بالی ووڈ کی معروف اداکارہ سوناکشی سنہا نے ظہیر اقبال سے شادی پر مذہب تبدیل کرنے سے متعلق اہم انکشاف کیا ہے۔
بالی ووڈ کی دبنگ گرل اداکارہ سوناکشی سنہا نے حال ہی میں ایک انٹر ویو دیا حس میں انہوں نے مسلمان دوست ظہیر اقبال سے شادی کرنے اور مذہب تبدیل سے متعلق کھل کر بات کی ہے۔
اداکارہ سوناکشی کا کہنا تحا کہ ظہیر اور اس کے خاندان نے مجھ پر کبھی بھی اسلام قبول کرنے کے لیے دباؤ نہیں ڈالا، میں اور ظہیر مذہب کو اپنی شادی میں رکاوٹ کے طور پر نہیں دیکھتے۔
View this post on Instagram
انہوں نے کہا کہ ہم دو ایسے لوگ ہیں جو ایک دوسرے سے محبت کرتے ہیں اور شادی کرنا چاہتے تھے، تو ہم نے شادی کرلیا، ظہیر نے اپنا مذہب مجھ پر مسلط نہیں کیا اور نہ ہی میں نے ان پر اپنا مذہب مسلط کیا، ہمارے درمیان مذہب کبھی بھی بحث کا موضوع نہیں تھا۔
اداکارہ نے کہا کہ شادی کرنے کا بہترین طریقہ ایک خصوصی شادی ایکٹ بھی ہے شادی کرنے کا بہترین طریقہ ایک خصوصی میرج ایکٹ تھا جس میں ایک ہندو عورت کی حیثیت سے مجھے اپنا مذہب تبدیل کرنے کی ضرورت نہیں ہے اور وہ ایک مسلمان مرد کے طور پر ایک مسلمان مرد ہی رہ سکتا ہے اس سے دو محبت کرنے والے شادی کے بندھن میں بندھ گئے۔
سوناکشی نے کہا کہ ہم دونوں ایک دوسرے کے مذاہب اور روایات کا احترام کرتے ہیں، وہ اپنے گھر کی کچھ روایات پر عمل کرتے ہیں اور میں اپنے گھر کی، وہ میری دیوالی کی پوجا میں شریک ہوتے ہیں اور میں ان کی مذہبی رسومات میں حصہ لیتی ہوں۔
واضح رہے کہ سوناکشی اور ظہیر نے تقریباً 7 سال تک ایک دوسرے کو ڈیٹ کرنے کے بعد گزشتہ برس 23 جون کو شادی کی تھی۔
