Tag: اسلام آباد

کراچی: سابق صدرآصف علی زرداری کا کہنا ہے گورنر راج لگے گا اور نہ ہی وزیراعلی سندھ کو تبدیل کیا جائیگا۔

آصف علی زرداری نے زرداری ہاوٴس اسلام آباد میں صحافیوں سمیت پیپلز پارٹی کے رہنما وں سے ملاقات کی،  اس موقع پر آصف علی زرداری کا کہنا تھا کہ اٹھارویں ترمیم کے بعد سندھ میں گورنر راج لگانا آسان نہیں ہے، وزیر اعلی سندھ کی تبدیلی کے سوال پر بھی انہوں نے انکارکیا۔

 سابق صدر نے کہا کہ پیپلز پارٹی نیوٹرل امپائر نہ ہونے کے سبب انتخابات میں کامیاب نہ ہوسکی۔

 سابق وزیر داخلہ کی دبنگ انٹری کے سوال پر آصف زرداری کا کہنا تھاکہ ذوالفقار مرزا کسی کے اشارے پر چل رہے ہیں، ان کا کہنا تھا کہ پاک چین اقتصادی راہداری کے روٹ میں اضافے سے کوئی پریشانی نہیں۔

کراچی: پیپلزپارٹی کے شریک چیئرمین آصف علی زرداری نے کہا ہے کہ بلاول بھٹو لندن میں ہیں،انکی جوانی اور سوچ کو باشعور بنانا ہے،سیاسی جماعتوں سے گندے انڈے نکلنے چاہیئیں۔

پیپلز پارٹی کی مرکزی مجلس عاملہ کے اجلاس کے بعد پریس کانفرنس میںٕ آصف علی زرداری کا کہنا تھا کہ بلاول بھٹو لندن میں ہیں ان کی جوانی اور سوچ کو باشعور بنانا ہوگا پھر انہیں میدان میں اتاریں گے۔

آصف علی زرداری نے کہا کہ پیپلزپارٹی سمیت تمام سیاسی جماعتوں میں گندے انڈے موجود ہیں جنہیں نکالنے کی ضرورت ہے، انہوں نے پی ٹی آئی اورحکومت کےدرمیان معاہدےکاخیرمقدم کیا ۔

یمن کے مسئلہ پر ان کا کہنا تھا کہ سیاسی قائدین کی آل پارٹیزکانفرنس طلب کر کے بند کمرے کے اجلاس میں بریفنگ دی جائے ،انہوں نے کہا کہ سعودی عرب کی درخواست سےمتعلق وزیردفاع کابیان کافی نہیں۔

آصف علی زرداری کا کہنا تھا کہ اس وقت بیس لاکھ پاکستانی سعودی عرب میں ہیں، یمن کامعاملہ بات چیت سے حل ہونا چاہیئے۔

 آصف علی زرداری نے کہا کہ پیپلزپارٹی کےوفوددوست ممالک میں بھیجیں گے،یمن کی صورتحال پر حکومت سلامی کانفرنس طلب کرے، آصف علی زرداری نے کہاکہ وہ بھٹوکیس کھولنےکیلئےصدرکوخط لکھیں گے۔