Tag: اسلام آباد ائیرپورٹ

اسلام آباد: اسلام آباد ائیرپورٹ سے مٹھائی کے ڈبوں میں چھپا کر منشیات بحرین لے جانے والی خاتون کو گرفتار کرلیا گیا۔

تفصیلات کے مطابق اسلام آباد ائیرپورٹ پر کسٹمز حکام نے کارروائی کرتے ہوئے مٹھائی کے ڈبوں سے منشیات برآمد کرکے خاتون کو گرفتارکرلیا۔

حکام نے بتایا کہ ملزمہ اسلام آباد ایئر پورٹ سے بحرین جا رہی تھی کہ گداگری میں ملوث ہونے کے شبے پر روک کر تلاشی لی گئی، ملزمہ کے سامان میں مٹھائی، 2 کپڑوں کے جوڑے اور پرفیوم شامل تھا۔

حکام کا کہنا تھا کہ تلاشی پر بھاری مقدار میں آئس برآمد ہوئی ،منشیات مٹھائی کے ڈبوں میں چھپائی گئی تھی۔

خاتون نے بتایا کہ اسے یہ باکس بحرین میں موجود ایک شخص کے حوالے کرنا تھا، باکس ڈیلور کرنے کے بدلے اسے سروس چارجز ملنا تھے۔

ترجمان نے کہا کہ گرفتار خاتون کو اینٹی نارکوٹکس فورس حکام کے حوالے کر دیا گیا ہے۔

اسلام آباد : اسلام آباد ایئر پورٹ پر منکی پاکس کے مریض کی تشخیص نہ ہونے پر تحقیقات شروع کردی گئیں، متاثرہ مریض بغیر کسی رکاوٹ کے پشاور پہنچ گیا۔

تفصیلات کے مطابق وزارت صحت نے اسلام آباد ایئر پورٹ پر منکی پاکس کے مریض کی تشخیص نہ ہونے پر تحقیقات کا آغاز کر دیا ہے۔

وزارت صحت ذرائع نے کہا کہ مریض کی تصویریں اور ایئر پورٹ کی ویڈیو حاصل کر لی گئی، 7 ستمبر کو خلیجی ملک سے آیا ہوا منکی پاکس کا مریض بغیر کسی رکاوٹ کے پشاور پہنچ گیا۔

ذرائع کا کہنا تھا کہ متاثرہ مریض سے ملنے اور مزید تحقیقات کرنے کا فیصلہ کیا گیا ہے ، مریض جب اسلام اباد ایئر پورٹ پر اترا تو اس کے چہرے پر نہ دانے تھے اور نہ اسے بخار تھا۔

وزارت صحت حکام کا کہنا ہے کہ بارڈر ہیلتھ سروسز کے عملے نے کوئی کوتاہی کی یا نہیں رپورٹ جلد سامنے ہو گی مریض کے ساتھ پاکستان پہنچنے والے اور دیگر افراد کے کانٹیکٹس کی ٹریسنگ بھی جاری ہے۔

وزارت صحت ذرائع کے مطابق بارڈر ہیلتھ سروسز کا ہیڈ کوارٹر کراچی سے اسلام آباد منتقل کرنے کا امکان ہے، دیگر وفاقی اداروں کی طرح بارڈر ہیلتھ سروسز کا ہیڈ کوارٹر بھی اسلام آباد میں ہی ہونا چاہیے، بارڈر ہیلتھ سروسز کا عملہ اپنی استعداد کے مطابق بہتر کام کر رہا ہے، تاہم مزید بہتری کی گنجائش ہے۔

کراچی : احرام میں ہیروئن چھپا کر لیجانے والے مسافر کو اسلام آباد ائیرپورٹ پر گرفتار کرلیا گیا، محمد عمران احرام کے تین تولیوں کوہیروئن کے محلول میں بھگو کرلے جا رہا تھا۔

تفصیلات کے مطابق ائرپورٹس سیکورٹی فورس نے اسلام آباد ایئرپورٹ پر کارروائی کرتے ہوئے ہیروئن اسمگلنگ کی کوشش ناکام بنادی اور سعودیہ عرب جانے والے مسافر کو گرفتار کرکے احرام سے ساڑھے پانچ کلو ہیروئن برآمد کرلی۔

ترجمان نے بتایا کہ عمران نے احرام کے 3 تولیے ہیروئن کےمحلول میں بھگولیے تھے تاہم ملزم کو ابتدائی تفتیش کے بعد منشیات سمیت اے این ایف کےحوالے کردیا گیا ہے۔

یاد رہے گذشتہ ماہ اینٹی نارکوٹکس فورس نے کارروائی کرتے ہوئے اسلام آباد ایئرپورٹ پر مسافر کے سامان میں موجود بیوٹی کریم میں چھپائی گئی 300 گرام ہیروئن برآمد کی تھی۔

دوسری کارروائی میں اسلام آباد ایئرپورٹ پر ہنگو کے رہائشی میاں بیوی کوگرفتار کرلیا تھا، ملزمان کے پیٹ سے مجموعی طور پر 60 آئس بھرے کیپسول برآمد ہوئے،ملزمان بذریعہ پرواز نمبر PK-287 قطر کیلئے روانہ ہو رہے تھے۔