ARYNews.tv | Urdu – Har Lamha Bakhabar

Tag: اسلام آباد یونائیٹڈ

  • اسلام آباد یونائیٹڈ نے پشاور زلمی کو 12 رنز سے شکست دے دی

    اسلام آباد یونائیٹڈ نے پشاور زلمی کو 12 رنز سے شکست دے دی

    شارجہ: پاکستان سپر لیگ سیزن فور کے گیارہویں میچ میں اسلام آباد یونائیٹڈ نے پشاور زلمی کو 12 رنز سے شکست دے دی، کیرون پولارڈ کی نصف سنچری بھی پشاور زلمی کو شکست سے نہ بچاسکی۔

    تفصیلات کے مطابق پاکستان سپر لیگ سیزن فور کے گیارہویں میچ میں اسلام آباد یونائیٹڈ نے پشاور زلمی نے جیت کے لیے 159 رنز کا ہدف دیا، ہدف کے تعاقب میں زلمی کی ٹیم آخری اوور میں 146 رنز پر آل آؤٹ ہوگئی، فاسٹ بولر محمد سمیع نے ہیٹ ٹرک کی۔

    کامران اکمل اپنی کھوئی فارم بحال نہ کرسکے اور صرف 7 رنز بنا کر پویلین لوٹ گئے، امام الحق بھی 18 رنز پر آؤٹ ہوئے، ملان 1 رنز بنا کر محمد موسیٰ کی گیند پر پٹیل کو کیچ دے بیٹھے۔

    کیرون پولارڈ نے 51 رنز کی شاندار اننگز کھیلی، وہاب ریاض نے 20 رنز کی بنا کر محمد سمیع کی گیند پر کیچ آؤٹ ہوئے، کپتان ڈیرن سیمی 11 رنز بنا کر پویلین لوٹ گئے۔

    اسلام آباد یونائیٹڈ کے کپتان محمد سمیع نے ہیٹ ٹرک کی، محمد موسیٰ نے چار اوورز میں 25 رنز دے کر تین وکٹیں حاصل کیں، فہیم اشرف نے دو کھلاڑیوں کو آؤٹ کیا، پٹیل، شاداب خان کے حصے میں ایک، ایک وکٹ حاصل کی۔

    قبل ازیں شارجہ میں کھیلے جانے والے میچ میں اسلام آباد یونائیٹڈ نے مقررہ اوورز میں 9 وکٹوں کے نقصان پر 158 رنز بنائے اور پشاور زلمی کو جیت کے لیے 159 رنز کا ہدف دے دیا، ثمین گل نے تین کھلاڑیوں کو پویلین کی راہ دکھائی۔

    ڈیرن سیمی نے ٹاس جیت کر پہلے بولنگ کا فیصلہ کیا تو اسلام آباد یونائیٹڈ کی پہلی وکٹ 32 رنز پر گری جب لک رونکی 21 رنز بنا کر ثمین گل کی گیند پر ڈوسن کو کیچ دے بیٹھے۔

    صاحب زادہ فرحان 15 رنز پر ہمت ہار گئے، حسین طلعت کو پولارڈ نے صفر پر پویلین بھیج دیا، ڈیلپورٹ نے 29 رنز بنائے جبکہ آصف علی 13 رنز بنا کر آؤٹ ہوئے۔

    پشاور زلمی کے  ثمین گل نے تین وکٹیں حاصل کیں، حسن علی کے حصے میں 2 کھلاڑیوں کو پویلین کی راہ دکھائی۔

    تفصیلات کے مطابق شارجہ میں کھیلے جانے والے پی ایس ایل فور کے گیارہویں میچ میں ڈیرن سیمی نے ٹاس جیت کر اسلام آباد یونائیٹڈ کو پہلے بیٹنگ کی دعوت دی ہے۔

    اسکواڈ اسلام آباد یونائیٹڈ

    محمد سمیع اسلام آباد یونائیٹڈ کے کپتان ہیں دیگر کھلاڑیوں میں  لک رونکی، صاحبزادہ فرحان، ڈیلپورٹ، حسین طلعت، آصف علی، شاداب خان، فہیم اشرف، آئی آر بیل، سمیتھ پٹیل، محمد موسی شامل ہیں۔

    اسکواڈ پشاور زلمی

    ڈیرن سیمی پشاور زلمی کے کپتان ہیں، دیگر کھلاڑیوں میں کامران اکمل، امام الحق، عمر امین، ملان، کیرون پولارڈ، ڈاسن، حسن علی، سمین گل، عمید آصف اور وہاب ریاض شامل ہیں۔

    واضح رہے کہ گزشتہ میچ میں لاہور قلندرز نے سنسنی خیز مقابلے کے بعد 6 وکٹوں سے شکست دی تھی، اے بی ڈیولیرز کو شاندار نصف سنچری اسکور کرنے پر میچ کا بہترین کھلاڑی قرار دیا گیا۔

    یاد رہے کہ پشاور زلمی کے پوائنٹس ٹیبل پر 4 پوائنٹس ہیں جبکہ اسلام آباد یونائیٹڈ نے ایک میچ جیت کر 2 پوائنٹس حاصل کیے ہیں۔

  • ملتان سلطانز نے اسلام آباد یونائیٹڈ کو 5 وکٹوں سے شکست دے دی

    ملتان سلطانز نے اسلام آباد یونائیٹڈ کو 5 وکٹوں سے شکست دے دی

    دبئی: پی ایس ایل سیزن فور کے چوتھے میچ میں ملتان سلطانز نے اسلام آباد یونائیٹڈ کو شکست دے دی۔

    تفصیلات کے مطابق پی ایس ایل سیزن فور کے چوتھے میچ میں ملتان سلطانز نے سنسنی خیز مقابلے کے بعد اسلام آباد یونائیٹڈ کو شکست دے دی، اسلام آباد نے 125 رنز بنائے اور ملتان سلطانز کو 126 رنز کا ہدف دیا۔

    ہدف کے تعاقب میں ملتان سلطانز کی پہلی وکٹ 3 رنز پر گری جب چارلس بغیر کوئی رن بنائے وقاص مقصود کی گیند پر پویلین لوٹ گئے، دوسری وکٹ شادی مسعود کی گری جب وہ 26 رنز بنا کر رن آؤٹ ہوگئے۔

    تیسرے آؤٹ ہونے والے کھلاڑی ایونس تھے انہوں نے 15 رنز بنائے، حماد اعظم اور آندرے رسل بالترتیب 14 اور 16 رنز بنائے۔

    شاہد آفریدی اور شعیب ملک نے ناقابل شکست 16 اور 31 رنز کی اننگز کھیلی۔

    اسلام آباد یونائیٹڈ کے شاداب خان نے دو کھلاڑیوں کو پویلین کی راہ دکھائی جبکہ وقاص مقصود اور محمد سمیع کے حصے میں ایک ایک وکٹ آئی۔

    واضح رہے کہ ملتان سلطانز کی ایونٹ میں یہ دوسری شکست ہے جبکہ اسلام آباد یونائیٹڈ نے ایک میچ جیتا اور ایک ہارا ہے۔

    قبل ازیں ملتان سلطانز نے ٹاس جیت کر پہلے فیلڈنگ کا فیصلہ کیا جو درست ثابت ہوا اور اسلام آباد یونائیٹڈ کی پوری ٹیم مقررہ اوورز میں صرف 125 رنز بناسکی اور ملتان سلطانز کو جیت کے لیے 126 رنز کا ہدف دے دیا۔

    اسلام آباد یونائیٹڈ لک رونکی نے 51 رنز کی شاندار اننگز کھیلی اور سمیٹ پٹیل 20 رنز بنا کر نمایاں رہے، اسلام آباد یونائیٹڈ کے باقی کھلاڑی خاطر خواہ کارکردگی دکھانے میں ناکام رہے۔

    ملتان سلطانز کی جانب سے جنید خان، علی شفیق اور شاہد خان آفریدی نے دو، دو وکٹیں حاصل کیں جبکہ محمد عرفان کے حصے میں ایک وکٹ آئی۔

    دبئی کے اسٹیڈیم میں آج ملتان سلطانز اور اسلام آباد یونائیٹڈ مدمقابل ہیں۔ اسلام آباد یونائیٹڈ کے کپتان محمد سمیع کا کہنا ہے کہ ٹیم میں کوئی تبدیلی نہیں کی گئی۔

    2 سیزنز کی فاتح اسلام آباد یونائیٹڈ نے اس سیزن میں بھی فاتحانہ آغاز کیا اور پہلے میچ میں لاہور قلندرز کو 5 وکٹوں سے شکست دی۔

    دوسری جانب ملتان سلطان کا یہ دوسرا میچ ہے اور وہ پہلے میچ کی شکست کے بعد دوسرا میچ جیتنے کے لیے پرعزم ہیں۔

    ملتان سلطانز نے اپنے پہلے میچ میں کراچی کنگز سے 7 رنز سے شکست کھائی تھی۔

    ملتان سلطانز کی ٹیم میں کپتان شعیب ملک، علی شفیق، ڈی جے کرسٹین، حماد اعظم، جنید خان، محمد عباس، محمد الیاس، محد عرفان، شان مسعود، شاہد آفریدی، نعمان علی اور قیس احمد شامل ہیں۔

    اسلام آباد کی ٹیم میں محمد سمیع کپتان، رضوان حسین، لک رونچی، فل سالٹ، حسین طلعت، کیمرون ڈیلپورٹ، آصف علی، فہیم اشرف، شادان خان، سمیٹ پٹیل اور وقاص مقصود شامل ہیں۔

    یاد رہے کہ پی ایس ایل 4 میں 6 ٹیموں کے درمیان 34 مقابلے ہوں گے، ابتدائی 26 میچ متحدہ عرب امارات میں کھیلے جائیں گے، ابو ظہبی پہلی مرتبہ پی ایس ایل میچز کی میزبانی کرے گا۔

    پی ایس ایل 4 کے آخری 8 میچز پاکستان میں کھیلے جائیں گے۔ 7 سے 17 مارچ تک میچز لاہور اور کراچی میں ہوں گے، لاہور میں 9، 10 اور 12 مارچ کو میچز کھیلے جائیں گے۔

    بعد ازاں کراچی میں 7، 10، 13، 15 اور 17 مارچ کو میچز کھیلے جائیں گے، 17 مارچ کو لیگ کا فائنل بھی کراچی کے نیشنل اسٹیڈیم میں کھیلا جائے گا۔

  • پی ایس ایل 4: افتتاحی میچ میں اسلام آباد یونائیٹڈ نے لاہور قلندرز کو شکست دے دی

    پی ایس ایل 4: افتتاحی میچ میں اسلام آباد یونائیٹڈ نے لاہور قلندرز کو شکست دے دی

    دبئی: پی ایس ایل سیزن فور کے افتتاحی میچ میں اسلام آباد یونائیٹڈ نے لاہورقلندرز کو 5 وکٹ سے شکست دے دی۔

    تفصیلات کے مطابق اسلام آباد یونائیٹڈ نے 20ویں اوور میں 5وکٹ کے نقصان پرہدف حاصل کیا، 2 وکٹ اور 23رنز کے ساتھ فہیم اشرف میچ کے بہترین کھلاڑی قرار پائے۔ حسین طلعت37، آصف علی 36 اور لیوک رونچی27 رنز بناکر نمایاں  رہے۔

    قبل ازیں لاہور قلندرز نے اسلام آباد یونائیٹڈ کو جیت کے لیے  172 رنز کا ہدف دیا، فخر زمان نے شاندار نصف سنچری اسکور کی۔

    پی ایس ایل سیزن فور کے پہلے میچ میں لاہور قلندرز نے مقررہ اوورز میں 8 وکٹوں کے نقصان پر 171 رنز بنائے اور اسلام آباد یونائیٹڈ کو جیت کے لیے 172 رنز کا ہدف دیا، فخر زمان نے شاندار 44 گیندوں پر 65 رنز کی شاندار اننگز کھیلی۔

    محمد سمیع نے ٹاس جیت کر پہلے فیلڈنگ کا فیصلہ کیا جو غلط ثابت ہوا، اوپنر فخر زمان اور سہیل اختر نے شاندار شراکت داری قائم کرکے ٹیم کا اسکور 97 رنز تک پہنچادیا، سہیل اختر 37 رنز بنا کر فہیم اشرف کا نشانہ بنے۔

    اسلام آبا یونائیٹڈ کی دوسری وکٹ 129 رنز پر گری جب فخر زمان 64 رنز بنا کر شاداب خان کی گیند پر آؤٹ ہوئے، اے بی ڈیولیرز 24 رنز بنا کر وقاص مقصود کی گیند پر وکٹ گنوا بیٹھے، برینڈین ٹیلر 2 رنز بنا کر ڈیوچ کی گیند پر آؤٹ ہوئے۔

    کارلوس بریتھ ویتھ 6 رنز بنا کر فہیم اشرف کی گیند پر پویلین لوٹ گئے، ڈیوچ کو فہیم اشرف نے 14 رنز پر رن آؤٹ کیا، یاسر شاہ 7 رنز بنا کر رن آؤٹ ہوئے، شاہین شاہ آفریدی 2 رنز بنا کر محمد سمیع کی گیند پر ایل بی ڈبلیو ہوئے۔

    اسلام آباد یونائیٹڈ کی جانب سے فہیم اشرف نے دو کھلاڑیوں کو پویلین کی راہ دکھائی جبکہ شاداب خان، وقاص مقصود، محمد سمیع اور ڈیوچ نے ایک، ایک وکٹ حاصل کی۔

    قبل ازیں اسلام آباد یونائیٹڈ کے کپتان محمد سمیع نے لاہور قلندرز کے خلاف ٹاس جیت کر پہلے فیلڈنگ کا فیصلہ کیا ہے، اسلام آباد یونائیٹڈ گزشتہ سال پی ایس ایل تھری ٹرافی جیتنے میں کامیاب ہوئی تھی۔

    اسلام آباد یونائیٹڈ اسکواڈ

    اسلام آباد کی ٹیم میں محمد سمیع کپتان، رضوان حسین، لک رونکی، فل سالٹ، حسین طلعت، کیمرون ڈیلپورٹ، آصف علی، آصف علی، فہیم اشرف، شادان خان، سمیٹ پٹیل، اور وقاص مقصود شامل ہیں۔

    لاہور قلندرز اسکواڈ

    لاہور قلندر کی قیادت محمد حفیظ کررہے ہیں، دیگر کھلاڑیوں میں اے بی ڈیولیرز، فخر زمان، سہیل اختر، اینٹون ڈیوچ، برینڈن ٹیلر، کارلوس بریتھ ویٹ، یاسر شاہ، شاہین شاہ آفریدی، حارث سہیل اور راحت علی شامل ہیں۔

    اسلام آباد یونائیٹڈ 2016 میں پی ایس ایل کے پہلے سیزن میں کامیابی سے ہم کنار ہوئی تھی، دوسرے سیزن میں چوتھے نمبر پر رہی جبکہ پی ایس ایل تھری میں پھر کامیابی اسلام آباد یونائیٹڈ کے حصے میں آئی۔

    لاہور قلندرز کے لیے پی ایس ایل کے تینوں سیزن زیادہ اچھے ثابت نہیں ہوئے ہیں، پہلے سیزن میں لاہور کی ٹیم پانچویں پوزیشن دوسرے سیزن میں بھی پانچویں پوزیشن اور پی ایس ایل تھری میں ایک درجہ تنزلی کے بعد چھٹے نمبر پر رہی تھی۔

    مزید پڑھیں: پی ایس ایل کے ٹکٹوں کی آن لائن فروخت آج رات 12 بجے شروع ہوگی

    واضح رہے کہ پی ایس ایل فور میں 6 ٹیموں کے درمیان 34 مقابلے ہوں گے، ابتدائی 26 میچ یو اے ای میں کھیلے جائیں گے، ابوظبی پہلی مرتبہ پی ایس ایل میچز کی میزبانی کرے گا۔

    پی ایس ایل فور کے آخری 8 میچز پاکستان میں کھیلے جائیں گے، 7 سے 17 مارچ تک میچز لاہور اور کراچی میں ہوں گے، لاہور میں 10، 9 اور 12 مارچ کو میچز کھیلے جائیں گے۔

    کراچی میں 15، 13، 10، 7 اور 17 مارچ کو مقابلے ہوں گے، پی ایس ایل فور کا فائنل 17 مارچ کو نیشنل اسٹیڈیم میں کھیلا جائے گا۔

  • پی ایس ایل فائنل، شائقین کیلئے آخری وقت میں بڑی خوش خبری

    پی ایس ایل فائنل، شائقین کیلئے آخری وقت میں بڑی خوش خبری

    کراچی : پاکستان سپرلیگ کے تیسرے ایڈیشن کا فائنل آج کراچی کے نیشنل اسٹیڈیم میں دفاعی چیمپئین پشاور زلمی اور اسلام آباد یونائیٹڈ کے درمیان کھیلا جائے گا، جس کے لیے تمام ترانتظامات مکمل کرلیے گئے ہیں، عوام کی بڑی تعداد کے پیش نظر پاکستان کرکٹ بورڈ نے اسٹیڈیم میں داخلے کا وقت دو گھنٹے بڑھا دیا۔

    تفصیلات کے مطابق کراچی میں 9 سال بعد آج کرکٹ کا میلہ سجے گا، جس میں دنیائے کرکٹ کے نامور کھلاڑی اپنی صلاحیتوں کے جوہر دکھائیں گے، پی ایس ایل تھری کے فائنل میچ میں پشاور زلمی اور اسلام آباد یونائیٹڈ کے درمیان ٹاکرا ہوگا۔

    اپ ڈیٹ

    دونوں ٹیموں کے کھلاڑیوں کو سخت سیکیورٹی حصار میں ہوٹل سے اسٹیڈیم لایا گیا جبکہ وزیر اعلیٰ سندھ سمیت مختلف معروف شخصیات بھی اسٹیڈیم پہنچ چکی ہیں۔

    شائقین کرکٹ کے لیے نیشنل اسٹیڈیم کے دورازے سہہ پہر12 بجے کھول دیے گئے اور پارکنگ سے اسٹیڈیم کے قریب تک شائقین کو لے جانے کے لیے شٹل سروس چلائی جارہی ہے، عوام کی بڑی تعداد اسٹیڈیم پہنچنے سے رہ گئی جس کے پیش نظر پاکستان کرکٹ بورڈ نے داخلے کا وقت دو گھنٹے بڑھاتے ہوئے اسے شام 5 بجے کے بجائے 7 بجے تک کردیا۔

    سیکورٹی انتظامات

    پی ایس ایل فائنل کے لیے سخت سیکورٹی انتظامات کیے گئے، 8 ہزار سے زائد پولیس اہلکاروں سمیت رینجرز اور دیگر قانون نافذ کرنے والے ادارے سیکورٹی کے فرائض انجام دے رہے ہیں۔

    سیکورٹی پلان کے مطابق مخصوص شاہراوں کو ٹریفک کے لیے بند کیا گیا جبکہ میچ دیکھنے کے لیے آنے والے شائقین کو کسی قسم کی مشکلات کا سامنا نہ کرنا پڑے اس کے لیے 1600 اہلکاروں نے ٹریفک کا نظام سنبھالا ہے۔

    ٹریفک پلان

    ٹریفک پلان کے مطابق پی ایس ایل فائنل کے موقع پر نیشنل اسٹیڈیم آنے والی 4 اہم سڑکیں عام ٹریفک کے لیے بند ہیں، کار ساز شارع فیصل سے اسٹیڈیم آنے والی سڑک ٹریفک کے لیے بند جبکہ لیاقت آباد 10 نمبر سے اسٹیڈیم تک کی سڑک کو بھی رکاوٹیں لگا کر بند کیا گیا۔

    نیوٹاؤن سے اسٹیڈیم جانے والے شارع کو بھی عام ٹریفک کے لیے بند کیا گیا جبکہ میلینئم مال سے ڈالمیا روڈ بھی ٹریفک کے لیے بند ہے، نیپا سے جیل چورنگی تک یونیورسٹی روڈ جبکہ کشمیر روڈ اور نیو ایم اے جناح روڈ بھی ٹریفک کے لیے بند ہے۔

    پارکنگ پلان

    راشد منہاس روڈ سے میچ دیکھنے کے لیے آنے والے شہری غریب نواز گراؤنڈ اور ڈالمیا میں گاڑیاں پارک کرنے کی جگہ فراہم کی گئی جبکہ نیپا سے آنے والے شہری اردو یونیورسٹی اور حکیم سعید گراؤنڈ میں گاڑیاں پارک کرنے کی ہدایت دی گئی۔

    علاوہ ازیں یونیورسٹی روڈ پر بیت المکرم مسجد کے پاس گراؤنڈ میں گاڑیاں پارک کی گئی ہیں جبکہ  کشمیر روڈ پراسپورٹس کمپلیکس اور چائنا گراؤنڈ بھی پارکنگ کے اتنظامات کیے گئے اور  نیو ایم اے جناح روڈ پر میرعثمان پارک بھی پارکنگ کی سہولت فراہم کی گئی ہے۔

    نیشنل اسٹیڈیم میں کنٹرول روم

    پاکستان سپرلیگ کے آخری معرکے کے لیے نیشنل اسٹیڈیم میں کنٹرول روم بنایا گیا، اسٹیڈیم کے اندر اور باہر80 کیمروں کی مدد سے نقل وحرکت کا جائزہ لیا جارہا  ہے جس کے لیے کنٹرول روم میں 20 ایل سی ڈیر نصب کی گئی ہیں۔

    ضروری ہدایات

    پاکستان سپرلیگ کا فائنل دیکھنے کے لیے آنے والے ٹکٹ ہولڈرز اپنا اصل شناختی کارڈ ساتھ لائیں جبکہ کسی اور کے نام والے ٹکٹ پراپنا اصل شناختی کارڈ دکھانا ہوگا اور ٹکٹ جس کے نام پرہے اس کے شناختی کارڈ کی کاپی لازمی ساتھ لانا ہوگی۔

    اسٹیڈیم میں پاور بینک، اسلحہ ، چھری، چاقو، نیل کٹر، سگریٹ، ماچس اورلائٹر لے جانے پرپابندی ہوگی جبکہ قومی اورٹیم پرچم کےعلاوہ کوئی اورجھنڈا اسٹیڈیم لے جانے کی اجازت نہیں ہوگی۔

    اسٹیڈیم میں باہر سے کھانے کی کوئی بھی چیز لے جانے کی اجازت نہیں ہوگی صرف اسٹیڈیم میں موجود اسٹالز سے کھانے پینے کی چیزیں خریدیں جاسکتی ہیں۔

    رنگا رنگ اختتامی تقریب شام چھ بجے شروع ہوگی

    پی سی بی اعلامیے کے مطابق سیزن تھری کا اختتام یادگار بنانے کے لیے پی ایس ایل تھری کے فائنل کے موقع پر شائقین کرکٹ ایک ٹکٹ میں دومزے لیں گے، اختتتامی تقریب چھ بجے شروع ہوگی جبکہ میچ کا آغاز آٹھ بجے ہوگا، اس رنگا رنگ تقریب میں ملک کےمعروف گلوکار پرفارم کریں گے۔

    خیال رہے کہ اسلام آباد یونائیٹڈ نے پی ایس ایل کا افتتاحی ایڈیشن جیتا تھا جبکہ دوسرا ایڈیشن پشاور زلمی کے نام رہا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل 2018 : کراچی کنگز آج اسلام آباد یونائیٹڈ سے ٹکرائے گی

    پی ایس ایل 2018 : کراچی کنگز آج اسلام آباد یونائیٹڈ سے ٹکرائے گی

    دبئی: پاکستان سپرلیگ کے پلے آف مرحلے میں آج کراچی کنگز اور اسلام آباد یونائیٹڈ کی ٹیمیں ٹکرائیں گی، جیتنے والی ٹیم فائنل کے لیے کراچی کی اڑان بھرے گی۔

    تفصیلات کے مطابق دبئی انٹرنیشنل اسٹیڈیم میں آج کراچی کنگز کا مقابلہ اسلام آباد یونائیٹڈ سے ہوگا، جیتنے والی ٹیم فائنل جبکہ ہارنے والی ٹیم کو ایک اور موقع ملے گا اور وہ دوسرے کوالیفائنگ میچ کی فاتح ٹیم سے کھیلے گی۔

    خیال رہے کہ دوسرا کوالیفائنگ میچ کوئٹہ گلیڈی ایٹرز اور پشاور زلمی کے درمیان 20 مارچ کو لاہور میں کھیلا جائے اور جیتنے والی ٹیم پہلے کوالیفائنگ کی ہارنے والی ٹیم سے 21 مارچ کو قذافی اسٹیڈیم میں مدمقابل ہوگی۔

    کراچی کنگز کی شاندار فتح، پلے آف کے لیے کوالیفائی کرلیا

    یاد رہے کہ دوروز قبل پاکستان سپرلیگ کے انتہائی اہم اور بڑے میچ میں کراچی کنگز نے دفاعی چیمپئن اسلام آباد یونائیٹڈ کو 7 وکٹوں سے شکست دے کر پلے آف کے لیے کوالیفائی کیا تھا۔

    واضح رہے کہ پاکستان سپرلیگ کا فائنل 25 مارچ کو نیشنل اسٹیڈیم کراچی میں ہوگا، میچ کے موقع پر شاہراہ فیصل اور کارساز روڈ پرسیکیورٹی کے سخت انتظامات ہوں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • سابق آسٹریلوی کرکٹرپی ایس ایل فائنل دیکھنے لاہور پہنچ گئے

    سابق آسٹریلوی کرکٹرپی ایس ایل فائنل دیکھنے لاہور پہنچ گئے

    لاہور: سابق آسٹریلوی کرکٹر ڈین جونز پی ایس ایل کا فائنل دیکھنے کے لیے لاہور پہنچ گئے، کہتے ہیں سیکیورٹی کے انتظامات بہترین ہیں۔

    سماجی رابطے کی ویب سائٹ پر سابق آسٹریلوی کرکٹر نے اپنی لاہور آمد کی اطلاع دیتے ہوئے کہا کہ یہاں سیکیورٹی کا بہترین انتظام موجود ہے، امید ہے لاہور میں اچھا وقت گزرے گا۔

    یاد رہے ڈین جونز پاکستان سپرلیگ 2 میں دفاعی چمیئن اسلام آباد یونائیٹڈ کے کوچ تھے، اُن کی ٹیم پہلے ہی راؤنڈ میں ایونٹ سے باہر ہوگئی تاہم وہ صرف فائنل دیکھنے کے لیے لاہور پہنچے۔

    واضح رہے پی ایس ایل سیزن 2 کا فائنل کل لاہور کے قذافی اسٹیڈیم میں کوئٹہ گلیڈی ایٹرز اور پشاور زلمی کے درمیان کھیلا جائے گا، سرفراز الیون میں شامل چار غیر ملکی کھلاڑیوں نے پاکستان آنے سے صاف انکار کردیا اور وہ پلے آف میچ کھیلنے کے بعد اپنے اپنے وطن روانہ ہوگئے جبکہ پشاور زلمی کےکپتان سیمی نے پاکستان آکر فائنل کھیلنے کی رضامندی ظاہر کی ہے۔

  • پی ایس ایل 2017: دوسرے پلے آف میں کراچی کنگز اور اسلام آباد یونائیٹڈ کا ٹاکرا

    پی ایس ایل 2017: دوسرے پلے آف میں کراچی کنگز اور اسلام آباد یونائیٹڈ کا ٹاکرا

    شارجہ: پاکستان سپر لیگ کا دوسرا پلے آف آج کراچی کنگز اور دفاعی چیمپیئن اسلام آباد یونائیٹڈ کے درمیان کھیلا جائے گا۔

    پاکستان سپر لیگ کے دوسرے پلے آف میں آج کمار سنگا کارا کی کراچی کنگز اور مصباح الحق کی اسلام آباد یونائیٹڈ آپس میں مدمقابل ہوں گی۔

    جیتنے والی ٹیم تیسرا پلے آف میچ کھیلے گی جبکہ ہارنے والے ٹیم گھر جائے گی۔ کراچی کنگز گروپ کے دونوں میچز میں اسلام آباد یونائیٹڈ کو شکست کا مزا چکھا چکا ہے۔ کراچی کے شیروں کے پاس جیت کی ہیٹ ٹرک مکمل کرنے کا موقع ہے۔

    اہم میچ کے لیے کراچی کنگز کے شیروں کی تیاری جاری ہے۔ شارجہ کی شدید گرمی میں کھلاڑی سخت پریکٹس کر رہے ہیں۔

    بولنگ کوچ اظہر محمود کا کہنا ہے کہ آخری 2 میچز جیت کر ٹیم کا مورال بلند ہے۔ پلےآف جیتنے کی کوشش کریں گے۔

    کراچی کنگز اور اسلام آباد یونائیٹڈ کے درمیان دوسرا پلے آف آج رات 9 بجے شروع ہوگا۔

  • پی ایس ایل : لاہورقلندرز نے اسلام آباد یونائیٹڈ کو شکست دے دی

    پی ایس ایل : لاہورقلندرز نے اسلام آباد یونائیٹڈ کو شکست دے دی

    شارجہ : پی ایس ایل کے میچ میں لاہور قلندرز نے اسلام آباد یونائیٹڈ کو ایک وکٹ سے شکست دے دی، عمر اکمل 66رنز کے ساتھ نمایاں رہ کر مین آف دی میچ قرار پائے ۔

    تفصیلات کے مطابق شارجہ کرکٹ اسٹیڈیم میں کھیلے جا نے والے پاکستان سپر لیگ (پی ایس ایل) کے 14 ویں میچ میں سنسنی خیز مقابلے کے بعد لاہور قلندر نے اسلام آباد یونائیٹڈ کو ایک وکٹ سے ہرا دیا۔گرانٹ ایلیٹ نے چھکا لگا کر لاہور قلندرز کو شاندار کامیابی دلوائی۔

    ہدف کے تعاقب میں لاہور قلندرز کاآغازمایوس کن تھا، کوئی بھی بلےباز بڑی اننگز نہ کھیل پایا۔ گرانٹ نے سترہ گیندوں پر چھبیس رنزبنائے۔

    لاہور قلندر نے اسلام آباد کے  146 رنز کا ہدف 9 وکٹوں پر حاصل کیا، لاہور قلندرز کے عمراکمل چھیاسٹھ رنز کے ساتھ نمایاں رہے، عمر اکمل نے زبردست بیٹنگ کی لیکن شاداب خان کی گیند پر آؤٹ ہو گئے۔

    اس سے قبل اسلام آباد یونائیٹڈ نے پہلے کھیلتے ہوئے مقررہ 20 اوورز میں 8 وکٹوں کے نقصان پر 145 رنز بنائے۔ نوجوان کھلاڑی شاداب خان نے شاندار بلے بازی کا مظاہرہ کرتے ہوئے بیالیس رنز بنائے اور ناٹ آؤٹ رہے۔

    لاہورقلندرز کی جانب سے عامر یامین 3 وکٹیں لے کر کامیاب باؤلر رہے۔ دیگر گیند بازوں میں یاسر شاہ نے 2 جبکہ سہیل تنویر اور سنیل نارائن نے ایک ایک وکٹ حاصل کی۔ لاہور قلندر کے عمر اکمل کو مین آف دی میچ قرار دیا گیا۔

  • لاہورقلندرزاوراسلام آباد یونائیٹڈ آج مدمقابل ہوں گے

    لاہورقلندرزاوراسلام آباد یونائیٹڈ آج مدمقابل ہوں گے

    شارجہ: پاکستان سپر لیگ میں آج دفاعی چیمپیئن اسلام آبادیونائیٹڈ کامقابلہ لاہور قلندرز سےہوگا۔

    تفصیلات کےمطابق پی ایس ایل 2017میں آج شارجہ کے کرکٹ اسٹیڈیم میں دفاعی چیمپیئن اسلام یونائیٹد اور لاہور قلندرز کی ٹیم ٹکرائے گی،میچ پاکستانی وقت کےمطابق رات 9بجےشروع ہوگا۔

    لاہور قلندرز کی ٹیم اب تک پانچ میچ کھیل چکی ہے جن میں سے وہ دو میچوں میں فاتح رہی جبکہ تین میں قلندرز کو شکست کا سامنا کرنا پڑا۔

    دوسری جانب دفاعی چیمپیئن اسلام آباد یونائیٹڈ نے اب تک 5میچ کھیلے ہیں جن میں سےتین میں اسے کامیابی حاصل ہوئی جبکہ دو میچوں میں مصباح الحق کی ٹیم کو شکست کا سامنا کرنا پڑا۔

    مزید پڑھیں:اسلام آباد یونائٹڈ نے پشاور زلمی کو شکست دے دی

    یاد رہےکہ اس سے قبل اسلام آباد یونائیٹڈ نے پشاور زلمی کو سنسنی خیز مقابلے کے بعد پانچ وکٹوں سے شکست دے دی تھی۔اوپنر سمتھ کے ناقابلِ شکست 71 رنز کی اننگ نے جیت میں کلیدی کردار ادا کیاتھا۔

    مزید پڑھیں:سرفراز اور پیٹرسن کی عمدہ بیٹنگ، گلیڈی ایٹرز بڑا ہدف حاصل کرنے میں کامیاب

    واضح رہےکہ دو روز قبل شارجہ اسٹڈیم میں لاہور قلندرز نے کوئٹہ گلیڈی ایٹرز کو201رنز کا بڑاہدف دیاتھاتاہم اس کے باوجود سرفرازاحمد کی ٹیم نے قلندرز کوپانچ وکٹوں سے شکست دے دی تھی۔

  • اسلام آباد یونائٹڈ نے پشاور زلمی کو شکست دے دی

    اسلام آباد یونائٹڈ نے پشاور زلمی کو شکست دے دی

    شارجہ : اسلام آباد یونائیٹڈ نے پشاور زلمی کو سنسنی خیز مقابلے کے بعد پانچ وکٹوں سے شکست دے دی اوپنر سمتھ کے ناقابلِ شکست 71 رنز کی اننگ نے جیت میں کلیدی کردار ادا کیا۔

    تفصیلات کے مطابق شارجہ میں جاری اہم میچ کے دوران پشاور زلمی کے 136 رنز 9 وکٹوں کے جواب میں اسلام آباد یونائیٹد نے سنسنی خیز مقابلے کے بعد پانچ وکٹوں پر مقررہ ہدف مقررہ اوورز کی آخری گیند پر حاصل کر لیا جس میں اسمتھ اور شین واٹس کے درمیان پارٹنر شپ نے اہم کردار ادا کیا۔

    اسلام یونائیٹڈ کے اوپنر بلے باز اسمتھ نے ناقابل شکست اننگ کھیلتے ہوئے 71 رنز کی شاندار اننگ کھیلی اور فتح اپنے ٹیم کے نام کرلی جب کہ مصباح سمیت دیگر چار بلے باز کوئی خاطر خواہ کارکردگی نہیں دکھا سکے تھے کہ شین واٹسن نے آکر اسمتھ کے ساتھ لمبی پارٹنر شپ اننگ کھیلی۔

    شین واٹسن آخری اوور کی سیکنڈ لاسٹ بال پر دوسرا اور فاتحانہ رن لینے کی کوشش میں رن آؤٹ ہوگئے جس کے بعد ساتویں نمبر پر بلے بازی کرنے والے بٹ نے آخری بال پر رن لے کر ٹیم کی فتح کو ممکن بنایا۔

    اس سے قبل پشاور زلمی نے پہلے کھیلتے ہوئے نو وکٹوں کے نقصان پر 136 رنز بنانے میں کامیاب ہو سکی تھی جس میں آئن مورگن 28 رنز کے سوا کوئی بھی ٹاپ آرڈر بلے باز لمبی اننگ نہیں کھیل سکا جب کہ کپتان کپتان ڈیرن سیمی نے ٹیل اینڈر پوزیشن پر کھیلتے ہوئے تین چوکوں کی مدد سے 19 رنز بناپائے۔

    تاہم اننگز کے آخری مرحلے میں شاہد آفریدی اور وہاب ریاض نے تیز کھیلنے کی کوشش کی جس کے مدد سے زلمی کی ٹیم 18 گیندوں پر 25 رنز بنانے میں کامیاب ہوئی اور مجموعی اسکور 136 تک پہنچ سکا۔

    اسلام آباد یونائیٹڈ کی جانب سے محمد سمیع نے تین وکٹیں حاصل کیں جبکہ رمان ریئس نے بہترین بولنگ کرتے ہوئے چار اوورز میں 19 رنز کے عوض دو وکٹیں حاصل کیں۔

    واضح رہے اس وقت پشاور زلمی کی ٹیم پانچ پوائنٹس کے ساتھ دوسرے جبکہ اسلام آباد یونائیٹڈ کی ٹیم چار پوائنٹس کے ساتھ تیسرے نمبر پر ہے۔