اسلام آباد: جج شائستہ کنڈی نے وزیر اعلیٰ خیبرپختونخوا علی امین گنڈاپور کے خلاف اسلحہ اور شراب برآمدگی کیس سننے سے معذرت کرلی۔
تفصیلات کے مطابق ڈسٹرکٹ اینڈ سیشن کورٹس اسلام آباد میں وزیر اعلیٰ خیبرپختونخوا علی امین گنڈاپور کے خلاف اسلحہ اور شراب برآمدگی کیس کی سماعت ہوئی۔
جوڈیشل مجسٹریٹ شائستہ کنڈی نے کیس کی سماعت کی، علی امین گنڈاپور کے وکیل راجہ ظہور الحسن عدالت پیش ہوئے اور حاضری سے استثنیٰ کی درخواست دائر کی۔
وکیل راجہ ظہور الحسن نے دلائل دیے کہ ریاست نے آج جی ٹی روڈ اور موٹر وے بند کر رکھی ہے، ریاست چاہتی ہے کہ علی امین گنڈاپور کے وارنٹ جاری ہوں۔
جج شائستہ کنڈی نے استفسار کیا کہ کہ آپ کے پاس ہیلی کاپٹر نہیں ہوتے؟ علی امین گنڈاپور خیبرپختونخوا میں ہیں یا لاہور میں ہیں تو وکیل راجہ ظہور الحسن نے کہا کہ میرا نہیں خیال کہ وزیراعلیٰ کے پی جلسے میں جائیں، راستے کھلوائے جائیں تو وہ عدالت پیش ہو جائیں گے۔
جج شائستہ کنڈی نے وزیراعلیٰ کے پی کا کیس سننے سے معذرت کرتے ہوئے کیس واپس سیشن جج کو بجوا دی