Tag: اسلام قبول کرلیا

غزہ میں مظالم کے سامنے فلسطینیوں کی استقامت سے متاثر ہوکر امریکی ٹک ٹاکر ایبی حافظ نے اسلام قبول کرتے ہوئے زندگی کا بہترین دن قرار دے دیا۔

تفصیلات کے مطابق امریکی ٹک ٹاکر نے غزہ پراسرائیلی حملے کے بعد اسلام قبول کرلیا، امریکی سے تعلق رکھنے والی ایبی حافظ ویڈیو شیئر کی ، جس میں انھوں نے  کلمہ شہادت پڑھتے ہوئے اسلام قبول کرنے کا اعلان کیا۔

ایبی حافظ نے اس دن کو زندگی کا بہترین دن قرار دیتے ہوئے بھرپور خوشی کا اظہار کیا۔

چند روز قبل برطانیہ کی ٹک ٹاک اسٹار نے اسرائیلی مظالم کے دوران فلسطینیوں کے غیر متزلزل جذبے سے متاثر ہو کر اسلام قبول کیا تھا۔

میگن رائس نامی ایک ٹک ٹاکر نے اپنی ویڈیو شیئر کی تھی جس میں انکو بھی کلمہ شہادت پڑھتے ہوئے دیکھا گیا تھا۔

برطانوی اخبار ڈیلی آن لائن کے مطابق ’ تبدیلی مذہب کے حوالے سے ان مغربی خواتین کا کہنا ہے کہ ’حماس کے حملے پر اسرائیل کا ردعمل ان کے اسلام قبول کرنے کیو جہ بنا۔

امریکا کی مکسڈ مارشل آرٹس (ایم ایم اے) فائٹر امبر لیبروک دین اسلام کی تعلیمات سے متاثر ہوکر دائرہ اسلام میں داخل ہوگئیں۔

35سالہ امریکی ایتھلیٹ امبر لیبروک پروفیشنل فائٹرز لیگ میں فیدر ویٹ ڈویژن میں اپنی صلاحیتوں کے جوہر دکھاتی ہیں اور اب تک بہت سی فتوحات اپنے نام کرچکی ہیں۔

نو مسلم خاتون نے فوٹو اینڈ ویڈیو شیئرنگ ایپ انسٹاگرام پر اپنی ایک ویڈیو شیئر کی ہے، اس ویڈیو میں انہیں پرسکون ماحول میں عبادت کرتے اور قدرتی مناظر سے لطف اندوز ہوتے ہوئے دیکھا جاسکتا ہے۔

انہوں نے کیپشن میں لکھا کہ پچھلے کچھ ماہ میری زندگی میں بہت سی تبدیلیاں لائے،اور اس دوران زندگی میں بہت سے نیشب و فراز آئے، میں نے بہت زیادہ محنت کی مگر پھر بھی کچھ کمی سی رہی۔

اُنہوں نے لکھا کہ بہت سے ایسے لوگ تھے جن سے میں بہت پیار کرتی تھی قطع تعلق ہوگئی اور میری زندگی بالکل اُلجھ گئی تھی۔

امبر لیبروک نے لکھا کہ پھر پلک جھپکتے ہی سب کچھ سمجھ میں آنے لگا اور ہر چیز مجھے اللّٰہ کے قریب کرنے لگی میں دین کی تلاش کرنے پر مجبور ہو گئی۔

ان کا کہنا ہے کہ انہیں اس بات کی توقع نہیں تھی کہ یہ اتار چڑھاؤ زندگی میں برکتوں کے لیے جگہ بنانے کے لیے آ رہے ہیں۔

 

View this post on Instagram

 

A post shared by Amber Marie (@amberleibrock_mma)

اُنہوں نے لکھا کہ زندگی کے اس مقام پر پہنچنے کے بعد لگتا ہے کہ سب کچھ بالکل ویسا ہے جیسا ہونا چاہیے تھا بلکہ میری حیثیت سے زیادہ ہے۔

امبر لیبروک نے لکھا کہ یہ میری مرضی کے مطابق نہیں بلکہ یہ اللّٰہ کی مرضی کے مطابق ہوا ہے اور مجھے اس پر پورا بھروسہ ہے چاہے زندگی اچھی یا بری جو بھی ہو۔

اُنہوں نے اپنی پوسٹ کے آخر میں لکھا کہ یہ ایک حیرت انگیز سال رہا ہے اور یہ ابھی ختم نہیں ہوا، میں ہر اس چیز کی منتظر ہوں جو مجھے آگے ملنے والی ہے، الحمدللّٰہ!