Tag: اسلام آباد

پیپلزپارٹی دورکی ترقیاتی اسکیموں کی رپورٹ طلب

اسلام آباد : سابق وزیراعظم یوسف رضا گیلانی اور پرویزاشرف کےدورمیں ستانوے ارب روپےکی خوردبردکی گئی۔سیکریٹری کابینہ کے انکشاف پر کابینہ کمیٹی نےپیپلز پارٹی دورکی ترقیاتی اسکیموں کی رپورٹ طلب کرلی۔رانامحمد ایاز کی زیرصدارت ہونےوالےقومی اسمبلی کی کابینہ کمیٹی کےاجلاس کوسیکریٹری کابینہ اخلاق تارڑ نے بریفنگ دی۔

اخلاق تارڑ نے انکشاف کیا کہ سابق وزیراعظم یوسف رضا گیلانی اور پرویز اشرف کی جانب سے ستانوے ارب روپے خورد برد کی گئی۔ ترقیاتی فنڈ کی مد میں جاری ستانوےارب روپےکا کوئی حساب کتاب مو صول نہیں ہوا، سیکٹریری کابینہ نے کمیٹی کو بتایا کہ ترقیاتی فنڈ کی مد میں رقم براہ راست ڈی سی اوز کو جا ری ہو تی رہی، معاملےکی تحقیقات کا آغاز کر دیاگیاہے۔

بریفنگ پرکابینہ کمیٹی نے پیپلز پارٹی دورکی تمام ترقیاتی اسکیموں کا آڈٹ کر اکررپورٹ دو ماہ میں پیش کرنے کی ہدایت کی۔ساتھ ہی اربوں کا گھپلا کرنےوالوں کوکٹہرے میں لانے کی سفارش بھی کردی

جولائی 23, 2014
پینتالیس ارکان کی جماعت لانگ مارچ کررہی ہے،پرویزرشید

اسلام آباد :وفاقی وزیر اطلاعات پرویز رشید کہتے ہیں کہ پینتالیس ارکان کی جماعت لانگ مارچ کر رہی ہے۔ ملک کی سرزمین کسی دوسرے کے خلاف استعمال کرنے پر تحفظ پاکستان قانون لاگو ہوگا۔ وزیر اطلاعات کے عمران خان کے خلاف بیانات تیزتر ہوتے جا رہے ہیں۔وفاقی وزیراطلاعات نے اس بار عمران خان کو تنِ تنہا پرواز کی کوشش کرنے والے سے تشبیہ دیتے ہوئے کہا ہے کہ لانگ مارچ سے زیادہ اہم معاملہ آئی ڈی پیز کا ہے۔

قومی اسمبلی کے تین سو بیالیس اراکین میں سے پینتالیس ارکان کی جماعت لانگ مارچ کر رہی ہے۔ جو کوئک مارچ میں تبدیل ہو کر ون ڈے ایونٹ بن جائے گا۔ پرویز رشید کے بقول اسلام آباد میں سی ڈی اے کیلئے صفائی کاکام بڑھانے کے سوا کچھ نہیں ہوگا۔ ان کا کہنا تھا حکومت نہ کسی کے معاملات میں مداخلت کرتی ہے نہ ہی کسی دوسرے کو ایسا کرنے دے گی۔

جولائی 22, 2014
پاکستانی سفارتخانےکا فیض اللہ کی رہائی کیلئےعدالتی چارہ جوئی کی تیاری مکمل

کابل: افغانستان میں پاکستانی سفارتخانے نے اے آر وائی نیوزکے نمائندے فیض اللہ خان کی رہائی کیلئےعدالتی چارہ جوئی کی تیاری کرلی ہے۔

افغانستان میں پاکستانی سفارتخانے نے اےآروائی انتظامیہ کو ایک کے ذریعے مطلع کیا کہ فیض اللہ کی سزا کے خلاف اعلیٰ افغان عدالت میں اپیل کی جائے گی اس کے ساتھ پاکستانی سفارتخانے نے افغان حکام سے فیض اللہ تک سفارتی رسائی بھی طلب کی ہے، معاملے کی سنجیدہ نوعیت پرامریکا نے بھی فیض اللہ خان کی سزا کا جائزہ لینا شروع کردیا ہے۔

امریکی محکمہ خارجہ کاکہنا ہے فیض اللہ کی سزا سے متعلق معلومات حاصل کرکے تفصیلات جاری کی جائیں گی، اے آر وائی نیوز کے صحافی فیض اللہ کوغلطی سے سرحد پارکرنے پرافغانستان میں چارسال قید کی سزاسنائی گئی ہے، دنیا بھر کے صحافی خبر کی تلاش میں جان خطرے میں ڈال کر اور بعض اوقات بغیردستاویزات سفر کرتے ہیں، اور ان حقائق سے سب آگاہ بھی ہیں۔

جولائی 21, 2014
امریکہ کے خصوصی نمائندے کی اہم شخصیات سے الوداعی ملاقاتیں

اسلام آباد : آرمی چیف جنرل راحیل شریف ،چوہدری نثاراور مشیر خارجہ سرتاج عزیز سےامریکا کے خصوصی نمائندہ جیمز ڈوبنز نے الگ الگ ملاقاتیں کیں، ملاقات میں ملکی اور خطے کی سلامتی کی مجموعی صورتحال پرتبادلہ خیال کیا گیا۔

آرمی چیف جنرل راحیل شریف سے امریکہ کے نمائندوں خصوصی جیمز ڈوبنز نے اسلام آباد میں ملاقات کی، ملاقات میں افغانستان میں صدارتی انتخابات کے بعد کی صورتحال پر تبادلہ خیا ل کیا گیا، خطے کی سیکیورٹی صورتحال اور پاک افغان سرحد پر کو آرڈی نیشن کو مزید مضبوط بنانے پر بھی بات چیت ہوئی۔

وزیر داخلہ چوہدری نثار سےبھی امریکی نمائندہ خصوصی جیمز ڈوبنز نے اسلام آبادمیں ملاقات کی، جس میں ملک کی اور خطے کی سلامتی کی مجموعی صورتحال پرتبادلہ خیال کیا گیا، اس موقع پر وفاقی وزیرداخلہ کا کہنا تھا کہ پرامن افغانستان خطے کے مفاد میں ہے،امریکی نمائندہ خصوصی نے وزیرداخلہ سے خطے کےامن کیلئےپاکستان کے مثبت کردار کوسراہا۔

اس سے قبل وزیراعظم کے مشیر خارجہ سرتاج عزیز کی جیمز ڈوبنز سے الوداعی ملاقات ہوئی، جس میں آپریشن ضرب عضب اور دہشت گردی کے خاتمے اور افغانستان سے امریکی افواج کے انخلا پر تبادلہ خیال ہوا، جیمز ڈوبنز اپنی ذمہ داریوں سے سبکدوش ہورہے ہیں اور ان کی جگہ ڈینئیل فیلڈمین ذمہ داریاں سنبھالیں گے۔

جولائی 21, 2014
ایاز صادق اپنی اخلاقی ساکھ کھو چکے ہیں، عمران خان

اسلام آباد: عمران خان خان نے حلقہ این اے ایک سو بائیس میں مبینہ دھاندلی پر اسپیکر قومی اسمبلی ایاز صادق سے استعفی کا مطالبہ کر دیا۔کہتے ہیں ایاز صادق اپنی اخلاقی ساکھ کھو چکے ہیں۔

تحریک انصاف کے چیئرمین عمران خان نے اپنے ایک بیان میں کہا ہے کہ اسپیکر قومی اسمبلی ووٹوں کی تصدیق کی بجائے عدالتوں کے پیچھے چھپ رہے ہیں، اسپیکر قومی اسمبلی سرادر ایاز صادق اپنی اخلاقی ساکھ کھو چکے ہیں،حلقہ این اے ایک سو بائیس کے ووٹوں کی تصدیق تک اسپیکر قومی اسمبلی کو اپنے عہدے سے استعفی دے دینا چاہئے۔

جولائی 21, 2014
جشن آزادی: مرکزی تقریب پارلیمنٹ ہاؤس کے لان میں ہوگی

اسلام آباد :حکومت نے جشن آزادی کی تقریب ڈی چوک سے پارلیمنٹ ہاؤس منتقل کردی۔وزیر اعظم مرکزی تقریب سے خطاب کریں گے ،ایک سو ساٹھ فوجی اہلکار تعینات ہوں گے ۔ جشن آزادی کی مرکزی تقریب پارلیمنٹ ہاؤس کے لان میں ہوگی ،تقریب کی تیاریوں کیلئے اقدامات کاآغاز کردیاگیا۔

ذرائع کاکہناہے تیرہ اور چودہ اگست کی درمیانی شب آتش بازی کاشاندار مظاہرہ کیاجائےگا۔جب کہ اسٹیج کیبنٹ بلاک اور پارلیمنٹ ہاؤس کے درمیان بنایاجائےگا۔یوم آزادی کاآغاز اکیس توپوں کی سلامی سے ہوگا،وزیراعظم نوازشریف پرچم کشائی کے بعد جشن آزادی کی مرکزی تقریب سے خطاب کریں گے،

جشن آزادی کی تقریب میں سیاسی وعسکری قیادت سمیت اہم شخصیات شریک ہوں گی، تقریب کی سیکیورٹی کی ذمہ داری پاک فوج کے سپرد ہوگی،مسلح افواج کے ایک سوساٹھ جوان تقریب کے تحفظ کی ذمہ داری پرمامور ہوں گے۔اے آروائی نیوز نے ایک ہفتہ پہلے ہی جشن آزادی کی تقریبات شایان شان طریقے سے منانے کی خبرنشر کردی تھی

جولائی 21, 2014
سرتاج عزیزکی امریکی نمائندے جیمزڈوبنز سے الوداعی ملاقات

اسلام آباد :وزیراعظم کے مشیرخارجہ سرتاج عزیزنے امریکی نمائندے جیمزڈوبنز سے الوداعی ملاقات کی ،ملاقات میں آپریشن ضرب عضب اور دہشت گردی کے خاتمے اور افغانستان سے امریکی افواج کے انخلا پر تبادلہ خیال کیا گیا۔تفصیلات کے مطابق وزیراعظم کے مشیر خارجہ سرتاج عزیز نے گزشتہ روز امریکی نمائندے سے ملاقات کی،

امریکی نمائندہ خصوصی برائے پاکستان اور افغانستان جیمز ڈوبنز اپنی ذمہ داریوں سے سبکدوش ہورہے ہیں اور ان کی جگہ ڈینئیل فیلڈمین ذمہ داریاں سنبھالیں گے۔ الوداعی ملاقات میں شمالی وزیرستان میں جاری آپریشن ضرب عضب پر تبادلہ خیال کیا گیا جبکہ دہشتگردی کے خلاف دونوں ممالک کی مشترکہ کوششوں اور افغانستان سے امریکہ افواج کے انخلا پر بھی بات چیت کی گئی ۔

جیمز ڈوبنزنے دہشت گردی کے خلاف پاکستان کی کوششوں کو سراہا۔ اس موقع پر سرتاج عزیز نے کہا کہ امریکا پاکستان کا اہم اتحادی ملک ہے۔ وزیراعظم کے مشیر خارجہ سرتاج عزیز اور امریکی نمائندے جیمز ڈوبنز کےدرمیان ہونے والی ملاقات میں سیکریٹری خارجہ اور امریکی سفیر رچرڈ اولسن بھی شریک تھے۔

جولائی 21, 2014
ملک کےبیشترعلاقوں میں مطلع صاف رہےگا،محکمہ موسمیات

اسلام آباد :ملک بھرمیں موسم کے بدلتی رت نے کہیں شہریوں کوگرمی سے پریشان کررکھاہے تو متعددعلاقوں میں برستے بادل نے روزے آسان بنادیئے ہیں ۔موسم کے نرالے رنگ ہیں۔ کہیں برسات ہورہی ہے،تو کہیں سورج آگ برسا رہا ہے ۔ ملک کے بیشتر علاقوں میں مطلع صاف ہے جبکہ شمالی علاقوں کشمیر، گلگت بلتستان اور کراچی میں بادل چھائے ہوئے ہیں۔

محکمہ موسمیات کا کہنا ہے کہ آئندہ چوبیس گھنٹوں کے دوران ملک کےبیشترعلاقوں میں مطلع صاف رہےگاتاہم کشمیر،گوجرانوالہ، راولپنڈی، لاہور، ڈی جی خان،ملتان،ساہیوال،مالاکنڈ،ہزارہ،پشاور،ڈی آئی خان اورمیرپورخاص ڈویژن میں چند ایک مقامات پر گرج چمک کے ساتھ بارش کا امکان ہے۔گزشتہ چوبیس گھنٹوں کے دوران ملک کے بیشترعلاقوں میں موسم گرم اورمرطوب رہا۔

جبکہ راولپنڈی،لاہور،گوجرانوالہ،فیصل آباد،اوکاڑہ،ساہیوال، مالاکنڈ ڈویژن اورکشمیرمیں چندایک مقامات پربادل کھُل کربرسے۔ حویلی لکھا میں بھی صبح سویرے تیزہواؤں کے ساتھ ہونے والی بارش نے موسم خوشگواربنادیا۔ اورروزہ داروں کے چہرے کھل اُٹھے۔ سب سے زیادہ بارش اوکاڑہ میں چالیس ملی میٹرریکارڈ کی گئی۔

جولائی 20, 2014
فیض اللہ کامعاملہ اعلیٰ عدالت میں چیلنج کرنےکی تیاریاں

اسلام آباد :افغانستان میں پاکستانی سفارتخانے کا کہنا ہے کہ فیض اللہ کامعاملہ اعلیٰ عدالت میں چیلنج کرنےکی تیاریاں کررہےہیں۔ امریکا نے فیض اللہ کی سزا کا جائزہ لینے کا اعلان کیا ہے۔افغانستان میں پاکستانی سفارتخانےنے اےآروائی انتظامیہ کوخط لکھا ہے کہ وہ فیض اللہ کامعاملہ اعلیٰ عدالت میں چیلنج کرنےکی تیاریاں کررہےہیں اور افغان حکام سےفیض اللہ تک سفارتی رسائی طلب کی ہے۔

امریکی محکمہ خارجہ کی ترجمان جین ساکی نے ہفتہ وارمیڈیا بریفنگ میں بتایا کہ امریکا اے آروائی نیوزکے رپورٹرفیض اللہ کی سزا کا جائزہ لے رہاہے اور تمام معلومات حاصل کرکے اس بارے میں مزید تفصیلات جاری کی جائیں گی۔ فیض اللہ کوغلطی سے سرحد پارکرنے پرافغانستان میں چارسال قید کی سزاسنائی گئی ہے۔

امریکی صحافیوں سمیت بیشتر مقامی اوربین الاقوامی صحافی اپنی جان خطرے میں ڈال کرخبرکی تلاش میں بغیردستاویزات سفرکرتے ہیں اور سب اس بات سے آگاہ ہیں۔ اسی طرح فیض اللہ بھی اپنی صحافتی ذمہ داریاں پوری کررہے تھے۔

جولائی 20, 2014
وزیراطلاعات کی پیمراحکام کواے آروائی نیوز کھولنے کی ہدایت

اسلام آباد :اے آروائی نیوزکوکھولنےکالیٹرپیرکوجاری کردیاجائےگا، وزارت اطلاعات اور پیمراحکام نے صحافتی تنظیموں کو یقین دہانی کرادی۔ اے آر وائی فوری طور پر بحال کیا جائے۔اےآروائی کی بندش کےخلاف صحافی تنظیمیں اسلام آباد میں پیمرا دفترپہنچ گئیں۔ پاکستان فیڈرل یونین آف جرنلسٹ۔ راولپنڈی اسلام آباد یونین آف جرنلسٹ اور پیمرا حکام کے درمیان ملاقات ہوئی۔

ملاقات میں پیمرا حکام کے ساتھ اے آر وائی کی بندش کا معاملہ اٹھایا گیا۔ ساتھ ہی کیبل آپریٹرزکو ہراساں کرنے سمیت دیگر شکایات پر بات کی گئی۔ پیمرا حکام اور وزارت اطلاعات نے صحافی تنظیموں کواےآروائی کھولنے کا لیٹرپیر کو جاری کرنےکی یقین دہانی کرادی۔ پی ایف یو جے کے رہنما افضل بٹ نےکہا ہے کہ کیبل آپریٹرزکو چینل نمبرزکے حوالے سے آئینی حق حاصل ہے.

کیبل آپریٹرز ایسوسی ایشن کے وفد نے وزیر اطلاعات و نشریات سینیٹر پرویز رشیدسے بھی ملاقات کی۔اور اپنی مشکلات سے آگاہ کیا۔ خالد آرائیں پرویزرشید نےمتعلقہ حکام کومسائل کےحل کےلئےہدایت جاری کردیں۔کیبل آپریٹر زایسوسی ایشن کے صدر خالد آرائیں نےکہا کہ کچھ عناصر کیبل آپریٹرز پر بے جا دباؤ ڈال رہے تھے۔ اے آروائی نیوز کی سزا کی مدت کئی روز پہلے پوری ہوچکی ہے۔

خالد آرائیں نے بتایاکہ وزیر اطلاعات نے کسی چینل کوخاص نمبر پرلگانے کی ہدایت نہیں کی۔ خالد آرائیں کا کہنا تھا کیبل آپریٹرز کا اپنا کوئی ایجنڈا نہیں۔ کیبل آپریٹرز ایسوسی ایشن نے بھی اے آر وائی کی نشریات بحال کرنے کیلئے فوری طور پر تحریری حکم جاری کرنے کا مطالبہ کیا۔

جولائی 20, 2014