Tag: اسنیپ چیٹ

ریاض : شاہ سعود یونیورسٹی میں سماعت سے محروم افراد کے لیے اسنیپ چیٹ کے نئے فیچر کا اجراء کیا گیا ہے، کتاب میلے میں اسنیپ چیٹ نے پہلا مشین لرننگ لینز لانچ کیا ہے۔

تفصیلات کے مطابق اسنیپ چیٹ نے سعودی وزارت ثقافت کے اشتراک سے بین الاقوامی کتاب میلے کے موقع ایک رئیلٹی لینز متعارف کرائی ہے۔

اسنیپ چیٹ کے اس نئے فیچر کی مدد سے سماعت سے محروم طلباء و طالبات کو دوسروں کا نقطہ نظر سمجھنے کے لیے ان کی گفتگو تحریری صورت میں سمجھنے کا موقع ملے گا۔

یہ مشین لرننگ ٹیکنالوجی کیمرہ کے ذریعے اشاروں کو عربی حروف تہجی اور الفاظ میں تبدیل کر دے گی۔ بتایا گیا ہے اس مشین لرننگ ٹیکنالوجی کے ذریعے 28 انسانی گفتگو کے دوران کیے جانے والے اشاروں کو عربی زبان کے الفاظ میں ڈھالا جا سکے گا تاہم اس بارے میں کچھ نہیں کہا گیا کہ مستقبل میں یہ فیچر 28 اشاروں پر ہی محیط رہے گا یا آئندہ دنوں اس میں مزید وسعت آسکے گی۔

ادب، طباعت اور ترجمے سے متعلق کمیشن کے سربراہ محمد حسن الوان نے بتایا کہ اس سال کتاب میلے شرکت منفرد اور اور اختراعی نوعیت کی رہی۔ یہ کتاب میلہ اختراعی اعتبار سے بڑا اہم رہا اور اس کی سب سے اہم وجہ سماعت سے محروم افراد کے لیے خصوصی خدمات فراہم کرنے کا موقع ملا یہ ایک بڑی پیش رفت ہے۔

انہوں نے مزید کہا کہ ہم اس نئی متاثر کے ایجاد کے تجربات کے منتظر ہیں۔ کتاب میلے کے ذریعے تقافتی تبادلے اور ادبی رسائی معاشرے کے ہر طبقے کو آسانی سے فراہم ہو سکے گی جو کہ ہمارا مقصد بھی ہے۔ یہ کتاب میلہ تھری ڈی ٹیکنالوجی کے ڈسپلے کے حوالے بھی اہم رہا کہ حاضرین کو ایک انٹر ایکٹو تجربے میں حصہ لینے کی ترغیب دی گئی۔

علاوہ ازیں کتاب میلےمیں بچوں کے لیے خصوصی طور پر ایک لینز بھی متعارف کیا گیا۔ جس کے ذریعے بچوں میں کتابیں پڑھنے کے شوق کو بڑھایا جائے گا۔ جیسا کہ کتاب میلہ کا تھیم پڑھنا آپ کو بلندی پر فائز کرتا ہے( ریڈنگ اپلفٹس یو) اس کے لوگو سے واضح ہے۔

واضح رہے کہ ایک سروے کے مطابق 83 فیصد افراد اس اینٹی ریفلیکٹنگ لینز( اے آر) سے استفادہ کرنے کے خواہاں ہیں۔

واشنگٹن: سماجی رابطے کی موبائل ایپلیکیشن ’اسنیپ چیٹ‘ نے امریکی صدر ڈونلڈ ٹرمپ کی ایپلیکیشن پر تشہیر روک دی، اب ٹرمپ کا مواد اسنیپ چیٹ کے ’ڈسکور‘ فیچر پر نمایاں نہیں ہوگا۔

غیرملکی خبررساں ادارے کی رپورٹ کے مطابق امریکی صدر کی جانب سے نسلی فسادات کو بڑھاوا دینے اور نسل پرستی کے حق میں بولنے کی پاداش میں اسنیپ چیٹ نے مذکورہ اہم اقدام اٹھایا۔

رپورٹ کے مطابق ٹرمپ نے حالیہ دنوں سوشل میڈیا پر سیاہ فاموں کی جانب سے احتجاج اور ملک میں پنپتی نسلی فسادات سے متعلق نہ مناسب بیانات جاری کیے جس پر اسنیپ چیٹ نے ایکشن لیا۔

کمپنی ترجمان کا کہنا ہے کہ ہم اسنیپ چیٹ کے ذریعے ایسے مواد کی تشہیر نہیں کریں گے جو لوگوں کو نسلی فسادات اور ناانصافی کی طرف مائل کرے، ٹرمپ کے کوئی بیانات اب ’ڈسکور‘ پلیٹ فارم پر نمایاں نہیں ہورہے۔

انہوں نے وضاحت کی کہ صرف ٹرمپ کے مواد کو ڈسکور سے ہٹایا گیا ہے تاہم ان کا اکاؤنٹ بلاک نہیں کیا گیا۔

خیال رہے کہ اسنیپ چیٹ پر اکاؤنٹ ہونے کی صورت میں ڈسکور فیچر اہم سیاسی، سماجی اور فنکاروں سمیت دیگر شعبوں سے تعلق رکھنے والے مشہور افراد کے مواد ازخود نمایاں کرتا ہے۔

تاہم اب جو لوگ ٹرمپ کے بیانات یا دیگر اقدامات سے متعلق جاننا چاہتے ہیں تو انہیں خصوصی طور پر ’فور یو‘ فیچر پر امریکی صدر کا اکاؤنٹ سرچ کرنا ہوگا بصورت دیگر کوئی بھی مواد ڈسکور پر واضح نہیں ہوگا۔

سان فرانسسکو: سماجی رابطے کی ویب سائٹ اسنیپ چیٹ نے سوشل میڈیا موبائل ایپ ٹک ٹاک کی طرز پر ’چلینج فیچر‘ متعارف کرادیا۔

تفصیلات کے مطابق فیس بک اور واٹس ایپ کے مد مقابل سماجی رابطے کی معروف موبائل ایپلیکشن اسنیپ چیٹ نے اپنی ایپ کو مزید دلچسپ بنانے کے لیے نیا فیچر متعارف کرایا۔

کمپنی کی جانب سے متعارف کرائے جانے والا فیچر سے آپ ویڈیو بنا کر اپنے کسی بھی دوست کو چیلنج دے سکیں گے۔

مزید پڑھیں: اسنیپ چیٹ کے تین فیچرز متعارف

چیلنج فیچر موبائل کے فرنٹ کیمرے سے منسلک ہے اور اس میں صارف کو کرنا یہ ہوگا کہ وہ اپنی مرضی سے گانا منتخب کر کے صرف ہونٹ ہلائے گا اور اپنے دوستوں کو ایسا ہی کرنے کا چیلنج دے گا۔

جس صارف کو چیلنج دیا جائے گا اُس کے پاس ویڈیو کا نوٹی فکیشن جائے گا اور اگر 24 گھنٹے کے اندر اسے نہیں کیا تو بھیجنے والے کو آگاہ کردیا جائے گا اور وہ چاہیے گا تو اسے ختم بھی کردے گا۔

اس چیلنج کو دیگر دوست بھی دیکھ سکیں گے جبکہ پرائیوٹ میسج میں بھی منتخب کرنے والے صارف کو بھی ویڈیو بنانے کا چیلنج دیا جاسکے گا۔

یہ بھی پڑھیں: دنیا بھر میں مفت وائی فائی انٹرنیٹ سروس فراہم کرنے کا اعلان

اسے بھی پڑھیں: فیس بک کا ٹک ٹاک سے ٹکر لینے کا فیصلہ

اسنیپ چیٹ کا ماننا ہے کہ اُن کا نیا فیچر صارفین کو بہت پسند آئے گا اور وہ روزانہ اپنے دوستوں کو ویڈیو کے ذریعے چیلنج دیں گے، اس طرح دیگر لوگوں کو بھی پلیٹ فارم پر لایا جاسکے گا۔

ٹیکنالوجی پر نظر رکھنے والے ماہرین کا ماننا ہے کہ اسنیپ چیٹ نے اپنی گرتی ہوئی ساکھ کو بحال کرنے کے لیے یہ فیچر متعارف کرانے کا اعلان کیا۔ اعداد و شمار کے مطابق 6 ماہ کے دوران بیس لاکھ سے زائد صارفین کی کمی ہوئی۔