Tag: اسلام آباد ہائیکورٹ

اسلام آباد : اسلام آباد ہائیکورٹ نے ڈاکٹرعافیہ صدیقی کیس میں امریکہ جانے والے وفد کے خرچے کے حوالے سے سمری وزیر اعظم کوبھیجنے کی ہدایت کردی۔

تفصیلات کے مطابق اسلام آباد ہائیکورٹ میں ڈاکٹر عافیہ صدیقی کی رہائی کی درخواست پر سماعت ہوئی، دوران سماعت عدالت نے استفسار کیا عافیہ صدیقی کی رہائی کیلئے وفد امریکا نجی طور پر گیا تو خرچہ حکومت دے گی یا نہیں ؟

۔۔اسلام آباد ہائی کورٹ نے وزارت خارجہ کو اس حوالے سمری وزیر اعظم کو بھیجنے کی ہدایت کرتے ہوئے کہا کہ وزیر اعظم کو سمری بھیجیں وہ زیرغورلائیں کہ امریکہ جانے والے وفد کا خرچہ کون دے گا۔

جسٹس سردار اعجاز اسحاق خان نے دلچسپ ریمارکس دیتے ہوئے کہا اگر سمری وزیر اعظم تک نہیں پہنچتی تو اس پر پی ٹی آئی لکھ دیں جلدی پہنچ جائے گی.

وکیل کا کہنا تھا کہ حکومت کی طرف سے وفد میں کوئی نہیں تھا پہلےانوشہ رحمن کا بتایا گیا لیکن اب وہ نہیں جا رہیں پھر عرفان صدیقی کا بتایا اب پتہ چلا ہے وہ بھی نہیں ہیں اور ویزا ابھی نہیں ہوا، آفیشل ویزا چاہیے۔

عدالت نے امریکی وکیل سے استفسار کیا سابقہ ڈکلیریشن سے متعلق بتائیں کیا پوزیشن ہے تو عافیہ صدیقی کے امریکی وکیل نے عدالت کے روبروکہا اس موقع پر دورہ کی کامیابی کے زیادہ چانسز ہیں۔

بعد ازاں اسلام آباد ہائی کورٹ نے ڈاکٹر عافیہ صدیقی کیس کی سماعت پیر تک ملتوی کردی۔

اسلام آباد: اسلام آباد ہائیکورٹ نے ایڈووکیٹ ایمان مزاری اور شوہر کے تین روزہ ریمانڈ کا حکم معطل کردیا۔

تفصیلات کے مطابق اسلام آباد ہائیکورٹ میں کار سرکار میں مداخلت کے کیس میں ایڈوکیٹ ایمان مزاری اور ہادی علی چٹھہ کی تین روزہ ریمانڈ کے خلاف اپیل پر سماعت ہوئی۔

چیف جسٹس عامر فاروق اور جسٹس ثمن رفعت امتیاز نے سماعت کی، وکیل قیصر امام عدالت کے سامنے پیش ہوئے۔

عدالتی ہدایت پر وکیل قیصر امام نے ریمانڈ آرڈر پڑھا اور بتایا کہ درخواست گزاروں کا تین روزہ ریمانڈ دیا گیا ہے۔

مزید پڑھیں : ایمان مزاری اور شوہر ہادی علی چٹھہ 3 روزہ جسمانی ریمانڈ پر پولیس کے حوالے

اسلام آباد ہائیکورٹ نے ایڈووکیٹ اور ہادی علی چٹھہ کے خلاف ریمانڈ آرڈر معطل کر دیا اور پولیس کو نوٹس جاری کرتے ہوئے کل تک جواب طلب کرلیا۔

گذشتہ روز انسدادِ دہشتگردی عدالت نے سابق وفاقی وزیر کی بیٹی اور ان کے شوہر ہادی علی چٹھہ کو تین روزہ جسمانی ریمانڈ پر پولیس کے حوالے کیا تھا۔

اسلام آباد : چیف جسٹس اسلام آباد ہائیکورٹ نے 3 روزہ تعطیلات کی منظوری دے دی، جس کا اطلاق تمام کورٹس پر ہوگا۔

تفصیلات کے مطابق اسلام آباد ہائیکورٹ نے بھی شنگھائی تعاون تنظیم کا سربراہی اجلاس کے باعث 3 روز کی تعطیلات کا اعلان کردیا اور اس حوالے سے نوٹیفکیشن بھی جاری کردیا۔

نوٹیفکیشن میں کہا گیا کہ چیف جسٹس نے 3 روزہ تعطیلات کی منظوری دی، اطلاق ہائیکورٹ سمیت ڈسٹرکٹ اینڈسیشن کورٹس پر بھی ہوگا۔

خیال رہے وفاقی حکومت کی جانب سے شنگھائی تعاون تنظیم کے سربراہی اجلاس سے قبل سخت اقدامات کئے جارہے ہیں اور جڑواں شہروں کے رہائشیوں کے لیے 14 سے 16 اکتوبر تک تین تعطیلات کا اعلان کیا گیا ہے۔

واضح رہے کہ شنگھائی تعاون تنظیم کا سربراہی اجلاس 15 اور 16 اکتوبر کو اسلام آباد میں ہوگا۔ جس میں کئی ممالک کے سربراہان اور نمائندے شریک ہوں گے۔

ایس سی او سمٹ کے لیے آرٹیکل 245 کے تحت اسلام آباد میں فوج بھی تعینات کی گئی ہے جو 17 اکتوبر تک تعیناتی رہے گی۔

بھارتی وزیرخارجہ جے شنکر بھی ایس سی اوسمٹ میں شرکت کیلئے پاکستان آرہے ہیں، وہ15 ،16 اکتوبر کو سمٹ میں شرکت کریں گے، جے شنکر کا پاکستان کا یہ پہلا دورہ ہوگا۔

بانی پاکستان تحریک انصاف سے ان کے وکلا کی ملاقات نہ کرانے پر توہین عدالت کی درخواست سماعت کیلئے مقرر کردی گئی۔

جسٹس ثمن رفعت امتیاز کل بانی پی ٹی آئی کے وکیل کی درخواست پرسماعت کرینگی، درخواست میں سیکریٹری داخلہ اور سپرنٹنڈنٹ اڈیالہ جیل کو فریق بنایا گیا ہے، درخواست میں کہا گیا کہ عدالت بانی پی ٹی آئی سے وکلا کی ملاقات کرانے کا حکم بھی جاری کرے۔

درخواست میں استدعا کی گئی ہے کہ اسلام آباد ہائیکورٹ نے بانی کی وکلا سے ہفتے میں 2 دن ملاقات کا آرڈر جاری کیا۔

ایس او پیز کے مطابق جیل حکام کو آج ملاقات کرنے والے وکلا کی فہرست بھیجی، جیل حکام نے آگاہ کیا کہ وکلا کی بانی پی ٹی آئی سے ملاقات نہیں کرائی جائے گی۔

درخواست میں مزید کہا گیا کہ فریقین کا کنڈکٹ عدالتی احکامات کی خلاف ورزی ہے، اس پر توہین عدالت کی کارروائی کی جائے۔