Tag: اسموگ

لاہور : صوبائی دارلحکومت لاہور میں اسموگ کی کیفیت برقرارہے اور فضائی آلودگی انڈیکس بدستور سر فہرست ہے تاہم حدِنگاہ میں کمی کے باعث موٹروے کے مختلف سیکشنزٹریفک کے لئے بند ہیں۔

تفصیلات کے مطابق لاہورسمیت پنجاب کے کئی شہروں پر اسموگ کا راج برقرار ہے اور لاہور دنیا بھر میں آلودہ ترین شہروں میں پھرسرفہرست ہے، جہاں ایئرکوالٹی انڈیکس 780ریکارڈ کیا گیا۔

ملتان 777 پوائنٹس کیساتھ دوسرے، راولپنڈی 312 پوائنٹس کیساتھ تیسرے ، اسلام آباد 268 پوائنٹس کیساتھ چوتھے اور پشاور210پوائنٹس کیساتھ پانچویں نمبر پر
ہے۔

شدید دھند اور اسموگ کی وجہ سے حدِنگاہ میں کمی کے باعث موٹروے کے مختلف سیکشنز بھی ٹریفک کے لئے بند کردیئے گئے۔

ترجمان موٹر وے کے مطابق لاہور اسلام آباد موٹر وے ایم ٹو، لاہور سیالکوٹ موٹر وے، موٹر وے ایم تھری لاہور سے درخانہ تک، موٹر وے ایم فور پنڈی بھٹیاں سے ملتان تک اور موٹر وے ایم فائیو ملتان سے سکھر تک بند ہیں۔

گذشتہ روز لاہور میں اسموگ کے متعلق ٹیکینیکل رپورٹ میں اصل وجہ گاڑیوں کے دھویں کو قرار دیا گیا تھا۔

سرکاری ذرائع کا کہنا تھا کہ تراسی فیصد اسموگ گاڑیوں کی دھویں کی وجہ سے پھیلی، محکمہ ماحولیات کی جانب سےغفلت برتنےوالوں کی نشاندہی نہیں کی جارہی ہے۔

ذرائع کے مطابق مشرق سے آنے والی ہواؤں کا معاملہ بھی محکمے کی ناکامی کو چھپانے کے لیے کیا گیا،چند روز قبل وزیراعلی مریم نواز نےاعلیٰ سطح کی میٹنگ میں اسموگ پربرہمی کا اظہارکیا، وزیراعلیٰ نے کہا محکمہ تویہی رپورٹ کرتارہا ہے کہ اسموگ کوروکنے کے اقدامات ہوگئے۔

اس کے علاوہ فصلوں کو جلانے سے پانچ فیصد اور فیکٹریوں کے دھویں سے چار فیصد جبکہ کنسٹرکشن اور مائننگ سے بھی اسموگ بڑھی۔

لاہور : صوبائی دارلحکومت لاہور بدترین فضائی آلودگی کا شکار ہیں اور آلودہ شہروں میں آج بھی سرفہرست ہے جس سے لوگوں کو سانس لینے میں شدید مشکلات ہیں۔

تفصیلات کے مطابق پنجاب میں اسموگ اوردھند اندھا دھند چھا گئی، فضائی معیار آج بھی انتہائی مضر صحت ہیں، جس سے معمولات زندگی شدید متاثر ہیں۔

لاہور ملک کے آلودہ ترین شہروں میں سرفہرست ہے جبکہ ملتان آلودگی کے اعتبار سے دوسرے نمبر پر ہے۔

لاہور کا ایئر کوالٹی انڈیکس 435 ،ملتان کا کوالٹی انڈیکس 324 ریکارڈ کیا گیا ہے جبکہ پشاور ،راولپنڈی اور اسلام آباد آج بھی آلودہ شہروں میں شامل ہیں، جہاں ائیرکوالٹی انڈکس دوسو سے اوپر ریکارڈ کیا گیا ہے۔

حد نگاہ کم ہونے سے موٹر وے کئی مقامات پر آج بھی بند کرنا پڑی ، ترجمان موٹرویز پولیس کے مطابق موٹروے ایم 2، ایم 3، ایم 4 اور ایم 5 سمیت دیگر شاہراہوں کو مختلف مقامات پر ہر قسم کی ٹریفک کیلئے بند کردیا گیا ہے۔

اسموگ کی شدت میں اضافے سے نظام زندگی مفلوج ہوچکا ہے اور لوگ مختلف امراض کا شکار ہورہے ہیں۔

چونیاں، حجرہ شاہ مقیم ، رینالہ خورد ، پتوکی ، پھول نگر اور الہ آباد میں شہریوں کو اسموگ اور دھند کے باعث مشکلات کا سامنا ہے۔

دوسری جانب پولیس کی جانب سے مختلف اضلاع میں اسموگ کریک ڈاؤن کے دوران 86 مقدمات درج کرکے 13 افراد کو گرفتار کیا گیا۔

ترجمان پنجاب کا کہنا تھا کہ 485 افراد کو 09 لاکھ روپے سے زائد جرمانے عائد کئے اور 36 افراد کو وارننگ جاری کی گئی۔

ادھر مارکیٹس کو 8 بجے بند کروانے اور آؤٹ ڈور ڈائنگ پر پابندی کے حکم پر عملدرآمد کیلئے ضلعی انتظامیہ رات گئے تک متحرک رہی اور اب تک 46 خلاف ورزیوں پر 03 مقدمات کا اندراج، 05 چھوٹی دکانوں کو آخری وارننگز جبکہ 41 دکانیں سیل کی گئیں۔

لاہور میں اسموگ کے مضر ترین اثرات کے پیش نظر ابتدائی طور پر اتوار سترہ نومبر تک بیرونی سرگرمیوں پر پابندی عائد ہے، تمام تجارتی مراکز ،دکانیں، بازار اور شاپنگ مالز رات آٹھ بجے بند ہوں گے، جبکہ ریسٹورنٹ ہال میں ان ڈور ڈائننگ پیر ، منگل اور بدھ رات 11 بجے تک کی جا سکتی ہے تاہم ٹیک اوے یعنی پارسل کے لئے رات ایک بجے تک اجازت ہے

لاہور : صوبائی دارلحکومت لاہور میں اسموگ اور فضائی آلودگی بڑھنے کی وجہ سامنے آگئی، گرین ماسٹر پلان میں نشاندہی ہوئی۔

تفصیلات کے مطابق لاہورمیں اسموگ اورفضائی آلودگی کیسے بڑھی؟ گرین ماسٹر پلان میں 6 مرکزی محرکات کی نشاندہی کرلی گئی۔

رپورٹ میں بتایا گیا کہ لاہور کوترقی کے نام پر کنکریٹ کا شہر بنایا گیا، گرین ایریاز کے مسلسل خاتمے نے لینڈ سرفیس ٹمپریچر میں اضافہ کیا جو لاہور ہیٹ آئی لینڈ بنا رہا ہے۔

رپورٹ میں کہنا تھا کہ لاہورکے 33 اسکوائرکلومیٹر ایریاز پر انڈسٹریز رہائشی ایریاز کے قریب موجود ہیں ، 10 سالوں میں بکھری انڈسٹریز کو انڈسٹریل ایریاز منتقل نہ کیا تو ناقابل تلافی نقصان ہوسکتا ہے۔

رپورٹ میں مزید بتایا گیا کہ بڑھتے درجہ حرارت کے باعث سرد موسم میں اربن ائیر کوالٹی کی صورتحال خراب ہے اور گاڑیوں کا دھواں، انڈسٹریل آلودگی گرین کور کی مسلسل کمی درجہ حرارت میں اضافے کا سبب ہے۔

رپورٹ میں کہنا تھا کہ شہر کے نزدیک بنائی لینڈ فل سائٹس میتھین کی مقدارمیں اضافے کا سبب بن رہی ہیں، سائنٹیفک لینڈفل سائٹس کو شہر سے دور تعمیر کرنا ناگزیر ہے۔

خیال رہے حکومتی اقدامات کے باوجود لاہور میں اسموگ کی صورتحال بہتر نہ ہوسکی، ایئرکوالٹی انڈیکس میں لاہور آج بھی دنیا کا آلودہ ترین شہر ہے جبکہ نئی دہلی دوسرے، ممبئی تیسرے، قاہرہ چوتھے اور ہنوئی پانچویں نمبر پر ہے۔

لاہور میں اسموگ کے پیش نظر بیرونی سرگرمیوں پر پابندی عائد کردی گئی ہے جبکہ کھیلوں، نمائشوں اور تقریبات پر پابندی لگادی گئی ہے۔

ریسٹورنٹس کی آؤٹ ڈور ڈائننگ پر بھی پابندی ہے جبکہ دکانیں اور شاپنگ مالز رات 8 بجے بند ہوں گے تاہم مذہبی اجتماعات کو استثنیٰ دیا گیا ہے۔

لاہور : صوبائی دارلحکومت لاہور میں اسموگ کے باعث ریڈ الرٹ جاری کر دیا، جس میں کہا کہ آئندہ چوبیس گھنٹوں میں بھارتی ہواؤں کا رخ پاکستان کی طرف ہو گا۔

تفصیلات کے مطابق لاہور کی فضا بدستور آلودہ اور مضر صحت ہے، باغوں کے شہر نے آلودگی میں آج بھی دنیا بھر کے شہروں کو پیچھے چھوڑ دیا۔

دنیا کے بڑے آ آلودہ ترین شہروں میں لاہور کا پہلا نمبر ہے، جہاں ایئر کوالٹی انڈیکس چھ سو نو ریکارڈ کیا گیا۔

لاہور میں اسموگ کے نئے اسپیل کے خطرے کے پیش نظر محکمہ ماحولیات نے نیا ریڈالرٹ جاری کردیا۔

محکمہ موسمیات نے بتایا ہے کہ آئندہ چوبیس گھنٹوں میں بھارتی ہواؤں کا رخ پاکستان کی طرف ہوگا، جس کے باعث شہر کا ائیرکوالٹی انڈیکس ایک بار پھر شدید متاثرہوگا۔

لاہور کی آلودہ فضا میں سانس لینے والوں کو بہت مشکل کا سامنا ہے، ماہرین نے شہریوں کو بلا ضرورت گھر سے نہ نکلنے اور ماسک لازمی استعمال کرنے کا مشورہ دیا ہے۔

سیکرٹری تحفظ ماحول نے بتایا ہے کہ بھارت سے آلودہ ہوا کا دباؤ لاہور کی جانب موجود ہیں،آلودہ ہوا کے باعث شہر میں اسموگ میں اضافہ ہوا، جس سے ائیرکوالٹی انڈیکس بھی غیرمعمولی حد تک بڑھا ہے۔

سیکرٹری تحفظ ماحول کا کہنا تھا کہ 4 کلومیٹرفی گھنٹہ کی رفتار سے مشرقی ہوائیں لاہور کی طرف چل رہی ہیں، کسانوں سے اپیل ہے کہ مونجی مت جلائیں، ماسک کا استعمال اوراحتیاطی تدابیر اپنائےرکھیں ساتھ ہی گھروں کے دروازے اورکھڑکیاں بند رکھیں۔

ملتان میں فضائی معیار آج بھی انتہائی مضر صحت ہے ، ملک کے آلودہ ترین شہروں میں لاہور کے بعد ملتان دوسرے نمبر پر ہے، جہاں پارٹیکیولیٹ میٹرز کی تعداد پانچ سو انہتر تک پہنچ گئی جبکہ پشاور تیسرے،ہری پور چوتھے،اسلام آباد پانچویں ، راولپنڈی چھٹے اور کراچی ساتویں نمبر پر ہے۔

بھارت کا شہر دہلی چارسو آٹھ اے کیو آئی کے ساتھ دوسرے نمبر پر ہے۔