کراچی : آئی بی ایس ایف سکس ریڈ اینڈ ٹیم اسنوکر چیمپیئن شپ کے دوسرے روز پاکستان کے تین کھلاڑیوں نے ناقابل شکست رہتے ہوئے ناک آوٹ مرحلے میں جگہ بنالی ہے۔
تفصیلات کے مطابق کراچی میں کھیلے جارہے ورلڈ سکس ریڈ اینڈ اسنوکر چیمپیئن شپ کے دوسرے روز بھی سنسنی خیز مقابلوں کا سلسلہ جاری رہا۔
پاکستانی ٹیم میں شامل شہرام چنگیزی نے گروپ بی سے ناقابل شکست رہتے ہوئے ناک آوٹ مرحلے میں جگہ بنائی۔ شہرام نے چوتھے مقابلے میں خلیل بوصیف کو چار صفر سے مات دی۔
محمد سجاد نےبھارتی حریف ورون کمار کو باآسانی چار صفر سے زیر کیا۔ بابر مسیح نے سری لنکا کے سسریکا پریرا کو چار ایک ہرا کر اگلے مرحلے میں کوالیفائی کیا۔
حنین عامر اگلے راونڈ میں جگہ بنانے میں ناکام رہے۔ خواتین ایونٹ میں بھارتی کھلاڑیوں کا پلڑا بھاری رہا۔
