ممبئی میں اسلحے کی فیکٹری میں دھماکا کے نتیجے میں 5 افراد ہلاک ہوگئے، فیکٹری میں زور دار دھماکا ہوا جس سے چھت گر پڑی۔
بھارتی میڈیا رپورٹ کے مطابق ممبئی میں ہتھیار وں کی فیکٹری میں دھماکا ہوا جس میں 5 افراد ہلاک ہوگئے۔
بھارتی میڈیا کے مطابق فیکٹری میں زور دار دھماکا ہوا جس سے چھت گر پڑی، حادثے میں متعدد افراد بھی زخمی ہوئے، دھماکا اتنا زوردار تھا کہ آواز پانچ کلو میٹر دور تک سنی گئی۔
بھارتی میڈیا کا کہنا ہے کہ رسیکیو ٹیمیں جائے وقوعہ پر فوری پہنچ گئیں، ملبے سے لوگوں کو ریسکیو کیا جارہا ہے۔
ریاض: سعودی عرب میں بکتر بند گاڑی اور بھاری عسکری آلات کی فیکٹری قائم کی جائے گی جس میں بین الاقوامی معیار کی جدید ترین بکتر بند گاڑی تیار ہوگی۔
سعودی ویب سائٹ کے مطابق سعودی عرب میں عسکری صنعتوں کی جنرل کارپوریشن نے بتایا کہ نئی بکتر بند گاڑی الدھنا کے نام سے سعودی عرب میں تیار ہوگی، یہ بکتر بند گاڑی کثیر المقاصد ہے اور اس کے لیے سرحدی محافظوں کے ادارے سے معاہدہ کر لیا گیا ہے۔
عسکری صنعتوں کی جنرل اتھارٹی نے بتایا ہے کہ سرحدی محافظوں کے ساتھ نئی بکتر بند گاڑی کی تیاری کا معاہدہ وزارت داخلہ کی شراکت سے کیا گیا ہے، فوجی صنعتوں کی جنرل اتھارٹی کے ماتحت بکتر بند گاڑی اور بھاری عسکری آلات کی فیکٹری قائم کی جائے گی جس میں بین الاقوامی معیار کی جدید ترین بکتر بند گاڑی تیار ہوگی۔
اتھارٹی کے گورنر انجینیئر احمد العوہلی نے بتایا کہ نئی بکتر بند گاڑی اندرون ملک تیار کرنے سے سعودی صنعت کاروں کی پوزیشن مضبوط ہوگی، اس کی بدولت بڑی قومی کمپنیوں کو عالمی سطح پرعسکری صنعت میں اپنی حیثیت بہتر بنانے کا موقع ملے گا۔
سعودی وژن 2030 کے مطابق طے کیا گیا ہے کہ سعودی عرب عسکری خدمات، آلات اور اسلحے کے لیے مختص بجٹ کا 50 فیصد اندرون ملک تیار ہونے والی عسکری صنعتوں پر خرچ کرے گا۔
عسکری صنعتوں کے ادارے کے سربراہ محمد الماضی نے بتایا کہ الدھنا بکتر بند گاڑی کے لیے تمام تجربے کرلیے گئے اور یہ بین الاقوامی معیار کے عین مطابق ہے۔