سڈنی: سابق کپتان معین خان نے کہا ہے کہ آسٹریلیا کے خلاف مشکل ٹاسک ضرور ہے کھلاڑیوں کو کامیابی حاصل کرنے کے لیے بہت محنت کرنا ہوگی۔
تفصیلات کے مطابق اپنے ایک بیان میں سابق کپتان کا کہنا تھا کہ آسٹریلیا کے خلاف سیریز جیتنے کے لیے ٹیم کو محنت کرنا ہوگی، دعاگو ہوں نئی ٹیم اور منیجمنٹ آسٹریلیا میں کامیاب رہے۔
انہوں نے مزید کہا کہ سرفراز احمد کے ساتھ زیادتی ہوئی لیکن انہیں دلبرداشتہ نہیں ہونا چاہیے، مجھے یقین ہے وہ کم بیک کرے گا۔
ادھر قومی کرکٹ ٹیم کے جارح مزاج بیٹسمین فخر زمان نے آسٹریلیا کے خلاف سیریز جیتنے کے عزم کا اظہار کرتے ہوئے کہا ہے کہ آسٹریلیا سےاچھے مقابلے ہوں گےاورسیریزجیتیں گے۔
آسٹریلیاسےسیریز جیتیں گے، فخر زمان
واضح رہے کہ قومی کرکٹ ٹیم نے ٹی ٹوئنٹی وارم اپ میچ میں آسٹریلیا الیون کو با آسانی شکست دے کر دورے کا پرُاعتماد آغاز کیا ہے۔
ہدف کے تعاقب میں اوپنرز فخرزمان اور بابر اعظم نے شاندار بیٹنگ کا مظاہرہ کیا اور ٹیم کی جیت کو آسان بنا دیا، پاکستان نے مقررہ ہدف 18 ویں اوور میں حاصل کرلیا۔
