۔

[bs-quote quote=”خاتون شدید ذہنی دباؤ اور غنودگی کی شکار ہے، ای سی جی بھی نارمل نہیں: ذرائع” style=”style-7″ align=”left” color=”#dd3333″][/bs-quote]

اسپتال ذرائع کے مطابق خاتون شدید ذہنی دباؤاور غنودگی کی شکار ہے، ڈاکٹروں نے ان کے مزید طبی ٹیسٹ تجویز کیے ہیں، بلڈ پریشر لیول اور ای سی جی ٹیسٹ معمول کے مطابق نہیں ہیں۔

ذرائع کا کہنا ہے کہ ڈاکٹر شہلا کو سی سی یو میں آکسیجن ماسک لگا دیا گیا ہے، اور 2 خواتین پولیس اہل کار ان کی سیکورٹی پر تعینات کر دی گئی ہیں۔

قبل ازیں پولیس سے بد تمیزی کرنے والی خاتون کو طبی معائنے کے لیے پولی کلینک منتقل کیا گیا تھا، عدالت جوڈیشل ریمانڈ پر خاتون کو جیل بھیجنےکا حکم دے چکی ہے۔

اسلام آباد: ڈپلومیٹک انکلیومیں پولیس سے بدتمیزی کرنے والی خاتون گرفتار

واضح رہے گزشتہ روز ڈاکٹر شہلا نے اسلام آباد میں ڈپلومیٹک انکلیو کے اندر پولیس کو دھمکیاں دی تھیں، بعد ازاں انھیں راولپنڈی ڈی ایچ اے فیز ٹو سے گرفتار کر کے تھانہ وومن اسلام آباد منتقل کیا گیا۔

خاتون کے خلاف کارِ سرکار میں مداخلت اور نازیبا الفاظ استعمال کرنے کا مقدمہ درج کیا گیا ہے۔

اسلام آباد: لیڈی کانسٹیبل سے نا معلوم افراد کی زیادتی کا معاملہ پیچیدگی اختیار کر گیا، پولیس نے حساس اداروں سے وسیع پیمانے پر تحقیقات کے لیے مدد مانگ لی۔

تفصیلات کے مطابق گزشتہ رات لیڈی کانسٹیبل کو ہائی وے سے ملزمان نے منہ پر کپڑا رکھ کر بے ہوش کیا تھا، ملزمان لیڈی کانسٹیبل کو حالت غیر ہونے پر اندھیرے میں چھوڑ کر فرار ہوگئے تھے۔

ذرائع کا کہنا ہے کہ ابتدائی تحقیق سے معلوم ہوا ہے کہ خاتون کانسٹیبل سے زیادتی کرنے والے 2 افراد تھے، خاتون کانسٹیبل کی سرکاری گن بھی اس کے قریب سے ہی مل گئی تھی۔

پولیس نے واقعے کی تحقیقات کرتے ہوئے سروس روڈ پر نجی بینک و دیگر اہم عمارتوں سے فوٹیج حاصل کر لی، لیڈی کانسٹیبل کو رات ڈیڑھ بجے پولی کلینک لیبر روم منتقل کیا گیا تھا۔

یہ بھی پڑھیں:  دیر میں پہلی بارخاتون ہیڈ کانسٹیبل کی بطور محرر تعیناتی

اسپتال حکام نے میڈیا کو ابتدائی ٹیسٹ اور علاج کی تفصیل دینے سے انکار کر دیا ہے، وارڈ ماسٹر جبار نے کہا کہ سینئر ڈاکٹرز کی غیر موجودگی میں کوئی انفارمیشن نہیں دے سکتے۔

پولیس کے مطابق گزشتہ رات لیڈی پولیس کانسٹیبل گھر جارہی تھی کہ ہائی وے کے قریب سے اسلحہ کی نوک پر نامعلوم ملزمان نے اس کے ساتھ زیادتی کی۔ پولیس واقعے کی تحقیقات کر رہی ہے تاہم ملزمان تک نہیں پہنچ سکی، جس پر پولیس نے حساس اداروں سے مدد طلب کر لی ہے۔