Tag: اسلام آباد ہائیکورٹ

اسلام آباد : اسلام آباد ہائیکورٹ نے مقدمات کی ناقص تفتیش پر پولیس افسران کے خلاف توہین عدالت کی کاروائی کا آغاز کرتے ہوئے ایس پی اور ایس ڈی پی او کے خلاف توہین عدالت کاروائی کی فائل تیار کرنے کی ہدایت کردی۔

تفصیلات کے مطابق مقدمات کی ناقص تفتیش پر اسلام آباد ہائیکورٹ نے پولیس کے خلاف حکم جاری کردیا ، عدالت نے پولیس افسران کیخلاف توہین عدالت کی کارروائی کا آغاز کردیا ہے۔

اسلام آباد ہائیکورٹ کے جسٹس طارق محمود جہانگیری نے احکامات جاری کئے، جس میں ایس پی اور ایس ڈی پی او کے خلاف توہین عدالت کاروائی کی فائل تیار کرنے کی ہدایت کی ہے۔

عدالت نے کہا کہ تحریری جواب دیں کیوں نا باقاعدہ توہین عدالت کاروائی شروع کی جائے ؟ کیوں نا آپ کے خلاف ڈسپلنری کاروائی شروع کی جائے؟

عدالت نے حکم دیا کہ افسران ذاتی حیثیت میں حاضر ہوں اور دس روز میں جواب جمع کرائیں۔

اقدام قتل کے مقدمہ کا ٹرائل عدالت نے 4 ماہ میں مکمل کرنے کا حکم دیتے ہوئے کہا پراسیکیوشن اگر پیروی نا کرے تو ملزم دوبارہ ضمانت دائر کر سکتا ہے۔

بعد ازاں عدالت نے اقدام قتل کے مقدمہ کی مزید سماعت 3 اگست تک ملتوی کردی۔

اسلام آباد : اسلام آباد ہائیکورٹ نے اقدام قتل کیس میں ناقص تفتیش پر پولیس حکام پر برہمی کا اظہار کرتے ہوئے کہا تھانوں کو خرچے پہنچ جاتے ہیں ہائیکورٹ آرڈر کی کسی کو پرواہ نہیں۔

تفصیلات کے مطابق اقدام قتل کیس میں ناقص تفتیش پر اسلام آباد ہائیکورٹ پولیس حکام پر برہم کا اظہار کیا، جسٹس طارق جہانگیری نے ایس پی اور ایس ڈی پی او انڈسٹریل ایریا کو جھاڑپلادی۔

عدالت نے کہا کہ ایس ڈی پی او اور ایس پی بغیر تیاری عدالت آجاتے ہیں یہ کیا طریقہ ہے۔ آپ کے 2بندے آج اگر جیل چلےجائیں توسب کام درست ہوجائے گا اور آج آپ کا آئی جی جیل چلا جائے تو دیکھیں کیسےدرست ہوتی ہیں چیزیں، آئی جی کو لکھ لکھ کر تھک گئے لیکن تفتیش درست نہیں ہوتی۔

جسٹس طارق محمود جہانگیری نے ریمارکس دیے تھانوں کو خرچےپہنچ جاتے ہیں ہائیکورٹ آرڈر کی کسی کو پرواہ نہیں ، آئی جی کی ہدایات پڑھیں جس میں تیاری کیساتھ پیش ہونے کا کہا گیا ، میں اس کیس میں توہین عدالت کی کارروائی شروع کروں گا۔

عدالت نے ایس پی سے مکالمے میں کہا کہ بغیر تیاری عدالت آئیں گے تو کیا عدالت کو بند کردیں ، جس پر ایس پی نے جواب دیا کہ تفتیشی افسر کو شوکاز کیا ہے آئندہ ایسا نہیں ہوگا۔

جسٹس طارق محمود جہانگیری کا کہنا تھا کہ اس سے کیا ہوگا بات پھر محرر پر آ جائے گی ،شوکاز آپ نے ماتحت کو کردیا اپنی ذمہ داری کیوں نہیں نبھائی ، جس پر ایس پی نے بتایا کہ روز میٹنگ ہوتی ہے روز تیاری کے حوالے سے ہدایات جاری ہوتی ہیں۔

ایسی باتیں نہ کریں کہانیاں نہ سنائیں، جب صبح ہائیکورٹ پیشی ہو تو آپ کو رات کو نیند نہیں آنی چاہیے، اٹک سے بندہ یہاں آجاتا ہے اور یہاں تیاری ہی نہیں ہوتی کسی کو پرواہ نہیں، ہائی کورٹ کے آرڈر کا مذاق نہیں چلے گا۔

عدالت نے کہا کہ کیوں نہ آپ کے خلاف توہین عدالت کاروائی شروع کروں،سیکرٹری داخلہ کو لکھ دوں،ایس پی انڈسٹریل ایریا نے یقین دہانی کرائی کہ آئندہ ایسا نہیں ہوگا ، جس پر جسٹس طارق محمود جہانگیری کا کہنا تھا کہ لکھ کر دیں کہ آئندہ ایسا نہیں ہوگا۔

اسلام آباد : اسلام آباد ہائی کورٹ نے چیئرمین پی ٹی آئی عمران خان کی عبوری ضمانت میں توسیع کرتے ہوئے 31 مئی کو ہر صورت پیش ہونے کا حکم دے دیا۔

تفصیلات کے مطابق اسلام آباد ہائی کورٹ میں چیئرمین پی ٹی آئی عمران خان کی 2 مقدمات میں عبوری ضمانت کی درخواست پر سماعت ہوئی۔

اسلام آباد ہائیکورٹ نے عمران خان کی عبوری ضمانت میں اکتیس مئی تک توسیع کرتے ہوئے عمران خان کی آج کی استثنی کی متفرق درخواست بھی منظور کرلی۔

عدالت نے عمران خان کو اکتیس مئی کو ہرصورت پیش ہونے کا حکم دیتے ہوئے کہا 31مئی کو پیش نہ ہوئے تو اس روز استثنیٰ کی درخواست منظور نہیں ہوگی ، آئندہ سماعت پرتمام کیسوں کا فیصلہ کریں گے۔

اسٹیٹ کونسل نے عدالت کو بتایا کہ عمران خان تاحال شامل تفتیش نہیں ہوئے ، جس پر جسٹس میاں گل حسن اورنگزیب نے استفسار کیا کیا تفتیشی افسر لاہور جا سکتے ہیں، ایسا مکنزم سوچیں جہاں سے ان سے سوالات پوچھ کرشامل تفتیش کیاجائے۔

عدالت نے سوال کیا اسلام آباد میں کتنے کیسز ہیں؟ جس پر وکیل بیرسٹر گوہر نے بتایا کہ پورے ملک میں 100 سے زائد کیسز ہیں ، لاہور ہائیکورٹ نے کہا تھا تمام تفتیشی افسر زمان پارک جا کر تفتیش کریں، تفتیشی افسر وہاں گئے اور شامل تفتیش بھی کیا گیا۔

جسٹس میاں گل حسن اورنگزیب نے ریمارکس دیئے میرے پاس کیسز 31 مئی کے ہیں 31 مئی تک توسیع کرتے ہیں ، ایک انسان کے لیے اتنے مقدمات میں پیش ہونا ممکن نہیں۔

جسٹس میاں گل حسن نے ریمارکس دیے ایک انسان کے لیے اتنے مقدمات میں پیش ہونا ممکن نہیں۔

اسلام آباد ہائیکورٹ نے پی ٹی آئی رہنما فواد چوہدری اور سیف اللہ نیازی کو گرفتار کرنے سے روک دیا۔

پاکستان تحریک انصاف کے رہنما فواد چوہدری سمیت 8 افراد نے گرفتاری سے بچنے کے لیے عدالت میں درخواستیں دائر کیں تھے، عدالت سے رجوع کرنے والوں میں فیصل چوہدری، سیف اللہ نیازی اور بیرسٹر گوہر سمیت دیگر شامل تھے۔

اسلام آباد ہائیکورٹ نے درخواست پر سماعت کرتے ہوئے پی ٹی آئی رہنماؤں کی استدعا کو منظور کیا اور کہا کہ وفاق، نیب، ایف آئی اے اور پولیس فواد چوہدری کو گرفتار نہ کرے، اس کیس کی مزید سماعت 12 مئی کو ہوگی۔

اسد عمر کو گرفتار کر لیا گیا

ذرائع کے مطابق اسلام آباد ہائیکورٹ کے باہر انسداد دہشتگردی، ایگل اسکواڈ، اسلام آباد پولیس کی نفری سپریم کورٹ کے باہر موجود ہے جبکہ فواد چوہدری سپریم کورٹ کے وکلا روم میں موجود ہیں۔

اس کے علاوہ ایس ایس پی آپریشن بھی بھاری نفری کے ہمراہ سپریم کورٹ پہنچ گئے۔