Tag: اسمبلی تحلیل

پشاور: وزیراعلیٰ خیبر پختونخوا محمود خان کا کہنا ہے کہ آج کے پی اسمبلی کو تحلیل کر دیا جائے گا۔

تفصیلات کے مطابق خیبر پختونخوا کابینہ کا اجلاس ختم ہوگیا جس کے بعد وزیر اعلٰی محمود خان نے آج اسمبلی تحلیل کرنےکا اعلان کیا ہے۔

وزیراعلیٰ محمود خان نے کہا کہ اسمبلی تحلیل کی سمری آج شام گورنرکو ارسال کر دوں گا، آج کابینہ کا آخری اجلاس تھا، تمام شرکاءکامشکور ہوں۔

وزیراعلیٰ محمود خان نے مزید کہا کہ وزراء اور افسران نے صوبے کی تعمیر و ترقی کیلئے بھرپور تعاون کیا میں سب کا مشکور ہوں۔

دوسری جانب وزیراعلیٰ خیبرپختونخوا کے معاونِ خصوصی برائے اطلاعات بیرسٹر سیف نے کہا کہ وزیراعلیٰ محمودخان آج اسمبلی تحلیل کی سمری دستخط کر کے گورنر کو بھجوادیں گے۔

بیرسٹرسیف نے کہا کہ آج رات 12بجے سے پہلےاسمبلی تحلیل کی سمری گورنر کو ارسال کردی جائےگی، گورنر نے دستخط کیے تو اسمبلی جلدی تحلیل ہوگی ورنہ 48 گھنٹوں میں ہوگی۔

لاہور: گورنر پنجاب بلیغ الرحمان کا کہنا ہے کہ اسمبلی کی تحلیل اہم ذمہ داری ہے نہیں چاہتا کہ یہ کام عجلت میں ہو۔

اے آر وائی نیوز کے مطابق گورنر پنجاب بلیغ الرحمان نے میڈیا سے گفتگو کرتے ہوئے کہا کہ اسمبلی کی تحلیل اہم ذمہ داری ہے آج رات تک کا وقت ہے آئین کی پاسداری کے لیے قدم اٹھانا پڑے گا۔

انہوں نے کہا کہ یہ فیصلہ بھاری دل کے ساتھ کروں گا دعا ہے جو بھی فیصلہ ہو ملک و قوم کی بھلائی کے لیے ہو۔

واضح رہے کہ گورنر پنجاب بلیغ الرحمان نے وزیراعلیٰ پرویزالٰہی کی جانب سے بھیجی گئی اسمبلی تحلیل کرنے کی سمری پر دستخط کر دیے۔

 گورنرہاؤس ذرائع کا بتانا تھا کہ گورنر پنجاب کا گرین سگنل ملتے ہی نوٹیفکیشن جاری کردیں گے۔ اگر نوٹیفکیشن جاری نہیں بھی ہوتا تو رات10بجےاسمبلی ازخود تحلیل ہو جائے گی۔

پشاور: وزیراعلیٰ خیبر پختونخوا محمود خان نے کہا کہ اسمبلی تحلیل کے بارے میں اپنے عزم پر قائم ہیں۔

تفصیلات کے مطابق وزیراعلیٰ خیبر پختونخوا محمود خان نے میڈیا سے گفتگو کرتے ہوئے کہا کہ عمران خان جو بھی فیصلہ کریں گے، عملدرآمد ہوگا، اسمبلی تحلیل کے بارے میں اپنے عزم پر قائم ہیں۔

اس کے علاوہ وزیراعلیٰ خیبرپختونخوا محمودخان نے وفاقی حکومت کے خلاف سپریم کورٹ جانےکا فیصلہ کیا ہے۔

انہوں نے کہا کہ صوبےکے فنڈزکےحصول کےلیےسپریم کورٹ جائیں گے، حق نہیں ملاتواراکین صوبائی اسمبلی سمیت قومی اسمبلی کےسامنےدھرنادینگے۔

وزیراعلیٰ کے پی محمودخان کا کہنا تھا کہ وفاقی حکومت ہمارےفنڈز اپنے ایم این ایزکو دےرہی ہے، وفاقی حکومت کے ذمہ 189 ارب روپے بقایاجات ہیں، صوبے کے حقوق لیکر رہیں گے۔

محمود خان کا کہنا تھا کہ وفاقی حکومت کے پاس قومی فلاح و ترقی کاکوئی ایجنڈا نہیں، خیبرپختونخوا توانائی کا پیداواری صوبہ ہے لیکن صوبے کے اربوں روپے وفاق کے ذمہ واجب الادا ہیں، وفاق نے ضم اضلاع کے ترقیاتی فنڈز بھی روک رکھے ہیں۔

وزیراعلیٰ خیبر پختونخوا محمود خان کا مزید کہنا تھا کہ موجودہ وفاقی حکومت صوبے کو دیوار سے لگانا چاہتی ہے۔