Tag: اسلام آباد یونائیٹڈ

ایچ بی ایل (پاکستان سپر لیگ)  پی ایس ایل 8 کے 26 ویں میچ میں فخر زمان کی شاندار سنچری کی بدولت لاہور قلندرز  نے اسلام آباد یونائیٹڈ کو 119 رنز سے شکست دے دی۔

اسلام آباد یونائیٹڈ کے کپتان شاداب خان نے 119 رنز پر شکست کے بعد کہا کہ فخر زمان کا کیچ ڈراپ ہوا جس کی وجہ سے اسکور ہوسکا، جارحانہ انداز سے کھیلنے کے باعث گزشتہ تین میچوں میں 200 کا ہدف عبور کیا۔

شاداب خان نے کہا کہ اس میچ میں اعظم خان اپنا ایکسرے کلئیر کروانے گئے ہیں لاہور قلندرز کے خلاف میچ مہں کمی بہت محسوس ہوئی۔

راشد خان کا جادوئی اسپیل، یونائیٹڈ کو 119 رنز سے شکست

انہوں نے کہا کہ ماڈرن ڈے کرکٹ کھیلنے میں ناکامی کے بھی امکانات ہوں گے، اسلام آباد یونائیٹڈ کو کراؤڈ نےتینوں میچوں میں سپورٹ کیا ہے۔

شاداب خان نے کہا کہ لاہور قلندرز کے خلاف یک طرفہ میچ ہوا، ہم تینوں ڈپارٹمنٹس میں پرفارمنس نہیں دے پارہے۔

ان کا مزید کہنا تھا کہ پنڈی کرکٹ اسٹیڈیم کی پچ کنڈیشنز پر بولرز کو مشکلات کا سامنا ہے،  پنڈی کرکٹ اسٹیڈیم کی پچ پر بہترین باؤلنگ کرنا راشدخان کی کلاس بتاتا ہے کہ وہ ورلڈ کلاس لیگ اسپنر ہیں۔

پاکستان سپر لیگ (پی ایس ایل) کی ٹیم اسلام آباد یونائیٹڈ کے وکٹ کیپر بیٹر اعظم خان نے کہا ہے کہ آج لنچ میں کچھ نہیں کھایا، میں خالی پیٹ آیا اور گراؤنڈ میں سب کچھ کھا لیا۔

شاندار اننگز کھیلنے کے بعد پریس کانفرنس کرتے ہوئے اعظم خان نے کہا کہ پاکستان میں کسی سابق کھلاڑی کا بیٹا ہونا بہت مشکل کام ہے کیوں کہ اس کو منفی لیا جاتا ہے مگر والد صاحب نے مجھے مثبت چیزیں ہی سکھائی ہیں انھوں نے سکھایا کہ آپ پر تنقید زیادہ  ہوگی اور تعریف کم ہوگی، تو کوشش کرنا کہ اپنا فوکس صرف اپنی کارکردگی پر رکھنا ہے۔

انہوں نے کہا کہ ابھی کیرئیر کے ابتدائی مراحل میں ہوں، کوئٹہ گلیڈی ایٹرز کی وجہ سے میرا کیرئیر شروع ہوا، مجھے اسلام آباد یونائیٹڈ میں لانے میں شاداب کا بڑا کردار رہا، دنیا بھر میں کرکٹ کھیلنے سے میں ایک اچھے زون میں شامل ہوں، جہاں موقع ملے گا کھیلنے کیلئے تیار ہوں اور پاکستان کیلئے جان حاضر ہے، پاکستان سے کھیلنا ہر کسی کی خواہش ہوتی ہے۔

’اعظم خان ہمارے کھلاڑی ہیں ہمیں ہی دھو دیا‘

 ایک سوال پر اعظم خان نے کہا کہ ہر کھلاڑی کا خواب ہے کہ وہ پاکستان کی جانب سے نمائندگی کریں، پاکستان ٹیم کی جہاں تک بات ہے میں ایک اچھے زون میں ہوں، اگر سلیکٹ ہوئے تو پاکستان کے لیے جان بھی حاضر ہے، تو پھر ٹی ٹوئنٹی کھیلنا کوئی بڑی بات نہیں ہے، موقع ملا تو ضرور کھیلوں گا۔

اعظم خان نے کہا  ٹیم میں سلیکٹ نہیں ہوتے تو مایوسی ہوتی ہے لیکن اپنی کارکردگی پر فوکس رکھتا ہے، کھیل کو مزید بہتر کرنے کی کوشش کرتا ہوں، سنچری کا افسوس ہے جس پر شارٹ درکار تھا وہی بال مس ہوگئی۔

انہوں نے کہا کہ شارٹ آف دا ٹورنامنٹ کیلئے پریکٹس کرنا پڑتی ہے، اچھے شارٹ کبھی کبھی لگ جاتے ہیں، اپنی کارکردگی سے کبھی بھی مطمئن نہیں ہونا چاہیے، جب رنز بناتے ہیں تو رنز کی بھوک اور بڑھ جانا چاہیے۔

کراچی: اسلام آباد یونائیٹڈ کے فاسٹ بولر حسن علی کا کہنا ہے کہ اگر ان کے دوست آل راؤنڈر شاداب خان کو موقع ملا تو وہ پاکستان ٹیم کی کپتانی کے لیے تیار ہیں۔

پاکستان سپر لیگ (پی ایس ایل) سیزن 8 سے قبل اسلام آباد یونائیٹڈ کے پہلے ٹریننگ سیشن کے موقع پر میڈیا سے بات کرتے ہوئے حسن نے کہا کہ شاداب نے اکثر خود کو ایک مضبوط کپتان ثابت کیا ہے۔

میڈیا سےگفتگو کے دروان حسن علی سے جب ان سے اپنے دوست سے مستقبل میں پاکستان ٹیم کی کپتانی سنبھالنے کے بارے میں پوچھا گیا تو انہوں نے کہا کہ اگر شاداب خان کو موقع دیا گیاتو ان کے خیال سے وہ کپتانی کے لیے تیارہیں۔

فاسٹ بولر کا کہنا تھا کہ شاداب نے پی ایس ایل میں اپنی کپتانی سے ثابت کی ہے، انہوں نے ایک دو مواقع پر پاکستانی ٹیم کے کپتان کے طور پر بھی اچھی کارکردگی کا مظاہرہ کیا ہے، وہ چیلنجز کا سامنا کرنا پسند کرتے ہیں۔ میرے خیال میں وہ یہ کردار ادا کر سکتے ہیں۔

اسلام آباد یونائیٹڈ کے فاسٹ بولر حسن علی کا کہنا ہے کہ یانائیٹڈ فیلمی کا حصہ ہونے پر مجھے فخر ہے، کیوں کہ یہ ایک متوازن ٹیم ہے۔

انہوں نے کہا کہ میں اسلام آباد یونائیٹڈ کے ساتھ پچھلے تین سالوں سے منسلک ہوں، ہمارے پاس ایک متوازن ٹیم ہے، ہمارے پاس بیٹنگ، فاسٹ اور اسپن باؤلنگ میں یکساں صلاحیت ہے جو ایک اچھی علامت ہے۔

حسن علی کا کہنا تھا کہ میں جانتا ہوں کہ ہم نے حال ہی میں ٹرافی نہیں جیتی لیکن مجھے یقین ہے کھلاڑی اس سال ٹائٹل جیتنے کے لیے اپنا سب کچھ لگا دیں گے۔

اسلام آباد یونائیٹڈ نے آخری بار 2018 میں جے پی ڈومنی کی کپتانی میں پی ایس ایل کا ٹائٹل جیتا تھا، جبکہ مصباح الحق کی قیادت میں 2016 میں پی ایس ایل کا افتتاحی ایڈیشن کی فاتح ٹیم کا اعزاز بھی اسلام آباد یونائیٹڈ کے پاس ہے۔

واضح رہے کہ اسلام آباد یونائیٹڈ اپنا پہلا میچ کراچی کنگز کے خلاف 16 فروری کو کھیلے گی۔