ARYNews.tv | Urdu – Har Lamha Bakhabar

Tag: اسٹاک مارکیٹ

  • ’دانش کی 80 لاکھ کی سرمایہ کاری نے اسٹاک مارکیٹ کو آسمان پر پہنچا دیا‘

    ’دانش کی 80 لاکھ کی سرمایہ کاری نے اسٹاک مارکیٹ کو آسمان پر پہنچا دیا‘

    اے آر وائی ڈیجیٹل کے ڈرامے ’میرے پاس تم ہو‘ میں دانش کا کردار ادا کرنے والے ہمایوں سعید کی اسٹاک مارکیٹ میں بڑی سرمایہ کاری اور حقیقت میں اسٹاک مارکیٹ میں رواں ہفتے ہونے والی تیزی کے بعد سوشل میڈیا پر میمز بنانے کا سلسلہ چل نکلا۔

    اے آر وائی ڈیجیٹل پر نشر ہونے والا ڈرامہ ’میرے پاس تم ہو‘ اپنی مقبولیت کی بلندیوں کو چھو رہا ہے۔ گزشتہ قسط میں دانش کا کردار ادا کرنے والے ہمایوں سعید کو اسٹاک مارکیٹ میں بڑی سرمایہ کاری کرتے ہوئے دکھایا گیا تھا۔

    اتفاقاً اسی ہفتے اسٹاک مارکیٹ میں کاروبار میں بے تحاشہ تیزی دیکھی گئی جس کے بعد سوشل میڈیا پر دانش کی سرمایہ کاری کے حوالے سے طنز و مزاح کا طوفان امڈ آیا۔

    ڈرامے کی گزشتہ قسط میں دکھایا گیا کہ دانش کی سابقہ بیوی مہوش (عائزہ خان) اسے چھوڑ کر کروڑ پتی کاروباری شخص شہوار (عدنان صدیقی) کے پاس جا چکی ہے اور ابتدائی غم و صدمے کے بعد دانش اب زندگی کی طرف واپس لوٹ رہا ہے۔

    دانش پر بھی اب شہوار کی طرح دولت مند بننے کا بھوت سوار ہے جس کے لیے وہ سرکاری نوکری چھوڑ کر اور اپنا گھر بیچ کر کاروبار کرنا چاہتا ہے۔ تاہم ایک ہوٹل میں اتفاقاً شہوار کی کمپنی کے ملازمین کی گفتگو سننے کے بعد اسٹاک مارکیٹ میں سرمایہ کاری کا فیصلہ کرلیتا ہے۔

    وہ اپنے گھر کی فروخت سے حاصل ہونے والی 80 لاکھ روپے کی خطیر رقم سے شہوار کی کمپنی کے تمام شیئرز خرید لیتا ہے جس کے دام ویسے ہی گر رہے ہوتے ہیں۔

    دانش کا دوست اسے اتنی بڑی سرمایہ کاری کرنے سے منع کرتا ہے تاہم دانش کا ارادہ اٹل ہے۔ دانش کی سرمایہ کاری کے چند گھنٹوں بعد ہی شہوار کمپنی کے شیئرز کے دام میں اضافہ ہونے لگتا ہے۔

    حقیقت میں اتفاقاً اگلے ہی روز اسٹاک مارکیٹ میں کاروبار میں بے تحاشہ اضافہ دیکھا گیا اور 100 انڈیکس 9 ماہ بعد 40 ہزار کی سطح عبور کرگیا۔

    اس کے بعد ٹویٹر پر میمز بنانے کا سلسلہ چل نکلا اور لوگوں نے ڈرامے میں دانش کی سرمایہ کاری کو اسٹاک مارکیٹ کی تیزی سے جوڑتے ہوئے کہا کہ دانش کی ہی بدولت اسٹاک مارکیٹ آسمان کی بلندیوں کو چھو رہی ہے۔

    اے آر وائی ڈیجیٹل پر نشر ہونے والا ڈرامہ ’میرے پاس تم ہو‘ ہر ہفتے کی رات 8 بجے نشر کیا جاتا ہے۔ ڈرامے کے کرداروں اور ڈائیلاگز کو ناظرین کی بے تحاشہ پسندیدگی موصول ہورہی ہے۔

  • پاکستان اسٹاک ایکسچینج: 100 انڈیکس میں 40 ہزار پوائنٹس کی سطح دوبارہ بحال

    پاکستان اسٹاک ایکسچینج: 100 انڈیکس میں 40 ہزار پوائنٹس کی سطح دوبارہ بحال

    کراچی: ہفتے بھر کی لگاتار تیزی اور گزشتہ روز معمولی مندی کے بعد پاکستان اسٹاک ایکسچینج میں 100 انڈیکس میں 40 ہزار پوائنٹس کی سطح دوبارہ بحال ہوگئی۔

    تفصیلات کے مطابق کاروباری ہفتے کے تیسرے روز بدھ کو پاکستان اسٹاک مارکیٹ میں ایک بار پھر تیزی دیکھی جارہی ہے۔

    دن کے آغاز پر 100 انڈیکس میں 115 پوائنٹس کی کمی دیکھی گئی جس کے بعد 100 انڈیکس 39 ہزار 670 پوائنٹس کی سطح پر ٹریڈ کرنے لگا۔

    تاہم ایک گھنٹے بعد انڈیکس میں 200 سے زائد پوائنٹس کا اضافہ ہوا جس کے بعد 100 انڈیکس میں 40 ہزار پوائنٹس کی سطح دوبارہ بحال ہوگئی۔ اس وقت 100 انڈیکس 40 ہزار 7 پوائنٹس پر ٹریڈ کر رہا ہے۔

    خیال رہے کہ گزشتہ ہفتے سے اسٹاک مارکیٹ میں بے حد تیزی دیکھی جارہی ہے۔ رواں کاروباری ہفتے کے پہلے روز پیر کو 100 انڈیکس 40 ہزار پوائنٹس کی سطح عبور کر گیا تھا۔

    پیر کے روز دن کے اختتام تک 100 انڈیکس میں 836 پوائنٹس کا اضافہ ہوا تھا جس کے بعد 100 انڈیکس 9 ماہ بعد 40 ہزار کی سطح عبور کر کے 40 ہزار 124 پوائنٹس پر پہنچ گیا۔

    تاہم گزشتہ روز یعنی منگل کو انڈیکس میں 40 ہزار کی سطح برقرار نہ رہ سکی۔

    گزشتہ روز دن کے اختتام تک 100 انڈیکس میں 335 پوائنٹس کی کمی ہوئی جس کے بعد 100 انڈیکس 39 ہزار 788 پوائنٹس پر بند ہوا۔

    گزشتہ روز مارکیٹ میں 14.43 ارب روپے مالیت کے 44.84 کروڑ شیئرز کا کاروبار کیا گیا تھا۔

  • پاکستان اسٹاک مارکیٹ: مسلسل تیزی کے بعد 100 انڈیکس میں کمی

    پاکستان اسٹاک مارکیٹ: مسلسل تیزی کے بعد 100 انڈیکس میں کمی

    کراچی: پاکستان اسٹاک ایکسچینج میں مسلسل تیزی کے بعد مندی کا رجحان دیکھا گیا، دن کے اختتام پر 100 انڈیکس 39 ہزار 788 پوائنٹس پر بند ہوا۔

    تفصیلات کے مطابق پاکستان اسٹاک ایکسچینج میں کاروباری ہفتے کے دوسرے روز یعنی منگل کو انڈیکس میں 40 ہزار کی سطح برقرار نہ رہ سکی۔

    دن کے آغاز پر 100 انڈیکس میں 300 سے زائد پوائنٹس کا اضافہ ریکارڈ کیا گیا جس کے بعد انڈیکس 40 ہزار 338 پوائنٹس کی سطح پر ٹریڈ کرنے لگا۔

    تاہم اس کے بعد کاروبار میں کمی آنے لگی، دن کے اختتام تک 100 انڈیکس میں 335 پوائنٹس کی کمی ہوئی جس کے بعد 100 انڈیکس 39 ہزار 788 پوائنٹس پر بند ہوا۔ مارکیٹ میں 14.43 ارب روپے مالیت کے 44.84 کروڑ شیئرز کا کاروبار کیا گیا۔

    خیال رہے کہ 100 انڈیکس میں 40 ہزار کی سطح گزشتہ روز عبور ہوگئی تھی۔

    گزشتہ روز دن کے اختتام تک 100 انڈیکس میں 836 پوائنٹس کا اضافہ ہوا تھا جس کے بعد 100 انڈیکس 9 ماہ بعد 40 ہزار کی سطح عبور کر کے 40 ہزار 124 پوائنٹس پر پہنچ گیا۔

    گزشتہ ہفتے بھی اسٹاک مارکیٹ میں زبردست تیزی دیکھی گئی تھی۔ گزشتہ ہفتے سرمایہ کاروں کا اعتماد بھی بحال ہوا، مارکیٹ میں 1.73 ارب شیئرز کے سودے ہوئے۔ مارکیٹ کے ہفتہ وار کاروبار کی مالیت 61 ارب روپے رہی۔

    کاروبار میں تیزی کے بعد مارکیٹ کیپٹلائزیشن 264 ارب روپے اضافے سے 7511 ارب روپے رہی تھی۔

  • پاکستان اسٹاک ایکسچینج: 100 انڈیکس 9 ماہ بعد 40 ہزار پوائنٹس کی سطح عبور کر گیا

    پاکستان اسٹاک ایکسچینج: 100 انڈیکس 9 ماہ بعد 40 ہزار پوائنٹس کی سطح عبور کر گیا

    کراچی: کاروباری ہفتے کے پہلے روز یعنی پیر کے دن پاکستان اسٹاک ایکسچینج میں تیزی دیکھی گئی، 100 انڈیکس 40 ہزار کی سطح عبور کرگیا۔

    تفصیلات کے مطابق گزشتہ ہفتے پاکستان اسٹاک ایکسچینج میں زبردست تیزی کے بعد نئے ہفتے کے پہلے روز یعنی پیر کے دن بھی مارکیٹ میں تیزی کا رجحان دیکھا گیا، دن کے آغاز پر 100 انڈیکس میں 200 سے زائد پوائنٹس کا اضافہ دیکھا گیا۔

    ایک گھنٹے بعد 100 انڈیکس میں مزید 250 یعنی کل 450 سے زائد پوائنٹس کا اضافہ ہوا جس کے بعد انڈیکس 39 ہزار 740 پوائنٹس کی سطح عبور کر گیا۔

    دن کے اختتام تک 100 انڈیکس میں 836 پوائنٹس کا اضافہ ہوا جس کے بعد 100 انڈیکس 9 ماہ بعد 40 ہزار کی سطح عبور کر کے 40 ہزار 124 پوائنٹس پر پہنچ گیا۔

    100 انڈیکس میں 39 ہزار کی سطح گزشتہ ہفتے عبور ہوگئی تھی اور یہ 8 ماہ بعد ہوا تھا۔ گزشتہ ہفتے میں 100 انڈیکس میں 13 سو 61 پوائنٹس کا اضافہ ہوا تھا۔

    جمعے کے روز 500 سے زائد پوائنٹس کے اضافے کے بعد 100 انڈیکس 39 ہزار 287 پوائنٹس پر بند ہوا تھا۔

    گزشتہ ہفتے سرمایہ کاروں کا اعتماد بھی بحال ہوا، مارکیٹ میں 1.73 ارب شیئرز کے سودے ہوئے۔ مارکیٹ کے ہفتہ وار کاروبار کی مالیت 61 ارب روپے رہی۔

    کاروبار میں تیزی کے بعد مارکیٹ کیپٹلائزیشن 264 ارب روپے اضافے سے 7511 ارب روپے رہی۔

  • گزشتہ ہفتے پاکستان اسٹاک مارکیٹ میں زبردست تیزی

    گزشتہ ہفتے پاکستان اسٹاک مارکیٹ میں زبردست تیزی

    کراچی: گزشتہ ہفتے پاکستان اسٹاک ایکسچینج میں زبردست تیزی رہی، ہفتے کے آخری روز 100 انڈیکس 39 ہزار کی سطح عبور کرگیا۔

    تفصیلات کے مطابق گزشتہ ہفتے پاکستان اسٹاک مارکیٹ میں زبردست تیزی دیکھی گئی، ایک ہفتے میں 100 انڈیکس میں 13 سو 61 پوائنٹس کا اضافہ ہوا جس کے بعد انڈیکس 8 ماہ بعد 39 ہزار کی سطح عبور کرگیا۔

    گزشتہ ہفتے پیر کے روز اسٹاک مارکیٹ میں معمولی تیزی کے بعد منگل کے روز مندی کا رجحان دیکھا گیا تھا۔

    منگل کے روز انڈیکس میں 38 ہزار پوائنٹس کی نفسیاتی حد برقرار نہ رہی اور انڈیکس 374 پوائنٹس کمی کے بعد 37 ہزار 839 پوائنٹس پر بند ہوا تھا۔

    تاہم اگلے روز سے اسٹاک مارکیٹ میں پھر تیزی دکھائی دینے لگی۔ جمعرات کے روز 100 انڈیکس میں 620 پوائنٹس کا اضافہ ہوا جس کے بعد انڈیکس 38 ہزار 742 پوائنٹس پر ٹریڈ کرنے لگا۔

    جمعے کے روز 500 سے زائد پوائنٹس کے اضافے کے بعد 100 انڈیکس 8 ماہ بعد 39 ہزار پوائنٹس کی سطح عبور کر گیا۔ ہفتے کے آخری کاروباری روز 100 انڈیکس 39 ہزار 287 پوائنٹس پر بند ہوا۔

    گزشتہ ہفتے سرمایہ کاروں کا اعتماد بھی بحال ہوا، مارکیٹ میں 1.73 ارب شیئرز کے سودے ہوئے۔ مارکیٹ کے ہفتہ وار کاروبار کی مالیت 61 ارب روپے رہی۔

    کاروبار میں تیزی کے بعد مارکیٹ کیپٹلائزیشن 264 ارب روپے اضافے سے 7511 ارب روپے رہی۔

  • پاکستان اسٹاک ایکسچینج: 8 ماہ بعد 100 انڈیکس 39 ہزار پوائنٹس کی سطح عبور کر گیا

    پاکستان اسٹاک ایکسچینج: 8 ماہ بعد 100 انڈیکس 39 ہزار پوائنٹس کی سطح عبور کر گیا

    کراچی: پاکستان اسٹاک ایکسچینج میں 500 پوائنٹس کا اضافہ دیکھا جارہا ہے، 100 انڈیکس 8 ماہ بعد 39 ہزار پوائنٹس کی سطح عبور کر گیا۔

    تفصیلات کے مطابق ہفتے کے آخری کاروباری روز پاکستان اسٹاک مارکیٹ میں تیزی دیکھی جارہی ہے۔ دن کے آغاز پر 100 انڈیکس میں 300 سے زائد پوائنٹس کا اضافہ ہوا اور کچھ دیر بعد مزید 200 پوائنٹس کا اضافہ ہوا۔

    500 سے زائد پوائنٹس کے اضافے کے بعد 100 انڈیکس 8 ماہ بعد 39 ہزار پوائنٹس کی سطح عبور کر گیا۔ اس وقت انڈیکس 39 ہزار 227 پوائنٹس پر ٹریڈ کر رہا ہے۔

    گزشتہ روز بھی اسٹاک مارکیٹ میں تیزی کا رجحان دیکھا گیا تھا، 100 انڈیکس میں 620 پوائنٹس کا اضافہ ہوا جس کے بعد انڈیکس 38 ہزار 742 پوائنٹس پر ٹریڈ کر رہا ہے۔

    رواں ہفتے منگل کے روز اسٹاک مارکیٹ میں مندی کا رجحان دیکھا گیا تھا۔ منگل کے روز انڈیکس میں 38 ہزار پوائنٹس کی نفسیاتی حد برقرار نہ رہ سکی اور انڈیکس 374 پوائنٹس کمی کے بعد 37 ہزار 839 پوائنٹس پر بند ہوا تھا۔

  • ایشیائی اسٹاک مارکیٹس میں تیزی کا رجحان

    ایشیائی اسٹاک مارکیٹس میں تیزی کا رجحان

    امریکا اور چین میں جاری تجارتی جنگ میں مثبت پیش رفت کے بعد بیشتر ایشیائی اسٹاک مارکیٹس میں مثبت رجحان دیکھا جا رہا ہے۔

    تفصیلات کے مطابق کاروباری ہفتے کے پہلے روز ایشیا کی بیشتر اسٹاک مارکیٹس میں مثبت رجحان دیکھا جا رہا ہے۔

    گزشتہ ہفتے امریکی صدر ڈونلڈ ٹرمپ نے کہا تھا کہ چین اور امریکا تجارتی معاملہ حل کرنے کے بہت قریب ہیں۔ چینی صدر نے بھی کہا تھا کہ باہمی اتفاق رائے اور برابری کی بنیاد پر مسئلے کو حل کریں گے۔

    ان اعلانات کے بعد بیشتر ایشیائی حصص بازاروں میں تیزی ریکارڈ کی گئی۔

    چینی اسٹاک مارکیٹ میں 182 پوائنٹس، ہانگ کانگ اسٹاک مارکیٹ میں 400 پوائنٹس، جاپانی حصص بازار میں 88 اور کورین اسٹاک مارکیٹ میں 282 پوائنٹس کا اضافہ ریکارڈ کیا گیا۔

  • گزشتہ ہفتے ڈالر کی قیمت میں 10 پیسے کمی

    گزشتہ ہفتے ڈالر کی قیمت میں 10 پیسے کمی

    کراچی: گزشتہ ہفتے ڈالر کی قیمت میں 10 پیسے کی معمولی کمی واقع ہوئی جس کے بعد ڈالر کی قیمت 155.39 سے کم ہو کر 155.29 روپے ہوگئی۔

    تفصیلات کے مطابق انٹر بینک میں گزشتہ ہفتے کے دوران ڈالر کی قدر میں 10 پیسے کمی واقع ہوئی۔ ہفتے کے اختتام پر انٹر بینک میں ڈالر کی قیمت 155.39 سے کم ہو کر 155.29 روپے پر جا پہنچی۔

    ایک ہفتے کے دوران اوپن مارکیٹ میں بھی روپے کی قدر میں اوسطاً استحکام رہا۔ اوپن مارکیٹ میں ڈالر 155.40 روپے پر برقرار رہا۔

    گزشتہ ہفتے اسٹاک مارکیٹ میں بھی کاروبار میں تیزی رہی، ایک ہفتے میں 100 انڈیکس میں 0.9 فیصد کا اضافہ ہوا۔

    پاکستان اسٹاک ایکسچینج میں گزشتہ ہفتے 100 انڈیکس میں 342 پوائنٹس کا اضافہ ہوا جس کے بعد 100 انڈیکس 37 ہزار 583 پوائنٹس سے بڑھ کر 37 ہزار 925 پوائنٹس پر بند ہوا۔

    مارکیٹ رپورٹ کے مطابق ایک ہفتے میں مارکیٹ کپیٹلائزیشن بھی 33 ارب روپے اضافے سے 7 ہزار 247 ارب روپے ہوگئی۔

  • سعودی خام تیل کی سہولت ،اسٹاک مارکیٹ زبردست تیزی کارجحان برقرار

    سعودی خام تیل کی سہولت ،اسٹاک مارکیٹ زبردست تیزی کارجحان برقرار

    کراچی : سعودی خام تیل کی سہولت کے باعث اسٹاک مارکیٹ میں تیزی کاسلسلہ جاری ہے اور سرمایہ کار سرگرم ہے، 100انڈیکس 970 سے زائد پوائنٹس کے اضافے کے بعد 35ہزار600کی سطح عبور کرگیا۔

    تفصیلات کے مطابق سعودی خام تیل کی سہولت، جاری کھاتوں کے خسارے میں کمی اور روپےکی قدر سے پاکستان کے معاشی فرنٹ پر استحکام آگیا۔

    آج بھی پاکستان اسٹاک مارکیٹ میں زبردست تیزی کا رجحان برقرار ہے، ہنڈرہیڈ انڈیکس میں کاروبار کے دوران نو سو پوائنٹس کا اضافہ ریکارڈ کیا گیا، جس سے انڈیکس 2.73فیصداضافےسے پینتیس ہزار تین سو چھیالیس پوائنٹس پر آگیا۔

    معاشی ماہرین کا کہنا ہے سخت اور مشکل فیصلوں کے بعد بے یقینی کی فضاچھٹ گئی۔

    مزید پڑھیں : اسٹاک مارکیٹ میں زبردست تیزی، 100 انڈیکس میں 1195 پوائنٹس کا اضافہ

    گذشتہ روز پاکستان اسٹاک مارکیٹ بھی تیزی دیکھی گئی، ہنڈریڈ انڈیکس 1195پوائنٹس کے اضافے کے بعد 34ہزار 637 پوائنٹس پر بند ہوا، ٹریڈنگ کے دوران انڈیکس میں بارہ سوپوائنٹس کا اضافہ دیکھا گیا اور کاروبارکا اختتام بھی مثبت زون میں ہوا تھا۔

    یاد رہے مشیر خزانہ حفیظ شیخ نے کہا تھا کہ سعودی عرب تین سال تک پاکستان کو3 ارب 20 کروڑ ڈالر کا تیل ادھاردے گا، پاکستان کےعوام کی حمایت پر سعودی ولی عہد کا شکرگزارہوں، اس سے پاکستان کی ادئیگیوں کے توازن کی پوزیشن بہترہوگی۔

    انھوں نے بتایا کہ سعودی عرب یکم جولائی 2019 سے ہرماہ 275 ملین ڈالر کا تیل ادھاردے گا۔

  • آئی ایم ایف بیل آوٹ پیکج : 100انڈیکس میں400 سے زائد پوائنٹس کی کمی

    آئی ایم ایف بیل آوٹ پیکج : 100انڈیکس میں400 سے زائد پوائنٹس کی کمی

    اسلام آباد : آئی ایم ایف کاپاکستان کےلیے6ارب ڈالرکابیل آوٹ پیکج بھی اسٹاک مارکیٹ میں بہتری نہ لاسکا، کاروبار کے دوران 100انڈیکس میں 400  سے زائد پوائنٹس کی کمی ہوئی اور انڈیکس34 ہزار 350کی سطح سے نیچے آگیا۔

    تفصیلات کے مطابق آئی ایم ایف پروگرام کے بعد کاروباری ہفتے کے آغاز میں اسٹاک مارکیٹ میں تیزی کارجحان دیکھا گیا ، کاروبار کے دوران 100 انڈیکس میں 500 پوائنٹس کا اضافہ ہوا اور 100 انڈیکس 35 ہزار 227 پوائنٹس کی سطح عبور کرگیا

    اچانک اسٹاک ایکسچینج میں تیزی مندی میں تبدیل ہوگئی اور کاروبار کے دوران 100 انڈیکس میں 400 سے زائد پوائنٹس کی کمی ریکارڈ کی گئی ، جس کے بعد انڈیکس34 ہزار350کی سطح سے بھی نیچے آگیا۔

    انڈیکس میں اب تک 900 پوائنٹس کے رینج بینڈ میں کاروبار ہوچکا ہے۔

    یاد رہے پاکستان اورآئی ایم ایف کےدرمیان معاہدہ طے پاگیا ہے ،تین سال میں چھ ارب ڈالرملیں گے، پاکستانی حکام اور آئی ایم ایف ٹیم کے درمیان معاہدے پر عملدرآمد آئی ایم ایف کا ایگزیکٹو بورڈ کی توثیق کے بعد کیا جائےگا۔

    مزید پڑھیں : اسٹاک مارکیٹ 4 سال کی کم ترین سطح پر، سرمایہ کاروں کے 115 ارب ڈوب گئے

    خیال رہے گزشتہ ہفتے کے دوران 100انڈیکس 1406 پوائنٹس کمی سے 34716 پر بند ہوا اور 15.93 ارب روپے مالیت کے36 کروڑ شیئرز کا کاروبار ہوا جبکہ کاروباری ہفتے میں مارکیٹ کیپٹلائزیشن 245 ارب روپے کم ہوکر 7126 ارب روپے ہوگئی تھی۔

    انڈیکس 4 سال کی کم ترین سطح 34 ہزار 900 کی سطح تک گرگیا تھا اور سرمایہ کاروں کے115ارب ڈوب گئے تھے۔