Tag: اسلام آباد

اسلام آباد سے مزدوری کے لئے تھائی لینڈ جانے والا شہری اغوا ہوگیا۔

تفصیلات کے مطابق اسلام آباد سے مزدوری کے لئے تھائی لینڈ جانے والے شہری حماد الرحمان کو اغوا کرلیا گیا، اہلخانہ کی جانب سے وزارت خارجہ کو درخواست بھی دیدی گئی، درخواست گزار کا کہنا ہے کہ ان کے بیٹے کو برما بارڈر کے قریب رکھا گیا ہے۔

اغوا شہری کے والد کا کہنا ہے کہ ملزمان کی جانب سے گھر والوں کو ٹیلی گرام پر رابطے کی ہدایت کی گئی، والد نے حکومت سے مطالبہ کیا ہے کہ حکومت میرے بیٹے کی رہائی کے لئے اقدامات کرے۔

والد کا کہنا ہے کہ جس جگہ ان کے بیٹے کو رکھا گیا ہے وہاں اوربھی پاکستانی موجود ہیں، روزانہ تشدد کیا جاتا ہے اور 50ہزار ڈالر کا مطالبہ کیا جاتا ہے۔

اغوا ہونے کؤوالے شہری کے والد کا کہنا ہے کہ  حماد الرحمان کو ائیر پورٹ سے اغوا کیا گیا، میری حکومت سے درخواست ہے وہ میرے بیٹے کی رہائی کے لئے اقدامات کرے۔

اسلام آباد : بھائی نے غیرت کے نام پر چھریوں کے وار سے بہن کا گلا کاٹ دیا، مقتول لڑکی گزشتہ ایک سال سے گھر سے غائب تھی۔

تفصیلات کے مطابق اسلام آباد میں تھانہ گولڑہ کے علاقے میں غیرت کے نام پر لڑکی کو قتل کردیا گیا۔

پولیس نے بتایا کہ بھائی نے چھریوں کے وار سے لڑکی کا گلا کاٹ دیا، ملزم کو اپنی بہن کے چال چلن پر شک تھا۔

مقتول لڑکی گزشتہ ایک سال سے گھر سے غائب تھی اور لڑکی کے گھر آنے پر بھائی نے جان سے مار دیا۔

مزید پڑھیں : کراچی: لی مارکیٹ میں 4 خواتین کا قتل، ملزم نے جرم کا اعتراف کرلیا

مقتول لڑکی کے چچا کی مدعیت میں مقدمہ درج کرلیا جبکہ گھر والوں اور اہل محلہ نے ملزم کو پولیس کے حوالے کردیا ہے.

یاد رہے 3 روز قبل کراچی کے علاقے لی مارکیٹ میں 4 خواتین کے لرزہ خیز قتل کی واردات ہوئی تھی۔

ایس ایس پی سٹی عارف عزیز کے مطابق 19 اکتوبر کی رات لیاری کے ایک گھر میں خواتین کی لاشیں ملیں تھیں جب ہم جائےوقوعہ پر پہنچے تو پورا گھرخونم خون تھا، جائے وقوعہ سے شواہد جمع کر کے تکنیکی پہلوؤں سے تفتیش کی اور مختلف زاویوں سے تفتیش کے دوران ملزم بلال نےاعتراف جرم کر لیا۔

پاکستان تحریک انصاف کی قیادت اسلام آباد میں شنگھائی تعاون تنظیم کا اجلاس ختم ہنے کے بعد پھر سے احتجاج کے بارے میں سوچنے لگی۔

صدر پی ٹی آئی اسلام آباد عامر مغل نے کہا کہ آئینی ترامیم روکنی ہیں تو ڈی چوک پر فوری احتجاج ناگزیر ہے، بانی پی ٹی آئی کا واضح حکم ہے کہ آئینی ترامیم کیخلاف احتجاج جاری رکھا جائے۔

قیادت پر اس وقت تک اعتماد ہے جب تک بانی پی ٹی آئی کو اعتماد ہے، اگر یہ ٹولہ آئینی ترامیم میں کامیاب ہوگیا تو جدوجہد لمبی اور مشکل ہوجائے گی۔

تحریک انصاف اسلام آباد کے صدر کا مزید کہنا تھا کہ میرے اوپر کانسٹیبل قتل کا جھوٹا کیس ڈال کر احتجاج سے روکنے کی کوشش کی گئی۔

خیال رہے کہ پاکستان تحریک انصاف ایس سی او سمٹ کے موقع پر حکومت کی پیشکش قبول کرلی تھی اور 15 اکتوبر کو ہونے والا احتجاج مؤخر کردیا تھا۔

ذرائع کا کہنا تھا کہ پی ٹی آئی کی سیاسی کمیٹی کے اجلاس میں احتجاج مؤخر کرنے کا فیصلہ کیاگیا، احتجاج مؤخرکرنے کا فیصلہ اسلام آباد میں ہونے والی ایس سی او سمٹ کے باعث کیا گیا تھا۔

چیئرمین پی ٹی آئی بیرسٹرگوہر کا کہنا تھا کہ ہم پُرامن احتجاج کو مؤخر کرتے ہیں، وزیرداخلہ محسن نقوی نے حکومت کی جانب سے باضابطہ رابطہ کیا تھا۔

اسلام آباد : وفاقی دارالحکومت اسلام آباد کی تمام حساس سرکاری عمارتوں کو آرمی، رینجرزاور ایف سی کی سیکیورٹی میں دے دیا گیا۔

تفصیلات کے مطابق شنگھائی تعاون تنظیم اجلاس کے انعقاد پروفاقی دارالحکومت اسلام آباد کی تمام حساس سرکاری عمارتوں کو آرمی، رینجرزاور ایف سی کی سکیورٹی میں دے دیا گیا۔

حکومت نے سمٹ کے انعقاد کیلئے ریڈ زون میں عام لوگوں کے داخلے پر پابندی لگا دی ہے۔

ایس سی او سمٹ کے موقع پر اہم مقامات پر آرمی، رینجرز، ایف سی تعینات کی گئی ہے جبکہ انتظامیہ نے جڑواں شہروں کیلئے ٹریفک پلان جاری کرتے ہوئے شہریوں کو نقل وحرکت محدودرکھنے کا کہا ہے۔

وزیرِ اعظم شہباز شریف نے گزشتہ روز شنگھائی تعاون تنظیم کے سربراہانِ حکومت کے اجلاس کے انتظامات کا جائزہ لینے کیلئے جناح کنو نشن سنٹر کا دورہ کیا، جہاں وزیرِ اعظم کو چیئرمین سی ڈی اے ، وزارت خارجہ کے حکام نے بریفنگ دی۔

ڈپٹی کمشنر اسلام آباد نے بتایا کہ دوران ایس سی او سمٹ شہر میں کاروباری سرگرمیوں پر پابندی عائد نہیں کی گئی ،صرف ان کاروباری مراکز کو بند رکھا جائے گا جو روٹ پر واقع ہوں گے۔

اسلام آباد انتظامیہ نے کہا کہ ایس سی او کانفرنس کے دوران شہر میں پلان کے مطابق روٹ لگایا جائے گا،روٹ کے دوران شادی ہالز، ہوٹلز اور ریسٹورنٹ میں سرگرمیوں پربھی اس دوران پابندی عائد کردی گئی ہے۔

اسلام آباد : حکومت نے 5 دن تک شادی ہالز، کیفے، ریسٹورنٹ اور اسنوکر کلب بند کرنے کا حکم دے دیا۔

تفصیلات کے مطابق اسلام آباد میں شنگھائی تعاون تنظیم (ایس سی او ) کانفرس کی تیاریاں جاری ہے، جڑواں شہروں میں سیکیورٹی سخت کرنے کا فیصلہ کرتے ہوئے پلان پر عملدرآمد شروع کردیا گیا۔

جس بعد 12 سے 16 اکتوبر تک شادی ہالز، کیفے، ریسٹورنٹ اور اسنوکر کلب بند کرنے کا حکم دے دیا ، اس حوالے سے پولیس نے تاجروں، ہوٹل اور ریسٹورنٹ مالکان کو نوٹسز جاری کردیئے ہیں۔

پولیس نے تاجروں،ہوٹل مالکان سے شورٹی بانڈز طلب کر لئے اور کہا ہے کہ خلاف ورزی کرنےوالوں کےخلاف قانونی کارروائی کی جائے گی۔

جڑواں شہروں میں ایس سی اوکانفرنس کے پیش نظر 14 سے 16اکتوبر تک عام تعطیل کا اعلان کیا ہے۔

واضح رہے کہ شنگھائی تعاون تنظیم کا سربراہی اجلاس 15 اور 16 اکتوبر کو اسلام آباد میں ہوگا۔ جس میں کئی ممالک کے سربراہان اور نمائندے شریک ہوں گے۔

ایس سی او سمٹ کے لیے آرٹیکل 245 کے تحت اسلام آباد میں فوج بھی تعینات کی گئی ہے جو 17 اکتوبر تک تعیناتی رہے گی۔

بھارتی وزیرخارجہ جے شنکر بھی ایس سی اوسمٹ میں شرکت کیلئے پاکستان آرہے ہیں، وہ15 ،16 اکتوبر کو سمٹ میں شرکت کریں گے، جے شنکر کا پاکستان کا یہ پہلا دورہ ہوگا۔