ARYNews.tv | Urdu – Har Lamha Bakhabar

Tag: اسلحہ برآمد

  • بین الصوبائی ڈکیت گروہ کے 5 ملزمان گرفتار، 3 مسروقہ گاڑیاں اور اسلحہ برآمد

    بین الصوبائی ڈکیت گروہ کے 5 ملزمان گرفتار، 3 مسروقہ گاڑیاں اور اسلحہ برآمد

    مستونگ: لیویز فورس نے بین الصوبائی  ڈکیت گروہ کے 5 ملزمان کو گرفتار کر لیا، ملزمان سے 3 مسروقہ گاڑیاں اور اسلحہ برآمد کرلیا۔

    تفصیلات کے مطابق اسسٹنٹ کمشنر محمد اکرم کا کہنا ہے کہ بلوچستان کے ضلع مستونگ سے بین الصوبائی  ڈکیت گروہ کے 5 ملزمان کو گرفتار کرلیا گیا، ملزمان قومی شاہراہوں پر ڈکیتی، گاڑیاں چھیننے میں ملوث تھے۔

    اسسٹنٹ کمشنر کے مطابق ملزمان گاڑی چھین کر فرار ہورہے تھے، تعاقب پر فائرنگ کا تبادلہ ہوا، تعاقب کرنے پر لیویز فورس کی گاڑی الٹنے سے 3 اہلکار بھی زخمی ہوگئے۔

    اسسٹنٹ کمشنر کا مزید بتانا ہے کہ فائرنگ کے تبادلے کے دوران 2 ملزمان کو گرفتار کرکے ان سے گاڑی برآمد کی گئی، ملزمان کی نشاندہی پر مزید 3 ملزمان کو گرفتار کیا گیا جس سے 2 مسروقہ گاڑیاں برآمد کی گئیں، ملزمان مسروقہ گاڑیاں رنگ کر کے نوشکی، خضدار میں بیچتے تھے۔

  • شکارپور، دوگروپوں میں تصادم، 15سے زائد گرفتار،اسلحہ برآمد

    شکارپور، دوگروپوں میں تصادم، 15سے زائد گرفتار،اسلحہ برآمد

    شکار پور : جتوئی قبیلے کے دو گروپوں میں خونی تصادم کے بعد پولیس اور رینجرز متحرک ہو گئی۔ پندرہ سے زائد افراد کو گرفتار کرکے اسلحہ برآمد کرلیا گیا۔

    تفصیلات کے مطابق شکارپورمیں جتوئی قبیلے کےدو گروپوں میں مسلح تصادم کے بعد پولیس اور رینجرز نے سرچ آپریشن کے دوران پندرہ سے زائد مشتبہ افراد کو گرفتار کر کے اسلحہ برآمد کرلیا۔

    گزشتہ روز قبائلی تصادم میں ایک درجن سے زائد افراد ہلاک ہوگئے تھے، نئے تعینات ہونیوالے ایس ایس پی قمبر ساجد کا کہنا ہے کہ کئی ملزمان کو اسلحے سمیت گرفتارکیا گیا ہے۔

    پولیس حکام کےمطابق علاقے میں کشیدگی تاحال برقرار ہے تاہم کسی بھی ممکنہ صورتحال سے نمٹنے کیلئے پولیس اوررینجرز کی بھاری نفری تعینات کردی گئی ہے، شکار پورکے کچے کے علاقے میں جتوئی قبیلے کےدونوں گروپوں میں لڑائی چوبیس گھنٹے سے زائد جاری رہی۔

    دونوں طرف سے بھاری ہتھیاروں کااستعمال کیاگیا۔ جاں بحق افراد کی میتیں ان کے گھر لائی گئی تو علاقے میں کہرام مچ گیا، دونوں جانب کی فضاء سوگواران اور لواحقین غم سےنڈھال ہیں۔

    مزید پڑھیں: شکارپور،دوگروپوں میں تصادم، 13ہلاک 

    واضح رہے کہ گزشتہ روزشکارپورکی تحصیل خان پور کے قریب گاؤں 10 میل میں جتوئی قبائل کے بڈانی اور سعد خانانی گروپوں میں ہونے والے مسلح تصادم میں13افراد ہلاک ہو گئے تھے۔

    دونوں جانب سے مورچہ بند افراد نے ایک دوسرے پر راکٹ لانچرز اورایل ایم جی جیسے خطرناک ہتھیاروں سے حملے کیے، جبکہ علاقے میں داخل ہونے کی کوشش کے دوران پولیس پر بھی حملہ کیا گیا۔

  • آپریشن ردالفساد : انیس افراد گرفتار، اسلحہ غیرملکی پاسپورٹ برآمد

    آپریشن ردالفساد : انیس افراد گرفتار، اسلحہ غیرملکی پاسپورٹ برآمد

    راولپنڈی / اسلام آباد/ اٹک/ سیالکوٹ/ لاہور/ قصور : سیکیورٹی فورسز نے اسلام آباد سمیت ملک کے مختلف شہروں میں کامیاب کارروائیوں کے دوران انیس مشتبہ افراد گرفتار کر لیے گئے۔ سرچ اور انٹیلی جنس بیسڈ آپریشن میں اسلحہ اور غیر ملکی پاسپورٹ بھی برآمد ہوئے۔

    تفصیلات کے مطابق ملک بھر میں آپریشن ردالفساد پوری قوت سے جاری ہے، ملک سے فسادیوں کا صفایا کیا جارہا ہے، پاک فوج کے شعبہ تعلقات عامہ آئی ایس پی آر کے مطابق راولپنڈی،اسلام آباد، اٹک، سیالکوٹ، لاہور اور ،قصورمیں آپریشنز کئےگئے۔

    سرچ اور انٹیلی جنس بیسڈ آپریشن میں انیس مشتبہ افراد حراست میں لیے گئے ہیں، آئی ایس پی آر کے مطابق کارروائیوں میں اسلحہ،گولیاں اور لیپ ٹاپ اور دیگرسامان برآمد ہوا۔

    گرفتار ملزمان سےغیر ملکی پاسپورٹ، نفرت انگیز مواد اور کرنسی بھی برآمد ہوئی ہے۔ اس کے علاوہ خیبرایجنسی میں سرحد پار سے پاکستانی چیک پوسٹوں پر دہشت گردوں کا حملہ ناکام بنایا گیا۔

    سیکیورٹی ذرائع کے مطابق فورسز کی جوابی کارروائی میں تین دہشت گرد مارے گئے، سیکورٹی ذرائع کے مطابق چاغی میں افغانستان کے ساتھ سرحدی راستوں پرگشت بڑھا دیا گیا ہے اور چیکنگ پوائنٹس بھی قائم کردیئےگئے ہیں۔

  • ملک بھرمیں کریک ڈاؤن، دوغیرملکیوں سمیت 225 ملزمان گرفتار،اسلحہ برآمد

    ملک بھرمیں کریک ڈاؤن، دوغیرملکیوں سمیت 225 ملزمان گرفتار،اسلحہ برآمد

    پشاور/ شیخوپورہ / اٹک : ملک کے مختلف شہروں میں قانون نافذ کرنے والوں کا قانون شکنی کرنے والے افراد کے خلاف کریک ڈاؤن جاری ہے۔ غیرملکی انٹیلی جنس ادارے کے دو اہلکاروں سمیت سوا دوسو کے لگ بھگ افراد کو گرفتار کرکے اسلحہ برآمد کرلیا گیا۔

    تفصیلات کے مطابق ملک بھر میں دہشت گردوں اور قانون شکنوں کے خلاف بھرپور کارروائیاں جاری ہیں۔ پشاور میں انسداد دہشت گردی کی کارروائی کے دوران دو غیر ملکی انٹیلی جنس اداروں کے اہلکاروں کو گرفتار کرلیا گیا۔

    گرفتار ملزمان عتیق اللہ اور صبور کا تعلق افغانستان سے ہے۔ گرفتار ملزمان سے دستی بم، کمپیوٹر اور دیگر آلات برآمد کیے گئے۔ ملزمان سے پشاور کے حساس مقامات کی فوٹیج بھی ملی ہے۔

    سی ٹی ڈی کے مطابق ملزمان پشاور میں ایک مکتبہ فکر کے مدرسے کو نشانہ بنانے کا منصوبہ بنارہے تھے۔ دونوں غیرملکی انٹیلی جنس اہلکار لاکھوں روپے ماہانہ تنخواہ لیتے تھے۔

    ادھرشیخوپورہ میں پولیس نے شہر کے مختلف علاقوں میں کریک ڈاؤن کے دوران پچیس افراد کو حراست میں لے کرتفتیش شروع کردی ہے۔ پولیس کے مطابق ملزمان سےاسلحہ بھی برآمد کیا گیا۔

    اٹک کے مختلف علاقوں میں آپریشن کے دوران دوسو کے لگ بھگ افراد کو حراست میں لیا گیا۔ ڈی پی او زاہد نواز مروت کے مطابق آپریشن کے دوران اکتیس خطرناک اشتہاری ملزمان بھی پکڑے گئے جو دہشت گردی اور دیگر سنگین وارداتوں میں مطلوب تھے۔ ملزمان سے بھاری تعداد میں اسلحہ بھی برآمد کیا گیا۔

     

  • لیاری جنرل اسپتال سے دہشتگردوں کاسہولت کارگرفتار، اسلحہ برآمد

    لیاری جنرل اسپتال سے دہشتگردوں کاسہولت کارگرفتار، اسلحہ برآمد

    کراچی : قانون نافذ کرنے والے ادارے نے لیاری جنرل اسپتال سے دہشت گردوں کے سہولت کار سمیت تین ملزمان کو گرفتار کر کے اسلحہ برآمد کر لیا۔

    قانون نافذ کرنیوالے اداروں نے دہشتگردوں اورانکے سہولت کاروں کے گردگھیرا تنگ کردیا،کراچی میں قانون نافذ کرنیوالے ادارے نے لیاری جنرل اسپتال سےدہشتگردوں کے سہولت کارکوگرفتارکرلیا۔

    ذرائع کیمطابق ملزم ریاض بابل عرف بابلہ لیاری جنرل اسپتال کاملازم اورگینگ وارکا سہولت کار ہے۔ ملزم کےلیاری جنرل اسپتال کے ڈاکٹرز سےتعلقات ہیں۔

    ملزم پہلےعزیربلوچ پھربابالاڈلہ گروپ میں شامل ہوا۔ملزم نےانکشاف کیاکہ اسے ایک سیاسی جماعت کی سرپرستی بھی حاصل ہے۔

    ذرائع کاکہناہےکہ ملزم ریاض بابل کی نشاندہی پر لیاری جنرل اسپتال سےکامل عرف کپی اورارشد نامی مزید دو ملازمین حراست میں لےلیے گئےجبکہ ماما نثار اور ماما رشید کی گرفتاری کیلیے چھاپے مارے جا رہےہیں۔

    ریاض بابل کی نشاندہی پرپھول پتی لائن سمیت دومختلف مقامات پر چھاپےمارکراسلحہ بھی برآمدکرلیاگیا، پولیس نےملزم کوتفتیش کیلئے نامعلوم مقام پرمنتقل کردیا۔

  • ژوب : سرچ آپریشن کے دوران 2 مبینہ دہشت گرد ہلاک، اسلحہ برآمد

    ژوب : سرچ آپریشن کے دوران 2 مبینہ دہشت گرد ہلاک، اسلحہ برآمد

    ژوب : ایف سی اورحساس اداروں کے مشترکہ سرچ آپریشن کے دوران دو مبینہ دہشت گرد ہلاک ہوگئے، دہشت گردوں سے اسلحہ بھی ملا ہے۔

    ایف سی ذرائع کے مطابق ایف سی اور خفیہ اداروں کو اطلاع ملی تھی کہ دو مبینہ دہشت گرد ژوب کی جانب آرہے ہیں جس پر نواحی علاقے سورکچھ میں سرچ آپریشن شروع کیا گیا۔

    اس دوران سرحدی علاقے سے آنے والے موٹر سائیکل سوار افراد نے سیکورٹی فورسز کو دیکھتے ہی فائرنگ شروع کردی، جوابی فائرنگ کے نتیجے میں دونوں مبینہ دہشت گرد موقع پر ہی ہلاک ہو گئے۔

    ہلاک شدگان کے قبضے سے دو کلاشنکوف، دو میگزین اورسینکڑوں راونڈز برآمد ہوئے ہیں۔ ایف سی ذرائع کے مطابق مبینہ دہشت گردوں کا تعلق کالعدم تنظیم سےہے۔

  • بین الصوبائی گروہ کے چھ ملزمان گرفتار،جدید اسلحہ برآمد

    بین الصوبائی گروہ کے چھ ملزمان گرفتار،جدید اسلحہ برآمد

    ملتان : خانیوال پولیس نے بھاری مقدار میں جدید اسلحہ برآمد کرکے بین الصوبائی گروہ کے چھ ملزمان کو گرفتار کر کے اسلحہ برآمد لیا ہے۔

    تفصیلات کے مطابق ریجنل پولیس آفس ملتان میں پریس کا نفر نس کرتے ہو ئے آر پی او ملتان امجد جاوید سلیمی نے کہا کہ خا نیوال پو لیس نے مشکوک گاڑی کاتعاقب کرتے ہو ئے 6افراد کو گاڑی سمیت حراست میں لیکر بھاری مقدار میں غیر قا نو نی اسلحہ بر آمد کیا ہے۔

    انہوں نے بتایا کہ دوران تفتیش ملزمان نے انکشاف کیا ہے کہ وہ پنجاب کے مختلف اضلاع میں دہشت گرد تنظیموں اور جرائم پیشہ عناصر کو اسلحہ بھاری مقدار میں فراہم کرتے ہیں ۔

    گرفتارملزمان یوسف ،سعید،حا مد رضا،عاشق حسین،شبیر ،عابد کا تعلق لکی مروت ،خیبر پختونخواہ اور جنو بی پنجاب سے ہے ۔

    امجد جاوید سلیمی کا کہنا تھا کہ ملتان ریجن میں سرچ آپریشن کے دوران 76 مشکوک لوگوں کو حراست میں لیا ہے انہوں نے کہا کہ دہشت گرد جہاں بھی ہوں گے وہیں آپریشن کیا جائے گا چاہے وہ مدرسہ ہو یا پھر کوئی اور جگہ۔

  • اسلام آبادائیر پورٹ: اسلحہ نکلنےپرگرفتارامریکی شہری ضمانت پررہا

    اسلام آبادائیر پورٹ: اسلحہ نکلنےپرگرفتارامریکی شہری ضمانت پررہا

    اسلام آباد: اسلام آباد ائیرپورٹ سےامریکی شہری ولیم جونز کو اسلحہ برآمد ہونے پر گرفتار کیا گیاجسے ضمانت منظور ہونے پررہائی مل گئی۔

    ائیر پورٹ پرایک اورامریکی شہری سےاسلحہ برآمد، اسلام آباد کے بینظیر انٹرنیشنل ائیرپورٹ پر سکیورٹی حکام نےامریکی شہر ولیم جونز کو اُس وقت حراست میں لیا جب وہ بیرون ملک جانے کے لیے ائیرپورٹ پر پہنچا تھا۔

    حکام نے ولیم جونز کے سامان سے ایک پستول اور چند گولیاں برآمد ہونے کے بعد اسے پوچھ گچھ کے لیے گرفتارکر لیا، ولیم جونز کی رہائی کے لئے دباؤ آنا شروع ہوگیا تاہم ائیر پورٹ حکام نے مزید قانونی کارروائی کے لیے پولیس کے حوالے کردیا گیا، پولیس نے ولیم جونز کے خلاف ناجائز اسلحہ رکھنے کے الزام میں مقدمہ درج کرلیا اور عدالت میں پیش کیا جہاں اس کی ضمانت منظور ہونے پر رہا کردیا گیا۔

  • اسلام آباد: ائیرپورٹ پر امریکی شہری سے اسلحہ برآمد

    اسلام آباد: ائیرپورٹ پر امریکی شہری سے اسلحہ برآمد

    اسلام آباد : بینظیربھٹو  ائیرپورٹ پر ایک امریکی شہری سے اسلحہ برآمد  ہوا، جس کے بعد پوچھ گچھ شروع کردی۔

    بینظیربھٹو ائیرپورٹ پر ائیرپورٹ سکیورٹی حکام نے امریکی شہر ولیم جونز کو اس وقت حراست میں لیا، جب وہ بیرون ملک جانے کے لیے ائیرپورٹ پر پہنچا تھا، حکام نے ولیم جونز کے پاس سے ایک پستول اور چند گولیاں برآمد ہونے کے بعد اسے پوچھ گچھ کے لیے حراست میں لے لیا ہے۔

    حکام کا کہنا ہے کہ اگر امریکی شہری اسلحہ رکھنے کے قانونی ثبوت پیش نہ کرسکا تو اسے مزید قانونی کاروائی کے لیے پولیس کے حوالے کردیا جائے گا۔ اسلام آباد میں امریکی سفارتخانے کے حکام نے اپنے شہری کے لیے پاکستانی حکام سے رابطہ کیا ہے۔