Tag: اسلام آباد

اسلام آباد : وفاقی دارلحکومت میں پی ٹی آئی مظاہرین کیخلاف گرینڈ آپریشن کے دوران 450 سے زائد کارکنان کو گرفتار کرلیا۔

تفصیلات کے مطابق وفاقی حکومت نے اسلام آباد میں پاکستان تحریک انصاف ( پی ٹی آئی) مظاہرین کیخلاف گرینڈ آپریشن کرکے بلیوایریا علاقہ کلیئر کرالیا گیا۔

مظاہرین کیخلاف خیبرچوک اورکلثوم پلازہ کے درمیان آپریشن کے دوران پاکستان تحریک انصاف کے ساڑھے چارسوسے زائد مظاہرین کو گرفتار کرلیا اور بھاری مقدارمیں اسلحہ، ایمونیشن، وائرلیس کمیونیکیشن کے آلات، غلیلیں اوربال بیرنگ برآمد ہوئیں۔

آپریشن میں ڈیڑھ ہزار کے قریب پنجاب اور اسلام آبادپولیس اور رینجرزنے حصہ لیا، تمام ملزمان مختلف مقامات پرپولیس پر حملہ، توڑ پھوڑاور جلاؤگھیراؤمیں ملوث ہیں۔

پولیس ترجمان کا کہنا تھا کہ سری نگرہائی وے پر بھی پولیس آپریشن کے دوران واپس جانے والوں کی گرفتاریاں بھی عمل میں آئی ہیں۔

مزید پڑھیں : پی ٹی آئی کیخلاف آپریشن کب اور کیسے شروع ہوا؟ آنکھوں دیکھا حال

پولیس نے بتایا کہ پنجاب بھرمیں 800 کے قریب شرپسند عناصر کو گرفتار کیا جاچکا ہے تاہم امن وامان اورشہریوں کی جان و مال کےتحفظ پرکوئی سمجھوتہ نہیں کیا جا سکتا۔

اٹک میں پولیس نے پی ٹی آئی کے درجنوں کارکنوں کو گرفتار کرلیا، کارکنان کو کٹی پہاڑی، حسن ابدال، فتح جنگ سے گرفتارکیا گیا۔

پولیس کا کہنا تھا کہ پی ٹی آئی کارکنان اسلام آباد آپریشن سے بھاگ کر آئے تھے، گرفتار کارکنان کو مختلف تھانوں میں منتقل کردیا گیا، کارکنان کو تھانہ حسن ابدال، حضرو اور فتح جنگ کی حوالات میں رکھا گیا ہے۔

ضعلی انتظامیہ کی جانب سے وفاقی دارلحکومت اسلام آباد میں راستوں کی بندش کے باعث پٹرولیم مصنوعات کے بحران کی تردید کردی گئی۔

تفصیلات کے مطابق ضلعی انتظامیہ کا کہنا ہے کہ شہر بھر کے پٹرول پمپس پر پٹرولیم مصنوعات کا وافر ذخیرہ موجود ہے، راستوں کی بندش کے باعث شہر میں پٹرولیم مصنوعات کے بحران پیدا ہونے کی خبر درست نہیں ہے۔

پٹرول کی دستیابی سے متعلق انتظامیہ کا کہنا تھا تمام پمپس پرپٹرولیم مصنوعات کی فراہمی کے سلسلے میں 5 سے 6 روز کی گنجائش موجود ہے۔

ضلعی انتظامیہ کا اس حوالے سے مزید کہنا تھا کہ شہر میں پٹرولیم مصنوعات کے بحران سے متعلق خبریں بےبنیاد ہیں۔

خیال رہے کہ آئل اینڈ گیس ریگولیٹری اتھارٹی (اوگرا) نے پاکستان تحریک انصاف (پی ٹی آئی) کے احتجاج کے باعث پیٹرولیم مصنوعات کی ترسیل کیلیے قانون نافذ کرنے والے اداروں سے مدد طلب کی ہے۔

پیٹرولیم مصنوعات کی ترسیل کیلیے قانون نافذ کرنے والے اداروں سے مدد طلب

پی ٹی آئی کے احتجاج کے باعث راستوں کی بندش پر جڑواں شہروں میں پیٹرولیم مصنوعات کی قلت پیدا ہونے کا خدشہ ظاہر کیا گیا تھا، تاہم اب اوگرا نے مصنوعات کی ترسیل کیلیے مدد مانگی ہے۔

پیٹرولیم ڈویژن، چیف سیکرٹریز اور مقامی انتظامیہ کے ذریعے قانون نافذ کرنے والے اداروں سے مدد کی درخواست کی گئی، اوگرا کا کہنا تھا کہ ریٹیل آؤٹ لیٹس تک آئل ٹینکرز کی بلا روک ٹوک نقل و حمل یقینی بنائیں۔

اسلام آباد: تھانہ کھنہ کے قریب رکھے گئے کنٹینرز کو آگ لگ گئی، پولیس اور ریسکیو ٹیمیں آگ بھجانے کے لیے روانہ ہوگئیں۔

تھانہ کھنہ کے قریب کنٹینرز میں نامعلوم وجوہات کے سبب آگ لگنے کا واقعہ پیش آیا ہے، پولیس اور ریسکیو ٹیمیں فوری طور پر آگ پر قابو پانے کے لیے روانہ ہوگئی ہیں، پولیس حکام نے بتایا کہ کنٹینرز میں آگ لگنے کی وجہ معلوم نہیں ہوسکی۔

اسلام آباد میں جو کنٹینرز آگ لگنے سے متاثر ہوئے ہیں اس کے بارے میں ذرائع نے بتایا کہ متاثرہ کنٹینرز میں کافی مقدار میں سامان موجود ہے۔

دریں اثنا گلیات سے اسلام آباد جانے والی مین مری روڈ پر گڑھا کھود دیا گیا ہے، مین مری روڈ باڑیاں کے مقام پر ہیوی مشینری سے گڑھا کھودا گیا۔

پولیس نے سیاحوں سمیت مقامی آبادی کی آمد و رفت بند کردی ہے، مری روڈ کے دونوں اطراف گاڑیاں پھنس گئی ہیں۔

اسلام آباد : وفاقی دارلحکومت اسلام آباد میں غیر قانونی کڈنی ٹرانسپلانٹ کی ابتدائی تحقیقات مکمل کرلی گئی، 2 نجی اسپتال ملوث نکلے۔

تفصیلات کے مطابق اسلام آباد کے نجی اسپتالوں میں گردوں کی غیر قانونی پیوندکاری کا انکشاف سامنے آیا۔

اسلام آباد میں غیر قانونی کڈنی ٹرانسپلانٹ کی ابتدائی تحقیقات مکمل کرلی گئی ہے، غیرقانونی کڈنی ٹرانسپلانٹ کی تحقیقات آئی ایچ آر اے کی جانب سے کی گئیں۔

ذرائع نے بتایا کہ اسلام آباد کے 2 نجی اسپتال غیر قانونی کڈنی ٹرانسپلانٹ میں ملوث ہیں ، 99 فیصد غیر قانونی پیوند کاری کیس ایک نجی اسپتال سے رپورٹ ہوئے۔

ذرائع کا کہنا تھا کہ غیر قانونی ٹرانسپلانٹ والے اسپتالوں کے کیسز وزارت صحت کو ارسال کردیئے ہیں اور آئی ایچ آر اے کی اسپتالوں کے کیسز ایف آئی اے کو بھجوانے کی درخواست کی ہے۔

ذرائع نے کہا ہے کہ قانون شکن اسپتالوں کے خلاف مزید کارروائی کا فیصلہ وزارت صحت کرے گی۔

یاد رہے گذشتہ سال صوبائی دارلحکومت لاہور میں گردوں کی غیرقانونی پیوندکاری کا ایک اور سکینڈل سامنے آیا تھا، جس میں نوکری کا جھانسہ دیکر گردے نکالنے والا گروہ پکڑا گیا تھا۔

ایس پی صدرسدرہ خان نے بتایا تھا کہ گروہ نے لاہور سے نوے افراد کے گردے نکلوائے، ملزمان نوکری کا جھانسہ دیکر شہریوں کو اسلام آباد لیجاتے تھے۔

اسلام آباد : وفاقی دارلحکومت اسلام آباد میں مبینہ جنونی شخص بزرگ شہریوں کا دشمن بن گیا، دو دن میں دو افراد کو قتل کردیا جبکہ تیسرے کو اہل علاقہ نے بچالیا۔

تفصیلات کے مطابق اسلام آباد میں ڈکیتیوں کے بعد ٹارگٹ کلنگ کے واقعات سامنے آنے لگے ، جنونی شخص نے 65 سے 70 سالہ بزرگوں کو ٹارگٹ کرنا شروع کردیا۔

تھانہ بہارہ کہو میں 2 روز کے دوران 3 افراد کو ٹارگٹ کیا گیا ، 3 میں سے 2 بزرگ جاں بحق ہوگئے جبکہ تیسرے کو اہل علاقہ بچانے میں کامیاب ہوگئے۔

نامعلوم ملزم نے 70 سالہ محمد اشرف کی گردن کاٹ کر قریبی جنگل میں پھنک دیا جبکہ گزشتہ روز 68 سالہ بزرگ عبد القیوم کا بھی گھر کے باہر گلا کاٹ دیا گیا تھا۔

پولیس کو تاحال جنونی شخص کاکوئی سراغ نہ مل سکا، حکام کا کہنا ہے کہ وارداتوں کا طریقہ کار ایک جیسا ہے اور ایک ہی تیز دھارے کا استعمال کیا گیا۔

پولیس کا کہنا تھا کہ تیسرے واقعے سے متعلق تحقیقات کی جارہی ہیں، جلد ملزم کو گرفتار کرلیں گے۔

اسلام آباد : ٹریفک پولیس نے جماعت اسلامی کے دھرنے کے پیش شہریوں کی آسانی کے لئے متبادل ٹریفک پلان جاری کردیا۔

تفصیلات کے مطابق جماعت اسلامی کے دھرنے کے پیش اسلام آباد میں ٹریفک کیلئے متبادل پلان جاری کردیا گیا۔

ٹریفک پولیس نے بتایا کہ روات ٹی کر اس بند ہونے پرراولپنڈی،صدرروڈاستعمال کرسکتےہیں جبکہ پشاورجی ٹی روڈبند ہونے پر موٹر وے کو استعمال کیاجاسکتاہے۔

پلان میں کہا گیا ہے کہ سری نگرہائی وے جی 14 بندہونےپرپشاورجی ٹی روڈ،میرآباد،کرنل شیرخان روڈاستعمال کرسکتےہیں۔

ترجمان کا کہنا تھا کہ فیض آبادبندہونےپرکھنہ پل،لہترارروڈ،کیپٹن طفیل شہیدروڈ،پارک روڈ جبکہ مری روڈ بند ہونے پر راولپنڈی سے آنے والے نائنتھ ایونیواستعمال کرسکتے ہیں۔

شہری زیروپوائنٹ بندہونےکی صورت میں فیصل ایونیو، جناح ایونی جبکہ ڈھوکڑی چوک،سریناہوٹل بندہونےپرسری نگر ہائی وے ، سیونتھ ا یونیواستعمال کریں۔

اس کے علاوہ شہیدملت روڈ،چائنہ چوک انڈرپاس ،ایف6 استعمال کیا جا سکتا ہے۔