Tag: اسلم اقبال

لاہور: وزیراطلاعات پنجاب میاں اسلم اقبال نے کہا ہے کہ ملکی وبیرون ملک سرمایہ کاری کیلئےشفاف پالیسیاں مرتب کی ہیں اور حکومت گارنٹی دے رہی ہے کہ ان کا سرمایہ پاکستان میں محفوظ ہے۔

تفصیلات کے مطابق لفٹ پاکستان کانفرنس2019سےخطاب کرتے ہوئے وزیراطلاعات پنجاب اسلم اقبال نے کہا کہ یہ پلیٹ فارم نوجوان ہنرمندوں کو اچھا موقع فراہم کرتاہے،پاکستان نے پچھلےکئی سالوں میں آئی ٹی سیکٹرمیں بہت ترقی کی۔

وزیر اطلاعات پنجاب نے کہا کہ پاکستان نےایز آف ڈوئنگ بزنس میں28درجےبہتری دکھائی ہے،حکومت سرمایہ کاری کیلئے دوستانہ پالیسیاں لارہی ہے جب کہ ملکی وبیرون ملک سرمایہ کاری کیلئےشفاف پالیسیاں مرتب کی ہیں اور حکومت گارنٹی دے رہی ہے کہ ان کا سرمایہ پاکستان میں محفوظ ہے۔

میاں اسلم اقبال کا کہنا تھا کہ ٹیکسز کی آسان ادائیگی کیلئے موبائل ایپ بنائی گئی ہے اگر معیشت مضبوط ہوگی توپاکستان بھی خوشحال اور ترقی یافتہ بنےگا۔

ان کا کہنا تھا کہ مولانا کا کوئی ایجنڈا نہیں، آزادی مارچ عوام نے مسترد کردیا اگر مولانا فضل الرحمان بیٹھنا چاہتےہیں توبیٹھ جائیں ہمیں اعتراض نہیں ہے۔

وزیراطلاعات کا مزید کہنا تھا کہ مولانا فضل الرحمان نےمعاہدےکی خلاف ورزی کی ہے، مسئلہ عوام کے مسترد کردہ سیاستدانوں کا ہے جنہوں نے ماضی میں قرضہ لیا جو اب ہم واپس کر رہے ہیں۔

لاہور: صوبائی وزیر اطلاعات میاں اسلم اقبال کا کہنا ہے کہ حکومت کفایت شعاری کی پالیسی پرعمل پیرا ہے اور کرپشن کے خاتمے کے لئے اٹھائے گئے اقدامات بھی بارآور ثابت ہو رہے ہیں-

تفصیلات کے مطابق وزیر اطلاعات پنجاب میاں اسلم اقبال نے کہا کہ پاکستان تحریک انصاف کو جب اقتدار ملا تو ملک شدید معاشی بحران سے دوچار تھا- سابق حکمرانوں کی لوٹ مار اور کرپشن نے قومی معیشت کا جنازہ نکال دیا تھا-

انہوں نے کہا کہ حکومت کا وفاق اور پنجاب میں پہلا سال چیلنجز سے بھرپور تھا، مشکلات کے باوجود حکومت کی کارکردگی لائق تحسین رہی ہے-

میاں اسلم اقبال نے کہا کہ ہم نے ایک سال میں عوام کی فلاح کے لیے ایسے کام کیے جو سابق حکمران برسوں میں نہ کرسکے-

صوبائی وزیر اطلاعات نے کہا کہ اہم شعبوں میں حقیقی ترقی کی طرف سفر شروع کردیا گیا ہے، عوام کو شوبازیوں کی بجائے صحیح معنوں میں سہولتیں مل رہی ہیں-

انہوں نے کہا کہ حکومت کفایت شعاری کی پالیسی پرعمل پیرا ہے اور کرپشن کے خاتمے کے لئے اٹھائے گئے اقدامات بھی بارآور ثابت ہو رہے ہیں-

میاں اسلم اقبال نے کہا کہ صوبے میں میرٹ کو فروغ دیا گیا ہے اور اقربا پروری کا خاتمہ کردیا گیا ہے- وسائل من مانے منصوبوں کی بجائے عوامی فلاح پر خرچ ہورہے ہیں، تعلیم ، صحت اورسماجی شعبوں کو ترجیح دی گئی ہے-

وزیر اطلاعات پنجاب نے کہا کہ عمران خان اور ان کی ٹیم ملکی وسائل کی بچت یقینی بنا رہی ہے اور بچائے گئے وسائل بھی عوام کو سہولتوں کی فراہمی پر صرف کیے جا رہے ہیں-