Tag: اسلحہ برآمد

  • موٹروے پولیس کی تیز رفتار ڈالے کے خلاف کارروائی، غیر قانونی اسلحہ برآمد

    موٹروے پولیس کی تیز رفتار ڈالے کے خلاف کارروائی، غیر قانونی اسلحہ برآمد

    ایم ٹو موٹروے پولیس نے ڈبل کیبن پک اپ سے غیر قانونی اسلحہ برآمد کر کے نو ملزمان کو حراست میں لے لیا۔

    ترجمان موٹرویز کے مطابق ایم ٹو پر سیال موڑ کے قریب 165 کلو میٹر رفتار سے چلتے ریو ڈالے کو روکنے کا اشارہ کیا گیا جس پر ڈرائیور نے رکنے کے بجائے گاڑی کی رفتار بڑھا دی۔

    پٹرولنگ افسران نے ایس او پی کے مطابق گاڑی کو روکنے کی کوشش کی پر ملزمان نے مزاحمت کی اور ڈبل کیبن میں سوار افراد نے دوسری گاڑی میں سوار اپنے مسلح ساتھیوں کو بلا لیا۔

    موٹروے پولیس نے دونوں گاڑیوں کی جب تلاشی لی تو گٓاڑیوں سے چار کلاشنکوف، ایک جی تھری رائفل، ایک پستول اور 8 سو بانوے گولیاں برآمد ہوئیں۔

    ترجمان موٹروے پولیس کا کہنا ہے کہ ملزمان ہتھیاروں کے لائسنس پیش نہ کر سکے، موٹروے پولیس کی مدعیت میں ملزمان کے خلاف مقدمہ درج کرلیا گیا۔

  • 2 افراد کے قتل کے بعد بھی انتظامیہ سوتی رہی، لاہور ایئرپورٹ پر پھر اسلحہ برآمد

    2 افراد کے قتل کے بعد بھی انتظامیہ سوتی رہی، لاہور ایئرپورٹ پر پھر اسلحہ برآمد

    لاہور: صوبائی دارالحکومت لاہور کے علامہ اقبال انٹرنیشل ایئرپورٹ پر گاڑی سے اسلحہ برآمد ہوا ہے، گاڑی کے ڈرائیور کو پولیس کے حوالے کر دیا گیا۔

    تفصیلات کے مطابق ایئرپورٹ سیکیورٹی فورس (اے ایس ایف) ذرائع کا کہنا ہے کہ لاہور ایئرپورٹ پر گاڑی سے اسلحہ برآمد ہوا ہے جس کے بعد وین ڈرائیور کو حراست میں لے لیا گیا۔

    اے ایس ایف ذرائع کے مطابق گاڑی کی تلاشی پر 30 بور پستول اور 5 راؤنڈ برآمد ہوئے۔ وین ڈرائیور کو پولیس کے حوالے کر دیا گیا۔

    خیال رہے کہ 3 ماہ قبل لاہور ایئرپورٹ کے اندر فائرنگ کا واقعہ بھی پیش آیا تھا جس میں 2 افراد قتل ہوگئے تھے، واقعے نے سیکیورٹی حکام میں کھلبلی مچادی تھی۔

    بعد ازاں ابتدائی انکوائری رپورٹ میں ایئر پورٹ کے واحد اسکینر کے 2 سال سے خراب ہونے کا انکشاف ہوا تھا۔

    ذرائع کے مطابق ایئر پورٹ پر واحد اسکینر صرف ڈیپارچر لاؤنج تک جانے والی گاڑیوں کو اسکین کرتا ہے، پارکنگ ایریا میں جانے والی گاڑیوں کو چیک کرنے کے لیے کوئی اسکینر نہیں۔

    اے ایس ایف ذرائع کے مطابق اسکینر خراب ہونے کے باعث گاڑیوں کی اسکیننگ نہیں ہو رہی تھی، سول ایوی ایشن اتھارٹی (سی اے اے) کو ہر ماہ اسکینر کی خرابی سے متعلق آگاہ کیا جاتا رہا، آگاہ کرنے کے باوجود اسکینر کو ٹھیک نہ کروایا گیا۔

    فائرنگ کے واقعے کے بعد جب ملک بھر کے ایئرپورٹس کی سیکیورٹی کا دوبارہ جائزہ لیا گیا تو کراچی ایئرپورٹ کا اسکینر بھی سال بھر سے خراب ہونے کا انکشاف ہوا۔

    کراچی ایئرپورٹ پر اسکینر کی مدد سے گاڑیوں کی جامع تلاشی لی جاتی تھی تاہم اسکینر خراب ہونے کے باعث گاڑیوں کی اسکیننگ کا عمل رک گیا، اے ایس ایف نے مینوئل طریقے سے گاڑیوں کو سرچ کرنے کا سلسلہ شروع کر رکھا تھا۔

  • کراچی : رینجرز کے مختلف مقامات پر چھاپے: 19 ملزمان گرفتار، اسلحہ برآمد

    کراچی : رینجرز کے مختلف مقامات پر چھاپے: 19 ملزمان گرفتار، اسلحہ برآمد

    کراچی : رینجرز اہلکاروں نے جرائم پیشہ افراد کی گرفتاری کیلئے کراچی کے مختلف علاقوں میں چھاپے مار کر 19افراد کو گرفتار کرلیا جبکہ مشکوک افراد اور گھروں کی تلاشی کا عمل بھی جاری ہے، صدر موبائل مارکیٹ میں چور لاکھوں روپے مالیت کا سامان لے کر فرار ہوگئے۔

    تفصیلات کے مطابق قانون نافذ کرنے والے ادارے نے شہر قائد کے مختلف علاقوں میں کارروائیاں کرتے ہوئے جرائم میں ملوث 19 ملزمان کو گرفتار کرلیا۔

    ملزمان کے قبضے سے اسلحہ اور مسروقہ سامان برآمد کرلیا گیا، سندھ رینجرز کے ترجمان کی جانب سے جاری ہونے والے اعلامیے کے مطابق حالیہ کارروائیاں میمن گوٹھ، گلستان جوہر، کورنگی انڈسٹریل ایریا، عوامی کالونی، اتحادٹاؤن، بلدیہ اور سعیدآباد کے مختلف علاقوں میں کی گئیں۔

    گرفتار ملزمان منشیات فروشی، ڈکیتی اوراسٹریٹ کرائم کی درجنوں وارداتوں میں ملوث ہیں، اس کے علاوہ رینجرز اہلکاروں نے شہر کے مختلف علاقوں میں سرچ آپریشن کیا۔

    اس حوالے سے ذرائع کا کہنا ہے کہ مشکوک افراد اور گھروں کی تلاشی کا عمل جاری ہے، آپریشن کے دوران بائیو میٹرک مشین کے ذریعے مشکوک افراد کو چیک کیا جارہا ہے۔

    ذرائع کے مطابق یہ آپریشن چہلم امام حسین اور امن وامان کے حوالے سے کیا جارہا ہے، سرچ آپریشن لائنزایریا، اےبی سینالائن، شارع فیصل کےاطراف جاری ہے، جس میں بارہ سے زائد گاڑیاں، موٹرسائیکلیں، النسافورس کی اہلکار بھی شامل ہیں۔

    دوسری جانب صدر موبائل مارکیٹ میں چوری کی واردات ہوئی ہے، واردات کی سی سی ٹی وی فوٹیج اے آر وائی نیوز کو حاصل ہوگئی۔ فوٹیج میں پانچ ملزمان کو واردات کرتے دیکھا جاسکتا ہے، ملزمان دکان سے سات لاکھ روپے مالیت کا سامان لوٹ کر فرار ہونے میں کامیاب ہوگئے۔

  • کراچی : رینجرز کی کارروائی، گینگ وار کے ٹارگٹ کلر سمیت سات ملزمان گرفتار، اسلحہ برآمد

    کراچی : رینجرز کی کارروائی، گینگ وار کے ٹارگٹ کلر سمیت سات ملزمان گرفتار، اسلحہ برآمد

    کراچی / حیدرآباد : رینجرز نے کراچی میں چھاپہ مار کر ٹارگٹ کلر سمیت سات ملزمان کو گرفتار کیا جبکہ اےاین ایف نے حیدرآباد کے فتح چوک سے دو ملزمان کو حراست میں لے لیا۔

    تفصیلات کے مطابق کراچی میں رینجرز نے کارروائیاں کرتے ہوئے سات ملزمان کو گرفتار کیا جو سنگین جرائم میں ملوث ہیں۔

    اس حوالے سے رینجرز ترجمان نے حالیہ کارروائیوں سے متعلق اعلامیہ جاری کیا ہے جس میں بتایا گیا ہے کہ حراست میں لیے گئے ملزمان اسٹریٹ کرائم اور ڈکیتیوں سمیت دیگر جرائم میں ملوث تھے۔

    رینجرز ترجمان کے مطابق ملزمان کے قبضے سے اسلحہ، ایمونیشن اور چھینا ہوا مسروقہ سامان بھی برآمد کیا گیا ہے۔ اعلامیہ کے مطابق کلاکوٹ سے لیاری گینگ وار کے ملزم نوشاد عرف نانو گرفتار کیا ہے۔

    مذکورہ ملزم ٹارگٹ کلنگ کی متعدد وارداتوں میں ملوث ہے جبکہ گلشن اقبال سے چار ملزمان گرفتار کیے گئے جو لوٹ مار، ڈکیتی اوربھتہ خوری میں ملوث ہیں۔

    ترجمان رینجرز کا مزید کہنا ہے کہ میمن گوٹھ سے دو ملزمان کو گرفتار کیا،یہ ملزمان شہر میں ڈکیتی اور اسٹریٹ کرائم کی متعدد وارداتوں میں ملوث ہیں، ملزمان کے قبضے سے غیرقانونی اسلحہ اورمسروقہ سامان برآمد ہوا ہے۔

    علاوہ ازیں اینٹی نارکوٹکس فورس (اے این ایف ) نے حیدرآباد کے فتح چوک میں کامیاب کارروائی کرکے، دو ملزمان کو گرفتار کیا۔

    اےاین ایف حکام کے مطابق ملزمان کے قبضےسے دو کلو حشیش اورڈیڑھ کلو سے زائد افیون برآمد ہوئی، اس کے علاوہ ملزمان سے موٹرسائیکل اور رکشہ بھی برآمد ہوا ہے۔

  • کراچی: قائدآباد پولیس کی کارروائی، 2 ملزمان گرفتار

    کراچی: قائدآباد پولیس کی کارروائی، 2 ملزمان گرفتار

    کراچی: شہر قائد کے علاقے قائد آباد میں پولیس نے کارروائی کرتے ہوئے 2 ملزمان کو گرفتار کرکے اسلحہ برآمد کرلیا۔

    تفصیلات کے مطابق کراچی کے علاقے قائد آباد میں پولیس نے شہریوں سے لوٹ مار کرنے والے 2 ملزمان کو گرفتار کرکے اسلحہ اور چھینا گیا سامان برآمد کرلیا۔

    ایس ایس پی ملیر نے کہا کہ ملزمان مختلف علاقوں میں ڈکیتی کی درجنوں وارداتوں میں ملوث ہیں، گرفتار ملزمان عادی مجرم اور متعدد بار گرفتار ہو کرجیل جا چکے ہیں۔

    رینجرز کی کراچی کے مختلف علاقوں میں کارروائیاں، 6 ملزمان گرفتار، اسلحہ برآمد

    یاد رہے کہ 2 اگست کو رینجرز نے انٹیلی جنس معلومات کی بنیاد پر ملیر سٹی اورشارع فیصل کے علاقوں میں کارروائیاں کرتے ہوئے 6 ملزمان کو گرفتار کرکے اسلحہ برآمد کیا تھا۔

    ترجمان سندھ رینجرز کا کہنا تھا کہ محمد عظیم، سید توقیر عباس حسین عرف دانیال،احمد حسین عرف کالا، فیضان بشیر، ذیشان عرف بونا اور محمد عامر عرف لمبا کو گرفتار کیا جو ڈکیتی اور اسٹریٹ کرائم کی متعدد وارداتوں میں ملوث ہیں۔

  • رینجرز اور پولیس کی الفلاح اور شاہ فیصل کالونی میں کارروائی، چار ملزمان گرفتار، اسلحہ برآمد

    رینجرز اور پولیس کی الفلاح اور شاہ فیصل کالونی میں کارروائی، چار ملزمان گرفتار، اسلحہ برآمد

    کراچی : پاکستان رینجرز سندھ نے کراچی کے علاقے الفلاح اور شاہ فیصل کالونی کے علاقوں میں پولیس کے ساتھ مشترکہ کارروائی کرتے ہوئے مجموعی طور پر چار ملزمان کو گرفتار کرکے ان سے اسلحہ برآمد کرلیا۔

    تفصیلات کے مطابق پاکستان رینجرز سندھ نے انٹیلی جنس معلومات کی بنیاد پر الفلاح اور شاہ فیصل کالونی کے علاقوں میں پولیس کے ساتھ مشترکہ کارروائی کرتے ہوئے دو ملزمان لیاقت چانڈیو اور سرفراز چھوٹو کو گرفتار کرلیا۔

    ملزمان لوگوں سے لوٹ مار کرنے، غیر قانونی اسلحہ رکھنے، ڈکیتی اور اسٹریٹ کرائم کی متعدد وارداتوں میں ملوث ہیں۔

    دوسری کارراوئی میں کھارادر اور چاکیواڑہ کے علاقوں میں رینجرز نے ایکشن لیتے ہوئے دو ملزمان محمد نورالزمان اور عبد الوحید عرف ڈیڈھل کو گرفتار کیا۔

    اس حوالے سے ترجمان رینجرز کا کہنا ہے کہ گرفتار ملزمان اسٹریٹ کرائم کی متعدد وارداتوں میں ملوث ہیں۔ ملزمان کے قبضے سے اسلحہ، ایمونیشن اورمسروقہ ساما ن بھی برآمد کرلیا گیا ہے اور تمام ملزمان کو قانونی کارروائی کیلئے پولیس کے حوالے کر دیا گیا ہے۔

    رینجرز نے اپنے اعلامیہ میں عوام سے اپیل ہے کہ ایسے شر پسند اور جرائم پپیشہ عناصر کے بارے میں اطلاع فوری طور پر قریبی چیک پوسٹ،رینجرز ہیلپ لائن 1101 یا رینجرز مددگار واٹس ایپ نمبر03162369996 پر کال یا ایس ایم ایس کے ذریعے دیں۔ آپ کا نام صیغہ راز میں رکھا جائے گا۔

  • رینجرز کی کراچی کے مختلف علاقوں میں کارروائیاں، 6 ملزمان گرفتار، اسلحہ برآمد

    رینجرز کی کراچی کے مختلف علاقوں میں کارروائیاں، 6 ملزمان گرفتار، اسلحہ برآمد

    کراچی: شہر قائد کے مختلف علاقوں میں رینجرز نے کارروائیاں کرتے ہوئے 6 ملزمان کو گرفتار کرکے اسلحہ برآمد کرلیا۔

    تفصیلات کے مطابق رینجرز نے انٹیلی جنس معلومات کی بنیاد پر ملیر سٹی اورشارع فیصل کے علاقوں میں کارروائیاں کرتے ہوئے 6 ملزمان کو گرفتار کرکے اسلحہ برآمد کرلیا۔

    ترجمان سندھ رینجرز کے مطابق محمد عظیم، سید توقیر عباس حسین عرف دانیال،احمد حسین عرف کالا، فیضان بشیر، ذیشان عرف بونا اور محمد عامر عرف لمبا کو گرفتار کیا جو ڈکیتی اور اسٹریٹ کرائم کی متعدد وارداتوں میں ملوث ہیں۔

    سندھ رینجرز کے ترجمان نے بتایا کہ ملزمان کے قبضے سے اسلحہ، ایمونیشن اورمسروقہ ساما ن بھی برآمد کرلیا گیا ہے اور تمام ملزمان کو قانونی کارروائی کے لیے پولیس کے حوالے کر دیا گیا ہے۔

    ترجمان سندھ رینجرز نے کہا کہ عوام سے اپیل ہے کہ ایسے عناصر کے بارے میں اطلاع فوری طور پر قریبی چیک پوسٹ،رینجرز ہیلپ لائن 1101 یا رینجرز مددگار واٹس ایپ نمبر03162369996 پر کال یا ایس ایم ایس کے ذریعے دیں۔ آپ کا نام صیغہ راز میں رکھا جائے گا۔

    رینجرز کی کراچی کے مختلف علاقوں میں کارروائیاں، 6 ملزمان گرفتار، اسلحہ برآمد

    یاد رہے کہ 16 جولائی کو پاکستان رینجرز سندھ نے شہرقائد کے مختلف علاقوں میں کارروائی کرتے ہوئے 6 ملزمان کو گرفتار کرکے اسلحہ برآمد کیا تھا

  • رینجرز و پولیس کی کارروائیاں : لیاری گینگ وار سمیت 9ملزمان گرفتار، اسلحہ برآمد

    رینجرز و پولیس کی کارروائیاں : لیاری گینگ وار سمیت 9ملزمان گرفتار، اسلحہ برآمد

    کراچی : پاکستان رینجرزسندھ نے شہر قائد کے مختلف علاقوں میں کارروائی کرتے ہوئے5ملزمان کو گرفتار کرلیا، حب پولیس نے بھی ایک اسٹریٹ کریمنل سمیت چار ملزمان کو گرفتار کرکے تین مسروقہ موٹر سائیکلیں ، نقدی موبائل فون اور راڈو گھڑی برآمد کرلی ۔

    تفصیلات کے مطابق پاکستان رینجرزسندھ نے کراچی کے مختلف علاقوں میں کارروائی کرتے ہوئے5ملزمان کو گرفتار کرلیاہے۔ اس حوالے سے رینجرز ترجمان کا کہنا ہے کہ کلاکوٹ اور کلری کے علاقوں میں رینجرز نے کارروائی کرتے ہوئے دو ملزمان عبدالباقر عرف رحمان اور عبید عرف شہزاد کو گرفتار کرلیا ۔

    ملزمان کا تعلق لیاری گینگ وار(زاہد لاڈلا گروپ) سے ہے۔ ملزمان علاقے میں منشیات فروشی کے کاروبار میں ملوث ہیں۔ ایک اور کارروائی میں فیروز آباد اور ملیر سٹی کے علاقوں میں رینجرز نے تین ملزمان محمد یونس عرف ٹڈا، محمد نعیم اور فاروق عرف لاہوتی کو گرفتار کیا جو ڈکیتی کی متعدد وارداتوں میں ملوث ہیں۔

    ملزمان کے قبضے سے غیر قانونی اسلحہ،ایمونیشن،مسروقہ سامان اور منشیات بھی بر آمدکی گئی ہے اور تمام ملزمان کو قانونی کارروائی کیلئے پولیس کے حوالے کر دیا گیا ہے۔

    دوسری جانب حب پولیس نے کامیاب کارروائی کرکے ایک اسٹریٹ کریمنل سمیت چار ملزمان کو حراست ممیں لے لیا، گرفتار ملزمان سے چوری کی گئی تین موٹر سائیکلیں ، نقد رقم ، موبائل فون اور راڈو گھڑی برآمد کی گئی ہے، ملزمان کیخلاف مقدمہ درج کرکے تفتیش کا آغاز کردیا ہے۔

  • رینجرز کے چھاپے : 5 ملزمان گرفتار، بھاری تعداد میں اسلحہ اورمنشیات برآمد

    رینجرز کے چھاپے : 5 ملزمان گرفتار، بھاری تعداد میں اسلحہ اورمنشیات برآمد

    کراچی : رینجرز کی شہر قائد کے مختلف علاقوں میں کاررروائیاں کرکے5ملزمان کو گرفتار کرکے بھاری تعداد میں غیرقانونی اسلحہ، مسروقہ سامان اور منشیات برآمد کرلی۔

    تفصیلات کے مطابق رینجرز نے کراچی کے علاقے بغدادی میں کارروائی کرکے لیاری گینگ وار کے ملزم ساحل کو گرفتار کرلیا، ملزم کا تعلق لیاری گینگ وار کے زاہد لاڈلاگروپ سے ہے۔

    ترجمان رینجرز کا کہنا ہے کہ سعیدآباد سے دو ملزمان محمد نعمان اورطاہرحسن کو گرفتار کیا گیا ہے،گرفتار ملزمان ڈکیتی اور اسٹریٹ کرائم کی متعدد وارداتوں میں ملوث ہیں۔

    اس کے علاوہ ماڈل کالونی میں کارروائی کرکے دو ملزمان یاسر خان اور خلیل احمد کو حراست میں لیا گیا ہے، مذکورہ ملزمان منشیات فروشی کے کاروبار میں ملوث ہیں۔

    ترجمان رینجرز کے مطابق ملزمان سے غیرقانونی اسلحہ، ایمونیشن، مسروقہ سامان اور منشیات برآمد کرلی گئیں ہیں، ملزمان کو قانونی کارروائی کیلئے علاقہ پولیس کے حوالے کردیا گیا ہے۔

  • پولیس کا چھاپہ : لیاری گینگ وار کے چار کارندے گرفتار، اسلحہ برآمد

    پولیس کا چھاپہ : لیاری گینگ وار کے چار کارندے گرفتار، اسلحہ برآمد

    کراچی : پولیس نے لیاری میں کامیاب کارروائی کے دوران گینگ وار کے چار کارندوں کو گرفتار کرلیا، ملزمان سے غیر قانونی اسلحہ، واردات میں استعمال ہونے والا رکشہ اور موٹرسائیکل برآمد کرکے مقدمہ درج کرلیا گیا۔

    تفصیلات کے مطابق چاکیواڑہ پولیس نے خفیہ اطلاع پر کارروائی کرکے لیاری گینگ وار کے چار کارندے گرفتار کرلیے، اس حوالے سے پولیس حکام نے بتایا ہے کہ ملزمان میں ذیشان عرف ٹیشو، پیارعلی، آصف عرف ٹڈل، علی نواز بلوچ شامل ہیں۔

    ملزمان سے غیرقانونی اسلحہ، رکشہ اور موٹرسائیکل برآمد کرلی گئی ہے،ایس پی لیاری ڈویژن کے مطابق گرفتار ملزمان نے گارڈن، بلدیہ ٹاؤن،رنچھوڑ لین اور دیگرعلاقوں میں وارداتوں کا اعتراف کرلیا ہے۔

    مزید پڑھیں: رینجرز کے کراچی میں چھاپے: لیاری گینگ وار سمیت5ملزمان گرفتار، اسلحہ برآمد

    ملزمان کا گروہ وارداتوں میں رکشہ استعمال کرتا تھا، ملزمان کیخلاف مختلف تھانوں میں مقدمات درج ہیں، ملزمان کا تعلق گینگ وار کےعاطف عرف فوجی گروہ سے ہے۔ مذکورہ ملزمان کیخلاف مقدمہ درج کرکے مزید تفتیش کی جارہی ہے۔