Tag: اسلام آباد

اسلام آباد : وفاقی دارلحکومت اسلام آباد اور راولپنڈی میں طوفانی ہواؤں ساتھ بارش اور ژالہ باری سے گرمی کا زور ٹوٹ گیا۔

تفصیلات کے مطابق ملک کے مختلف حصوں میں بادل برس پڑے، اسلام آباد اور راولپنڈی میں آندھی کے ساتھ موسلادھار بارش اور ژالہ باری ہوئی ساتھ ہی کالی گھٹاؤں سے دن میں اندھیرا چھاگیا۔

موسلادھار بارش اور ژالہ باری نے گرمی کا روز ٹوٹ گیا اور موسم خوشگوار ہوگیا تاہم طوفانی ہواؤں نے قائد اعظم یونیورسٹی میں کینٹین کی چھت گرا دی اور درخت کو جڑ سے اکھاڑ پھینکا۔

طوفانی پواؤں نے ٹریفک کا نظام درہم برہم کردیا جبکہ متعددفیڈرزٹرپ کرگئے، سائن بورڈزاوردرخت گرنےسےبجلی کی تاروں ،کھمبوں کونقصان پہنچا، ترجمان کا کہنا تھا کہ متاثرہ فیڈزپربجلی کی بحالی کاکام جاری ہے۔

مزید پّڑھیں : طوفانی بارشوں کا الرٹ جاری ، 12 سے 36 گھنٹے اہم قرار

محکمہ موسمیات نے اسلام آباد اور گرد و نواح میں آندھی اور بارش الرٹ جاری کردیا ، جس میں کہا ہے کہ طوفانی ہواؤں اور ژالہ باری سے نقصانات کا خدشہ ہے ساتھ ہی درخت ، گاڑیوں اور بجلی کے کھمبوں کونقصان ہوسکتا ہے۔

محکمہ موسمیات نے موسم کی موجودہ صورتحال کے پیش نظر شہریوں سے احتیاطی تدابیر اختیار کرنے کی ہدایت کی۔

دوسری جانب مردان میں بھی ایسی بارش اور ژالہ باری ہوئی کہ گرمی کے ستائے لوگوں نے سکھ لیا، سوات میں تیز بارش نے جل تھل ایک کردیا، جس کے بعد بالائی علاقوں میں سرد ہوائیں چلنے لگیں۔

مینگورہ کے ندی نالوں میں طغیانی اور نشیبی علاقےزیرآب آگئے جبکہ ایبٹ آباد، ہری پور اور مانسہرہ میں بھی تیز ہواوں کے ساتھ بادل برسے۔

اسپیکر قومی اسمبلی ڈاکٹر ایاز صادق نے وفاقی دارالحکومت اسلام آباد اور سعودی دارالحکومت ریاض کو سسٹر سٹی قرار دینے کی تجویز دی ہے۔

اے آر وائی نیوز کے مطابق اسپیکر قومی اسمبلی ڈاکٹر ایاز صادق جو سعودی عرب کے دورے پر پہنچے ہیں۔ وہاں انہوں نے سعودی شوریٰ کوننسل کے چیئرمین سے ملاقات کی۔ اس ملاقات میں انہوں نے دونوں ممالک کے درالحکومت شہروں اسلام آباد اور ریاض کو سسٹر سٹی قرار دینے کی تجویز پیش کی۔

اس ملاقات میں علاقائی سلامتی، مشرق وسطیٰ اور غزہ کی صورتحال پر تبادلہ خیال کیا گیا اور اسپیکر نے انہیں غزہ سے متعلق قومی اسمبلی سے متفقہ قرارداد کی منظوری سے بھی آگاہ کیا اور کہا کہ فلسطین کے مسئلہ پر حکومت، پارلیمنٹ اور عوام کا ایک موقف ہے۔

اسپیکر قومی اسمبلی نے خادم الحرمین الشریفین شاہ سلمان اور ولی عہد محمد بن سلمان کے لیے نیک خواہشات کا بھی اظہار کیا۔

اس موقع پر سعودی شوریٰ کونسل کے چیئرمین ڈاکٹر عبداللہ نے کہا کہ پاکستان سے برادرانہ تعلقات قابل فخر ہیں۔ غزہ کے لیے پاکستان کے عوام اور پارلیمنٹ کی توانا آواز کو سراہتے ہیں۔

انہوں نے کہا کہ تمام شعبوں میں تعاون مستحکم کرنے کے لیے دورہ اہم ہے۔ پارلیمانی سفارت کاری سے دو طرفہ تعاون مزید مستحکم کریں گے۔

پاکستانی وفد نے سعودی عرب کے گرینڈ مفتی شیخ عبدالعزیز بن عبداللہ سے بھی ملاقات کی۔ اس موقع پر اسلامی تعلیمات کی اصل روح اور حقیقی تشخص اجاگر کرنے پر زور دیا گیا۔

چیئرمین کسان اتحاد خالد حسین باٹھ نے کہا ہے کہ گندم کی قیمت طے نہ کی گئی تو مجبوراً ہم اسلام آباد میں بھوک ہڑتال کریں گے۔

اے آر وائی نیوز کے مطابق چیئرمین کسان اتحاد خالد حسین باٹھ نے اسلام آباد میں پریس کانفرنس کرتے ہوئے کہا ہے کہ وزیر اعلیٰ مریم نواز کے اعلان کے بعدگندم کی قیمت 400 روپے مزید کم ہو گئی۔ کہا جاتا ہےکہ گندم ہم نہیں بلکہ تھرڈ پارٹی خریدے گی، لیکن پنجاب کے کسان کو یورپی سسٹم کیسے سمجھ آئے گا۔ کسانوں کو تو اسٹوریج کا سسٹم بھی سمجھ نہیں آئے گا۔

چیئرمین کسان اتحاد نے کہا کہ وزیر اعلیٰ پنجاب سے گزارش ہے کہ صرف افسران کے کہنے پر پالیسیاں نہ بنائیں بلکہ کسانوں کو سنیں اور ان پر رحم کریں۔ اسٹوریج کے سسٹم سے کرپشن کا نیا بازار شروع ہو جائے گا۔

انہوں نے کہا کہ پنجاب میں ایک کروڑ 25 لاکھ ایکڑ پر گندم کاشت ہوئی ہے۔ حکومت گندم کا ریٹ طے نہیں کرےگی تو مارکیٹ گر جائے گی اور حکومت جو اربوں روپے خرچ کر رہی ہے وہ کسانوں کی جیب میں جانے کے بجائے مافیا کی جیب میں جائے گا۔

خالد حسین کا کہنا تھا کہ گندم اسٹور کر دیں تو کیا پتا کہ 4 ماہ بعد کیا قیمت ملےگی؟ اسٹوریج میں گندم رکھنے جائیں تو وہ اپنی مرضی سے ریٹ دیں گے۔ گندم کے کاشتکاروں کے پاس ابھی کھانے کے بھی پیسے نہیں۔ اگر گندم نہیں خریدی جائےگی تو کاشتکار آئندہ گندم کاشت نہیں کرینگے۔

انہوں نے کہا کہ 4 ماہ بعد مارکیٹ میں گندم ڈھونے سے بھی نہیں ملے گی اور پھر یہی ہوگا کہ حکومت باہر سے گندم منگوا رہی ہوگی۔ اس سے بہتر ہے کہ وہ اپنے ہی کسانوں سے گندم خرید لے۔

اسلام آباد : سیکٹر ای الیون میں غیر ملکی فوڈ چین کے ریسٹورینٹ پر حملہ کردیا تاہم پولیس نے چار حملہ آوروں کو گرفتار کرلیا۔

تفصیلات کے مطابق اسلام آباد کے سیکٹر ای الیون میں غیر ملکی فوڈ چین کے ریسٹورینٹ پر مشتعل افراد نے دھاوا بول دیا۔

پولیس نے بروقت کارروائی کرکے ریسٹورنٹ کو نقصان سے بچالیا اور چار حملہ آور گرفتار کرلیے۔

پولیس کا کہنا تھا سیکٹر ای الیون میں ڈنڈوں سے لیس چند افراد توڑ پھوڑ کی نیت سے پہنچے تھے۔ بروقت کارروائی کرکےریسٹورنٹ کونقصان سے بچالیا۔

دوسری جانب راول پنڈی تھانہ کینٹ کے علاقے میں غیرملکی فوڈچین کےریسٹورنٹ پر حملے میں ملوث دس ملزم گرفتار کرلیے گئے، اتوار تیرہ اپریل کی رات کو فوڈ چین پر حملہ ، عملے کو ہراساں اور فیملیز کو تنگ کیا گیا تھا۔

غیرملکی فوڈچین پر حملوں کے حوالے سے چیئرمین اسلامی نظریاتی کونسل مولانا راغب نعیمی نے کہا کہ اسرائیلی اقدامات كى مذمت كرنا اسلامى غیرت كا تقاضا ہے، مجرمانہ اقدامات روكنےمىں حسب استطاعت كردار ادا كرنا بھی لازم ہے۔

ان کا کہنا تھا کہ اسرائیلی مصنوعات اورکمپنیوں كا معاشى بائیكاٹ بھی ضروری ہے لیکن معاشی بائیکاٹ میں شہرىوں کے جان ومال اوراملاک كونقصان نہ پہنچایا جائے۔

اسلام آباد : نیب کے افسر کی اسلام آباد کے گیسٹ ہاؤس سے لاش برآمد ہوئی ، موت کی اصل وجوہات جاننے کے لیے مختلف زاویوں سے تحقیقات کی جا رہی ہیں۔

تفصیلات کے مطابق نیب کے افسر وقاص احمد کی اسلام آباد کے گیسٹ ہاؤس سے لاش برآمد ہوئی ہے۔

پولیس ذرائع نے بتایا کہ نیب آفیسر کی لاش گیسٹ ہاؤس کے کمرہ کا دروازہ توڑ کر نکالی گئی تاہم لاش کو قبضے میں لیکر پوسٹمارٹم کے لیے اسپتال منتقل کر دی گئی۔

متوفی آفیسر تھانہ آبپارہ کی حدود جی سکس فور میں واقع گیسٹ ہاؤس میں مقیم تھے تاہم پوسٹمارٹم رپورٹ میں متوفی نیب آفیسر کی موت کی اصل وجہ سامنے آئے گی۔

متوفی کے اہلخانہ نے ابھی تک پولیس کو کسی قسم کی کارروائی کی تحریری درخواست نہیں دی۔

ذرائع نے انکشاف کیا کہ احمد کا تعلق لاہور سے ہے اور وہ اس سے قبل اوگرا کیس میں تفتیشی افسر کے طور پر کام کر چکے ہیں۔

ان کی اچانک اور پراسرار موت کے بعد ان کی موت کی اصل وجوہات جاننے کے لیے مختلف زاویوں سے تحقیقات کی جا رہی ہیں۔

اسلام آباد: وفاقی دارلحکومت میں نامعلوم شخص نے گھر میں تیز دھار آلے سے وار کرکے ایک شخص کو قتل کردیا جبکہ بیٹا زخمی ہوا.

تفصیلات کے مطابق اسلام آبادکے تھانہ بارہ کہو کے ایریا میں قتل کی واردات ہوئی، جہاں تشدد کے دوران نامعلوم شخص نے تیز دھار آلے سے ایک شخص کو قتل کر دیا۔

پولیس نے بتایا کہ گھر میں گھسنے والے نامعلوم شخص کو اہلخانہ نے پکڑ لیا تھا تاہم مقتول کے دو بیٹے میں واقعہ میں زخمی ہوئے ہیں۔

مقتول کا بیٹا مدثر شدید زخمی اور دوسرا بیٹا عثمان بھی زخمی ہے، مقامی پولیس موقع پر موجود ہ اور یں شواہد اکٹھے کر رہی ہے۔

ایس ایچ او بھارہ کہو ،ایس پی ڈالفن اور اے ایس پی علی رضا ایس ڈی پی او مارگلہ سرکل بھی موقعہ پر موجود ہیں۔

راولپنڈی : کھیلوں کے سامان میں چھپا کر منشیات اسمگل کرنے کی کوشش ناکام بنادی گئی اور کیرم بورڈ میں چھپائی گئی 1 کلو 20 گرام آئس برآمد کرلی۔

تفصیلات کے مطابق اے این ایف نے اسلام آباد سے بیرون ملک منشیات اسمگلنگ کوشش ناکام بناتے پوئے اسلام آباد میں کوریئر آفس سے نیوزی لینڈ کیلئے بک پارسل قبضے میں لے لیا۔

ترجمان نے بتایا کہ منشیات کھیلوں کے سامان میں چھپاکر بیرون ملک بھیجی جارہی تھی ، کارروائی میں پارسل میں کیرم بورڈ میں چھپائی گئی 1 کلو 20 گرام آئس برآمد کی گئی۔

ترجمان کا کہنا تھا کہ پارسل آزاد کشمیرکےرہائشی کی جانب سےبک کروایاگیاتھا تاہم منشیات قبضےمیں لےکرمزیدتحقیقات کا آغاز کردیا گیا ہے۔

گذشتہ روز کراچی ایئرپورٹ پر یوگنڈا کی خاتون کی منشیات اسمگلنگ کی کوشش ناکام بنا دی گئی اور 144گرام 11 کوکین بھرے کیپسول برآمد کرلئے تھے،

تفصیلات کے مطابق اے این ایف نے کراچی ایئرپورٹ پرمنشیات اسمگلنگ کی کوشش ناکام بنادی، ترجمان نے بتایا کہ یوگنڈا سے تعلق رکھنے والی خاتون مسافربراستہ دبئی سےکراچی پہنچی تھی، دوران تفتیش میں خاتون نے منشیات بھرے کیسپولز کی موجودگی کا اعتراف کیا۔

ترجمان کا کہنا تھا کہ ملزمہ کواسپتال منتقل کرکے 144گرام 11کوکین بھرے کیپسول برآمد کرلئے گئے، تاہم دوران تفتیش خاتون نے لاہور میں منشیات اپنے نائجیرین ساتھی کے بارے میں انکشاف کیا۔

ن لیگ کے رہنما طلال چوہدری نے کہا ہے کہ اسلام آباد میں بغاوت پر پی ٹی آئی والوں کے ساتھ جو کچھ ہوا وہ صرف ایک ٹریلر تھا۔

اے آر وائی نیوز کے مطابق مسلم لیگ ن کے رہنما طلال چوہدری نے وفاقی دارالحکومت میں میڈیا سے گفتگو میں پی ٹی آئی کو شدید تنقید کا نشانہ بناتے ہوئے کہا ہے کہ ریاست کے صبر کو آزمانا نہیں چاہیے۔ اسلام آباد پر چڑھائی بغاوت کے زمرے میں آتی ہے۔ اسلام آباد میں ان کے ساتھ جو کچھ ہوا، وہ صرف ایک ٹریلر تھا۔ اگر یہ سمجھتے ہیں کہ ان کیخلاف کارروائی نہیں ہو گی تو یہ ان کی خوش فہمی ہے۔

طلال چوہدری کا کہنا تھا کہ دہشت گردی کا مرکز خیبرپختونخوا ہے اور صوبے میں نیشنل ایکشن پلان پر عملدرآمد ہونے کے بجائے وہاں کے عوام کے وسائل وفاق پر چڑھائی کیلیے استعمال ہو رہے ہیں۔ وزیر اعلیٰ کے پی ہاؤس اس وقت بھگوڑا ہاؤس بنا ہوا ہے جہاں ہر اشتہاری اور بھگوڑا موجود ہے۔ اپنا کام ٹھیک کریں۔ بھگوڑےاور اشتہاریوں کو قانون کے سامنے پیش کریں۔ ان کی نا اہلی اور نالائقی کا خمیازہ پاکستان کو ادا کرنا پڑ رہا ہے۔ ان سے اسٹاک ایکسچینج کی تاریخی بلندی ہضم نہیں ہو رہی۔

ن لیگی رہنما نے کہا کہ بشریٰ بی بی نے آ کر فساد پھیلایا اور اب ساری جماعت صفائیاں دے رہی ہے۔ یہ کیسی گولیاں تھیں، جو پی ٹی آئی کے کسی رکن اسمبلی یا عہدیدار کو نہیں لگیں۔ کارکنوں کی ہلاکتوں کا دعویٰ کر رہے ہیں۔ جس کی ویڈیو یا تصویر لگاتے ہیں اس کے گھر والے تردید کر دیتے ہیں۔ ان شہدا کی لاشیں نظر نہیں آتی۔ کیوں اب تک ان کا کوئی رہنما اسپتالوں یا تھانوں میں نہیں گیا۔ ان کے رہنما اب تک کسی اسپتال میں داد رسی کیلیے کیوں نہیں گئے۔

انہوں نے کہا کہ سیکیورٹی فورسز روز جانوں کا نذرانہ دے رہی ہیں۔ کُرم میں سینکڑوں شہید ہو گئے، ان کے کان پر جوں تک نہیں رینگی اور نہ ہی کوئی ٹویٹ آیا۔ وفاقی حکومت ایک سیاسی حکومت ہے اور کوئی ایسا اقدام نہیں کرنا چاہتی مگر صبرکی بھی کوئی انتہا ہوتی ہے۔

طلال چوہدری نے یہ بھی کہا کہ ان کا ایک بیانیہ پٹتا ہے تو دوسرا لے آتے ہیں۔ اب کہتے ہیں کہ بانی پی ٹی آئی کی جان کو خطرہ ہے اور ان پر اسپرے کر دیا گیا ہے۔ یہ باتیں وہ کر رہے ہیں، جو اس ملک سے سیکڑوں میل دور بیٹھے ہیں۔ اپنی بزدلی اور لاشوں کو چھپانے کیلیے بانی پی ٹی آئی کی صحت کا بیانیہ بنا رہے ہیں۔ کمیٹی بنائی ہے، جو جھوٹا بیانیہ بنائے گا، اسے اس کی قیمت ادا کرنی پڑے گی۔