ARYNews.tv | Urdu – Har Lamha Bakhabar

Tag: اسٹاک مارکیٹ

  • پاکستان اسٹاک مارکیٹ: 100 انڈیکس 39 ہزار پوائنٹس کی سطح پر پہنچ گیا

    پاکستان اسٹاک مارکیٹ: 100 انڈیکس 39 ہزار پوائنٹس کی سطح پر پہنچ گیا

    کراچی: پاکستان اسٹاک ایکسچینج میں تیزی دیکھی گئی، 100 انڈیکس 298 پوائنٹس اضافے کے بعد 39 ہزار 134 پوائنٹس کی سطح پر پہنچ گیا۔

    تفصیلات کے مطابق کاروباری ہفتے کے چوتھے روز یعنی جمعرات کو پاکستان اسٹاک ایکسچینج میں تیزی دیکھی گئی، 100 انڈیکس میں 298 پوائنٹس کا اضافہ ہوا جس کے بعد انڈیکس 39 ہزار 134 پوائنٹس کی سطح پر پہنچ گیا۔

    دوسری جانب انٹر بینک میں ڈالر کی قدر میں 87 پیسے کا اضافہ ہوا جس کے بعد ڈالر 167.50 روپے سے بھی تجاوز کر گیا۔

    ڈالر کی قدر میں اضافے کے بعد انٹر بینک میں ڈالر 166.78 سے بڑھ کر 167.65 روپے پر پہنچ گیا۔

    رواں ہفتے کے پہلے کاروباری روز یعنی سوموار کو بھی 100 انڈیکس میں 580 پوائنٹس کا اضافہ ہوا تھا جس کے بعد انڈیکس 38 ہزار 187 پوائنٹس تک پہنچ گیا۔

    اس سے قبل گزشتہ کاروباری ہفتے کے دوران 100 انڈیکس 226 پوائنٹس کمی سے 37 ہزار 578 پوائنٹس پر بند ہوا تھا۔ گزشتہ ہفتے کے دوران 14 ارب روپے مالیت کے 37.92 کروڑ شئیرز کا کاروبار کیا گیا۔

  • پاکستان اسٹاک مارکیٹ میں زبردست تیزی، 100 انڈیکس میں 580 سے زائد پوائنٹس کا اضافہ

    پاکستان اسٹاک مارکیٹ میں زبردست تیزی، 100 انڈیکس میں 580 سے زائد پوائنٹس کا اضافہ

    کراچی: پاکستان اسٹاک ایکسچینج میں زبردست تیزی دیکھی جارہی ہے، 100 انڈیکس 580 پوائنٹس اضافے سے 38 ہزار 187 پوائنٹس تک پہنچ گیا۔

    تفصیلات کے مطابق کاروباری ہفتے کے پہلے دن پاکستان اسٹاک ایکسچینج میں زبردست تیزی دیکھی گئی، 100 انڈیکس 580 پوائنٹس اضافے سے 38 ہزار 187 پوائنٹس تک پہنچ گیا۔

    گزشتہ کاروباری ہفتے کے دوران 100 انڈیکس 226 پوائنٹس کمی سے 37 ہزار 578 پوائنٹس پر بند ہوا تھا۔ گزشتہ ہفتے کے دوران 14 ارب روپے مالیت کے 37.92 کروڑ شئیرز کا کاروبار کیا گیا۔

    ماہرین کا کہنا ہے کہ گزشتہ ہفتے اسٹاک مارکیٹ میں سرمایہ کاروں کی جانب سے پرافٹ ٹیکنگ دیکھی گئی، سرمایہ کار اگلی مانیٹری پالیسی پر بھی محتاط نظر آئے۔

    رواں ماہ کے پہلے ہفتے 100 انڈیکس 36 ہزار پوائنٹس کی سطح عبور کر گیا تھا۔ اس ہفتے انڈیکس میں 11 سو 39 پوائنٹس کا اضافہ ہوا تھا جس کے بعد انڈیکس 36 ہزار 190 پوائنٹس تک پہنچ گیا۔

    رواں ماہ کے پہلے ہفتے کے دوران مارکیٹ میں 61 ارب کے 1.74 ارب شیئرز کے سودے ہوئے جبکہ کیپٹلائزیشن بھی 199 ارب بڑھ کر 6 ہزار 481 ارب پہ پہنچ گئی تھی۔

  • پاکستان اسٹاک ایکسچینج: 100 انڈیکس 36 ہزار پوائنٹس کی حد عبور کر گیا

    پاکستان اسٹاک ایکسچینج: 100 انڈیکس 36 ہزار پوائنٹس کی حد عبور کر گیا

    کراچی: پاکستان اسٹاک ایکسچینج میں گزشتہ ہفتے تیزی کا رجحان رہا، 100 انڈیکس 36 ہزار پوائنٹس کی سطح عبور کر گیا۔

    تفصیلات کے مطابق 6 سے 10 جولائی 2020 کے دوران اسٹاک مارکیٹ میں تیزی کا رجحان دیکھا گیا۔ 100 انڈیکس میں 11 سو 39 پوائنٹس کا اضافہ ہوا جس کے بعد انڈیکس 36 ہزار 190 پوائنٹس تک پہنچ گیا۔

    گزشتہ ہفتے مارکیٹ میں 61 ارب کے 1.74 ارب شیئرز کے سودے ہوئے جبکہ کیپٹلائزیشن بھی 199 ارب بڑھ کر 6 ہزار 481 ارب پہ پہنچ گئی۔

    اس سے گزشتہ ہفتے کے دوران پاکستان اسٹاک ایکسچینج میں 100 انڈیکس 73 پوائنٹس اضافے سے 35 ہزار کی سطح عبور کرگیا۔

    29 جون سے 3 جولائی کے دوران مارکیٹ میں 6.74 ارب روپے مالیت کے 17.57 کروڑ شیئرز کا کاروبار کیا گیا تھا۔

    29 جون کو دہشت گردوں کا اسٹاک ایکسچینج پر حملہ بھی ناکام ہوا اور کاروباری سلسلہ پہلے کی طرح جاری و ساری ہے جبکہ انڈیکس میں مزید بہتری دیکھی جارہی ہے۔

  • پاکستان اسٹاک ایکسچینج: دہشت گرد حملے کے باوجود 100 انڈیکس میں اضافہ

    پاکستان اسٹاک ایکسچینج: دہشت گرد حملے کے باوجود 100 انڈیکس میں اضافہ

    کراچی: پاکستان اسٹاک ایکسچینج میں گزشتہ ہفتے دہشت گرد حملے کے باوجود کاروباری سرگرمیوں میں اضافہ دیکھا گیا، 100 انڈیکس میں 1 ہزار 111 پوائنٹس کا اضافہ ہوا۔

    تفصیلات کے مطابق پاکستان اسٹاک ایکسچینج میں گزشتہ ہفتے دہشت گرد حملے کے باوجود سرمایہ کاروں کا اعتماد بحال رہا، گزشتہ ہفتے کے دوران 100 انڈیکس 1 ہزار 111 پوائنٹس کا اضافہ ہوا۔

    ایک ہفتے کے دوران انٹر بینک مارکیٹ میں ڈالر کی قدر میں 1 روپے 45 پیسے کمی آئی جس کے بعد ڈالر 1 روپے 45 پیسے کمی سے 166 روپے 21 پیسے پر آگیا۔

    خیال رہے کہ گزشتہ ہفتے کاروباری روز کے پہلے دن سوموار کو دہشتگردوں نے پاکستان اسٹاک ایکسچینج پر حملہ کیا تھا، دستی بم حملے اور فائرنگ سے سب انسپکٹر سمیت 7 افراد شہید ہو گئے جبکہ 4 دہشت گرد مارے گئے تھے۔

    حملے کے دوران بھی مارکیٹ کے اندر کاروباری سرگرمیاں بغیر کسی نقصان کے جاری رہیں یوں ملک دشمن عناصر کی معاشی بازو پر وار کرنے کی کوشش ناکام رہی۔

    حملے کے اگلے روز سے 100 انڈیکس میں مسلسل اضافہ دیکھا جاتا رہا، کاروباری ہفتے کے آخری روز یعنی جمعے کو 100 انڈیکس 0.21 فیصد اضافے سے 35 ہزار 51 پوائنٹس پر بند ہوا۔

    گزشتہ روز 6.74 ارب روپے مالیت کے 17.57 کروڑ کے شیئرز کا کاروبار بھی کیا گیا۔

  • امریکا میں اسٹاک مارکیٹس کھل گئیں

    امریکا میں اسٹاک مارکیٹس کھل گئیں

    واشنگٹن: امریکا میں اسٹاک مارکیٹس کے فلورز کھول دیے گئے، اسٹاک مارکیٹس کھلنے کے بعد امریکی حصص بازاروں میں نمایاں تیزی دیکھنے میں آئی۔

    امریکی میڈیا کے مطابق امریکا میں اسٹاک مارکیٹس کے فلورز کھول دیے گئے، امریکی اسٹاک مارکیٹ فلورز کرونا وائرس کے باعث بند تھے۔

    اسٹاک مارکیٹس کھلنے کے بعد امریکی حصص بازاروں میں نمایاں تیزی دیکھنے میں آئی، امریکی ڈاؤ جونز میں 500 پوائنٹس کا اضافہ ہوا، ڈاؤ جونز انڈیکس میں 25 ہزار پوائنٹس کی سطح بھی بحال ہوتے دیکھی گئی۔

    دن کے اختتام پر ڈاؤ جونز انڈیکس 24 ہزار 995 پوائنٹس پر بند ہوا۔ نیسڈیک انڈیکس میں بھی تیزی دیکھی گئی اور دن کے اختتام پر انڈیکس 9 ہزار 340 پوائنٹس پر بند ہوا۔

    دوسری جانب ایشیائی اسٹاک مارکیٹس میں ملا جلا رجحان دیکھا گیا۔ جاپانی اسٹاک مارکیٹ میں 118 پوائنٹس کا اضافہ ہوا۔

    ہانگ کانگ اسٹاک مارکیٹ میں 130 پوائنٹس کی کمی ہوئی جبکہ کورین اسٹاک مارکیٹ میں معمولی اضافہ دیکھنے میں آیا۔

  • مندی کے بعد پاکستان اسٹاک مارکیٹ سنبھلنے لگی

    مندی کے بعد پاکستان اسٹاک مارکیٹ سنبھلنے لگی

    کراچی: پاکستان اسٹاک مارکیٹ ایک ماہ کی بدترین مندی کے بعد بالآخر سنبھالا لینے لگی، گزشتہ ہفتے 100 انڈیکس میں 512 پوائنٹس کا اضافہ ہوا۔

    تفصیلات کے مطابق گزشتہ ہفتے پاکستان اسٹاک ایکسچینج میں 100 انڈیکس میں 12.49 فیصد اضافہ ہوا، ایک ہفتے میں 100 انڈیکس 3 ہزار 512 پوائنٹس اضافے سے 31 ہزار 621 پر بند ہوا۔

    گزشتہ ہفتے کے دوران انڈیکس کی بلند ترین سطح 31 ہزار 816 اور کم ترین سطح 27 ہزار 461 رہی۔

    گزشتہ کاروباری ہفتے میں 1.13 ارب شیئرز کے سودے 37 ارب روپے میں طے پائے، سرمایہ کاروں کو کاروباری ہفتے میں 542 ارب کا فائدہ ہوا ہے۔

    مارکیٹ کیپٹلائزیشن کاروباری ہفتے کے اختتام پر 6016 ارب روپے ہوگئی۔

    یاد رہے کہ کرونا وائرس کے اسٹاک ایکسچینج سمیت پوری معیشت پر بدترین اثرات دیکھے جارہے ہیں، اسٹاک مارکیٹ گزشتہ ایک ماہ سے مسلسل مندی کا شکار تھی۔

    تاہم حکومتی کوششوں کے بعد بالآخر رواں ہفتے مارکیٹ نے سنبھالا لیا، اسٹاک مارکیٹ میں 3 روز قبل 100 انڈیکس میں 12 سو 8 پوائنٹس کی تیزی دیکھی گئی تھی۔

    2 روز قبل اسٹاک مارکیٹ کا 100 انڈیکس 273.94 پوائنٹس بڑھا تھا جبکہ گزشتہ کاروباری روز بھی انڈیکس میں 12 سو 77 پوائنٹس کا اضافہ دیکھا گیا تھا۔

    آخری کاروباری روز مارکیٹ کی سرمایہ کاری مالیت 1 کھرب 41 ارب 26 کروڑ 48 لاکھ روپے کے اضافے سے بڑھ کر 60 کھرب 16 ارب 39 کروڑ 91 لاکھ روپے ہوگئی۔

  • ایس ای سی پی اسٹاک مارکیٹ کو سہارا دینے میدان میں آ گیا

    ایس ای سی پی اسٹاک مارکیٹ کو سہارا دینے میدان میں آ گیا

    اسلام آباد: کرونا وائرس سے اسٹاک مارکیٹ میں مندی کے پیش نظر سیکورٹیز اینڈ ایکس چینج کمیشن آف پاکستان (ایس ای سی پی) مارکیٹ کو سہارا دینے میدان میں آ گیا۔

    اے آر وائی نیوز کے مطابق کرونا وائرس کے پھیلاؤ سے پیدا ہونے والی صورت حال اور اسٹاک مارکیٹ پر پڑنے والے اثرات کے تناظر میں فیوچر مارکیٹ میں حصص کی شارٹ سیلنگ کو اپ ٹک رول سے مشروط کر دیا گیا ہے۔

    اسٹاک مارکیٹ کے تمام شراکت داروں کی مشاورت سے لیا گیا یہ فیصلہ مارکیٹ میں لیکوڈیٹی کو بحال رکھنے میں معاون ہوگا، اس حوالے سے ایس ای سی پی کے جاری کردہ سرکلر کے مطابق فیوچر مارکیٹ کے 36 حصص میں شارٹ سیلنگ کو اپ لنک رول سے مشروط کیا گیا ہے۔

    کرونا کا وار، پاکستان میں 2 اموات کی تصدیق، متاثرہ افراد کی تعداد 292 تک پہنچ گئی

    میوچل فنڈ انڈسٹری کو سپورٹ دینے کے لیے قرض کی مدت کو 90 دن سے بڑھا کر 360 دن کر دیا گیا ہے، کمیشن نے مارکیٹ کے ٹی آر ای سی ہولڈرز کی کم از کم سرمائے کے عوض ڈیپازٹ کی شرائط کو بھی کم کر دیا ہے۔ ایس ای سی پی نے مارکیٹ میں نئے اکاؤنٹ کو کھولنے کے لیے KYC کی تصدیق کو مکمل کرنے کے لیے بھی سہولت فراہم کر دی ہے، جس سے نئے سرمایہ کاروں کے لیے کے وائی سی کا عمل 90 دن میں مکمل کیا جا سکے گا۔

    ایس ای سی پی کا کہنا تھا کہ مارکیٹ کی صورت حال پر مسلسل نظر رکھے ہوئے ہیں، تمام متعلقہ اداروں، شراکت داروں کے ساتھ مسلسل رابطے میں ہیں۔

  • کرونا وائرس: 2008 کے بعد سے دنیا بھر کی اسٹاک مارکیٹس میں بدترین مندی

    کرونا وائرس: 2008 کے بعد سے دنیا بھر کی اسٹاک مارکیٹس میں بدترین مندی

    نیویارک / برلن / ٹوکیو: کرونا وائرس کے باعث دنیا بھر کی اسٹاک مارکیٹس میں مندی کا رجحان دیکھا جارہا ہے، گزشتہ کاروباری ہفتہ 2008 سے اب تک کا بدترین ہفتہ رہا۔

    تفصیلات کے مطابق دنیا بھر میں کرونا وائرس کے معیشتوں پر بدترین وار جاری ہیں، گزشتہ کاروباری ہفتہ عالمی اسٹاک مارکیٹس کے لیے بدترین ثابت ہوا۔

    گزشتہ ہفتے کے آخری کاروباری روز عالمی حصص بازاروں میں ریکوری دیکھی گئی تاہم یہ ہفتہ 2008 سے اب تک کا بدترین رہا۔

    امریکا کے ڈاؤ جونز انڈیکس میں ایک ہفتے میں 2 ہزار 237 پوائنٹس کی کمی ہوئی جبکہ امریکی نیسڈیک میں 556 پوائنٹس کی کمی دیکھی گئی۔

    برطانوی اسٹاک مارکیٹ میں 538 پوائنٹس کی کمی ہوئی، جرمن اسٹاک مارکیٹ میں 14 سو 62 پوائنٹس اور فرانسیسی مارکیٹ میں 699 پوائنٹس کی کمی ہوئی۔

    جاپانی اسٹاک میں 2 ہزار 325 اور ہانگ کانگ اسٹاک مارکیٹ میں 959 پوائنٹس کی کمی ہوئی۔

    ادھر بھارتی اسٹاک مارکیٹ میں 19 سو 90 پوائنٹس کی کمی ہوئی جبکہ پاکستانی اسٹاک مارکیٹ میں بھی 2 ہزار 159 پوائنٹس کی کمی دیکھی گئی۔

  • یورپی اسٹاک مارکیٹس میں تیزی، ایشیا میں مندی کا رجحان

    یورپی اسٹاک مارکیٹس میں تیزی، ایشیا میں مندی کا رجحان

    لندن / پیرس / بیجنگ: برطانوی و یورپی اسٹاک مارکیٹس میں معمولی تیزی دیکھی جارہی ہے جبکہ ایشیائی اسٹاک مارکیٹس بدستور گراوٹ کا شکار ہیں۔

    بین الاقوامی خبر رساں ادارے کے مطابق برطانیہ کے مرکزی بینک کی جانب سے شرح سود میں نمایاں کمی دیکھی جارہی ہے۔ برطانوی اسٹاک مارکیٹ میں کمی کے بعد 85 پوائنٹس کی تیزی دیکھی گئی۔

    دوسری جانب یورپی حصص بازاروں میں بھی کاروبار کے آغاز پر تیزی دیکھی گئی، جرمن اسٹاک مارکیٹ میں 203 پوائنٹس کی تیزی اور فرانسیسی اسٹاک مارکیٹ میں 92 پوائنٹس کا اضافہ ہوا۔

    ایشیائی اسٹاک مارکیٹس میں کاروبار بدستور زوال پذیر ہے اور کاروبار کا اختتام ریڈ زون میں ہورہا ہے۔ جاپانی اسٹاک مارکیٹ میں کاروبار کے اختتام پر 451 پوائنٹس کی کمی دیکھی گئی۔

    چینی اسٹاک مارکیٹ بھی مندی کا شکار رہی جبکہ ہانگ کانگ اسٹاک مارکیٹ میں 217 پوائنٹس کی کمی دیکھی گئی۔

    گزشتہ روز سعودی شیئرز مارکیٹ میں بھی ریکارڈ کمی دیکھی گئی تھی جس کے بعد سعودی شیئرز کی قدر میں 8.3 فیصد کمی واقع ہوئی۔ شیئرز کا لین دین 7.15 ارب ریال کا رہا، یہ ستمبر 2019 کے بعد سے کیش میں شیئرز کے لین دین کی سب سے بڑی شرح ہے۔

    خلیجی شیئرز مارکیٹ بھی گراوٹ کا شکار ہے، کویت اسٹاک ایکسچینج میں 10 فیصد، دبئی میں 7.9 فیصد اور ابو ظہبی مارکیٹ میں 5.4 فیصد کی کمی ریکارڈ ہوئی۔

  • کرونا وائرس: یورپی و ایشیائی اسٹاک مارکیٹس میں شدید مندی

    کرونا وائرس: یورپی و ایشیائی اسٹاک مارکیٹس میں شدید مندی

    بیجنگ / برلن / پیرس: کرونا وائرس کی وجہ سے دنیا بھر میں معاشی تنزلی جاری ہے، یورپی و ایشیائی اسٹاک مارکیٹس میں شدید مندی دیکھی جارہی ہے۔

    تفصیلات کے مطابق کرونا وائرس کے باعث معیشتوں کو نقصان پہنچنے کا سلسلہ جاری ہے، یورپی و ایشیائی اسٹاک مارکیٹس میں شدید مندی دیکھی جارہی ہے۔

    جرمن انڈیکس میں 729 پوائنٹس کی کمی دیکھی گئی، فرانسیسی انڈیکس میں 364 پوائنٹس کی کمی ہوئی۔ برطانوی مارکیٹ فٹسی میں 460 پوائنٹس کی کمی ریکارڈ کی گئی۔

    دوسری جانب ایشیا کی بیشتر اسٹاک مارکیٹس میں بھی مندی کا رجحان ہے، جاپانی اسٹاک مارکیٹ 11 سو 17 پوائنٹس کی مندی پر بند ہوا۔ چینی اسٹاک مارکیٹ میں کاروبار کے اختتام پر 4 فیصد کی کمی دیکھی گئی۔

    ہانگ کانگ انڈیکس میں کاروبار کے اختتام پر 11 سو 6 پوائنٹس کی کمی دیکھی گئی جبکہ جنوبی کوریا اسٹاک مارکیٹ میں کاروبار کے اختتام پر 4 فیصد کی کمی ریکارڈ ہوئی۔

    ادھر پاکستان اسٹاک مارکیٹ بھی آج کریش کر گئی اور 100 انڈیکس 21 سو سے زائد پوائنٹس تک گر گیا۔ پوائنٹس میں بدترین کمی کے بعد بینچ مارک انڈیکس 36 ہزار 113 پوائنٹس پر آگیا۔