Tag: اسلام آباد پولیس

اسلام آباد : سابق وزیر شریں مزاری کی بیٹی ایمان مزاری کو شوہر سمیت کار سرکار میں مداخلت کے الزام میں گرفتار کرلیا گیا۔

تفصیلات کے مطابق پولیس نے کار سرکار میں مداخلت کے الزام میں ایمان مزاری کو شوہر سمیت گرفتار کر لیا۔

اسلام آباد پولیس نے بتایا کہ سابق وزیر کی بیٹی کو آبپارہ پولیس نے گرفتار کیا گیا ، ان کے اور ان کے شوہر کے خلاف مقدمہ درج ہے۔

پولیس ترجمان کا کہنا ہے سابق وزیر کی بیٹی اور ہادی علی کو قانون اور ضابطے کے مطابق گرفتار کیا ہے، انہوں نے بین الاقوامی کرکٹ ٹیم کے دورے کے دوران کار سرکارمیں مداخلت کی ، سیکیورٹی رسک پیدا کرنے پر قانونی کارروائی کی گئی۔

ترجمان نے کہا کہ سابق وزیر شریں مزاری کی بیٹی کو تھانہ ویمن منتقل کردیا ہے۔

قبل ازیں 2023 میں ایمان مزاری کو دارالحکومت کی پولیس نے "ریاست کے معاملات میں مداخلت” کے الزام میں گرفتار کیا تھا۔

بعد ازاں انہیں انسداد دہشت گردی کی عدالت (اے ٹی سی) نے ضمانت دی تھی ، ان کےخلاف دہشت گردوں کی مالی معاونت کرنے کاکیس تھانہ بارہ کہو میں مقدمہ درج تھا۔

اسلام آباد پولیس نے سابق وفاقی وزیر شیریں مزاری کی بیٹی ایمان مزاری اور علی وزیر کو گرفتارکرنے کی تصدیق کردی۔

تفصیلات کے مطابق پولیس ترجمان کا کہنا ہے کہ اسلام آباد پولیس نے علی وزیر اور ایمان مزاری کو گرفتار کر لیا، دونوں ملزمان گزشتہ روز جلسے میں این او سی کی خلاف ورزی کرنے پر اسلام آباد پولیس کو تفتیش کے لیے مطلوب تھے جس کے خلاف مقدمہ بھی درج کرلیا گیا ہے۔

شیریں مزاری کی صاحب زادی ایمان مزاری گھر سے گرفتار

مقدمے کے متن کے مطابق علی وزیر اور ایمان مزاری کے خلاف جلسے کے لئے این اوسی کی خلاف ورزی پر مقدمہ درج کیا گیا، ریلی کو مخصوص علاقے تک محدود نہیں رکھا گیا اور روڈ بلاک کیا گیا۔

مقدمے کے متن کے مطابق روڈ کھولنے کا کہا گیا تو پی ٹی ایم رہنماؤں نے پولیس سے اسلحہ چھینا، سرکاری گاڑی کو نقصان پہنچایا، خلاف ورزی کرنے پر گرفتار کیا گیا ہے۔

ترجمان پولیس کا کہنا ہے کہ علی وزیر، حاحی عبدالصمد، ڈاکٹر مشتاق احمد، ایمان  مزاری  کے خلاف مقدمہ درج ہے، اس کے علاوہ خان ولی اورکزئی، نورباچہ، حسین خانزادہ  سمیت دیگر کیخلاف بھی مقدمہ درج کیاگیا ہے۔

اسلام آباد: سول جج کی اہلیہ کے ہاتھوں تشدد کا شکار کمسن گھریلو ملازمہ رضوانہ نے اسلام آباد پولیس کو اپنا بیان ریکارڈ کروا دیا۔

اے آر وائی نیوز کے مطابق کمسن گھریلو ملازمہ رضوانہ نے اپنے بیان میں بتایا کہ جج کی اہلیہ مجھ پر روزانہ تشدد کرتی تھیں، مجھے ڈنڈوں، لوہے کی سلاخوں اور دیگر چیزوں سے مارتیں تھی، غصّے میں آکر مالکن لاتیں اور ٹھڈے بھی مارتی تھیں۔

رضوانہ نے پولیس کا بتایا کہ لاتیں بھی مارتی تھیں، بال پکڑ  کر میرا سر دیوار سے مارتی تھیں، جج کی اہلیہ مجھے کئی کئی روز کمرے میں بند کر کے بھوکا رکھتیں، جج فیملی سمیت باہر جاتے تو ہفتہ ہفتہ مجھے گھر میں بند رکھتے تھے۔

رضوانہ نے بیان میں کہا کہ مجھے ماں باپ سے ملنے کی اجازت نہیں ملتی تھی،  ٹیلی فون پر بات کراتے مگر جج کی اہلیہ ساتھ ہوتیں تھیں۔

رضوانہ نے پولیس کو مزید بتایا کہ زخموں، تشدد سے متعلق گھر والوں کو نہ بناتے کا کہا جاتا تھا مجھے دھمکیں دیتیں، میرے زخموں کی مرہم پٹی بھی نہیں کراتے تھے۔

پاکستان مسلم لیگ عوامی کے سربراہ شیخ رشید احمد نے کہا ہے کہ آج 3 بجے پولیس میرے اسلام آباد والے گھر میں داخل ہوئی۔

پاکستان مسلم لیگ عوامی کے سربراہ سینئر سیاستدان شیخ رشید احمد نے سماجی رابطوں کی ویب سائٹ ٹوئٹر پر اپنے اسلام آباد والے گھر پر چھاپے کی ویڈیو کی شیئر کی ہے۔

آج صبح3بجےرینجرزاسلام آبادپولیس اوربعض سول کپڑوں میں ملبوس 80-90لوگ میرےگھرF-7-4اسلام آباد میں دروازےتوڑکرداخل ہوگئے میں گھرمیں موجودنہیں تھاملازمین کومارمارکرانکےبازوتوڑدیےحسب معمول میری دونوں گاڑیاں لائسنسی اسلحہ اورCCTV فوٹیج بھی ساتھ لےگئے11.30بجے ویڈیو پیغام میں بات کروں گا pic.twitter.com/srTzew2Hds

— Sheikh Rashid Ahmed (@ShkhRasheed) May 31, 2023

شیخ رشید نے ٹوئٹ میں لکھا کہ ’ 3 بجے پولیس میرے اسلام آباد والے گھر میں داخل ہوئی، میں گھر پر نہیں تھا۔

انہوں نے کہا کہ پولیس نے ملازمین کو مار مار کر ان کے بازو توڑ دیئے، میری دونوں گاڑیاں،لائسنس یافتہ اسلحہ، سی سی ٹی وی فوٹیج بھی ساتھ لےگئے۔