ARYNews.tv | Urdu – Har Lamha Bakhabar

Tag: اسلام پورہ

  • سوتیلے بھائی نے ساتھی سے مل کر تین بھائیوں کو قتل کردیا

    سوتیلے بھائی نے ساتھی سے مل کر تین بھائیوں کو قتل کردیا

    لاہور: سوتیلے بھائی نے ساتھی کے ساتھ مل کر تین بھائیوں کو قتل کردیا، اسلام پورہ میں بھائی نے گھریلو جھگڑے پر بھائی کو قتل کردیا۔

    تفصیلات کے مطابق لاہور کے علاقے لیاقت آباد میں سوتیلے بھائی نے جائیداد کی لالچ میں تین سگے بھائیوں کو ساتھی کے ساتھ ملکر قتل کردیا، پولیس نے سوتیلے بھائی کے دوست کو گرفتار کیا جس نے دوران تفتیش بتایا کہ تینوں بھائیوں کو سوتیلے بھائی ہارون مسیح کی مدد سے قتل کیااور لاشیں نہر میں پھینک دیں ۔

    ملزم کی نشاندہی پر دس سالہ عرفان کی لاش نارنگ منڈی سے برآمد ہوئی، دوسری لاشوں کی تلاش جاری ہے سوتیلا بھائی ہارون مسیح تاحال گرفتار نہیں ہوسکا۔

    دوسری جانب لاہور ہی کے علاقے اسلام پورہ میں گھریلو جھگڑے پر عدنان نے اپنے بھائی عرفان کو قتل کردیا جس کے بعد ملزم موقع سے فرار ہوگیا۔

    اطلاعات کے مطابق سوتیلے بھائی کے دوست نے دوران تفتیش سب کچھ اگل دیا، ملزم کی نشاندہی پر 10سالہ عرفان کی لاش برآمد کرلی گئی۔

  • لاہور : شہری نے ڈاکو مار دیا، ساتھی گرفتار، 2 ڈاکو فرار

    لاہور : شہری نے ڈاکو مار دیا، ساتھی گرفتار، 2 ڈاکو فرار

    لاہور: اسلام پورہ میں کے علاقے شہری نے ایک ڈاکو موت کےگھاٹ اتار دیا، واقعہ کی سی سی ٹی وی فوٹیج اے آر وائی نیوز کو موصول ہو گئی۔

    چوہان روڈ پر چار ڈاکو فہیم نامی سنار کے دروازے پر آئے، اس کی اہلیہ نے دروازہ کھولنے کے بجائے شور مچا دیا۔ جس پر محلے دار منصور موقع پر پہنچ گیا، ڈاکوؤں نے اس پر فائرنگ کی، تو شہری نے بھی جوابی فائرنگ کر دی، جس کے نتیجے میں ایک ڈاکو موقع پر مارا گیا، ایک کو شہریوں نے زخمی حالت میں پکڑ لیا جبکہ دو فرار ہو گئے۔

     ڈاکوؤں کی فائرنگ سے ایک شہری بھی زخمی ہوا ہے۔ واقعہ کی سی سی ٹی وی اے آر وائی نیوز کو موصول ہو گئی ہے، جس میں ڈاکو کی ہلاکت اور اس کے ساتھیوں کو فرار ہوتے ہوئے دیکھا جا سکتا ہے۔

     پولیس نے موقع پر پہنچ کر ڈاکو کی لاش تحویل میں لے کر مردہ خانے منتقل کر دی۔واقعہ کا مقدمہ تھانہ اسلام پورہ میں درج کر لیا گیا۔