ARYNews.tv | Urdu – Har Lamha Bakhabar

Tag: اسلام آباد

  • اسرائیل کے ظلم اور جارحیت کا کوئی جواز نہیں ہے، سرتاج عزیر

    اسرائیل کے ظلم اور جارحیت کا کوئی جواز نہیں ہے، سرتاج عزیر

    اسلام آباد : میشیر خارجہ سرتاج عزیر کا کہنا ہے کہ اسرائیل کے ظلم اور جارحیت کا کوئی جواز نہیں ہے جنگ بندی کے فوری اقدامات کئیے جائیں۔

    مشیر خارجہ سرتاج عزیر کا کہنا تھا غزہ پر اسرائیل کے ظلم اور جارحیت کا کوئی جواز نہیں ہے ۔غزہ میں جنگ بندی کے فوری اقدامات کئیے جائیں، ان کا کہنا تھا مسلہ فلسطین کے حل کے لئے سنجیدہ مذاکرات ہونے چاہیئں دوسری جانب دفتر خارجہ نے کہا ہے کہ لیبیا میں ابتر صورتحال کے باعث کوئی بھی ائیر پورٹ کام نہیں کررہا ہے، لیبیا میں پاکستانی سفارت خانے کے ساتھ رابطے میں ہیں،ترجمان دفتر خارجہ کا کہنا ہے کہ پاکستانیوں کو سرحد پر ہی ویزے کی سہولت دی جائے گی۔

  • سپریم کورٹ:پی بی اے کی درخواست پروفاق اورچیئرمین پیمرا کونوٹس جاری

    سپریم کورٹ:پی بی اے کی درخواست پروفاق اورچیئرمین پیمرا کونوٹس جاری

    اسلام آباد: سپریم کورٹ نےچیئرمین پیمراکیس میں فریق بننےکیلئے پی بی اے کی درخواست پروفاق اور چیئر مین پیمرا کونوٹس جاری کردیئے۔ سپریم کورٹ میں چیئرمین پیمرا تقرری سے متعلق کیس کی سماعت جسٹس ناصرالملک کی سربراہی میں عدالتی بینچ نےکی۔ وفاق کی اپیل میں فریق بننےکےلئے پاکستان بر اڈ کا سٹنگ ایسویس ایشن نے درخواست دائر کی۔

    جسٹس ناصر الملک نے استفسار کیا کہ پی بی اے کیا ہے، جس پر عرفان قادر ایڈووکیٹ نے بتایا یہ تمام چینلز کی نمائندہ تنظیم ہے، جسٹس نا صر نے سوال کیا کہ آپ کا کیا موقف ہے؟ وکیل عرفان قادر نے کہا ہم چیئرمین پیمرا کی بر طرفی کے ہائی کورٹ کے فیصلے کا دفاع کریں گے، عرفان قادر کے موقف پر اعلیٰ عدالت نے وفاق اور چیئرمین پیمراکونوٹس جا ری کرتے ہوئے سماعت تین دن کے لئے ملتوی کردی۔

  • اسلام آباد ایئرپورٹ:سرچ آپریشن کے دوران متعدد مشتبہ افراد گرفتار

    اسلام آباد ایئرپورٹ:سرچ آپریشن کے دوران متعدد مشتبہ افراد گرفتار

    اسلام آباد ایئرپورٹ کے اطراف پولیس اور سیکیورٹی اداروں نےسرچ آپریشن کرکےمتعدد مشتبہ افرادکو حراست میں لےلیا ہے,سڑسٹھویں یوم آزادی کے موقع پر ملک بھرمیں تقریبات کی تیاریاں جاری ہیں سیکیورٹی خدشات کے پیش نظر حفاظتی انتظامات کا بھی از سر نو جائزے کاکام شروع کردیا گیا ہے۔

    اسلام آباد ایئرپورٹ کے اطراف پولیس اور سیکیورٹی اداروں نے ممکنہ دہشت گردی خطرات کے پیش نظرسر چ آپریشن کیا۔حساس اداروں کی رپورٹ پرہونے والے سرچ آپریشن میں متعدد مشتبہ افرادکو حراست میں بھی لیا گیاہے۔

    ذرائع کے مطابق حراست میں لئے گئے افرادکوپوچھ گچھ کیلئے نامعلوم مقام پرمنتقل کردیاگیاہے۔انتظامیہ نے چودہ اگست تک جڑواں شہروں سمیت مری اور دیگر شہروں میں سیکیورٹی ہائی الرٹ رکھنے کا فیصلہ کیاگیاہے۔ذرائع کے مطابق ٹارگٹڈ سرچ آپریشن کا سلسلہ بھی جاری رہے گا۔

  • آئی ایم ایف اوروزارت خزانہ کے مذاکرات رواں ماہ ہونگے

    آئی ایم ایف اوروزارت خزانہ کے مذاکرات رواں ماہ ہونگے

    اسلام آباد :وزارت خزانہ اورعالمی مالیاتی ادارےکے حکام کے درمیان مذاکرات رواں ماہ کے پہلے عشرے میں ہونگے۔ مذکرات کی کامیابی کی صورت میں قرض کی نئی قسط متوقع ہے۔

    وزارت خزانہ ذرائع کے مطابق پاکستانی اورآئی ایم ایف حکام کے درمیان مذاکرات کا آغاز رواں ماہ کے پہلے عشرے میں ہوگا جبکہ چوتھی اقتصادی جائزہ رپورٹ رواں ماہ کے وسط تک آئی ایم ایف کو بھجوائی جائےگی۔

    آئی ایم ایف کے ساتھ قرضے کی نئی قسط کے حصول کے لیے بھی مذاکرات رواں ماہ متوقع ہیں جس میں تیس جون دوہزار چودہ تک کی اقتصادی کارکردگی کا جائزہ لیا جائے گا جس میں مالیاتی خسارے، ریونیو کے اہداف ،جی ڈی پی گروتھ سمیت آئی ایم ایف کے ساتھ طے شدہ دیگر اہداف کا جائزہ لیا جائے گا

  • اسلام آباد: آرٹیکل245کے تحت آج سے فوج تعینات

    اسلام آباد: آرٹیکل245کے تحت آج سے فوج تعینات

    اسلام آباد :آج سےسیکورٹی کی ذمہ داری فوج سنبھالےگی، آئین کے آرٹیکل دو سو پینتالیس کے تحت پہلے مرحلے میں تین سو پچاس جوان تعینات کیے جائیں گے۔

    وفاقی دارلحکومت اسلام آباد میں آئین کے ارٹیکل دو سو پینتالیس کے تحت فوج کی تعیناتی کا عمل شروع ہوچکا ہے، وزارت داخلہ کے مطابق یہ اقدام اسلام آباد میں قیام امن کے لیے ہیں، فوج کی تعیناتی کے پہلے مرحلے میں تین سو پچاس جوان ڈیوٹی پر معمور ہونگے جبکہ تین سو پچاس جوان سول انتظامیہ کے ساتھ مشاورت کے بعد ریڈزون اور تمام حساس ترین مقامات پر تعینات کیے جائیں گے۔

    مارگلہ کی پہاڑیوں اور اسکے اطراف فوج کے جوان پہلے سے تعینات ہیں، اطلاعات کے مطابق فوج کو سینڈ بائے رکھا گیا ہے، جو ضرورت پڑنے پر ضلعی انتظامیہ کی دراخوست پر چند منٹ میں اپنی پوزشن سنبھال سکتی ہے۔

    رات کے اوقات میں شاہراہ دستور اور ریڈ زون پر فوج کے جوان امن گشت کرسکتے ہیں، دوسری طرف نواز شریف کے مخالفین نے فیصلے کی مذمت کی ہے، ان کا خیال ہے کہ یہ فیصلہ عمران کے حکومت مخالف احتجاج کو روکنے کی منصوبہ بندی ہے جبکہ وزیر داخلہ چوہدری نثار کا کہنا ہے کہ فوج کی تعیناتی کا کوئی سیاسی مقصد نہیں ہے، آپریشن ضرب عضب کے دوران کسی بھی ممکنہ ردعمل سے بچنے کے لیے فوج کو تعینات کیا جارہا ہے۔

  • آزادی مارچ میں لاکھوں افراد اسلام آباد پہنچیں گے،سیف اللہ خان

    آزادی مارچ میں لاکھوں افراد اسلام آباد پہنچیں گے،سیف اللہ خان

     اسلام آباد :چند ہزار افراد کروڑوں کا مینڈیٹ تبدیل نہیں کرسکتے،وزیر اعظم نواز شریف کے اس بیان پر پاکستان تحریک انصاف نے سخت رد عمل کا اظہار کیا ہے،چودہ اگست کی آزادی مارچ کے چیف آرگنائزرسیف اللہ خان نیازی کاکہنا ہے کہ نواز شریف کے حواری انہیں حقیقت بتانے سے گریز کر رہے ہیں،مارچ میں چند ہزار نہیں بلکہ لاکھوں افراد اسلام آباد پہنچ رہے ہیں۔

    اے آر وائی نیوز سے خصوصی گفتگو کرتے ہوئے سیف اللہ خان نیازی کا کہنا تھا کہ جمہوریت کو ڈی ریل نہیں کرنا چاہتے،عوام اپنا چرایا ہوا مینڈیٹ واپس حاصل کرنے کے لئے مارچ میں شریک ہوں گے۔آزادی مارچ جمہوریت کو مستحکم کرنے کے لئے کیا جا رہا ہے تا کہ آئندہ کوئی عوامی مینڈیٹ چرانے کی ہمت نہ کر سکے

  • امن و امان کے قیام کے لئےصوبےمیں فوج طلب کر سکتے ہیں، وزارت داخلہ

    امن و امان کے قیام کے لئےصوبےمیں فوج طلب کر سکتے ہیں، وزارت داخلہ

    اسلام آباد: امن و امان کے قیام کے لئےصوبے آرٹیکل دو سو پینتالیس کے تحت فوج طلب کر سکتے ہیں، وزارت داخلہ نے چاروں صوبوں کو مراسلہ جاری کردیا۔

    ملک میں امن و مان کے قیام کے لئے وفاق نے کوشیش تیز کردیں ہیں، وزارت داخلہ کی جانب سے چاروں صوبوں کو مراسلہ بھیجوایا دیا گیا، جس میں کہا گیا ہے کہ صوبے کسی بھی ہنگامی صورتحال کے پیش نظر اور امن و امان کے قیام کے لئے آئین کے آرٹیکل دو سو پینتالیس کے تحت فوج طلب کرسکتے ہیں، مراسلے مین فوج طلب کرنے کا طریقہ کار بھی واضع کیا گیا ہے، مراسلہ میں یہ بات بھی واضح کی گئی ہے کہ فوج کے اخراجات اور تعیناتی کے انتظامات صوبوں کی ذمہ داری ہوگی

  • پیپلزپارٹی نےآرٹیکل دو سو پینتالیس کےنفاذ پرتحریک التواجمع کرادی

    پیپلزپارٹی نےآرٹیکل دو سو پینتالیس کےنفاذ پرتحریک التواجمع کرادی

    اسلام آباد :پیپلز پارٹی نےاسلام آبادمیں آئین کے آرٹیکل دو سو پینتالیس کےنفاذپر قومی اسمبلی میں تحریک التوا جمع کرا دی۔ پیپلزپارٹی کی قومی اسمبلی میں جمع کرائی گئی تحریک التوامیں کہاگیاکہ اسلام آبادمیں آرٹیکل دوسوپینتالیس کانفاذحکومت اورسول انتظامیہ کی ناکامی ہے،ضابطہ ایک سودس کےتحت ایوان  میں بحث کرائی جائے،

    آرٹیکل دوسوپینتالیس کا مقصدانصاف کاحصول سول سے فوجی عدالتوں کو دیناہے، ادھرسکھر میں میڈیاسےگفتگو کرتے ہوئے قائد حزب اختلاف خورشید شاہ نے کہا کہ ن لیگ ہمیشہ مشاورت کےبغیر جذباتی فیصلےکرتی ہے،چوہدری نثارکوآرٹیکل دوسوپینتالیس دوبارہ پڑھناچاہیئے،اس آرٹیکل کےتحت کب اسلام آبادمیں فوج بلائی گئی،

    ان کاکہنا تھاکہ اگرن لیگ عمران خان سےبات کرناچاہتی ہےتو ضرورکرے،پرویزمشرف کامعاملہ انتہائی اہم ہے،پیپلز پارٹی کےرہنما قمرزمان کائرہ کاکہنا ہےکہ چوہدری نثار کے بیانات قابل مذمت ہیں، وزیرداخلہ کا یہی لہجہ رہاتو ہمیں بھی رویہ بدلناپڑےگا،اداروں کو حکومت کی سیاسی چھڑی نہیں بننا چاہیئے۔

  • عیدالفطرکےموقع پرملک بھرمیں سیکیورٹی کےسخت انتظامات

    عیدالفطرکےموقع پرملک بھرمیں سیکیورٹی کےسخت انتظامات

       اسلام آباد: ملک بھرمیں چاندرات اورعیدالفطرکےموقع پرشاپنگ سینٹرز اور نمازعید کے بڑے اجتماعات میں پولیس اور رینجرز کی اضافی نفری تعینات ہو گی۔ موبائل فون سروس بند نہیں ہو گی۔ عیدالفطرکےموقع پرملک بھرمیں امن و امان کی صورتحال کے پیش نظر تمام بڑےشہروں میں سیکیورٹی کے سخت انتظامات کیےگئےہیں

    تمام شہروں میں پولیس کی چھٹیاں منسوخ کردی گئیں ہیں۔کراچی،لاہور،پشاور،کوئٹہ اوراسلام آبادسمیت تمام بڑےشہروں کی مساجد اورامام بارگاہوں میں عید کےاجتماعات کی سیکیورٹی پر خاص انتظامات کیےگئےہیں۔ مساجد،امام بارگاہوں اوربڑےبڑےعید اجتماعات میں پولیس اور قانون نافذ کرنے والے اہلکاروں کی اضافی نفری تعینات کی جائے گی۔

    کلوزسرکٹ کیمروں کےذریعےحساس مقامات کی نگرانی بھی کی جائیگی جبکہ چاندرات کوشاپنگ سینٹرز،پلازوں اور مارکیٹوں میں اضافی فورس تعینات کی جارہی ہے جبکہ عید پر موبائل سروس بند نہ کر نے کا فیصلہ کیاگیاہے۔ وزارت داخلہ نے موبائل فون بندکرنیکی تجویزکومستردکردیا۔لاہورمیں وزیراعلیٰ محمد شہباز شریف کی زیرصدارت صوبےمیں امن و امان کی صورتحال کاجائزہ لینے سے متعلق اعلیٰ سطح کا اجلاس ہوا۔

    وزیراعلی نےچاندرات اور عید الفطرکےموقع پرصوبہ بھر میں فول پروف سکیورٹی انتظامات کی ہدایت کی۔ وزیراعلی نےکہاکہ سکیورٹی پلان پرمکمل عملدرآمد یقینی بنایا جائےجبکہ پولیس حکام سکیورٹی انتظامات کاجائزہ لینےکیلئےخود فیلڈمیں موجودرہیں۔

  • عمران خان نفرت پھیلانے کی کوششیں کررہے ہیں،پرویزرشید

    عمران خان نفرت پھیلانے کی کوششیں کررہے ہیں،پرویزرشید

    اسلام آباد :وفاقی وزیراطلاعات ونشریات پرویز رشید کا کہنا ہے کہ عمران خان صوبوں اوروفاق میں نفرت پھیلانے کی کوشش کررہے ہیں۔ان کی سیاست جھوٹ اورنفرت پرمبنی ہے۔

    وفاقی وزیر اطلاعات ونشریات سنیٹر پرویز رشید نے بیان میں کہا کہ تحریک انصاف کے سربراہ عمران خان کی سیاست جھوٹ اورنفرت پر مبنی ہے۔وہ صوبوں اوروفاق میں نفرت پھیلانے کی کوشش کررہے ہیں۔

    انہوں نے کہا کہ اسلام آباد اور دوسرے صوبوں میں آئی ڈی پیز کے جانے پر کوئی پابندی نہیں ۔ وفاقی وزیرنے سوال کیا، کیا عمران خان میں اتنی ہمت ہے کہ وہ بنوں میں دہشت گردوں کو للکار سکیں۔ انہوں نے کہا کہ عمران خان میں یہ ظرف بھی نہیں کہ وہ آپریشن ضرب عضب کی کامیابی کے لیے دعا کر یں۔