Tag: اسٹاک مارکیٹ

کراچی: پاکستان اسٹاک ایکسچینج میں 100 انڈیکس میں 229 سے زائد پوائنٹس کا اضافہ دیکھا گیا جس میں بعد انڈیکس میں 42 ہزار پوائنٹس کی نفسیاتی حد بحال ہوگئی۔

تفصیلات کے مطابق کاروباری ہفتے کے چوتھے روز جمعرات کو پاکستان اسٹاک ایکسچینج میں تیزی دیکھی گئی، دن کے آغاز میں 100 انڈیکس میں 229 پوائنٹس کا اضافہ ہوا جس کے بعد انڈیکس میں 42 ہزار پوائنٹس کی نفسیاتی حد بحال ہوگئی اور انڈیکس 42 ہزار 64 پوائنٹس پر پہنچ گیا۔

بعد ازاں انڈیکس میں مزید اضافہ ہوتا گیا جس کے بعد 100 انڈیکس 42 ہزار 196 پوائنٹس پر پہنچ گیا۔

خیال رہے کہ نیویارک میں قائم ریسرچ فرم مارکیٹ کرنٹس ویلتھ نیٹ کی رپورٹ میں پاکستان اسٹاک ایکسچینج کو ایک بار پھر ایشیا کی بہترین اسٹاک مارکیٹ قرار دیا گیا ہے۔

رپورٹ میں عالمی سطح پر پاکستان اسٹاک ایکسچینج چوتھی بہترین اسٹاک مارکیٹ رہی جبکہ ایشیا میں سب سے بہتر کارکردگی پاکستان اسٹاک ایکسچینج کی رہی۔

ایشیائی اسٹاک مارکیٹس کی صورتحال

دوسری جانب ایشیائی اسٹاک مارکیٹس میں بھی اتار چڑھاؤ جاری ہے، جاپان کے نکئی انڈیکس میں 313 پوائنٹس کا اضافہ دیکھا گیا جبکہ ہانگ کانگ کا ہینگ سینگ انڈیکس 157 پوائنٹس گر گیا۔

شنگھائی کمپوزٹ انڈیکس میں بھی 13 پوائنٹس کی کمی دیکھی جارہی ہے۔

تیل اور سونے کی قیمتیں

امریکی خام تیل کے سودے 41 ڈالرز 57 سینٹس فی بیرل پر ٹریڈ کر رہے ہیں، عالمی مارکیٹ میں برینٹ کروڈ کی قیمت 44 ڈالر 43 سینٹس فی بیرل پر آگئی۔

عالمی مارکیٹ میں فی اونس سونا 19 سو 46 ڈالر 23 سینٹس پر ٹریڈ کر رہا ہے۔

کراچی: پاکستان اسٹاک ایکسچینج میں 100 انڈیکس میں 74 سے زائد پوائنٹس کا اضافہ دیکھا گیا، 100 انڈیکس 41 ہزار 185 پوائنٹس پر پہنچ گیا۔

تفصیلات کے مطابق کاروباری ہفتے کے دوسرے روز پیر کو پاکستان اسٹاک ایکسچینج میں ملا جلا رجحان دیکھا گیا، 100 انڈیکس میں 74 پوائنٹس کا اضافہ ہوا۔

100 انڈیکس 74 پوائنٹس اضافے کے بعد 41 ہزار 185 پر پہنچ گیا۔

گزشتہ روز 100 انڈیکس میں 100 سے زائد پوائنٹس کا اضافہ دیکھا گیا تھا جس کے بعد انڈیکس 41 ہزار پوائنٹس 156 پوائنٹس پر پہنچ گیا تھا۔

رواں ماہ کے آغاز پر پاکستان اسٹاک ایکسچینج میں ٹریڈنگ کا 4 سالہ ریکارڈ ٹوٹ گیا تھا، 100 انڈیکس میں 283 پوائنٹس کا اضافہ ہوا تھا اور 0.71 فیصد اضافے کے ساتھ 40 ہزار 166 کی سطح پر بند ہوا تھا۔

مذکورہ ہفتے اسٹاک مارکیٹ میں 24 ارب مالیت کے 82 کروڑ شیئرز کا کاروبار کیا گیا تھا، آخری بار اسٹاک ایکسچینج میں ایسی تیزی اکتوبر 2016 میں دیکھی گئی تھی۔

دوسری جانب ایشیائی اسٹاک مارکیٹس میں بھی ملا جلا رجحان دیکھا جارہا ہے، مختلف ایشیائی ممالک کے انڈیکس میں پوائنٹس میں اضافہ و کمی ریکارڈ ہو رہی ہے۔

اس کے علاوہ امریکی خام تیل کے سودے کی 43 ڈالر فی بیرل پر ٹریڈنگ ہو رہی ہے جبکہ عالمی مارکیٹ میں برینٹ کروڈ کی قیمت 45 ڈالر 74 سینٹس فی بیرل پر آگئی۔

کراچی: پاکستان اسٹاک ایکسچینج میں تیزی دیکھی گئی، 100 انڈیکس 500 سے زائد پوائنٹس کے اضافے کے بعد 40 ہزار کی سطح عبور کرگیا۔

تفصیلات کے مطابق پاکستان اسٹاک ایکسچینج میں دن کے آغاز سے ہی تیزی دیکھی گئی، دن کے آغاز پر 100 انڈیکس 539 پوائنٹس اضافے سے 40 ہزار 422 پر پہنچ گیا۔

دن کے وسط تک انڈیکس میں 464 پوائنٹس کا اضافہ ہوا جس کے بعد انڈیکس 40 ہزار 300 پوائنٹس تک پہنچ گیا۔

دوسری جانب انٹر بینک میں ڈالر کی قدر میں 8 پیسے کا اضافہ دیکھا گیا۔ انٹر بینک میں ڈالر 168.22 سے بڑھ کر 168.30 روپے پر ٹریڈ کرنے لگا۔

معاشی ماہرین کے مطابق ڈالر کی طلب کی وجہ سے روپے پر دباؤ ہے جس کی وجہ سے ڈالر کی قیمت میں اضافہ ہورہا ہے۔

گزشتہ ہفتے 100 انڈیکس میں 298 پوائنٹس کا اضافہ ہوا تھا جس کے بعد انڈیکس 39 ہزار 134 پوائنٹس کی سطح پر پہنچ گیا۔

گزشتہ ہفتے انٹر بینک میں ڈالر کی قدر میں بھی 87 پیسے کا اضافہ ہوا تھا جس کے بعد ڈالر 167.50 روپے سے بھی تجاوز کر گیا تھا۔