Tag: اسمگل کرنے کی کوشش

اسلام آباد: انٹرنیشنل ائرپورٹ پر کسٹمز نے کارروائی کرتے ہوئے ایک کروڑ روپے سے زائد مالیت کے قیمتی موبائل فون اسمگل کرنے کی کوشش ناکام بنادی۔

تفصیلات کے مطابق اسلام آباد انٹرنیشنل ایئرپورٹ پر کسٹمز نے کارروائی کی اور کارروائی کے دوران قیمتی موبائل فون اسمگل کرنے کی کوشش ناکام بنادی۔

کسٹم حکام نے بتایا کہ مسافر پرواز کیو آر 614 کے ذریعے اسلام آباد پہنچا ، کسٹم عملے نے مسافر عمر ضمیر کو بین الاقوامی آمد ہال کے قریب سے پکڑلیا۔

حکام کا کہنا تھا کہ پکڑے جانے والے مسافر ضمیر کا تعلق چکوال سے ہے وہ دبئی سے آیا ہے، قطر سے آنے والے مسافرسے 73 موبائل فون برآمد کئے۔

کسٹم حکام نے کہا کہ مسافر موبائلز فونز بابت کوئی ٹیکس تفصیل پیش نہیں کرسکا،قبضہ میں لئے گئے موبائلز کی قیمت ایک کروڑ روپے سے زائد ہے۔

کسٹم حکام نے ملزم عمر ضمیر کے خلاف مقدمہ درج کرکے گرفتار کرلیا گیا ہے۔

پشاور: محکمہ وائلڈلائف نے نایاب نسل کی چھپکلیاں اسمگل کرنےکی کوشش ناکام بناتے ہوئے 2 ملزمان کو گرفتار کرلیا۔

تفصیلات کے مطابق پشاور میں محکمہ وائلڈلائف نے حویلیاں میں کارروائی کرتے ہوئے نایاب نسل کی چھپکلیاں اسمگل کرنےکی کوشش ناکام بنادی۔

محکمہ وائلڈ لائف نے بتایا کہ چھپکلیاں اسمگل کرنےوالے 2 ملزمان کو گرفتار کرکے ان کیخلاف وائلڈلائف ایکٹ کے تحت مقدمہ درج کرلیا گیا ہے۔

ترجمان کا کہنا تھا کہ ملزمان کو15نایاب چھپکلیاں اسمگل کرتےہوئےٹول پلازہ پرگرفتارکیاگیا جبکہ ملزمان نے چھپکلیاں بیرونی ملک اسمگل کرنےکابھی اعتراف کرلیا ہے۔

یاد رہے پشاور میں محکمہ جنگلی حیات نے ایک اہم کارروائی میں قیمتی مکڑی ٹرنٹولہ کی اسمگلنگ کی بڑی کوشش ناکام بنا دی تھی اور تین اسمگلرز کو گرفتار کر لیا تھا۔

ترجمان محکمہ وائلڈ لائف حسینہ نے بتایا تھا کہ 3 ملزمان ٹرنٹولا مکڑی کو غیر قانونی طور پر اسلام آباد اسمگل کر رہے تھے، تینوں ملزمان کو وائلڈ لائف بائیو ڈائیورسٹی ایکٹ 2015 کے تحت گرفتار کیا گیا۔

ترجمان کے مطابق یہ مکڑیاں ادویات کی تیاری میں استعمال ہوتی ہیں، بالخصوص اس مکڑی کو درد کنٹرول کرنے والی دوائیوں میں استعمال کیا جاتا ہے، اور مارکیٹ میں اس مکڑی کی بڑی طلب ہے۔