Tag: اسلام آباد
-
پاکستان حالت جنگ میں ہے،مذکرات پر سیاست نہ کیجائے، چودھری نثار
وفاقی وزیر داخلہ چودھری نثارعلی خان نے کہا ہے کہ امریکی ڈرون حملے کے بعد صورتحال بدل گئی، طالبان قیادت مذاکرات سے انکار کر رہی ہے، مذاکرات پر سیاست نہ کی جائے، پاکستان اس وقت حالت جنگ میں ہے۔
پولیس اکیڈمی اسلام آباد میں میں پاسنگ آؤٹ پریڈ سے خطاب اور میڈیا سے گفتگو میں وزیر داخلہ چودھری نثار کا کہنا تھا کہ پاکستان اس وقت حالت جنگ میں ہے، دہشتگرد سیکورٹی فورسز اور عوام کو نشانہ بنا رہے ہیں
انکا کہنا تھا کہ نائن الیون میں کسی پاکستانی کا کردار نہیں تھا، نائن الیون کے بعد دنیا محفوظ اور پاکستان غیرمحفوظ ہوگیا، ہم نے دہشت گردی کیخلاف جنگ میں سب سے زیادہ قربانیاں دیں۔
انکا کہنا تھا کہ حکومت نے صرف ڈھائی ماہ میں مذاکرات کے عمل کو منطقی انجام تک پہنچایا لیکن امریکی ڈرون حملے کے بعد صورتحال تبدیل ہوگئی، اورطالبان کی نئی قیادت مذاکرات سے انکار کررہی ہے۔
انھوں نے کہا کہ حکومت طالبان سے مذاکرات پر اے پی سی اور پارلیمنٹ کو اعتماد میں لے گی، پاکستان میں امن کے لئے جو حصہ ڈال سکتا ہے ڈالے، حکومت کوئی کریڈٹ نہیں لینا چاہتی۔
پولیس افسران سے خطاب میں وزیر داخلہ نے کہا کہ پاکستان کو ایسا ملک بنانا چاہتے ہیں، جس میں قانون کی حکمرانی ہو،عوام کے تحفظ کیلئے سیکیورٹی اداروں پر بھاری ذمہ داری عائد ہوتی ہے۔
وزیر داخلہ نےکہا کہ پولیس کو حکومت کے بجائے ریاست کا وفادار ہونا چاہئے، حلال رزق کمانے سے کام اور روزگار میں برکت ہوگی، آج حلال اور حرام کی تمیز ختم ہوگئی ہے۔
-
اسلام آباد: نئے اے ایس پیز کی پاسنگ آؤٹ پریڈ کی پُروقار تقریب
اسلام آباد میں بیس اے ایس پیز کی پاسنگ آؤٹ پریڈ کی تقریب منعقد ہوئی، تقریب میں وزیر داخلہ چوہدری نثار مہمان خصوصی تھے، نمایاں کارکردگی دکھانے والے افسران میں انعامات بھی تقسیم کئے گئے۔
اسلام آباد میں نئے اے ایس پیز کی پروقار پاسنگ آؤٹ پریڈ ٹریننگ سینٹر نیشنل پولیس اکیڈمی میں منعقد ہوئی، مہمان خصوصی وزیر داخلہ چوہدری نثار علی خان تقریب میں شرکت کے لئے پہنچے تو پولیس اہلکاروں نے ان کا والہانہ استقبال کیا۔
تقریب میں عملی تربیت مکمل کرنے والے اے ایس پیز نے پاسنگ آؤٹ پریڈ میں حصہ لیا جبکہ پولیس اور دیگر اداروں کے اعلی افسران نے بھی تقریب میں شرکت کی۔
تقریب میں عملی میدان میں اترنے والے افسران نے اپنے حلف سے وفاداری اور لوگوں کی خدمت کے عزم کا اظہار کیا، تقریب کے اختتام پرعملی تربیت کے دوران نمایاں کارکردگی دکھانے والے پولیس افسران میں انعامات بھی تقسیم کئے گئے۔
-
نئی پالیسی دہشت گردی اور قومی سلامتی کیلئے معاون ثابت ہوگی،چوہدری نثار
وفاقی وزیر داخلہ چوہدری نثار نے کہا ہے قومی سلامتی پالیسی آخری مراحل میں ہے، پالیسی دہشت گردی اور قومی سلامتی کیلئے معاون ثابت ہوگی۔
نیشنل ڈیفنس یونیورسٹی اسلام آباد میں خطاب کرتے ہوئے کہا ہے کہ قومی سلامتی پالیسی آخری مراحل میں ہے، ان کا کہنا تھا کہ نئی پالیسی کے عناصر سیکٹریٹ اور اسٹریٹجک پر مشتمل ہیں۔
انہوں نے بتایا کہ نیکٹا ہمارا انسداد دہشت گردی کا واحد ادارہ ہوگا، جس کے زیر اہتمام انٹیلی جنس شیئرنگ ڈائریکٹوریٹ قائم کیا جائے گا۔
چوہدری نثار کا پاک امریکہ تعلقات کے بارے میں بات کرتے ہوئے کہنا تھا کہ امریکہ کو کئی بار کہا گیا ہے کہ ڈرون حملوں سے منفی اثرات مرتب ہوتے ہیں اور یہ حملے پاک امریکہ تعلقات خراب کرنے کا باعث بنتے ہیں، انہوں نے کہا کہ حکومت نے طالبان سے ایک بار پھر مزاکرات کا آغاز کیا ہے۔
