Tag: اسٹریٹ کرائم

امیر جماعتِ اسلامی کراچی حافظ نعیم الرحمان نے وزیراعلیٰ سندھ سے استعفے کا مطالبہ کردیا اور  کہا اسٹریٹ کرائم پر قابو نہ پایا تو عید کے بعد وزیراعلیٰ ہاؤس پر دھرنا دیں گے۔

امیر جماعتِ اسلامی کراچی حافظ نعیم الرحمان نے کہا کہ جو لوگ بھی ان دہشتگردوں کو مینڈیٹ دے رہے ہیں دنیا آخرت میں برباد ہونگے، پوری قوم کی رائے کیخلاف ان لوگوں کو مسلط کیا گیا لیکن عوام کا کام ہے اب خاموش نہ بیٹھیں۔

انہوں نے کہا کہ سندھ حکومت اور اعلیٰ حکام سے پوچھتا ہوں عوام کا تحفظ کہاں ہے، شہریوں کے جان و مال کا تحفظ کرنا حکومت اور قانون نافذ کرنے والوں کا کام ہے، یہاں پر کتنی پٹرولنگ ہوتی ہے تھانوں کو کچھ پتا ہی نہیں ہوتا۔

حافظ نعیم کا کہنا تھا کہ جو یہ تباہی کررہے ہیں وہ بھگتیں گے مگر عوام کا کیا قصور ہے، کراچی کے شہریوں کا قصور کیا ہے عوام کے بچے محفوظ نہیں ہیں، والدین بچوں سے کہتے ہیں کوئی موبائل مانگے تو دے دینا، ہمارا کیا قصور ہے کہ ڈاکوؤں کو ہم پر مسلط کردیا جائے۔

حافظ نعیم الرحمان نے کہا کہ اسٹریٹ کرائم پر قابو نہ پایا تو عید کے بعد وزیراعلیٰ ہاؤس پر طویل دھرنا دیں گے، اب عوام کو نکلنا پڑے گا جلد لائحہ عمل کا اعلان کرینگے، یہاں تھانے بکتے ہیں، وزیراعلیٰ کو یہ نہیں معلوم ڈاکوؤں کے پاس توپیں کہاں سے آئیں۔

 ان کا کہنا تھا کہ تھانے میں کوئی اچھا ایس ایچ او ہو بھی تو وہ مجبور ہوتا ہے، ہم نہیں چاہتے کہ جگہ جگہ رکاوٹیں کھڑی ہوں، نوجوانوں کو اسلحہ لائسنس دیں تاکہ وہ خود اپنا تحفظ کریں، گلیوں میں رکاوٹیں لگائیں تو کوئی ہٹانے نہ آئے۔

انہوں نے مزید کہا کہ ہمارے ٹیکسز سے ادارے اور انکی نوکریاں چلتی ہیں، پیپلز پارٹی حکومت کا 16واں سال ہے پولیس میں کیاکیاہے، پولیس کی اکثریت مقامی لوگوں پر مسلط ہوتی ہے، وزیرداخلہ بتائیں اس شہر کے کتنے لوگوں کی پولیس میں نمائندگی ہے۔

کراچی: شہر قائد میں جہاں اسٹریٹ کرائم کی واردات میں اضافہ ہوا ہے وہاں طریقہ واردات بھی تبدیل ہوتا جارہا ہے، اب مرد ڈکیٹ سے ساتھ خاتون بھی شہریوں کو لوٹنے لگی ہیں۔

تفصیلات کے مطابق یہ واردات کراچی کے علاقے نارتھ ناظم آباد میں پیش آیا جہاں مسلح خاتون اور مردنے پھل فروش کو لوٹ لیا، تربوز خریدنے کے بہانے مسلح خاتون اور مرد رقم لے کر فرار ہوگئے۔

متاثری پھل فروش نے بتایا کہ موٹر سائیکل پر آنے والے مرد اور خاتون نے تربوز خریدے جس کی قیمت 680 روپے بنی تو مجھ سے پوچھا 5 ہزار کا کھلا ہے، میں نے کہا کھلا مل جائے گا، پیسے کاٹ کر باقی واپس کردیے۔

پھل فروش نے بتایا ’ انہوں نے کہا تربوز واپس کرو تم مہنگے دے رہے ہو، میں نے ان کے پیسے واپس کر کے تربوز واپس لے لیے، جیسے ہی ریڑھی پر کھڑا گاہک گیا‘۔

پھل فروش نے بتایا کہ یہ موٹر سائیکل پر واپس آئے، خاتون نے لیڈیز پرس سے اور مردنے اپنا چھپایا ہوا پستول نکالا، مجھ سے ریڑھیوں کا کیش 60 ہزار 2 موبائل فون چھین لیے۔

واضح رہے کہ پھل فروش کی جانب سے گلبرگ تھانے میں درخواست دیدی گئی۔

کراچی: رینجرز اور پولیس نے مشترکہ کارروائی کرتے ہوئے پولیس وردی پہن کر منشیات فروش اور اسٹریٹ کرائم میں ملوث 2 ملزمان کو گرفتار کرلیا۔

تفصیلات کے مطابق رینجرز اور پولیس نے انٹیلی جنس بنیاد پر بلدیہ ٹاؤن میں چھاپہ کار کارروائی کی، اس دوران منشیات کے بین الاصوبائی اسمگلنگ گروہ کے سرغنہ کر گرفتار کرلیا۔

ترجمان رینجرز نے بتایا کہ گرفتار ملزمان میں عطااللہ، عدنان خان شامل ہیں، گرفتار ملزمان  کے قبضے سے پولیس یونیفارم، پولیس کے جعلی کارڈز، 2 پستول اور منشیات بھی برآمد ہوا ہے، ان میں ملزم عطااللہ منشیات کے بین الاصوبائی اسمگلنگ گروہ کا سرغنہ ہے۔

ترجمان رینجرز کے مطابق ملزم خیبر پختونخوا سے منشیات منگواتا ہے اور کراچی میں نو عمر افراد کے ذریعے سپلائی کرتا تھا، ملزم منشیات کی خریداری کیلئے مختلف اکاؤنٹس کا استعمال کرتا تھا۔

ترجمان رینجرز نے بتایا کہ بھاری رقوم خیبر پختونخوا میں اپنے ساتھیوں کو بھجواتا تھا، ملزمان پولیس وردی پہن کر اسٹریٹ کرائم وارداتیں کرتے تھے۔

ترجمان رینجرز نے مزید بتایا کہ ملزمان کے دیگر ساتھیوں کی گرفتاری کے لیے چھاپے مارے جا رہے ہیں، گرفتار ملزمان کو اسلحہ اور منشیات سمیت پولیس کے حوالے کردیا گیا۔

کراچی: رینجرز اور پولیس کی خفیہ اطلاع پر کورنگی میں مشترکہ کارروائی کے دوران پیٹرول پمپ لوٹنے والے ڈکیت گینگ کو گرفتار کرلیا گیا۔

  ترجمان رینجرز کے مطابق ڈکیتی  اور اسٹریٹ کرائم کی متعدد وارداتوں میں ملوث 3 ملزمان کو گرفتار کیا گیا ہے گرفتار ملزمان میں سرغنہ دلشاد علی، یعقوب عرف لاہوری اور علی حسن شامل ہیں، ملزمان کے قبضے سے اسلحہ اور موٹرسائیکل برآمد ہوئی ہے۔

ترجمان کا  بتانا ہے کہ ملزم نے اعتراف کیا کہ 16 جون کو بلال چورنگی کے قریب پیٹرول پمپ کیشئر کو لوٹا تھا، ملزمان 17 لاکھ روپے کیش لوٹ کر فرار ہوئے تھے۔

ترجمان رینجرز کا کہنا ہے کہ ملزمان نے کراچی کے مختلف علاقوں میں متعدد وارداتوں کا بھی اعتراف کیا ہے، دیگر ساتھیوں کی گرفتاری کے لیے چھاپے مارے جا رہے ہیں، گرفتار ملزمان کو قانونی کاروائی کے لیے پولیس کے حوالے کر دیا گیا۔